🦋جعلوني زوجة له 🦋 (مكتملة )

part169

💎جعلوني زوجة له💎
جزء 169

فدوى تنهدات ولقمان طول شوفة فيها وبدون سابق انذار هزها وهي كتشوف فيها مافااهمة واالوو

فدوى ( كترمش) شنو كدير

لقمان:غنديك نحطك فدووش

فدوى:شنوووو

لقمان ( غادي بيها لدوش) ضعافيتي بزااف فين مشات مسعودتك

دخلها الدوش وهي كتشوف فيه وطلق البانيو يعمر وهو كيزول ليها حوايجها حشمات

لقمان(حط جبهتو  على جيهتها) واش لهاد الدرجة الوقت بدلاتك تاوليتي تحشمي منيي

ماجاوباتوش بدات كتفسخ فحوايجها وهو معاونهااا تا بقات عريانة كيطلع ويهبط فيهاا..... دوز بيدو على طراف شعرها لرجع طويل فات ظهرهاا

لقمان:شعرك ولا زوين مني طواال

فدوى:هندوش راسي مااكاين لاش تعاوني

لقمان:ولكن

فدوى:عفااك فهمني

لقمان:وااخا

خرج لقمان وخلاها كتدوش راسها عارف بلي فدوى ديال دابا ماشي ديال شحال هادي هداكشي علاش وجد راسو لأي ردة فعل ممكن ديرها من جهتو كملات دوشها وخرجات لابسة بينوار ولاوية شعرها ففوطة ،شد لقمان فيديها وجلسها كينشف ليها فشعرها

لقمان:عاودي لي شنوو وقع لييك فين كنتي بغيتك تعاودي لي كلشي من البداية

فدوى:بداااات منين حليت عيني كنتسناك تبان قدامي ومتلهفة نشوفك من بعد ديك الحادثة لشفت فيها الموت بعيني

لقمان:كملي

فدوى:(غمضات عينيها)كنت كل شوية كنقول هاهو غيدخل عليا هو وولدي هاني غادي نحل عيني ونشوفكم ولكن للاسف(سكتات شحال) بان قبالتي شخص اخر كلمة شيطان قليلة فحقووو

لقمان (حبس على دكشي لكيدير) شكوون

فدوى:سليمان خو البااس ونزيدك الياس ماماتش القمان هو باقي عايش

لقمان(كيحاول يبقا عادي ويسمع لفدوى تا لخر) اممممم

فدوى :فقت نصي لتحت مشلول علياا وطول ديك الخمس سنين مابغاوش يداويوني خلاني هكاك كون ماواحد الطبيب هو لعاوني تا وقفت على رجلي(زيرات على رجليها)هداك شيطااان دوز عليا العذاب الاليم كنت لا قصحت معاهم الهضرة كيحبس عليا الماكلة بنهار واليومين(بتسمات بسخرية) زعما باش مانجرحش خوه الياس بهضرتي حيت كان مشلول  وعمرو مهايقدر يوقف

لقمان كيسمع وكيتقطع من الداخل مادار حتى ردة فعل باش يخلي فدوى مرتاحة وهي كتعاود

فدوى: نهار وقفت فاش حصلاتني مامات دوك الوحوش ضربتها وخبعتها فبلاصتي ماعرفتش شوقع ليها واش ماتت حيت من بعد قتلت الفرملية لكانت مقابلاني طلبتها وترجيتها تعاوني ورفضات وموتها لدابا مندماناش عليه حيت عمرها حنات فياا