🦋جعلوني زوجة له 🦋 (مكتملة )

part142

واخيرا بعدساعات طاح الظلام، فدوى دخلات فنوم عميق وتصادفات مع زروال ليحل الباب وشافف فرقية لقاها كتدير الا بيديها وتشير ليها جهة فدوى لناعسة

قرب ليها زروال وصوت خافت هضر معاها:نوضي بغيتك ضروري

هزات رقية راس فدوى حطاتو فوق المخدة وناضت عند زروال لغير وصلات عندو شدها من دراعها وخرجها وهي كتشوف فيه مافاهمة واالو....... جرها هبطها الجردة تصدمات رقية من المنظر لقبالتهااا... رخات منو وحطات يديها على فمها عينيها خارجين..... كان جعفر مربوط ومحني على ركابيه..... كيشووف فيها بالم وحسرة وخوووف حيت يمكن حااس بشنو كيتسناااه ورقية نفس شي طاحت على ركابيها كتبكي وتشهق

جعفر:رقية

رقية:انا مانستاهلش تجبد سميتي شووفي فين وصلتك اهئ اهئ موتي كان حسن لي كون دابا لابنتي كتعذب ولا نتا ولا ولادي

جعفر:شكرا ارقية على كاع الايام زوينة والفرحة لعشتها معاك وسمحيلي لا انا شي نهار قللت منك ولا غلطت فحقك(نزلت دمعة من عينيه) ربي لشاهد بغيتك ودرت فدوى بنتي كنتي انت مي وخوتي وكلشي نتي راك ماكنتيش غير مرا لي فهاد دنيا كنتي كلشي هزيتي لي بهباالي وتشوميري شكرا ليك بزاف

رقية:نتا لسمحلي هزيتي مرة ببنتها اويتيها من زنقة وحميتيها لاهي لبنتها وكنتي عائلتها كاملة وظهرها وسخنتي ليها كتافها لكانو باردين و شوف شنو وقع ليك بسبابها(حنات راسها الارض) مقدرااش نشوف فوجهك اجعفر سمحلي سمحلي عفاك اهئ اهئ

جعفر:كلشي بالمكتاب ارقية وكولشي بيد الله وانا قاابل بلي كتبو ليا ربي

زروال:(باستهزاء)هذاا باش بدلتيني بيه ارقية

رقية:(دفلات فالأرض)لله ياخوود فيك الحق ازروال لله ينتاقم منك هئ هئ،هوو ماادار ليك واالو من غير انه ربا ليك بنتك وصرف عليها صغرها كامل

زروال:صرف لي على بنتي ونعس لي مع مراتي هادشي علااش غاادي يموت (حط سلاح على راسو)

رقية:(كتغوت)هئ هئ لااااا ماتقتلوووش هئ هئ لاااا

زروال:كتبغيييه

رقية:هئ هئ نبوووس لييك رجليك ماتقتلووش ولااادو باااغينووو ازروال ماتحرمش ولااادي من بااااهم

ضحك زروال شاف فجعفر ورجع شااف فرقية مبتاسم وهو يتيري ماتسمعش صوت طلقة حيث كان دايرو صامت تهزات رقية من بلاصتها وغوتات على حر جهدها

رقية:جعفففففففففففففر لااااااااا
وتعودت على الحزن منذ صغرها.......لكنها لم تعد تتحمله في كبرها

تهز قلب رقية من الداخل فلحظة سيناريو حياتها مع جعفر داز قدامها من أول مرة تلاقات معاه فيها كانت هازة فدوى بين يديها خايفة ودنيا دايرة بيها وهو مد ليها يديه عاونها ووقف معاها ،قربات حداه وهي كتحبو حطات يديه على وجهو لكان عامر دم ،بغات تغوت ولكن ماقدراتش حدها هزات راسها شافت فسما وقالت