🦋جعلوني زوجة له 🦋 (مكتملة )

part130

💎جعلوني زوجة له💎
جزء 130
#عند_رقية
نزلات رقية من طاكسي قدام القصر صحافة دايرة حالة قدام ااقصر دازت من حداهم وهوما كيصورو ودخلات لداخل

رقية:سلام الالا لكبيرة
لكبيرة:وعلييكم سلام
رقية:كيف صبحتو اليوم شوية
لكبيرة:شوية وصاافي،وااش جاية باغا تشوفي فدوى
رقية:اه
لكبيرة:طلعي لعندها لبيتها هاد صباح راه ماخرجاتش هتكون عيانة من هادشي ديال لعزو كلشي داز على يديها
رقية:واخا

طلعات رقية لفوق دقات وهي تسمع دخل ودخلات

رقية:ف ف فدوى
فدوى:(شافت فيها)اشش كديري نتي هناا
رقية:جيت نشوفك ونشرح ليك
فدوى:(وقفات)اشش هتشرحي لي،خرجي فحاالك سيري من هناا مابقيتش مزال باغا نرجع نشوفك هنا
رقية؛هى هئ غيير سمعيني رااه كنت صغيرة طايشة ماعارفة والو
فدوى:وداابا عرفتي درتي عقلك ايواا على سلامتك،غير هو الالا طيشك وقلة عقلك انا لكندفع ثمنهم دابا اجي بعدا هداكشي لكنتي كتعاودي لي بصح ولا غير كنتي كطلقيها عليها كنتي كتقولي لي باك كان كيسلخني كيضربني كيعدبني قولي نتي كنتي دايراها لي كنار باش نحقد عليه ومانسولكش عليه يااك
رقية:هئ هئ لا اقسم بالله الى كاع هداكشي لعاودت ليك عليه بصح تيقيني
فدوى:من بعد شي لعرفت مستحيل نرجع نتيقك ودابا سيري من هنا حيث وقفتك هنا غير كتزيد تعقد امور كثرر ماهي معقدة
رقية:وااخا لبغيتي

حدرات راسها وخرجات كتبكي وهي تزادح مع هدى لغادة كتدوي فتيليفون بزربة

هدى:قلت ليييك لااا وااياك تجي،مجيتك لهنااا غادي غير تعقد الوضع كثر ماهو معقد
.......ولكن انا بغييت نشوفهم بعيني فهميني
هدى:يهديك لله،اناا جيت لهنا صافي وقفنا من اليوم انا لهنتكفل بكلشي
.......واخا لبغيتي،لقمان اش دار ملي شاف ختو ميتة هيكون مرض من جهتها
هدى:ماكيبينش كيف عادتو ولكن لله لهيكون عالم بيه من جهتها يالاه انا هنقطع شي حد جاي

فليل 🌑
نزل لقمان من طوموبيلتو وجبد تيليفون كيدوي مع لبيرو
لقمان:امدراا شنوو دارو
لبيرو:واالو مالقااوهمش اسبانيا كلها ريتلوها ماليهمش الحس،باينة غبرهم فشي بلاصة لمانقدروش نطيحو عليها ولكن غير تهنى جاتهم تنقنيقة بلي بنتو صغيرة مخبينها فواحد دار فشي فيلاج فاسبانيا وراه مشاو تما
لقمان:وااخا الى كانت شي حاجة عيط لي
لبيرو:واخا اسي لقمان كون هاني

قطع لقمان ودخل لقصر لقاه خاوي طلع للبيتو لقاه خاوي
لقمان:فدوى
فدوى:(من لحمام)ويييي هاني هنا
ملي سمع لقمان صوتها سكت وهي جلسات فوق لكرسي ديال لحمام شادة تيست فيديها كترعد ثلاااتة زووج وااحد هههه وهوما يطلعو لييها زووج شرطات حمرين بدون شعوور ناضت قفزات من بلاصتها بالفرحة وهي تضرب بيديها واحد برودوي طاح دار صوت
لقمان:(بجهد)فدووى واااش صاافا
فدوى؛صافاصاافا (بشوية)هههه حااملة اناا حاملة هههه هنولي أم،تهدني افدوى جمعي ضحكة وتحكمي فراسك ماخاصو يعيق بوالو