🦋جعلوني زوجة له 🦋 (مكتملة )

part15

💎جعلوني زوجة له💎
جزء15
وجهي صفار وليت كولي كنترعد ورجلي مقدوش يهزوني
رقية:اويلي مالكي اش وقع
فدوى:(هزيت راسي فيها وانا مفياش نقطة ديال دم) ادم تزاد عليه الحال
رقية(هزات يدها لسما) هالي قولنا هاهو غيمووت
فدوى:(شفت فيها ولعافية هتخرج من عيني و هزيت صبعي فوجهها) اخر مرة نسمعك كتقولي هاد الهضرة
قبل متجاوبني مي  هزيت صاكي وخرجت يالاه هنطلع فطومبيل بانو لي العيالات مجوقين حدا الباب كيبركو غير شافوني بداو كيضحكو ،يلاه هيتميو جايين لعندي طلعت دغيا وكسيريت مكان كيبانلي تاحد قدامي غير صورة ادم رجليه مقطوعين وكيغوت بلحريق والعائلة مجموعين عليه كيتحصرو وتا اطباء مفيدهم تاحيلة.... وانا كنصوك ماحسيتش بطريق غير كنبكي وكنتنخصص... وصلت القصر حلو لي الباب... عفطة وحدة وقفت حدا لباب هبطت كنجري...بانلي سليم وجنان جالسين بجوج كيهضرو درت راسي مشفتهمش ودخلت بزربة
سليم:هاهي جات
جنان:(ضحكات)زيد زيد نتفرجو فالمسرحية لغدي تكون دابا
سليم:(وقف) متاكد إلى شافوها نقاد سينيما غادي يعطيوها جائزة الاسكار
جنان:(تمات غادية)سربي مبغيت نفوت والو من هادشي
#عند_فدوى
طلعت كنجري وتاحد مكيبان لي، بانتلي صورة كيف متخيلتها ادم كيتوجع واطباء فوق راسو كيحاولو يخففو عليه و رجاء شادة فيديه وكتبكي ولباقي شي كيبكي وشي مكتفي فقط بصمت ونضرات كلها حسرة وقلة حيلة... بقيت واقفة موراهم دموعي محجرين وحاطة يدي على فمي وكنترعد... قشعني ادم ومد لي يديه بترجيَ كانو كيقولي عاونيني
ادم(بصوت خافت ونبرة مآلمة) ف ف ف دوى
مشعرتش تا دموعي هبطو شلال ومشيت كنجري عندو
فدوى(عنقتو) :اهئ اهئ حيااااتي انا معاك
ادم:(كيتوجع) خليك غيير نتي معايا
رجاء(كتبكي) اهئ اهئ ولدي
ادم:قولي لهم يخرجوو
فهاد اللحظة جا طبيب هاز شوكة فيديه
طبيب:اتسمحلي اموسيو ادم، الابرة لغادي تهدن عليك الوجع هاهي وصلات
فدوى:(مخلَوعة) شكتسنا عطيها ليه
جنان(:كتهضر بينها وبين سليم) هاهي دابا هدير فيها مخلوعة وخايفة عليه
سليم:انا لعارف داك نوع غتلقايها كتفيق تصلي الفجر على ودو باش يموت دغيا
بينما طبيب كان كيعطيه الابرة انا كنت كنشوف فيه وحاسة بالعجز ومقادة ندير والو وهو من بعد ماخدا الابرة بدا شوية شوية كيتهدن ويرجع طبيعي وانا شادة فيديه....و العائلة كلها واقفة وادم متكي على ظهرو كيرتاح تاحد مكيهضر السقييل وصوت تنهيدات والشهيق بوحدو لكيتسمع فديك اللحظة شاف فيهم ادم كاملين وبتاسم
ادم:(بسخرية) كلكم هنا ناس لكتبغيني وتلكتكرهني)شاف فدوى وهز يديها عندو باسها)مراتي العزيزة (شاف فماماه)ميمتي بابا عمتي  ختي صغيرة (ضحك) خويا الكبير ومنساوش مرات خويا(رفع صوتو شوية) جنااااان
شافت فيه جنان بخبث وبتسمات بسخرية
فدوى:(شديت وجهو بين يدي وكنهضر ودموع فعيني) شوف مغنفقدوش الامل انا تاصلت بواحد طبيب مشهور ودازو عليه حالات كثر من ديالك وتشافاو، هنجيبو لهنا غادي يكشف عليك ويعطيك دوا وهتولي لاباس انا متاكدة
ادم:(شاف فيها بدون امل)انا صافي رضيت بالقدر ديالي وحتى نتي خاصك ترضاي
فدوى(كتشهق) لكان هدا قدرك غنبدلوه
ادم:صافي تقبليها وانت عارفة هدشي من نهار لول وتقبلتيه
فدوى:(حطيت جبهتي على جبهتو وغمضت عيني)كان قبل اما دابا منقدرش
ادم:فدوى حاجة وحدة لغتخفف عليا
فدوى(بلهفة) اه اه اش هي
ادم:بغيت نشوف خويا لقمان بغيتو يجي
مسعود:غير تهنى اولدي خوك غيجي بسيف ولابلخاطر غيجي عندك
ادم(شاف فيهم بالم) خويا بغيت نشوفو قبل من مووت
فدوى:اه اه نعيطوليه ويجي ليوم قبل غدا
جنان:اليوم قبل غدا نتي راكي ماعارفاش شكون هو لقمان مستحيل يجي
فدوى:وعلاش مايجيش خوه مريض بغا يشوفو بزز منو هيجي
سوسن:غير تهدني انا هندوي معاه وهنقنعو باش يجي
ادم:(رد راسو جنب)خرجوو بغييت نبقى غير مع فدوى ،بغيت نرتاح
فبلاصة اخرى وبالضبط فكوريا
طق طق طق طق صوت الكعب العالي بوحدو لكيتسمع غادي بكل توازن كانت شابة تكون ف30 من العمر ديالها بكل ثقة كتمشا وطابليط فيديها والخدم ليشافها كيتحنا ليها وهي ممسوقاش وقفات للحظة على صوت رسالة وصلات... شافتها وقراتها مزيان وكملات السير ديالها وهي مبتاسمة تا وصلات الجهة اخرى من فيلا فين كان  مسبح دائري ويلاه اتوقف تلاح الشخص تماك وترش الماء عليها... هزات راسها الفوق تنهدات بعصبية  و رجعات شافت فالشخص لقطع المسبح الجهة اخرى وهو غاطس حتى طلاع وهو مغمض عينيه وتكى بظهرو على الحيط ديال لابيسين ويدو منشورين على الحافة ديال لحيط وراسو تاهو وكيلعب بفمو.... شافت فيه ورجعات شعرها اللور ويلاه اتوصل عندو وهو يغطس تاني الجهة لاخرة وطلع... بقات كتشوف فيه وهي مطلعة حاجب ورجعات عندو فين كان كيمسح داتو
لينا(:بصوت حاد وانثوي) لقمان المبلغ لتفقنا عليه مع لوكاس تحوال الحساب ديالك
كتهضر وكتحاول تششت انتباه ديالها تفاديا القنبلة لحداها وكيفاش غتقد تمالك راسها وهو طولة ديالو دير جوج منها زيادة على البنية ديالو كتاف عراض وصدر منفوخ وكل عضلة كتكول لخرى متعرفيش نتي فلحجم نخليو هدشي، ونركزو غير فالوسامة اللحية مطراسية وخفيفة وشهبة، سنان بويض ومستفين وعيون بونهم زرق فاتح مايلين لشيبي وشعر تاهو شهب وهابطليه على عنيه وهو مخنزر ولفت انتباها واحد الوشم لهابط بحال شكل كتبة ممفهومش المعنى ديالها ،جسمو كامل موشوم و رجليه وحدة طالعة بالوشام كاملة ويديه يجوج انطلاقا من صبعان تال الرقبة وضهرو كامل موشوم وجهة صدر تاهو
لينا:(وهي كتشوف فالوشم) بقاليك شوية وتغبر بهاد التخطاط
مجوبهاش لاح الفوطة وتما داخل لفيلا بخطوات تابتة ومشيتو لكيهز كتافو َيديه كيمشيو ويجيو وصدرو خارج
جلس عطاها بضهرو ودوا معاها بصوت خشن ورجولي مدعدع
لقمان:(بدون مبالاة) شنو الجديد
لينا:اتصال من دار
لقمان:قلت ليك الجديد
لينا:ادم
لقمان:(وقف ودار)مالو؟
لينا:بغاك تجي لعندو سوسن سيفطات لي ميساج قالت لي نقوليك هادشي
لقمان:(حاط يدو على جنبو) نفس الهضرة ديما
لينا:(هزات حاجبها) هاد المرة كنضن الموضوع غير
مجوبهاش مشا نيشان هز تيليفون
#فالقصر
كنت ناعسة جنب ادم متكية حداه حاطة يدي على شعرو كنلعبب فيه يالاه بغيت نطفي ضو وهو يبان لي تيليفون ديال ادم كيصوني هزيتو بالخف قبل ميفيق وجاوبت بلاما نشوف شكون
فدوى:(بصوت خافث كولو انوثة) الو
لقمان تعجب منين سمع صوت بنت شاف تيليفون ورجع هضر
فدوى:الوووو
لقمان:ادم
فدوى:وي ادم ناعس شكون نقوليه
لقمان:(بعصبية)فيقيه دابااا
فدوى(تعصبت)كيفاش اخويا فيقيه دابا واش كيصحابليك خدام عندك،ادم ناعس مريض
فاق ادم على صوت فدوى
لقمان:(بنفاد صبر)شوفي بلاما تعصبيني خويا فين
فدوى:😮😮 خووك
شفت فتيليفون لقيت مكتوب خويا لقمان بلعت ريقي وقلبي كيزدح
ادم:فدوى شكون(خدا من عندها تيليفون منين شافها مصمرة) الو
لقمان:ادم
ادم(تهز من بلاصتو) خويااااا
لقمان:مالك
ادم :(شافيا)فدوى واش تقدي تخرجي
فدوى:وااخا انخرج
خرجت وانا كنشوف فيه وكندب على شوهتي
فدوى:ويلي ويلي ويلي انا اشدرت عنداك عنداك غير يصدق معصب ويصدق مجايش ويلي ويلي ويلي 😱😱😱
عند لقمان وادم
لقمان: مراتك
ادم :(بتاسم)اه سميتها فدوى
لقمان:امممم مالك
ادم:(ضحك)مانكدبش عليك عزرائيل جا سلم عليا قالي شوية وندوز موراك
لقمان:(جمع القبضة ديالو)ادم
ادم:نعم
لقمان:(غمض عينيه وساط)تهلا فراسك اخويا
قطع وخلا ادم فحيرة هنا دخلات فدوى هازة فيديها كاس ديال العصير شافت فآدم لقاتو كيشوف فتيليفون مغوبش
فدوى:مالك؟
ادم:قطع عليا
فدوى:اويلي واش هذا حمق، كان كيسحابلي نتا عزيز عليه😱
ادم:هو هكا داير مكيهضرش بزاف ابسط الحوايج يقدر يقولهم ليك غير براسو ولا بإشارة بيديه طبعو هكدا كيتصرف كثر مكيهضر
فدوى:المعنى !
ادم:هههه وجدي راسك اتشوفي لوسك الكبير
فدوى:😕😕 شلاا
#بعد_يومين
الاجواء فالقصر بقات كيفما هي حيت كولشي متقبل حقيقة انا ادم غيموت الا فدوى لمتحصرة ومدمرة بزاااف دازت عليها هاد يومين كيف العافية مانعسات ماشافتو كتبات مقابلة ادم لمرة مرة كينوض عليه الحريق اما صحاب لقصر   فكانو مهدنين شي مقابل الخدمة شي مقابل حياتو كلا وفاش حاير
وكيف العادة فدوى حسات بادم مشا فسابع نومة لبسات البينوار ديالها وحلات الباب بشوية وخرجات على ريوس رجليها.... كانت 4 ديال صباح جالسة فجردة كتحصر وتبكي فصمت باش ميسمعها حد وهي فسهوة ديالها كتفكر فادم فيقها صوت الفران لتضرب واحد مور واحد قدام القصر مشات بزربة طلات باليها فرع من طونوبيلات تصافو وحدة من مور وحدة...الطونوبيل لولا نزلات منها لينا وقفات كتقاد فحوايجها ومن جهة اخرى نزل لقمان ووقف تاهو ،لمدة حاط يدو على طوموبيل كيتامل فالقصر حتى بانتليه فدوى كطل من جهة الجردة
#عند_فدوى
وأنا كنطل على طونوبيلات لوقفو جات عيني فعينو مع ضلام لكان لحاجة لوحيدة لشعشعاتني فعيني هي لون عينيه ضارب فيهم ضو ديال لقصر ،مهانكدبش عليكم تهزيت من بلاصتي وخفت وانا نرجع بلور مشيت بزربة رجعت لبيتي سديت علي
#عند_لقمان
وهي كتشوف فيه طول شوفة فيها باش يقد يعرف شكون تا غبرات... معطاش الموضوع اهتمام حدها مشات وهو يقلب وجهو وخاد نفس عميق وبقا كيشوف فالقصر حتى وقفات حداه لينا
لينا:القصر من برا كيبان واعر،علم لله كيف هيكون من لداخل
لقمان:تقدري تمشي
لينا:😕 كيفااش نقدر نمشي؟؟واش مهانبقاش معاك هنا
لقمان:جنب عائلتي لاا ،بأي صفة هنخليك حدايا
لينا"بصفتي يديك ليمنى وفنفس لوقت شريكتك فالخدمة
عطاها بظهر وخشا يدو فجيبو ومشا برودة ماعطاهاش حتى اهتمام 
لينا:وااخا
تمات لينا غادة لطوموبيل وهو يدور عندها
لقمان:حجزت لييك فاوطيل نتمنى ترتاحي فيه
لينا:😡😡 مغرور
طلعات لينا لطوموبيل وخرجات ولقمان طرطق عنقو ودخل لقصر دنيا خاوية كتصفر وظلام و هو واقف لوسط كيسرح عينيه بدا كيرجع سينتا اللور...تفكر حياتو كيف كانت وكيف ولات، رجع كيشوف رااسو داخل القصر وراق لخدمة فيديه ولافيست على كتافو ولعيا باين فوجهو  وتحت عينيه كحل بكثرة سهير... قشع رجاء جالسة فوق لفوطوي حاطة رجل على رجل كتشوف فيه بتاسم و مشا لعندها
لقمان:(باس ليها يدها) تاني منعستيش كتسنايني
رجاء:(كتشوف فيه بحنان) ولدي سولت عليك قالولي مخرجتيش من مكتب ديالك نهار كامل وماكليتي والو عوتاني
لقمان:(حط الوراق ولافيست وجلس) كتجسسي عليا
رجاء:راك ولدي ولامتجسستش عليك علامن اولدي هنتجسس
لقمان:(باس ليها يديها) الله يخليك ليا الواليدة
رجاء:اﷲ يرضي عليك
فاق من سهوتو للحظة تفكر شيحاجة عصباتو جمع القبضة ديالو وكمل طريق
#بلسان-فدوى
بعدما دخلت البيت وانا مخلوعة من شوفات ديال داك خاينة بقيت مبهوضة وحايرة، ناري مي على شوفات شوفات دار في كيف شي ديب خلعوني ولكن بلاتي شكون هدا اجي ياكما هدا😱لقماااااااان.... بقيت غادة جاية فلبيت كنفكر ونوقف شوية نشوف فادم واش نفيقو نقوليه خوك جا ولا شنو نديير داباا افففف ياربي....  كنفكر والفضول ديالي قتلني من جيهتو.. مقديتش نصبر وانا نرجع نخرج... واش هنقوليكم لابسة سوميج فوق ركبة ومن تحتها غير سليب وكلشي كيفيبري فبلاصتو... غادية كنتسلت تاهبطت مع دروج مكنقشع والو مع ضلام، كنحاول نقشع شي حاجة و والو مباليش تاوصالت الدرجة تانية وتساطحت مع شي حاجة مانكدبش عليكم وقفت مصمرة شادة غير راسي خايفة لا نطيح ماني غادية ماني جاية غير كندور هزيت راسي نشوف شكون قدامي حتى كيبانلي غير جثة دير ضوبل مني مبانش لي وجهو قشعت غير عينيه لي لون ديالهم كيبري وخا ظلمة قديت نميزهم.... هداك شخص طول في شوفة وطلع وخلاني مقال حتى كلمة
فدوى:اويلي دخل في وَمقالش حتى  سمحيلي بقر الله في ارضو صافي
درت نشوف فينو لقيتو طلع
فدوى:بربي تانتبعو 😑
خليتو تافات دروج وتبعتو كنتسلت... وصلنا الكولوار شوية مبقاش بانلي كيجن غبر عييت نسرح بعيني والو... محسيت براسي تالقيت راسي تجريت من شعري تا طرطق لي زغب من راسي ويلاه انغوت تحطاتلي يد على فمي
لقمان:(وهو كيهمس) كتلعبي
مقديتش نجاوب حيت حاط يدو على فمي حدي كنزغنن بشوية من حريق حيت شعري كان شادو ومزير عليه تقصحت بزاف الدرجة دموع هبطولي وهو منين حس بدموع طلق شعري ودخلني بزربة من واحد الباب لاحني فارض وشعل ضو.... ديك ساعات تحلولي لعينين الله ياربي لالة زينة وزادها نور الحمام بقيت غير كنشوف وكنشهق فصمت ماقلت تاكلمة وتاهو بقا كيطلاع ويهبط فيا بشمئزاز ونطق
لقمان:برااااا
ماجاوبتوش بقيت غير كنشوف وهو يجي شدني من دراعي وجرني تاحسيت بيها غطير
فدوى:(كنشوف فيه وخايفة) اييييي بشوية
ماجوبنيش حال الباب ولاحني... مستوعبتش اش كيخور هاد خاينة شوية نتفني شوية دخلني البيت جرا عليا(وقفت)بلاتي بلاتي واش جرا عليا والله لاكانت ليك... هبط بزربة الكوزينة عمرت فمي بلما ورجعت عندو كنجري تاني دقيت وهو يخرج عندي غير بسروال بوحدو و محيد فوقاني شاف في باستغراب وانا معطلتوش بزقت داك لما لففمي على وجهو وعطيت رجلي الريح حيت عرفتو بديك الفصالة غيكرض مي على جوج سرو يستاهل ماشي انا لي يهيني هكداك..... طرت البيت كنجري وحاسة بيه تابعني من لوور ،ماوقفت حتى دخلت لبيتي زدحت الباب ومشيت تكمشت حدا ادم كنهج حيت الجثة لشدني غيشطب بيا الارض
لقمان عرف فدوى بلي هي مرت ادم حيت هو وخا بعيد مكتخفى عليه حتى حاجة بلأخص عائلتو ماكيزكل والو وهو منين شافها دخلات عرف ادم غيكون ناعس ومبغاش ينوض صداع رجع لبيتو بكل هدوء حال الباب ودخل وقف واحد دقيقة كيفكر فهدشي لوقع دابا... حط يدو على لحيتو وتنهد
اصبحنا واصبح الملك الله🌥
كانت 7 صباح طبلة ديال الفطور كانت مجهزة بكل مالذة وطاب لتشهيتيها تقد تلقاها محطوطة تما طبلة طويلة او بالاحرى بوفي كان مترأسها لقمان كيفطر بكل لباقة وادب كياكل.... وحيت العائلة عندها نضام فدار كولشي كيفطر فوقت واحد باش لبغى يمشي يخدم ولبغى يخرج يمشي فالوقت.... لعائلة كاملة هابطة واحد مور واحد شوية وهو يوقف مسعود مسعوق كولشي نتابه ليه واقف بديك طريقة داررو كولهم دقة وحدة لكبيرة رجاء مروان وجيهان تاهي لضحكات بجد ومشات كتجري
جيهان:(باافرحة)خويا لقمان
طلع فيها راسو ووقف وهي طير عليه بتعناق
جيهان:ههههههع خويا توحشتك
لقمان:كبرتي
مسعود:(مشا عندو) ولدي الحبيب مرحبا بيك
شافيه لقمان ودور وجهو عليه
سوسن:ههه ولله حتى هذا لقمان لمستحيل ولا حقيقة (عنقاتو) واخييرا
لكبيرة :على سلامتك اولدي الحبيب مرحبا بيك فدارك
لقمان ماهضرش كتافى انه يسمع ويجاوب براسو حيت هادي طبيعتو ماكيهضرش بزاف  كلامو قليل.... سلم عليهم واحد واحد وجلس وكلشي تجمع حداه فطبلة فرحانين برجوعو الا رجاء لكانت واقفة كتفرج ودموع محجرين فعينيها حاطة يديها على فمها مادارت حتى حركة اما لقمان فكان منو غير تجاهل ليها وتصرف كآنها غير موجودة
سوسن:معلمتيناش بلي هتجي
جيهان:اكيد خويا كان باغي يفاجئنا باش يشوف هاد الفرحة لفوجوهنا دابا،يااك اخويا
مسعود:على سلامتك ومرحبا بيك وسط دارك وعائلتك
فهاذ اللحظة رجاء نساحبات بهدوء وفطريقها تلاقات  مع جيهان وسليم هابطين كيضحكو ضربات فيهم وطلعات
سلييم:ماما
بدون رد كملات رجاء طريقها ودموعها على خدها
جنان:هدي مالها؟😕
سليم:معرفتش
جنان(شدات فيديه) هذا هو حالها هتكون مقلقة على آدم يلاه احبيبة نفطرو
سليم:واقلة انا وياك ناجين الوحيدين من اكتئاب الجماعي ديالهم
جنان:علاش لعندو انا يجيه اكتئاب
سليم:عنذدي زين عندي جنان في داري
هبطو وهوما ناشطين وصوت قهقهات جنان كيتسمع بجهد... كولشي دار عندها كيشوف الا لقمان لكمل فطورو برودة غير وقفو قبالتو.... سليم وهو يتشوكا فبلاصتو وجنان نقطة ديال دم مبقاتش فيها
جنان:ل ل ل ل ل ق ق ق مان
لقمان:(بدون رد)😑
سليم: علاش جيتي
هنا دار لقمان شافيه مطلع حاجبو
لقمان:جيت ندير هادكشي لمقديتيش ديرو نتا (باستفزاز) كاخ او نقولو كراجل
سليم:شنو كتقصد
جنان:تهدن احبيبي
سليم:غبرتي تاعييتي وجاي تحل عليا فمك
طول لقمان شوفة فيه ورجع كمل ماكلتو
سليم:كون مكنتيش خويا كوون
دار عندو برودة وهو مطلاع حاجبو
لقمان:كوون شنو
سليم:(بدون رد)😡😡
جنان:حياتي يلاه نطلعو
لقمان:هضر ولا مراتك محفاضتكش هاد لمرة باش تواجهني
سليم:(غوت)لقمااااااان
جنان:(هزات صبعها فوجهو) زام حدودك منسمحش ليك تهين راجلي
لقمان:غتهبطي داك صبع ولا غتاكليه اليوم فالغدا هو وخوتو
سمعات هاد الهضرة وجرات سليم وطلعات حيت عارفاه شكيسوا ولقالها يديرها معندوش هضرة جوج مرات
لكبيرة:عبرتي عليها اولدي انت لكتعرف ليها
#بلسان_فدوى
من لبارح وانا مكمشة فبلاصتي حدا ادم مخبعة مخرجتش مزال وكيف عادتي فاق ادم لبستو ومجبدتش معاه الموضوع نهائيا درت بلي مافراسي والو
فدوى:هنقوول لخدامة تجيب لينا لفطور هنا
ادم:(وجهو صفر)لا اليووم تشهيت ننزل لتحت نفطر مع لعائلة
فدوى:ولكن
ادم:عفااك ماكاين ماولكن
فدوى:واخا
وقفت لبست حوايجي ولبست ادم حطيتو فكروسة ودفعت بيه فاسانسور ونزلنا لتحت
شفت فين جالسة العائلة قشعت لقمان ودارت براسي ماشفتوش حتى شافو ادم
ادم:(نقز من بلاصتو)خوووووووويااااااااااا
دار عندو لقمان بزربة منين سمع صوتو
ادم:والله تا خويا(شاف ففدوى)ههه شفتي شنوو قاتليك  هاهو جا
انا كتفيت فقط بضحكة صفرة اما ادم دفع براسو تاوصل حداه وهبط عندو لقمان عنقو بحرارة وكيشم فيه
لقمان:البطل ديال خوه
ادم:(بعد منو كيشوف بفرحة) كنت عارفك هتجي
لقمان:جيت نذاكر مع عزرايل ديالك
ادم:متخافش سلم عليك قاليك تادير العكاز ويجي
عندك
لقمان:غير كون هاني راه كل نهار كيجي يطلال ومكيصور مني والو
ادم:ها فدوى(مد يديه لي) احم بغيت نقول مراتي
فدوى:(بيني وبين راسي) هاويليي على شوهتي دابا يفرشني
لقمان(هز راسو فيها داير ضحت جنب) متشرفين(ظغط على الكلمة) امرات خويا المحترمة
خنزرت فيه حيت عرفتو كيحشي الهضرة
فدوى:وحتى انا تشرفت بيك ا لوسي الضريف والمأدب
ادم:يلاه نفطرو ومن بعد نكملو التعارف
جلسنا وجلست انا حدا ادم جنب لقمان وهاد اخير كل شوية كيشوف فيا ويخنزر ومهانكدبش عليكم ماحملتوش وهو قدما كيخنزر في انا كنبغي نطرطق هدنت راسي و وستغفرت مولانا وقلت مع راسي بلا مانديها فيه ،كملت فطوري شوية وانا ننتابه بلي رجاء ماكيناش فدوى:حماتي ماكيناش علاش مجاتش تفطر
جيهان:اه واﷲ من فرحتي منتابهتش ليها
كلشي عاق بلي هي تعمدات متجيش ،صافي وهوما يتجاهلو الموضوع
ادم:احم احم فدوى مدي لي الكاس ديال الليمون
مديتو ليه وكملت فطوري منين مجوبونيش