🦋جعلوني زوجة له 🦋 (طور التنزيل )

part14

💎جعلوني زوجة له💎
جزء 14
بعد مرور شهر
كانت فدوى فبيسين لابسة دوبياس ومعاها ادم حتى هو لابس غير شورط كيتباوسو دوزوا احسن  شهر العسل ممكن يدوزو شي حد غير هو فرحة ادم ماكملاتش حيث ماقدرش يدخل بفدوى فينما كيقول هنا غادي نقضي لغرض ضهرو كيضرو
فدوى:(كتشوف فعينين ادم)بغييت نقوليك شي حاجة
ادم:قوولي كنسمعك
فدوى:شكررا على كلشي
ادم:ههه علاش كتقولي هاكا
فدوى:ﻷول مرة فحياتي كنحس براسي بنادم نهار لقلتي لي بلي هتداوي جروحي كان عندك الحق نتا ماشي غير داويتي جروحي نتا رجعتي حييتيني من اول وجديد
ادم:كوون تشوفي انا (كيلعب فشعرها)ملي كنكون معاك كننسى مرضي من قبل كنت غير جالس وكنفكر فمرضي ولموت وكنت كنقول بلي عمري قصير ودابا ماعرفتش علاش حاس بلي لموت بعيد علي
فدوى:ادم هداك نهار قلت ليك ماتبقاش تجبد لموت واخا خلينا فرحانين مع بعضياتنا حتى نشوفو لله شنو مكتب لينا
لخدامة:مدام عفاك واش ممكن واحد دقيقة
فدوى:وااخا هاني جاية
طلعات فدوى من لبيسين لبسات بينوار ودخلات بان ليها طبيب لجا معاهم من المغرب جالس كيتسنى طلعات بدلات حوايجها وهبطات
فدوى:شنوو واقع
طبيب:خرجوو تحاليل ديال سي ادم
فدوى؛شنوو فيهم
طبيب:لمرض داع ليه فالعمود لفقري كامل مافهمتش كيفاش هو لحد ساعة باقي كيبان عادي من المفروض يكون كيتألم بالوجع
فدوى:(شافت فآدم وسرطات ريقها)كيتألم غير كيمثل علي
طبيب:خااص نرجعو لمغرب فاقرب وقت حيث غادي يصبر حتى يعيى وغادي يطيح
فدوى:غدا هنرجعو وجد راسك
طبيب:وااخا
خرجات فدوى كتشوف فادم لكان مغمض عينيه وهاز راسو لشمس
فدوى:وااش ماعييتيش من لما ،طلع باراكا عليك
ادم:لااا غير خليني ،(شافيها)شفتك بدلتي حوايجك واش مهاتنزليش
فدوى:لا اناا شبعت اا ادم داابا دويت مع ماما وقالت لي بلي مريضة بزاف وصراحة انا تشوشت عليها صوتها ماعجبنيش كنضن بلي خاصنا نرجعو غدا
ادم:تشوشتي عليها لدرجة ترجعي المغرب،جيني من لخر وقولي لي شنوو قاليك طبيب لداخل
فدوى:😟😟 ادم
ادم:غيير قوولي ماتخافيش
فدوى:نتاا علاش مكاتقولش لي بلي كتألم علاش كتمثل علي بلي نتا بيخير
ادم:مكانمتلش عليك غير هو انا كنت عارف بلي غير هتعرفيني كنتألم هنرجعو المغرب وعوتاني هنرجع لدوا والفراش والمرض
فدوى:نتاا محتاج لراحة ا ادم طبيب شرح لي كلشي هداكشي علاش غدا فصباح هنرجعو المغرب
ادم:والى قلت ليك لا
فدوى:فهاد الحالة ماغاديش نعارضك غير هو الى وقعات ليك شي حاجة ولا حالتك زادت دهورات غادي نبقى نلوم فراسي حتى اﻷخير نهار فحياتي
ادم:صاافي واخا غدا فصباح هنرجعو المفرب واخا صراحة ماسخيتش بالجو ديال تركيا
فدوى:حتى انا ماسخيتش ولكن صحتك اهم حاجة
#فالمغرب
فالوقت لكان فتركيا نهار المغرب كان فيه ليل كانو عائلة ارسلان جالسين حتى جات رجاء
رجاء:دويت مع فدوى
لكبيرة:كيفدايرين لباس
رجاء:قالت لباس ولكن صوتها ماعجبنيش
سوسن:ياكما واقعة شي حاجة لخويا اماما
رجاء:ماعرفتش شوشاتني ولزاد شوشني كثر هو انها قالت لي بلي غدا هيشدو طيارة هيرجعو
سوسن:يااك قالو هيزيدو شي زوج سيمانات اخرين
مسعود:بلا مانكبرو الموضوع هاهوما غدا هيجيو وهنشوفو شنو كاين وزيدون حنا توحشناهم من اﻷحسن ليهم يرجعو
سليم:لمهم خلينا من هادشي واش شي لسمعت بصح ،واش بصح هادوك لكانو وقعو معانا جاو ليوم ورجعو لفلوس
مسعود:كون جيتي لشركة كنتي غادي تعرف واش بصح ولا لا (ناض وخلاهم)
سوسن:من المفروض بابا ليكون مقلق منك ماشي نتا ،قرارك باش تخلي لخدمة راه مافصالحك مافصالحنا
سليم:كتدوي فحال الى ماكنتش، لخدمة مهاتمشيش ياك انا غير كرسي تما نتي وباباك كتحركوني كيفما بغيتو
سوسن:عرفتي شنوو خلييك هاكا معند ودافع كبير انا لحمقة سمعت كلام لقمان وجيت دويت معاك باش ترجع لخدمة
سليم:عوتاني لقمان واش هاد لقمان مهايعطينيش تيساع واش مهايبعدش مني حتى وهو بعيد صهدو واصلني
رجاء:لقمان راه خوك لكبير وباغي ليك غير الخير
سليم:خيرو يخليه عندو انا يعطيني غير تيساع
سوسن:ماافهمتش نتاا كيفاش كتفكر فعوض ماتهز تيليفون تشكر لقمان لحل لمشكل مع هاديك شركة اسبانية لنصبات علينا وخلاهم يرجعو لينا فلوسنا وماشي غير هادشي هو راه بقا كيدوي مع بابا بسوايع كيقنع فيه باش يسمح ليك ويرجعك لخدمة ونتا شنوو كدير بارك كتسب وكتعاير وماعاجباك اجي بعدا واش فراسك لقرارات لكان واخد بابا باش يعاقبك ولا لا انا هنقوليك اسي سليم بابا كان غادي ياخد منك منصب لمدير العام وكان غادي ياخود منك جميع صلاحيات ديالك فشركة وكان غادي يلغي حساباتك البنكية وهادشي كان غادي يوقع ولكن فدقيقة لخرة دخل لقمان وبابا مسامحك
سليم:انا ماقلتش ليه يدخل ومرة اخرى الى بغا يبان بطل مايبانش على ضهري انا (ناض وخلاه)
#عند_رقية
كانت رقية جالسة فبيتها فجنب ديال ناموسية شادة تصويرة فدوى كتشوفيها وكتحسر
جعفر:اتتي ماالك باركا تنهدي علينا تما
رقية:كنتنهد على زهر بنتي لمنحوس،باقا صغيرة وزوينة ودات راجل مقطوعين ليه رجليه
جعفر:زهر بنتك لمنحوس ؟؟ رااه حناا حنا لمناحيس بنتك فيناهيا دابا راها فتركيا كتبحر واكلة احسن ماكلة ولابسة احسن لبس وماشي غير هادشي ملي هترجع راها هتعيش فقصر قصر
رقية:القصر لكتدوي عليه نتا انا راني عشت فما حسن منوو،عيشة فالقصور وسفر ولفلوس شايطة هادشي كامل جربتو وهربت منو حيث لفرحة واﻷمان ماكيعطيهمش ليك هادشي
جعفر:اجي على سيرة القصور ولفلوس نتي ماناوياش ترجعي لعند خوتك تاخدي حقك واش باقي مامليتيش من عيشة زلط
رقية:هاادي هي لعمرها مهاتكون الى مشيت لعند خوتي غادي يطيح علي راجلي لول وديك ساعة لانا لا نتا ولا ولادنا ماغادي نبقاو عايشين
جعفر:صراحة حتى نتي مادرتي فيها مايصلاح هربتي من راجلك ونتي حاملة
رقية:ماالي هربت لخاطري انا راه فايت لي معاودة ليك عليه هداك راجل راه ماشي طبيعي مجنون وكون ماهربتش منو كان غادي يقتلني وانا حاملة
جعفر:بصح عندك الحق نتي دابا حتى لامتى هتبقاي مخبية الحقيقة على فدوى ا رقية خاصك تعاودي ليها حقيقة باها وبلي نتي لهربتي منو ماشي هو لهرب
رقية:ااشش كتخربق نتاا ايناا حقيقة هنعااود ليها امم،بنتي عمرها مهاتعرف باها حيث انا مايشرفنيش بنتي تعرف بلي هداك باها وشوف عنداك شي نهار يغرك شيطان وتنوض تعاود هادشي لفدوى ولا لشي حد حيث هاديك ساعة هنوريك وجهي لاخور لباقي ماشفتيهش
جعفر:يااودي انا اشش هنعااود هاديك بنتك منك ليها بغيتي تعاودي عاودي مابغيتيش ضبري راسك (جر عليه لمانطا ونعس)
يوم_غد_مساءا
كان كلشي واقف كيستقبل فدوى وادم لرجعو من سفر من غير سليم وجنان
لكبيرة:كيف كان سفركم
فدوى:غزاال صراحة كوون غير مشيتو معانا تفوجو معانا شوية
لكبيرة:مرة اخرى انشاءلله
رجاء:ادم ولدي كيفداير لباس صحتك شوية
ادم:(باس يديها)ماتخاافيش انا بيخير
جيهان:شنوو واش هنبقاو هننا يالاه خلينا نتعشاو راه طبلة واجدة
فدوى:صراحة في لموت ديال جوع
مسعود:ايواا يالاه خلينا ندخلوو نتعشاو (دفع ادم)
رجاء:امدرا طبيب لسيفطنا معاكم واش هتم بادم
فدوى:صراحة ماقصرش من جهدو وحتى لخدامة لسيفطتو معانا عاونتني بزاف
رجاء:مزيان مزيان
مشاو كلهم تجمعو على طبلة عاد تما سليم جاي هو ومراتو
سليم:مساا لخير
رجاء:مساا نور
جنان:فدوى حبيبة على سلاامتكم
فدوى:شكرا لله يسلمك
جنان:كيف كاان شهر العسل
فدوى:كان مزيان شكرا
حطو لعشا بدا كلشي كيتعشى وسوسن كترمق فدوى بنضرات غريبة شافتها فدوى ودورات وجهها
جيهان:ايواا عاودو ليينا على شهر العسل
ادم:دااز وااعر حتى لمن بعد ونوريك تصااور
جنان"تلقى فدوى ماخرجاتش من البحر وماسخاتش بتركيا عادي هتكوني عمرك ماسافرتي برا لبلاد هداكشي علاش مهاتسخايش بديك لبلاصة
فدوى:ااه عندك الحق عمري ما سافرت برا لبلاد حتى سافرت مع ادم ولكن نتي هتكوني سافرتي قبل ماتزوجي على قبل لخدمة حيث كنتي مفنية كنضن كنتي كديري جولات فاوروبا كتغني فريسطورات
بقات جيهان كتشوف ففدوى مطرطقة فيها عينيها وسم فديك لحظة كيقطر من وجهها
جيهان:افف الجوو ولاا سخوون (كتنش على راسها)فحال الى شاعلة لعافية هنايا واش غير انا بوحدي لكنحس بالحر ولا غير انا
ادم:لاا لاا حتى اناا كنحس بالحر واقلة شي حاجة كتحرق هنا وحنا ماجايبين خبار (بتاسم)
رجاء:اااا ولدي ادم خود ليك صالاد راه صايبتها ليك بيدي
ادم:شكرا اماما جات بنينة لله يعطيك صحة
كملو لماكلة وفدوى دخلات ادم لبيتو كيبدل فحوايجو وخرجات تقلب على ليفاليز باقي ماجابوهومش
سوسن:فدوى
فدوى:(دارت تلفتات)نعاام
سوسن:فيين غادة
فدوى:غادة نجيب ليفاليز شفتهم باقي مادخلوهمش
سوسن:غير رتاحي انا هندوي معاهم هيجيبوهم ليك حتى لبيتك
فدوى:وااخا شكرا (تمات غادة)
سوسن:كنت متوقعة هتقولي لخويا على قضية العقد لخليتك توقعي عليه
فدوى:(دارت شافت فيها)ماقلتش ليه عليه حيث هداك العقد ماشي شي حاجة تستاهل
سوسن:(قربات حداها)هنسولك سؤال وبغيتك تجاوبيني بصراحة
فدوى:سولي
سوسن؛وااش نتي بصح تزوجتي خويا حيث كتبغيه
فدوى:لاا ماتزوجتوش حيث كنبغيه
سوسن:اذا علاش تزوجتيه لفلوس لكنت نقول تزوجتيه عليهم راك وقعتي عقد بلي مهاتاخديش ريال منهم
فدوى:وااخا هنقوليك مهاتفهمينيش
سوسن:عاودي لي نقدر نفهمك تيقي في
فدوى:نتيق فييك انا مكانتيق حتى فراسي عاد نتيق فيك نتي شخص لوحيد لكنتيق فيه فهاد دنيا هو ادم شي حاجة اخرى كتبان لي غير تخربيق
سوسن:شهر هادي وانا كنفكر فيك وفسباب لخلااك تزوجي بخويا ولحد ه
ساعة باقي مالقيتش تفسير من غير انه بغيتي تهناي من الفقر وقبلتي بيه
#تتمة
فدوى:انا عارفة بلي راسك ضارك وباغا تعرفي علاش قبلت بخوك وعارفة بلي مهاتفاكي معايا حتى تعرفي علاش تزوجت بيه ،واخا سمعي انا تزوجت بخوك حيث قلبي كان مجروح من راجل اخر تخلى علي ومشا تزوج بصاحبتي،تزوجت بخوك باش ننسى لجرح لفقلبي والحمد لله نسيتو ،خوك كيفما هو كان محتاجني حتى انا كنت محتاجاه ودابا بغضلو نسيت كاع هداكشي لداز علي شحال هادي
سوسن:قلتي نسيتي هي بديتي كتبغي ادم
فدوى:اه كنبغيه حيث لقيت فيه الحنان والعطف لمالقيتو فحتى شي حد اخر
سوسن:هنقدم ليك واحد نصيحة افدوى وحاولي ديري بيها
فدوى:لهي
سوسن:حاولي تحكمي فمشاعرك اتجاه ادم حيث من بعد هتعدبي بزاف، خوويا وضعو صعيب طبيب لديناه لعندو كيقولينا بلي باقين شهورا قلال فحياتو و
فدوى"(قاطعتها)سكتتتي ماتزيديش حرف اخر نتي مناش مصنوعة ،كيفاش قادرة تقولي بسهولة خويا باقين شهور قلال فحياتو
سوسن:قدرت نقولها حيث هادي هي الحقيقة وانا وعائلتي تقبلناها ودابا خاصك حتى نتي تقبليها باش من بعد مايموت خويا ماتصدميش
فدوى:شنوو زعما بغيتي توصلي لي بلي واكلة لي لهم وبلي كنهمك
سوسن:مكاتهمنيش انا كندوي معاك غير من باب اﻹنسانية وغير حيث حاطة راسي فبلاصتك
فدوى:العجب كيفاش لمرا لجات عندي نهار ضريب صداقي وسمعاتني من لمنقي خيارو جاية كتقوليا دابا بلي خايفة علي لا نتصدم
سوسن:اناا غيير
فدوى:ماتزيدي حتى كلمة نتي كنتي واكلة لهم لفلوس وانا وقعت ليك بلي مهاناخود حتى ريال منهم اذا صافي حبسي هنا (زادت وخلاتها)
مشات فدوى دخلات لبيت لقات ادم نعس ولعيا باين عليه
فدوى:ماايمكنش لييك تموت وتخليني اكيد كاينة شي حاجة لهنقدر نعتقك بيها
دخلات فدوى دوشات وخرجات لبسات بيجامة وهزات لبيسي كتقلب على احسن طبيب فاوروبا مختص فهادشي ديال سرطانات لقاتو وقيدات نمرتو وطلعات حدا ادم تخشات فيه ونعسات
#عند_جنان
خرجات جنان من لبيت كتسلت مشات لكوزينة ودخلات سدات لباب لقات واحد لخدامة واقفة وهي نفس لخدامة لمشات مع فدوى لتركيا
خدامة:تعطلتي بزااف الالا
جنان:تسنيت راجلي ينعس ،امدرا فهاد المدة ديال سفر عطيتيها دوا بانتضام ياك
خدامة:اه الالا غير هو سالا حيث فيه 30 حبة
جنان:ااه بصح الغلط مني كان علي نعطيك بواطا اخرى انا كنت كنصحاب بلي غادي يبركو غير شهر ساعة هوما زادو ايامات اخرين
خدامة:لالا انا خايفة واش بصح هداك دوا ديال منع الحمل ولا ديال شي حاجة اخرى
جنان:كيفاش ديال شي حاجة اخرى ياكما بنت ليك قتالة شدي هالبواطا لاخرى حاولي تعطيه ليها بانتضام والى شي حد حصلك واياك تجبديني
لخدامة:كوني هانية الالا
جنان:هااكي هافلوسك ديال هاد شهر وطبعا الى بقيتي كتخدمي مزيان شهر جاي هنعطيك ضوبل ديالهم
يوم_غد
كانت فدوى واقفة فجردة كتدوي فتيليفون
فدوى:(بالفرنسية)الوو دكتور جون مورتيلا
طبيب:وي هو انا شكون معايا
فدوى:انا واحد سيدة من المغرب وتاصلت بيك على قبل واحد الموضوع
طبيب:وااخا كنسمعك غير هو ستعجلي
فدوى:زوج ديالي مريض بسرطان كان عندو فرجليه وقطعوهم ليه ودابا نتاقل ليه لظهر
طبيب:سمحيلي ولكن مايمكنش لي نشخص لحالة ديال زوجك هاكا خاص نشوفو مباشرة شنو ظهر ليك تجيو عندي لكلينيك
فدوى:لكلينيك واش ففرنسا
طبيب:اه حيث هنا مقر سكن ديالي
فدوى:صراحة مانقدرش واش نتا ماتقدرش زعما تجي لعندنا
طبيب"سمحيلي ولكن هادشي مايمكنش
فدوى:انا مستعدة نعطيك لبغيتي قوليا شحال بغيتي ديال لفلوس باش تجي لعندي
طبيب:انا باش ننتاقل من فرنسا لبلاد اخرى كناخود 150 الف دولار
فدوى:😱😱😱 150 الف دولار
طبيب:اه هادشي غير خلاص يدي عاد اجراءات ديال طيارة والمبيت وكلشي كيكون على حساب شخص لتاصل بي
فدوى:(سرطات ريقها)صاافي واخا خلي لي لوقت فين نفكر
طبيب:وااخا خودي راحتك
قطعات فدوى وعضات على قنوفتها
فدوى:150 الف دولار يعني 150 مليون ديالنا انا كيفهاندير حتى ناخودها من عند بات ادم وانا ماضاسراش عليه
لخدامة:(جات لعندها)لالا فدوى
فدوى:نعاام
لخدامة:سي ادم كيتسناك فجردة لقدامية
فدوى:وااخا هاني جاية
مشات فدوى لجردة لقدامية لقات ادم جالس فلكرسي ومعاه جيهان كيضحكو
فدوى:شنوو واقع مالكم
ادم:(شد يديها باسها)جبت ليك واحد لكادو نتمنى يعجبك
فدوى:كادو فيناهوا
ادم:دووري شوفي
دارت فدوى وهي تلقى طوموبيل حمرة رونج
فدوى:😮😮 دياالمن هادي
جيهان:ديااالك
فدوى:😱😱 شنوو
ادم:فزواجنا ماعطيتكش شي كادو مميز هادشي علاش قررت نشري ليك هاد طوموبيل
فدوى:ولكن طوموبيل راها غالية
ادم:(باس يديها)حتى حاجة ماتغلى عليك
جيهان:عندك بعدا لبيرمي
فدوى:اه عندي
جيهان:وكتعرفي تصوكي
فدوى:شوية وصافي ههه شحال هادي كان كيعلمني م (سكتات)
جيهان:مالك سكتي كملي شكون كان كيعلمك
فدوى:(شافت فادم)كان كيعلمني واحد لولد ساكن فحومتنا
ادم:مزيان ايوا دابا طلعي جربيها شوفي
فدوى:ههه واخا
مشات فدوى طلعات لطونوبيل وطلعات معاها جيهان
فدوى:افف شحال زويينة
جيهان:بصح زويينة بزاف
من لفوق كانت رجاء ولكبيرة كيشوفو فيهم
رجاء:(تنهدات)شراا ليها طوموبيل
لكبيرة:من حقو مراتو هاديك يشري ليها لبغا
رجاء:بصح من حقو شفتيه كيف فرحان وحتى هي فرحانة ،علاش ياسيدي ربي خديتي من ولدي صحتو (عينيها دمعو)شنو فيها كون كان بصحتو واقف وحداه مراتو  شنو فيها
لكبيرة:ستغفري مولاك ارجاء هذا مكتاب لله وتصرف
رجاء:(تنهدات)الحمد لله على كل حال لمهم عندي دابا هو ولدي فرحان شي لاخور ماكيهمش
لكبيرة:هاادشي لبغيت نسمع
#فالعشية
كانت فدوى واقفة اونفاس مع لمرايا لابسة كسوة فلموف حد ركبة وطالون بيض وطالقة شعرها وادم جالس فلكرسي لور كيشوفيها
ادم:جييتي زويينة بزاف
فدوى:ميغسي احياتي،(دارت شافت فيه)متأكد بلي ماباغيش تمشي معايا لعند ماما
ادم:متاكد ،باغي غير ننعس ونرتاح
فدوى:(نزلات لعندو)عارفة بلي لوضع صعيب عليك وعارفة بلي كتألم وبلي حتى واحد مهايقدر يحس باﻷلم ديالك ولكن خاصك تعرف بلي انا مراتك وانشاءلله هندير كلما فجهدي باش نلقاو حل
ادم:بغيت نكون متفائل فحالك ولكن ماقادرش انا حاس بلي عمري قصير افدوى
فدوى:ماتبقاش تقوول هاكا راك كتدمرني ،هاد لوقت لحنا فيه خاص نكونو قويين ونكونو متاحدين
ادم:(طول فيها شوفة)كنفكر فوضعك من بعد مانموت
فدوى:(وجهها صفار)عفااك ماتبقاش تقول فحال هاد لهضرة 600 الف مرة قلت ليك مانبغيش نسمع كلمة موت خارجة من فمك
ادم:وااخا،شفتك بركتي ياك كنتي غادة عند ماماك
فدوى:بصح كنت غادة ولكن كيبان لي نأجلها حتى لغدا
ادم:علاش هتاجليها زعما على قبلي ،لا ماكاين لاش
فدوى:وااخا (باستو فحنكو)الى وقعات شي حاجة عيط لي
ادم:كووني هانية
وقفات فدوى هزات صاكها وخرجات لقات طوموبيلتها واقفة يالاه بغات تطلع وهي توقف عليها جنان
جنان:مبرووك طوموبيل
فدوى:شكرا لله يبارك فييك
جنان:واضح بلي سي ادم باغي يخسر عليك كاع فلوسو قبل مايموت ولله العظيم الى نتي لصادقة ليك مزوجة واحد ماكيحني ماكيدني وعندو زبابل ديال لفلوس وقريب هيموت وهيخلي ليك كلشي
فدوى:(قربات حداها)جنان
جنان:نعاام احبيبة
فدوى:انا راه مانصلاحش ليك من اﻷحسن ليك تبعدي من طريقي
جنان:والى مابعدتش شنوو هديري
فدوى:هندمك على نهار لفكرتي تقربي لي فيه ولا تلعبي معايا
جنان:وراكي ماساهلاش مع راسك
فدوى:سهالي هانتي الالا،نتي مرات لوسي بيناتنا خاص يكون اﻹحترام والحدود وكيبان لي نتي من نوع لكيفوت الحدود ولكن ماشي معايا انا حيث انا هنعفط عليك كيفما عفطت على غيرك واش فهمتي
جنان:امم امم فهمت
ضربات فيها فدوى وطلعات لطوموبيل وكسيرات وجنان بقات واقفة
جنان:ماعارفاش راسك معامن ابنيتي افدوى ماشي انا لنتهدد ماشي انا (دخلات)
بعد_مرور_نصف ساعة
وصلات فدوى لدرب كتصوك فطوموبيل حالا شرجم وحاطة يديها فيها مكانة كتبري ،شافت فلعيالات وبتاسمات
فدوى:يالاه دورو تقودو داابا هاهي فدوى بنت رقية جات وبدات كتضرب على دينمكم لحديد لغالي
وصلات فدوى قدام دار لقات مها كتشطب سطاسيونات طونوبيل ونزلات
رقية:(عنقاتها)على سلاامتك
فدوى:كيفدايرة لباس
رقية:لبااس لبااس،اجيي خليينا ندخلوو
فدوى:بلاتي بعدا كيف جااتك طوموبيل
رقية:ديالك
فدوى:اه شراها لي ادم
رقية:زوينة بصحتك
فدوى:وعلاش كتقوليها من فوق صدرك فحال الى مافرحاناش
رقية:طوموبيل مهاتفرحنيش لهيفرحني هو نتي تكوني من لداخل بيخير
فدوى:عرفتي شنو خلينا ندخلو بعدا
على لسان فدوى
دخلت لدار لشهر وزيادة ماجيتش ليها توحشتها بزاف واخا صغيرة وفيها دوزت اسوأ ايام حياتي ولكن واخا هكاك مكانسخاش بيها ومكانرتاح فحتى شي بلاصة من غيرها
فدوى:(هزيت خويا صغير)وينوو على لفنيكيش كبر يااختي على زيوونات (درت شفت فماما)واش ولاا كيمشي
رقية:اه حطيه فبلاصتو واججي ندويو
حطيت خويا فبلاصتو ومشيت جلست معاها
رقية:كيف كان سفر
فدوى:زويين شبعت بحر وبيسين هداكشي واعر
رقية:وكيفدايرة نتي مع راجلك
فدوى:مزيانين عايشين بيخير
رقية:ااا بغيت نسولك ،هو ك كيفداير فلفراش زعما كيقدر ي اا فحال اي راجل
فدوى:ونتي ماالك سووقك
رقية:(ضربات فخضها)هي ماكيقدرش اوويلي على بنتي لمزغوبة وزهرها لمنحوس فوق ما انه معوق ماكيقدرش يقضي
فدوى:اشش كتخربقي نتي ،انا وياه راه مزوجين وكنعسو مع بعضياتنا اا د دخل بي غير هو ماكيقدرش يطول معايا ،صحتوو على قدوو
رقية:صحتوو على قدو 😒 هي ماكاين والو ،ايواا اش هنقوليك نتي لبغيتيه ضبري راسك معاه
فدوى:ايواا اخبار درب كيف
رقية:درب هو درب،فراسك كيصحابو هداك خو راجلك اش سميتوو سلييم اه سليم كيصحابوه هو راجلك
فدوى:ونتي اش قلتي لييهم
رقية:اش هنقووليهم قلت ليهم هو راجلك مالك بغيتيني نقوليهم راه راجلها معاق مقطعين ليه رجليه باش ديك ساعة يضحكو عليك مزيان
فدوى:لله يهديك امااما لله يهديك
دورت عليها وجهي وهي ناضت كتعمر فاتاي بديت كنلعب مع خويا حتى سمعت لغوات فزنقة طليت من شرجم بان لي منير جار غزلان من شعرها وكيغوت قدام باب دار غزلان
رقية؛(جات كطل حدايا)هذاا هو حاالهم يوميا ،منير ولا كيسكر وكيضرب لحمو بات غزلان ملي عرف بلي منير ماكيتعاملش مع غزلان مزيان خرجو من لخدمة ورجع كيف كان بيطالي وزاد كملها بتشمكير ،حفظك لله منو
فدوى:(كنشوفيه)فراسك بعد المرات ملي كنجلس كنفكر وكنقول اناا كيفاش قدرت نبغي واحد فحالو
رقية:عقل صغر ومايدير
وانا كنتفرج فمنير كيسلخ غزلان هبطو خوتها فكوها وجراو على منير ،غزلان قشعاتني كنطل ايوا وهي تبرك كتسب في
غزلان:(كتغوت)كتفرجي فيي ابنت رقيية كتفرجي في تشفاااي تشفاااي في عطاتك لياام هااني كنعيش فشي لكان خاصك نتي تعيشي فيه
فدوى:هاادي تسطات مافيهاش
غزلان:نززلي عندي لهنا بيني وبيينك حساب خاص نصفيوه اليوم
رقية:سيييري فحالك ،سيري دخلي لداركم قبل ماننزل انا نيت فبلاصة بنتي نوريك اش هنصفي معاك
غزلان:(كتبكي)لله يااخود فييك الحق دمرتي لي حياتي خرجتي لي على راجلي اسحارة خليتيه بلاا عقل ؛انا بغيت ربي ينتاقم لي منك القحبة
ماجاوبتهاش دخلت وجريت ماما وسديت شرجم
رقية:شفتت هادي مزاال زايدة فالغوت واقلة باغاني ننزل ليها
فدوى:مااكاين لاش خلييها تما تنبح كييف لكلبة
جلست ومهانكدبش عليكم قلبي رتاح وبرد من جهة غزلان ومنير كاع لداروه في هاهوما كيخلصوه بثاني ولمتني ،بقيت عند ماما حتى قال لمغرب لله واكبر يالاه نضت كنوجد راسي هنمشي وهو يصوني تيلي كانت خالتي رجاء فلبلاصة جاوبتها
فدوى:الوو خالتي
رجاء:ب بنتي فيينك
فدوى:انا عند ماما علاش
رجاء:بنتي رجعي داابا ادم تزااد عليه الحال
فدوى:😨😨😨 ك ك كيفاش تزااد علييه الحال ش شنو واقع
رجاء:عفااك ابنتي جي دغيا راه كيعيط غير بسميتك(قطعات)
#يتبع