🦋جعلوني زوجة له 🦋 (مكتملة )

part81

💎جعلوني زوجة له💎
جزء 81
#عند_سوسن
كانت سوسن هازا صاك ديالها فيد وكونطاك فيد ونازلة فسانسور غادية لاكاب د ديال الشركة فين كاينين طونوبيلات....خرجات من سانسور كتقلب على بلاصة طونوبيلتها لقاتها يالاه هتطلع فيها وهي تجرها يد دوراتها وهي تضرب مع صدرو وقبل ماتغوت سد ليها فمها
يونس:(بصوت خافت) ششششششش هدااا غييير اناا
سوسن:(شافت بصدمة وبعدات يدو)يوونس(كدور راسها ياكما شافها شي حد) اش كدير هنا😳
يونس:شنوو كندير هنا،من المفروض بلاصتك حدايا ياك هادشي علاش تافقنا
سوسن:(كتحاول تهرب منو) غالط بلاصتي فدارنا حدا راجلي وولدي حيت هادوك هوما عائلتي
يونس(كيشوف فيها بحب) واانا
سوسن:(كتحاول تفادا شوفة فيه) نتا غير نزوة جاتني فلحظة لكنت ضعيفة فيهااا ودابا صافي فقت وستوعبت الغلط ديالي وكنحاول نصلحو
يونس(بشك):داابا شنوو واش انا خاصني نثيق هاد المسرحية لدايراها علي
دفعاتو: ثيق ولاا ماتيقش ماكيهمنيش حيد من قدامي هنمشي
يلاه هتمشي وهو يشد ليها وجهها حطو بيه يديه
يونس: نتي كتبغيني ومن زمان وعمرك نسيتيني و دابا معارفتش بالضبط مالك يمكن واقعة شي حاجة ولا خايفة من مك هداكشي علاش كتهربي مني غير ثيقي فيا اسوسن ورجعي معايا كنواعدك هنحارب دنيا على قبلك انا وياك  مهاتفارقنا غير مووووت ،حتى حد مهانخليه يدخل بيناتنا حيث انا كنبغيك وحتى نتي كتبغيني

للحظة سكتات كتشوف فيه ودموع محجرين ليها فعينيها بغات تغوت وتعنقو وتقوليه كنبغييييك وكنحماق عليك ااه بغيت نمشي معاك ولكن ماقداتش خايفة عليه من خوها كثر من راسها  عارفاه يقتلو مايرحموش ويتبعها لييه وتخلي ولدها لمروان يدير فيه مابغا خوفها كان قوا من حبها ليه هداكشي علاش ختارت تسكت حماية ليه.... بلاما تهضر عينيها كانو كيقولو كلشي ليه عيااااات ماتخبي ولكن عينيها فرشوها، نزلو جوج دمعات سخان عبرو على لفقلبها..... شافهم يونس وقرب ليها ودخل فقبلة ساخنة معاها نساجمات معاه فيها لدرجة انها لاحت دكشي لفيديها وهي عايشة معاااه حتى وعات على راسها دفعاتو وجمعاتها معاه بتصرفيقة ...ونزلات جمعات هدكشي لفلارض وهربااات لطونوبيل خلاتو شااد فحنكو بدا كيضحك بوحدو كيلحمق عرفها لا بل تاكد انها كتبغيه وبلي كاينة شي حاجة لمخلياها كتصرف هاكا.... دازت من حداه بطونوبيل كتشوف فيه وهو يبدا يغوت
يونس(بجهد) عارفك كتبغيني كيف كنبغيك ويمكن كثر غير تسناي غادي ترجعي نتي لتبادري لولة بهاد لبوسة
سمعاتو وشدها تاهي ضحك وبتاسمات ماكانتش قل منو فلفرحة على اقل قدات تشوفو وشبعات شوية شوق ديالها لكان جهتو..... كملات طريق وهي كل شوية كتحط يدها على شفايفها وضحك عاجبها الحال
_______________________________
#عند_لقماااان
كان لقمان كيربط فلحمار وكيدور فعينيه باش يعرف فين يدوز وفينو بيت فدوى... وقفات عليه عيشة مغوبشة
عيشة:شكون نتينا
لقمان:(وقف متردد)انا مول لحليب جديد
عيشة:وفاين مشا سي عبد حميد
لقمان:انايا ولد خاه هو مريض مجاشي(لفت انتباهو سنسلة ديال فدوى فعنق عيشة) قولي لي مناين جبتي هاد سنسلة
عيشة:من عند هاديك لحطات يديها فيد شيطان
لقمان:شنو باغية تقولي كيفاش
عيشة:هاديك لكتسناه يجي يديها
لقمان:اجي نقوليك تقدي تدينا عندها
عيشة:انتينا هو لجا يديها ياااك انتيتا لفلقب ديالها
لقمان:اه انا هو
عيشة:انايا عاونتا البارح وعطاتني سنسلة ونتيتا شني هتعطيني اخور
لقمان(كيحيد ساعة ديالو) هنعطيك ساعة خوديها ولكن هتديني عندها بلاما يشوفني شي حد
عيشة:(دلات شنايفها) صعيييييب شيطان ديما كيدور بيها وكيكون حداها
لقمان:(داها على قد عقلها) شوفي كيفاش ديري باش نجيبها من عند شيطان ياك بغيتيني نعاونها
عيشة:امممم تباعني يلاه
تبعها لقمان دوزاتو من واحد لباب اخور من غييير لكوزينة ودخلو الوسط الفيلا......بانليه زروال جاالس هو والياس كيتناقشو داز من واحد جهة بعيدة عليهم وحيت هو لابس دوك حوايج منتابهوش ليه مالفين بناس لخداااامين هنايا كيلبسو بحال هكدا  تبع عيشة حتى داااتو البيت ديال فدوى ودق عليها.... اما هي كانت جالسة على اعصابها
فدوى:شكوووون(رجع دقان) شكووون
ماجوبهاش ناضت حلات الباب ،مزال ماهزاتش راسها دفعها لقمان وجر معاه عيشة فيدو دخلها حتى هي وسد الباب
شافتو فدوى قلبها نقز من بلاصتو وهي تلاح عليه عنقاتو وحتى هو عنقها وغمض عينيه
لقمان:واخييرا لقييتك
فدوى:(الصمت)
عيشة:شنني نتووما مكاتحشمو شاي مني
لقمان:(بعد من فدوى وشافيها)خااص نخرجوو من هنا
عيشة:واشش هتعطيني تاني
لقمان:(طلعها ونزلها)شي ح
فدوى:(قاطعاتو)هيعطييك فلووس غير شوفي كيف ديري وخرجينا من هنايا
عيشة:اههم واخا ،تسناو
خرجات عيشة وسدات من وراها لباب ولقمان دار عند فدوى
لقمان:هاادي شوية فاان فاان لاا
فدوى:(ملامح وجهها مبدلين مامفهومينش) داابا شنوو هنديرو ا لقمان كيفاش هنخرجو من هنا عرفتي الى حصلوك غادي يقتلونا
لقمان:(كيقرب ليها)شنوو واش نتي حاكراني،مالك واش ماعارفاش راسك بييمن مزوجة (جرها لصقها مع الحيط حط عينو فعينيها)كنت كنصحابك ميتة
فدوى:ايواا هاني بااقا حية
لقمان:حتى قلت تهنيت منك ومن لسانك سليط هووب نزلات علي صدمة
فدوى:يعني كنتي بصح بااغيني نموت،اهاا اش كنقول بيان سيغ هتكون باغيني نموت باش يالاه تعيش نتا ولالا لينا على خاطركم
بقا كيشوفيها لقمان مبتاسم وهو ينزل على فمها باسها بوسة خفيفة ورجع بعد عليها
لقمان:توحشتك بزااف
ماجاوباتوش فدوى وهو يرجع كيبوس فيها كيجر ويقول ماجريت ،فجأة حتى تحل عليهم لباب قفزو بزوج
عيشة:شني كنتوو كتعملو
لقمان:كناا كنتباوسو، امدرا لقيتي شي طريقة باش نخرجو
عيشة:ااه هااكي نتينا لبسي هاد المنديل (ثوب مخطط بالحمر والبيض والكحل) هاكا لهيشوفك من بعيد مهايعرفكشي
لقمان:مزيان،شدي نتي لبسي ونتي قولي لي منين هنهربو
عيشة:من لباب لوراني كاع رجال لكاينين تما دخلو يتغداو،يالاه تحركو قبل مايرجعو وديك ساعة هتوحلو لي هنا
لقمان:وااخا ،فدوى يالاه
فدوى:وااخا
عيشة:بللاتي فيناهوما فلوسي
خشا لقمان يديه فجيبو مد ليها 400 درهم
عيشة:هاااء شنني هادشي
لقمان:مالك واش ماعجبوكش
عيشة:هادشي قليل عطيني حاجة اخرى
لقمان:شنوو بانليك نعطيك راسي
عيشة:اححح ايماا الحبيبة وشكوون كره شي واحد فحالك هايدا 😍
فدوى:لااا هادشي لناقصني،فيقي احبيبة وتكعدي ورينا طريق باراكا علي غير لينا باغا تزيديني حتى نتي
عيشة:😏 مغياارة
حلات عيشة لباب وهوما تبعوها من لور كيتسلتو سمعو زروال كيدوي فتيليفون كيبكي على ولدو ماتسوقوش ليه كملو طريقهم وخرجو برا حلات ليهم عيشة لباب لوراني شكروها وتماو غادين بزربة حتى سمعو
الياس:فدددددوى
قلب فدوى وقف،تلفتوو بزووج وهو يبان ليهم الياس لفوق فسطح كيغوت شافيه لقمان حفظ ملامح ديالو ودار ليها اشارة بيديه ديال نشدك نح**ك

بداو كيجريو هو وفدوى وسط لغابة معذبين خاصة فدوى كان الحجر كيضربها لرجليها
الياس:(كيغوت)تبعووووهم تحركووو اش كتسنااو
تماو رجال لقمان تابعينهم من لور ومع شجر كثيف ماكيبانش اتجاه لمشا منو فدوى ولقمان ،دازت نص ساعة وهوما باقين كيجريو
فدوى:(وقفات كتنهج)م ماابقيتش قاادة هااه
لقمان:صبري شوية (كيسمع صوت لكلاب) هوما رااه قراب لينا
فدوى:علاااش جااي راسك فينااهوما رجالك (كتنفس بصعوبة)
لقمان؛هذاا ماشي وقت هاد لهضرة تحركي
جرها من يديها وكملو طريقهم

#عند_الياس
كان الياس واقف فحال شي مسطي هايج عينيه خارجين غادي كيجري مع رجالو وسط لغابة كيغوت
الياس:فييناهووما هاادوو علاش مابقااوش بااانو لي
......الغابة كبيرة وشجر بزاف،محاال وااش هنقدرو نلقاوهم
الياس:(شنق عليه)هنلقااوهم واخا نعرف نحرق هاد الغابة باش نلقااهم سمعتي ديرو فبالكم بلي الى ماجبتوهمش لي عتابرو رااسكم ميتين كاملين