🦋جعلوني زوجة له 🦋 (مكتملة )

part73

💎جعلوني زوجة له💎
جزء 73
فليل
رجع لقمان القصر بليل وتما داخل وهو كيطرطق فصبعانو وعنقو كتبان ليه غير فدوى بين عينيه لنهار كامل ماحيداتش من بالو على فعلة لدارت فيه
دخل لبيت ماباانتش ليه فيه رجع راسو لور وزعف
لقمان :(كيهضر تحت سنانو)وخا ابنت رقية صحاب راسك فلتي منها
زدح الباب وقلب دورة غادي جهة بيت جيهان دفع الباب حتى قفزو بجوجهم وشافو فيه مخلوعين
لقمان:(غوت) تحركي قودي قدامي(نتابه لجيهان) مالك نتي
جيهان:(كتمسح وجهها) مامالي والو

صغر عينيه كيشوف فيها وطلع حاجبو

لقمان:شفتي داك زام** لنتي دابا شادة الحزن عليه عنداك يصحاب ليك راسك نسيتووو غير ملاهي مع لخدمة غنسالي ليه غادي ندفن مو(قرب ليها) كنقسم فمي بالله اختي ونعرف بلي بيناتكم شي حاجة معدية الحدود ولا كتمس شرف ديالي تا ندفنك معاه
بلعات جيهان ريقها كتشوف فيه بخوف ماقداتش تجاوبو حيت عارفاه يديرها وشافت فدوى لماعجبهاش الوضع وجات قبالت وجهو كتشوف فيه بتحدي

فدوى:اش غدير كاع ياك لاباس ضل تغوت وتحلف وتهدد فينا شوف لبنت كيفاش حالها عيشتيها فرعب كفاية باها مريض ومخلوعة عليه تزيدها نتا بهضرتك ياك اودي لاباس عيقتي لااا
لقمان:(تحت سنانو) ماشي سوقك بيني وبين ختي ماتدخليش
فدوى:لا سوقي ماكانتش بيناتنا انا وياك علاقة جامعانا من غير زواج اسيدي فهادي من نهار دخلت لهاد قصر عتابرتها ختي حيت لقيتها حسن منكم ونية وحدة لبنت اش دارت غلطات عادي كلشي كيغلط ،وزيدون اخر واحد يدوى على شرف هو نتا حيث ملي كنتي مع ديك لقحبة كنتي مزوج بي ومشيتي كتزهو معاها فلحرام حاشا واحد فحالك واش يكون عندو شرف وبلاما نزيد نهضر اولد زهرة
شدها من شعرها وزير عليها وهو كارز على سنانو كيسوط
لقمان:لا غيير زيدي هضري باش ندفن مك نتي وهاد زهرة لكتجبديها لي كل شوية

فدوى وهي شادة ليه فدراعو

فدوى:كيصحابليك بلي نتا بوحدك من حقك تغلط فحقوق ناس ودير لبغيتي ومايعاتبك حد لا راك غالط حنا كلنا ضعاف قدام قلبنا (كتشير جهة قلبها) شفتي هدا هو نقطة ضعفنا سخونية لكتشعل فيه فاش كنحبو عمرك ماغادي تحس بيها حيت ماعندكش القلب اصلا حيدتيه وحطيتي بلاصتو حجرة عمرك مهادوق نعمة الحب هتبقى ديما هااكا مريض ومعقد
لقمان؛(نفسو سخونة كتضرب فيها) اه قلبي بلاصتو حجرة وعمري هندوق هاد تفاهات ديالكم ولا هنوصل لذلكم ،تخربيق قاليك حب شنو بغيتي نتحنى ليك ولا شنو، فيقي الالاهم فدوى راك مع لقمان ماشي زوا**لمالفة بيهم

جيهان(كتبكي) خويا فدوى براكة عفااااك

خنزر فيها وجر فدوى من شعرها وهي كتنتر منو حتى وصلو لبيت دفعها تا طاحت فارض وسورت لباب كيمشي ويجي عليها ويحك فلحيتو
فدوى:عمرك مهاتولي بنادم ولا بشر  هتبقى حياتك كاملة حيوان
دار عندها بزربة ووقفها من شعرها كيشوف فيها ونار خارجة من عينيه وبصوت خافت هضر
لقمان:حيوان يااااك
فدوى(بتحدي) ااااااه حيوااان(كتغوت) شماتة ماشي راجل موسخ  لاخور ااااه حيوااااان نتا ماشي بنادم (دفلات ليه على وجهو) واحد فحالك حاشة واش يكون بشر بحالنا (كتنهج) وهدوك لكتقول عليهم زوام** كانو رجال عليك على اقل ماداروش فيا هدشي لدرتي في نتا ،اجي نتا باش راجل بلكوا حتى كلب كيعرف حسن منك وثيقني نتا فحالك فحال لكلب حاجة وحدة لكتعرفوها هي كوا ونبيح وعرفتي شنو كلب كيبان لي حسن منك ارويجل
ماحسش براسو حتى جمع معاها بتصرفيقة طاحت الارض وبدا كيفوت على حر جهدو
لقمان:(كيغوت) سكت ليك بزااااااف افدوى بزااااف هضرتي وهضرتي وهضرتي وقصحتيني وانا ساكت وانت غير ماطالعة
هزات راسها فيها وشعرها مشتت على وجها ودم هابط ليها من جنب فمها من حر صقلة لمطراسية ليها فوجهها دفلات دم ومسحات جنب فمها وبدات كتنفض حوايجها باش توقف
فدوى:اساسا شمايت لفحالك  هادشي لكيعرفو
لقمان؛(صااعر) هانا هنوري لمك شماتة(كيحيد سمطة) انا هنربيك حلفت ما نمد يدي عليك ولكن نتي القح** كتمشاي غير بلعصى حسن لمك لقميع
وقفات قبالتو وشافت فيه بتحدي وعينها مفيكسيا فيه
فدوى:شنو غدير هتبورد عليا مرحبا يالاه وريني حنة يديك الكلب(صاعرة) زيدي هاني عمرك مهاتكون راجل واخا ضل تضرب في حتى لصباح
ماجاوبهاش جمع معاها بتصرفيقة تانية طاحت ارض وبدا عليها بسمطة وهو كيغوت بهستيرية ويشير فيما جات دقة اما فدوى مادارت حتى شي ردة فعل حدها جمعات رجليها عندها وخشات راسها بيناتهم مخلياه يدير مبغا وهو صاعر عليها
لقمان:هتحمقيني افدوى(كيضربها) اعععععععععععععع شي نهار هنرتاكب شي جريمة فيك
🌺التتمة🌺
وعا على راسو اش كيدير لاح سمطة كينهج وكيشوف فيها مادارت حتى شي ردة فعل حدها كتنخصص وحانية راسها
رجع بلور داير يدو مورا عنقو كيفكر فاش هادشي دار ماحسش براسو.... غمض عينيه ورجع حلهم كيعض على شنافتو ومشا لدوش طلاق لما بارد عليه ووقف شحال حتى برد ورجع لقا فدوى مزالة فنفس الوضعية ماتحركاتش..... طوااال شوفة فيها ومشا تلاح فوق نموسية كيتصنت عليها كتنخصص
هزات راسها شافت فيه بنظرات كلهم حقد وكراهية وقفات كتسند على حيووط حتى وصلات لفوطوي تكات فوقو كتشوف فسقف وساهية داتها عينيها مافاقت غير على شعى لي ضرب فيها  مع صباح ... حطات يدها عليهم كتحاول تحميهم من ضو وفجأة تفكرات اش وقع لبارح تحلو  على كبرهم وطلقات تنهيدة عميقة عبرات على لقهرة لفقلبها ودارت مابانش ليها ناعس عرفاتو خرج وقفات بزز عضامها كلهم مدكدكين وبزز باش وصلات قبالت مراية شافت داتها لكلها مزوقة  وهوما ينزلو جوج دمعات سخان على وجهها بغات تمسحهم حسات بالم فجبهتها ودغيا نتبهات الجهة حنكها لمنفوووخ وزرق تحسرات على راسها وهزات راسها بثقة كتشوف فلمراية
فدوى:صافي لبغا يوقع يوقع غادي نهرب وبالخطة لراسمة فبالي واليوم هو انسب وقت صافي