🦋جعلوني زوجة له 🦋 (مكتملة )

part44

💎جعلوني زوجة له💎
جزء44
مروان:بصح عندك الحق
الياس:اجي من هاد تزويجة بشحال خرجتي،انا هنقوليك خرجتي بشي ملاين قلال هاد لملاين واش هيعيشوك فنفس لمستوى لكنتي عايش بيه مع عائلة ارسلان لجواب لا
مروان:دابا اناا شنوو خاصني ندير
الياس:وداابا دويتي هتحاول ترجع تكسب مراتك وعتاذر منها وطلب منها سماحة الى اخره وملي تسمحليك وترجع معاها ضرب ضربتك نتاقم منها على كاع سنين لستغلاتك فيهم وجمع حصيصة وانا هنعاونك تيقني من هنا لقدام غادي دير ثروة كضوبل تروة عائلة ارسلان
بقا الياس داااوي دااوي وكيدخل مروان من باب وكيخرجو من باب دار ليها غسيل دماغ وفاﻷخير قتاانع من بعد كل واحد ناض مشا فحالو.
طلع الياس فطوموبيل وهو يعيط ليه باه
الياس:الوو لواليد
زروال:(كيغوت)فييييينك
الياس:هااني جااي ماالك
زروال:انا كنت قلت ليك بلي لقمان كيوجد لشي حاجة وبلي هو ماشراش شركة فالمغرب هكاك
الياس:اه
زروال:هو شرا شركة باش يبدا يهرب لحشيش بغا يزاحمنا فسوق
الياس:هههه ومن بعد حتى واحد مهايبغي يبيع ليه كاع تجار ديال لحشيش صحابنا
زروال:غاالط اسيدي ،لبارح تلاقى مع صحابنا وقنعهم وباعو ليه(كيغوت)غدروووني خووواااو بي
الياس:لوااليد تهدن هاني جااي وهنشوفو هاد لحريرة شنو قضيتها

قطع الياس على زروال وخلا هاد اخير كيبخ وكيغوت كان واقف فجردة كولو كيترعد هز راسو لفوق وهو يشوف زهرة واقفة فلبالكو كتكسل
زروال:وااخدة لي رااحتك الالا وااخا
دخل زروال داخل لفيلا وطلع لعند زهرة لبيت دفع لباب بلا مايدخل
زهرة:سيي زرواال
زروال:تاااصلي لي بجنان بغييت نتلاقى معااها اليووم
زهرة:راه قلت لييك جنان مريضة مهاتقدرش تجي
زروال:ايناا مرض عندها حتى مايخليهاش تجي لعندي
زهرة:لقمان سلخها و (تزبقات ليها)ااا كنقصد بلي
زروال:(قاطعها)كيفااش سلخها (قرب حداها)ننتي شنوو مخبية علي امم
زهرة:واالو
زروال:الى بغيتينا نزيدو لقدام وننتاقمو من مسعود خاصك تعااودي لي كلشي تفاصيل ديال تفاصيل
زهرة:وااخا،صراحة جنان سلخها لقمان
زروال:وعلااش
زهرة:اشش هنقوليك وكيفاش هنقولها انا شحال هادي ملي سيفطت جنان تجسس على لقمان طاحت فيه وبغاتو وهو ماعطلهاش نعس معاها ووقعو بيناتهم بزاف ديال لحوايج ومن بعد لقمان لاحها كيف لاح غيرها وهي ماتقبلاتش هادشي وناضت دارت بخوه وتزوجاتو
زروال:(عينيه خرجو)دابا لقمان كانت عندو علاقة مع مرات خوه
زهرة:ااه شووف وااياك تستغل هادشي باش تنناقم من مسعود،لقمان راه ولدي مانبغيهش يتآدى
زروال:لاا لاا كووني هانية
💎جعلوني زوجة له💎
جزء112
نرجعو عند فدوى لغير خرج لقمان جابوليها الفطور
فدوى:ودابا انا فين هناكل يالاه اففف بلانات ديال والو
خرج هداك لجابلي فطور كانت قهوة اومبورطي وشي بتيبان كليتهم وطلعت الفوق صراحة البيت كان مفرش وخا ناقصو شوية ولكن رومنسي ناموسية مدورة ومكبيراش بزاف وفراشها بيض واونفاص ليها كوافوز بيض وجهة اخرى كاين دريسنغ خاوي ومتوسطاه مراية طويلة وعريضة وشوانط تماك لغير بانو لي تلاحيت عليهم كنستف جهتي بوحدها وجهة لقمان بوحدها، هايلي هايلي شمنك يامكانات لحطيتهم فمجر بوحدو وكرافطات فلوان وشكال حطيتهم فلمجر وستسفتهم ليه بقاولي غير روايح ودهاني حطيتهم فلكوافوز من بعد ساعة ديال توجاد جلست فوق ناموسية كنرتاح حتى كنسمع الحركة لتحت هبطت بانولي داخلين بزاف ديال رجال ومعاهم اثاث هبطت كنبقشش فدوك الكراطن تا طيحت واحد زاجة وهو يجي عندي واحد تيتيز اااح الله
..... مدام سمحيلي هنحيد زاج من ارض بعدي باش متقاصيش
فدوى:لا ماشي موشكيل(هبطات عندو)سمحلي هرست ليكم هادشي
.....ماشي موشكيل امدام هنجيبو وحدة اخرى
فدوى؛(بابتسامة) والله حتى عدبتكم معايا
مزالة كنهضر حتى تما داخل هداك لجابلي فطور هاز تيليفون فيديه
..... مدام تكلمي
شديت تيليفون وهو يتقب ودني من الغوات
لقمان:لا واقيلة طلعيه البيت نعاس حسن
فدوى:اويلي واش حمق
لقمان:هتجمعي ولا هنسد على مك فلبيت
فدوى:حاط علي عساس ولا شنو
لقمان:لفيلا كاملة عامرة بلكميرات مهاتفلت عليا حتى حاجة
فدوى(هزات رسها فصقف تا قشعاتهم وهي تغوبش) انت بزاف هاني ساكتة كاع بناقص
لقمان:ودابا تكمشي لغدا يوصلاك شوية
فدوى:باقي حال يلاه 12 دنهار
لقمان:مهم وقت لبغيتي كوليها لدري يرا غدي يجيبو ليكم وبلانا نبقى حاضيك  لاحلي هضرة قطع ومكال تابسلامة يخ كنس ناقص مافيه تاصواب
نرجعو القصر عائلة ارسلان فين كان رجاء فوق الفطوي كالسة وحداها لكبيرة ومسعود كيمشي ويجي عليها
مسعود:مستحيل نخلي عائلتي تشتت هكدا ونبقى واقف تا من فدوى ضدنا دابا
رجاء:واش غنديرو
مسعود:فدوى خاصنا رجعو نكسبو ثقة ديالها فيها
رجاء:وكيفاش
مسعود:غادية نعطيوها حقها من ورث ديال ادم خاصها تاخد نصيبها شرعي انا دابا غنمشي عند محامي ديال ادم
خرج مسعود من تماك وهو نار شاعلة فيه من فقصة ديال ولادو لكيشفوهم كيتشتتو واحد بواحد..... وقفات سبارتو قدام واحد العمارة وطلاع فيها قاصد مكنتب ديال محامي.... وقف قدام الباب ودخال بفين كانت الكاتبة ديالو عندها مكتب صغير وهازة تيليفون كتهضر.... شافتو واقف وقطعات تيليفو مبتاسة وبكل احترام وقفات
..... مسيو ارسلان تفضل
مسعود:منصور كاين
...... اه كاين بلاتي
قبل متجاوبو دفع الباب ودخال على لمحامي لغير شافو وقفز من بلاصتو
منصور:مرحبا بمسيو رسلان (سلام عليه) تفضل كلاس
مسعود: شكرا
منصور:شرفتينا اميسو ارسلان فمكتب ديالي
مسعود:كنضن راك عارف لاش جيت
منصور:امممم على حساب
مسعود:كيف كتعرف ولدي ادم مات الله يرحمو
منصور:الله يرحمو
مسعود:وانت عارف ولدي خلا املاكو وبغيت نفرق الورث ديالو
منصور(تبسم ليه) فهمتك ولكن مسيو ادم قبل ميموت خلا وصية
مسعود:مفهمتش
ناض من حداه ومشا لواحد لمجر كبير موراه قلب مابين الوراق وجبد واحد الملف وعطاه ليه.... شدو مسعود وقراه تال اللخر وحطو وهو كيشوف فيه مصدوم
منصور:كيف كتشوف موسيو ادم نهار زواجو عيطلي وكتب كاع املاكو فسمية مدام فدوى وسينات على الوراق هي بلاما تعيق يعني ادم مخلا موراه تاشيحاجة دالورث كولشي فسمية الارملة ديالو
مسعود(بلاع ريقو) وخا شكرا بزاف(وقف) خليتك على خير
يتبع