🦋جعلوني زوجة له 🦋 (مكتملة )

part90

💎جعلوني زوجة له💎
جزء 82
(وقفات كتغوت عليها)واش انت حمقة اش هاد قلة الاداب
لقمان:فدوى اش واقع معاك
لينا:اش هيكون واقع هاد لحركات عارفاهم بلعاني دارتها جات باش تقلق علينا راحتنا احياتي
لقمان:(خنزر ففدوى)دوي خلااااص
فدوى غير كتشوف وترعد كتقلب على كدبة.... هزات راسها فيهم وهي كدور فعينيها ماعارفاش اش هتقول
لقمان:فدوى
لينا:خرجي عليا من بيتي
جمعات قوتها بعدما بلعات ريقها وتنفسات وحماتها الغوات
فدوى:جمعي فمك ياكما يصحاب ليك ماعايقاش بيك كديريها بلعاني باش تفقصيني ياااك ولكن عمرها مهاتكون ليك
شافت لينا فلقمان وهو كذلك بمعنى مفاهمينش اش كتقول
لينا:نتي اش كتخربقي
فدوى(كترعد) انا قبيلة قلت ليهم يصايبو لي هاد العصير وهي فاش سمعاتني مشات قالت ليهم يجيبوه ليها ويعاودو لي واحد اخور(كتشوف فيها بتهديد) شنو زعما بغيتي تبيني بلي اي حاجة ديالي كتاخديها ولا شنو
لينا:واش حمقة اش كتقولي
فدوى:كيف سمعتي، سمعيني ازوينة شفتي هدا(كتقصد لقمان) غيرر ربحي بيه لحاجة لكتمرمد بين لكلبات مكاتبقاش تحلالي
دارت بزربة تمات غادية وشعرها كيتضرب مع ضهرها خلات لقمان كيشوف فلينا مخنزر وهي مسكينة ماعرفات راسها باش تبلات
لقمان:قولي لي نتي لااش باغا توصلي
لينا(كتعبر بيدها) تيقني انا مادىت والوو انا قلت ليهم صيب لعصير ليا انا ،هادشي لقالت مامنو والو واش ثقتي بيها راه غير بغات تنوض الفتنة بيناتنا
لقمان:(شدها من دراعها) فدوى عارفها مزيان مكاتكذبش
لينا(تنترات منو) كنحلف ليك(حطات يدها على كرشها) بحياة ولدنا لقريب يتزاد
لقمان: سمعيني لا نتي لا هاد الولد مكاتهموني(حط صبعو فراسها) دخليها مزيااان لهاد راس(دار بغا يمشي)
لينا:علاش هي و ماشي انا ،شحال من عام وانا كنعرفك و دابا راني وليت مرتك ومن فوق هادشي حاملة بولدك لهي ماقداتش تحمل بييه اشنو بغيتي مزال
لقمان:(دار لجهتها)قولي لي الينا تقدري نتي تزوجي بمعاق للحاجة لوحيدة لقادر يعطيها ليك هي الحب اما لمتعة لجنسية وشي لاخور ماقادرش يعطيه ليك
لينا:مافهمتش
لقمان:اكيد ماغاديش تفهمي، نتي لحاجة لوحيدة لخلاتك تعلقي بي هي لجنس قولي لي واش نتي عمرك حاولتي تقربي مني بشي طريقة من غير الجنس نتي هادشي لكان كيهمك وانا عطيتو ليك ولكن فدوى لااا ،فدوى انسانة كتهتم ببنادم باش كيحس هادشي علاش فدوى وماشي نتي، انا هنقوليك واحد لحاجة فدوى تزوجات بخويا ووافقات ماتورث منو والوو، حيث كانت باغا منو غير يبغيها وخا ماكانش قاد يكون ليها زوج ولكن كان ليها سند وواخا هكداك بغاتو حيت مكاتهتمش بمصلحتها ،فدوى واحد لبنت لانا متأكد بلي نهار لهنطيح فيه الأرض مهاتخلاش عليا فهمتي دابا علاش هي وماشي نتي، ولا نزيدك حيت هادشي شوية من بزاف لنقدر نقوليك عليها
لينا:(دورات وجها) صافي براكة
لقمان::ملي باراكا ماتبقايش تسوليني مرة اخرى

نرجعو عند فدوى لخرجات بزربة مشات لبيتها خبطات الباب.... وجلسات فوق ناموسية حاطة يد فوق راسها ولاخرة على فمها كتشوف فالارض مصدومة
فدوى:الله ياربي انا شنو كنت هندير كنت هنقتل روووح بريئة ماعندها حتى دنب انا صافي بديت كنتسطى كون شربات العصير ومات ليها لولد كنت عمري مهانسمح ،ياربي تسمح لي على هاذ الفعلة نار الغيرة كانت شاعلة فيا وعمات لي عيني حتى مابقيتش كنعرف صح من لغلاط 😓
وقفات بغات تدخل لدوش وهو يتحل عليها الباب

فدوى(ببرَودة) هدا تتا اش جاي كدير عندي فهاد الوقت😏
كيشوف فارجاء البيت وهو كيطرطق فصبعانو
لقمان:ماشي وقت هاد الهضرة
فدوى(تمات غادة) اوا ملي ماشي وقتو خرج عليا عفاك باغية نعس
لقمانة(جرها من دراعها)قولي لي(كيهضر ومركز ليها فعينيها) هداك زام***ديال الياس قاليك شي حاجة ولا بين ليك ولا دار شي تصرف معاك ماشي حتى لهيه شنو قاليك بالضبط فاش كنتي معاك
فدوى:(طلقات واحد ضحكة مقحبنة) بحالاش زعما هههههههه😂
لقمان:(زير عليها من دراعها) جاوبي دغيا ماتعصبيش ديلمي
فدوى:( كتهضر معاه ببرودة بطريقة مستفزة) واش كتقصد هضرة بحال زعما كنبغيك وغادي نقتل راجلك وهتولي مرتي
لقمان:كيفاش
فدوى: (كتصغر فعينيها بحال الى كتفكر وحاطة صبعها على فمها)امممم اه قالي هنعيشك اميرة ومهايخصك معايا حتى خير وقال شلا هضرة

زير على سنانو وجمع يدو على شكل قبضة اما هي هزات راسها فيه كتهضر بثقة
فدوى:كنقسم ليك ا لقمان كون جاني فهاد الوقت دابا ماغاديش نتردد نقبل بالعرض ديالو غادي نقبلو باش نتهنى منك حيت انت ماتستاهلنيش فهمتيها
هز يدو بغا يشدها من الفك ديالها وهي ضربها ليه وهزات صبعها فوجهو كتهديد
فدوى:عندك مرتك سير لعندها ضربها هرسها شغلك هذاك ،فدوى ديال شحال هادي مابقاتش (ضرباتو لكتفو) يلاه خرج عليا من بيتي، ماناقصنيش صداع وحكامك لخاوي عليا
ضربات فيه ودخلات الدوش خلاتو واقف كيشوف فيها مشوكي متقدش يهضر ولا يقول شي حاجة كتافى انه يراقب تصرفاتها وحركاتها وخرج كيحك فراسو ويمسح علي وجهو و عنقو بالعصاب لانه حفظها مزيان محدو كيتصرف معاها بعنف وهي كتزيد تعواج معاه وتشد ضد.... خلاها على خاطرها ووقف فلمراح ديال القصر حدا طبلة ديال لماكلة كيمشي ويجي باعصاب وبدون سابق انذار هز رجلو بجهد ودفعها حتى طاحت
كولشي خرج كيطل بالخلعة صحاب ليهم واقعة شي حاجة.... غير شافو لقمااان وهوما يرجعو وخرجو لخدامات كيجمعو هداكشي
اما لقمااان طلع الفوق ومشا نيشان لواحد البيت غير لفيه لينا وتلاح فوق ناموسية