🦋جعلوني زوجة له 🦋 (طور التنزيل )

part22

💎جعلوني زوجة له 💎
جزء 22
فليل ☀☀
كانت 12 ديال ليل كلشي فالقصر ناعس الا فدوى وجيهان
فدوى كانت جالسة شادة قميجة ديال ادم كتشم فيها وكتبكي
فدوى:هئ هئ يااك ا ادم ياك هذا هو جزائي هادي هي تضحيتي واش انا كنت رخيصة عندك لهاد درجة حتى تنوض تلوحني فيد خوك لقتال نتا بفمك قلتي لي بلي هو قتال مريض مسطي وفاخير نضتي لحتيني بين يديه،اججي طل علي داابا طل علي وشوف وصيتك اش دارت في هاااني دابا محبوسة هنا لباب مسدود علي وشراجم حتى هوما مسدودين ،نتاا بهاد الوصية دمرتيني دمرتيني كثر ما انا مدمرة اش هنقولليك لله يسمحليك مني وخلاص
#عند_جيهان
كانت جيهان خارجة كتسلت من القصر مشات لجردة لورانية وسط شجر لقاتو واقف كان ولد تكون عندو هاديك 24 عام زوين وصغير وكان لابس سروال كحل وتيشورت كحل
جيهان:(عنقاتو)يوسف حيااتي توحشتك
يوسف:حتى انا توحشتك ،تعطلتي علي بزاف
جيهان:ماشي لخاطري تسنيت حتى نعس كلشي وتأكدت بلي لقمان خويا خرج من القصر عاد جيت
يوسف:شفت اليوم حتى حد ماجا لقصر اش واقع
جيهان:غير خلييها على لله مافي ليعاود ليك ،لمهم انا وياك فهاد الفترة ماخاصش نبقاو نتلاقاو لقمان خويا داير كيف نمس دبانة الى طارت فوق القصر كيسيق ليها لخبار
يوسف:وشنوو انا داابا هنبقى نشوفك من بعيد
جيهان:مااعندنا مانديرو خاص نصبرو
يوسف:بغييت منك شي حاجة
جيهان:شنوو
يوسف:اناا طايح فازمة خاصني شي ثلاتة لمليون
جيهان:😱 شنوو هاديك نهار عاد عطيتك مليون ونص
يوسف:راه قلت ليك داويت بيها لواليدة ودابا خاصني باش نرجعها عند طبيب
جيهان:اهاه وخلصتك لكتشد من عند بابا اش نديرو فيها 5000 درهم فين كتمشي
يوسف:المصاريف وشي لاخور دابا شنوو هضبري علي
جيهان:صاافي واخا هنضبر ليك عليها هنمشي دابا نتلاقاو من بعد
يوسف:(باسها ففمها)بسلامة
#عند_جنان
كانت جنان متكية مربعة يديها وحداها سليم
سليم:كاان هيقتلني اليوم(حط يديه على عنقو)هذا صافي زاد فتسطيتو
جنان:هيتزوج بيهاا
سليم:شنوو
جنان:قلت لييك هيتزوج بيها
سليم:صرااحة بقات في فدوى مسكينة طاحت فواحد مافيديه لا رحمة لا شفقة خوه ومارحموش
جنان:يبقى فيك راسك اما هي فراه بنت لحرام مزهارة هتضربها بورثة على املاك ادم وهتضربها من بعد بتزويجة من سي لقمان وديك ساعة بت نبت ليك هنا
سليم:حتى نتي
جنان:حتى انا شنو،عرفتي شنوو نععس نععس انا عارفة شنوو هندير
قدات لمخدة ونعسات وفراسها بلان للغدا
#يوم غد صباحا 🌝🌝
كانو لعزايا باقين كيجيو ولعائلة كلهم كاينين
لمرا:فيناهيا مرات ادم بغينا نشوفوها
رجاء:صراحة مريضة ماقاداش تنوض
لمرا:لله يصبرها صراحة صعيبة (مشات)
رجاء:ختي لكبيرة انا هنطلع نشوف فدوى شوفي ناس
لكبيرة:وااخا
طلعات رجاء لعند فدوى حلات عليها لباب ودخلات
رجاء:فدوى بنتي مافطرتيش
فدوى:مااعندوش منين يدوز
رجاء:عارفاك مقلقة مني ومن مسعود ومن ادم ولكن حنا كنديرو هادشي باش تبقاي جزء من عائلتنا وباش نحافظو عليك
فدوى:كان علي نسمع كلام ماما ماكانش علي نقبل نتزوج بادم بغيت ندير فيه خير ساعة رجع لي ببومزوي
رجاء:ماتقوليش هاكا
فدوى:انا اصلا من ديما هاكا ماعنديش زهر مع بنادم ديما كتدار بي وكنولي تحت رجلين هادشي كامل حيث مكانتصرفش بانانية ولكن من اليوم هتشوفو وجه اخر ،من اليوم هداكشي لبغيت هو لهيكون مابغيتش نتزوج بلقمان هي مابغيتش
رجاء:اش هنقوليك نتي تعرفي
خرجات رجاء من لبيت سداتو ومشات فهاد اثناء تمات جنان جاية كتسلت جبدات ساروت من جيبها وحلات لباب على فدوى ودخلات
فدوى:نتتي شنوو كديري هنا
جنان:جيت نعاونك
فدوى:هههه زوينة هادي هادشي لناقصني
جنان:وااش باغا تخرجي من القصر
فدوى:اه باغا ونتي كيف هااديري ليها
جنان:تبعيني
تبعات فدوى جنان وخرجاتها من شي بلايص فدوى عمرها شافتهم
جنان:تحركي مالك غادة بشوية
فدوى:الى حصلنا هداك لماكيتسماش هيقتلني انا ونتي
جنان:هاادشي عارفاه
فدوى:ملي عارفاه علاش باغا تعاونيني
جنان:الى تزوج بيك هيبرك لي هنا وانا باغاه يمشي فحالو تحركي
بقاو غادين حتى خرجو فجردة نيشان فلباب لوراني ديال لقصر
جنان:هااكي باش تركبي(مدات ليها لفلوس)
فدوى:شكرا انا واخا مكانحملكش ماعارفاش كيفاش هنرد ليك هاد الخير
جنان:هتردي لي هاد الخير بعمرك مزال ماترجعي لهاد القصر
فدوى:كووني هانية عمري نرجع
مشات فدوى كتجري شدات طاكسي وطلعات طول طريق وهي كتبكي وكتشهق وصلات لدرب قادات زيفها ونزلات كلشي كيشوفيها ماتسوقاتش ليهم كملات طريقها بان ليها منير جالس كيصايب فالحشيش غير شافها وقف وجا عندها
منير:ف فدوى (طلعها وهبطها)لباراكا فراسك
فدوى:(الصمت)
منير:مكاتبانيش بيخير واش واقعة ليك شي حاجة
فدوى:فراسك نتاا سبابي فهادشي كامل لواقع لي،أنا وكلت عليك لله ياخود فيك الحق ،كنكرهك
ضربات فيه وكملات طريقها مشات لدارهم دفعات لباب ودخلات
رقية:😲😲 فدوى بنتي نتي بيخير
فدوى:(عنقاتها)كلشي سالا اماما ،فحياتي مابقاتش شي حاجة سميتها عائلة ارسلان 😢