🦋جعلوني زوجة له 🦋 (مكتملة )

part21

💎جعلوني زوجة له💎
جزء21
دخل لقمان القصر وخلا منير مجبد تما،دخل لداخل جات عينو نيشان ففدوى للابسة البيض شافيها وجمع يديه وورك عليها
سليم:(جا لعندو)بغييت ندوي معاك
لقمان:مااشي وقتك دابا
ضرب فيه لقمان وهو يتبعو
سليم:ضروري ماخاصك تسمع لكلام لباغي نقولو
دار لقمان شافيه وسكت
سليم:امتى هترجع فحالك
لقمان:(بتعابير جامدة)هنرجع فالوقت لهايقولها لي راسي
سليم:بلاصتك ماشي هنا ونتا عارف هادشي،هز راسك وسير كمل على لكنتي باديه
شاف لقمان على ليمن وعلى ليسر وهو يجر سليم من لفيست ودخلو لواحد لبيت سد عليه
لقمان"اناا عاارف دينمك وااكل لهم لمنصبك فشركة وواكل لهم لا مسعود يرجع يعطيني فيدي امور شركة غير تهنى هاديك شركة راه مابقاتش كتهمني
سليم:طبعا مهاتبقاش تهمك حيث عندك شركات اخرين دايرهم بالحرام
بقا كيشوفيه لقمان عينيه طلعاتهم واحد لحمورة غير طبيعية  طرطق عينو وفرمشة عين حط يديه على عنق سليم وورك عليه ولصقو مع الحيط،وجه سليم ولا حمر وحل فمو فحال الى هيتقيى تقج ونفس مابقا قادر لا ينزلها ولا يطلعها صافي كان هيموت جاب لله تحل لباب ودخلات جيهان
جيهان:😨😨😨😨 لقماان اشش كاادير لقمان خوويا طلق منوو راك هتقتلو
قربات جيهان لقمان كتدفع فيه ووالو بقا قاجو شوية سليم غمض عينيه وترخى وهو يطلقو طاح سليم اﻷرض كاو
جيهان:😲😲😲😨😱 قتلتتيه (ضربات فخاضها)اوويلي قتلتيه
لقمان:(ببرود)فحال هاد نوع لموت حلال فيه،ماتخافيش خمسة دقايق وهيفيق
خرج لقمان من تما تلاقى مع جنان
جنان:لوووسي لعزيز
لقمان:(طلعها ونزلها باشمئزاز)
جنان:هههه هاد نضرة لدرتي دابا في راه مهاتزيدني مهاتنقصني
لقمان:(قرب حداها)ماكاين لعارفك اش كتسواي قدي الالاهم جنان،هنعطيك واحد نصيحة مااحد باقي عندك الوقت خلي كلشي وسيري من هنا حيث شي لكتحلمي بيه هو لعمرو مهايوقع وتيقيني نهار هاطيحي بين يدي هنشدك هنسلخ جلدك على لحمك وهنقطعك طراف
جنان:(الصمت)
لقمان:مااضيك كولو بين يدي انا عارف عليك لكبيرة وصغيرة ليك بكلمة وحدة مني سليم هيلوحك برا القصر ومهايرجعش يشوفيك
جنان:ا ا انا كنبغي سليم
لقمان:بغيه يبغيك ضبرو ك**م لمهم عندي هو تبقاو بعاد علي لا نتي لا راجلك ومن اﻷحسن ليك فالفترة لانا فيها هنا ماتبانيش قدامي حيث شوفة فيك كتجيب ليك تقية
خنزر فيها وكمل طريقو وهي وجهها ولا صفر كلهت كترعد تلفات ليها لمشية مابقات عارفة لا شنو دير ولا فين تمشي
تحل باب لبيت خرجات جيهان وجهها صفر وكتبكي
جيهان:هئ هئ جناان عتقي خويا معاارت مالو
دخلات جنان كتجري لقات سليم كيحاول يوقف وكيرجع يطيح
جنان:ويلي ويلي 😱 مالك
جيهان:عاونيني اختي راه ماعرفت مالو مع لقمان
جنان:(سنداتو عليها)هاد لقمان حالف تيصفيها لينا
جيهان:ماشي وقتو اجنان زيدي يلاه نوصلوه لبيتكم وتماك ندبي ولا فوتي ولا ضبري راسك
ترن ترن ترن 📳📳📳
جيهان وجها ولا صفر مبقات فيه نقطة ديال دم وكلها كترعد
جيهان:شوفي سيري انت وصليه انا عندي ميدااار
جنان:(صغرات عينيها) امممم نوصلو بوحدي فهمناها ولكن هاد ترعيدة كلها علاش؟؟
جيهان:سوقك بقيت ليك غير انا فهاد دار منبشتيش جهتي دخلي سوق راسك(رجعات شعرخا لور) صاحبتي صونات علي على ود عندنا عرض فلفاك وماوجدت ليه والو داكشي علاش تخلاعت
جنان(:هزات راسها) واخا ايوا هنشوفو هدا العرض شنو هديري فيه
سليم:كح كح يالاه اجنان مبقيتش قاد نبقى واقف
جنان:صبر حتى انت افففف
خرجات جنان مسندة سليم على كتفها اما جيهان تبعاتهم بعينيها حتى خرجو وسدات الباب بساروت وهي مخلوعة باش مايسمعها حد... تنهدات وجبدات تيليفون لمابغاش يحبس من صونيط ،حلات لخط وجاوبت بصوت رقيق وخافت مامسموعش
جيهان:الو
شخص:(بعصيبة) فين كنتي
جيهان:كيفاش فين كنت راه عندنا جنازة
شخص:جنازة ياك، سمعت بلي مكاينش لماجاش ليها كون راك خضرتي عويناتك مزيان
جيهان:بلاما تزيد فيه راك كنتي واقف بيديك وشفتي كولشي و شفتي حتى شكون جا وشكون مشا
شخص:بغيت نشوفك
جيهان:واش تسطيتي خويا مات ومن لفوق هادشي لقمان الى شافني هيدبحني منقدرش نغامر
شخص:بغيت غير نعزيك مافيها باس وزيدون نتي فين عمرك خفتي حتى تخافي اليوم
جيهان:فهمني راه لقمان ماشي هو سليم ولا بابا هو راه
شخص:(قاطعها)هاد اعذار ماكافيينش خوك مهايشوفناش غير تهناي وزيدون انا كنبغيك وبغيت نشوفك واخا عارف لا لقاوني معاك هيطحنوني ماشي هيقتلوني ولكن ماهامنيش لمهم عندي هو نشوفك ،ايوا شوفي انا دابا شحال كنغامر على قبلك ونتي ماتقديش ديري غير شوية على قبلي
حطات يدها على جنبها كتفكر كتمشي وكتجي فلبيت ومن بعد ماخدات نفس عميق قالت
جيهان:مع 12 فنفس البلاصة مورا ما كولشي ينعس
شخص:صافي وخا متنساينيش
جيهان:باااي
#عند_لقمان
نزل لقمان بعدما عصا سليم معصب باغي غير فين يبرد اعصابو ولمشكل لكبير هو هضرة منير مبغاتش تحيد ليه من راسو، وقف للحظة هز راسو لسما و هبطو كارز على سنانو وهو كيسوووط طرطقو عنقو كيف العادة كمل طريقو كيسوط وكيقلب بعينيه حتى بانت ليه فدوى جالسة لتحت وسط العائلة مشافش قدامو داز فخدامة حتى طاحت وتقلب البلاطو.... كولشي داار جيهتو وقفو من المنظر لشافو بركان شاعل هابط وعائلة ارسلان تخلعو كلشي ولا كيشوف فجنابو وشي كيشوف فشي حيت عارفين هاد الشوفات من وراهم كارثة كبيرة وهاد المشية وطريقة باش كيلعب بفمو مكيبشروش بلخير حتى واحد ماهضر قرب ووقف اونفاض مع فدوى بينو بينها شبر ونفسو سخونة كتضرب فيها وشوفاتو كلهم  شر وحقد....فدوى ماقالت  حتى كلمة كتفات فقط انها تشوف فيه لانه من شكلو وصدرو لكيطلع ويهبط كافين يخليو اي واحد يتجمد فبلاصتو.... ماقال حتى كلمة شد فدوى من دراعها وتم غادي بيها تحت انضار كلشي
رقية:(شدات فدوى)طلق منها فين غادي بيها