🦋جعلوني زوجة له 🦋 (مكتملة )

part102

لقمان:اول حاجة قولي لي واش قلتي لزرواال بلي نتي خرجتي من القصر وبلي انا عرفت كلشي
زهرة:لاا مافرااسوش
لقمان:مزيان،سمعي هتاصلي بيه وهتقولي ليه بلي سمعتيني دويت عليه وبلي انا عندي واحد الخطة باش نلقاه هو غير هيسمع الخطة غادي يقوليك نتلاقاو والى شك بداي تغوتي قولي ليه لقمان فين كيعرفك ياك مشكلتك مع مسعود اش دخل لقمان فهادشي ،وااش فهمتي
زهرة:فهمت اولدي لبغيتيني هنديرو
لقمان:عيطي ليه داابا
زهرة:وااخا
هزات زهرة تيليفون صونات على زروال وهو يقطع عليها عاودات صونات نفس شي
زهرة:ماكيجاوبش
لقمان:بقاي تصوني عليه ملي يجاوبك قوليها لي (مد ليها كارط فيزيت ديالو)صوني علي فهاد نمرة
زهرة:صاافي كون هاني،انا مستعدة ندير لمايدارش على قبلك غير نتاا كون مرتاح
#عند_فدوى
كانت فدوى واقفة كتلبس لمونطو ديالها ورقية حداها
رقية:ياك قال بلي هيسيفط شيفور حتى لعشية فدوى:ايواا هاهو سيفطو دابا
رقية:راجلك حال وحوال لله يستر
فدوى:(باست ماماها)بسلامة تهلاي فراسك
خرجات فدوى من دار طلعات لطوموبيل تما غادي شيفور وهي تجي عينيها على منير لكان فكروسة وغزلان وراه دافعة بيه مركبة ولدها فضهرها كيبانو حالتهم والفقر باين عليهم ،شافتهم تهزات من بلاصتها بقاو فيها خاصة ملي جات عينيها فعين منير كانت لحظة ديال زوج ثواني ولكن خلات تأنيب ضمير كياكل كولان ففدوى من لداخل

فليل 🌑🌑
كان كلشي جالس كيتعشاو ضاربينها بسقلة ،شوية جا لقمان جر لكرسي وجلس
لقمان:مساا الخير
رجاء:مساا الخير اولدي ،ايوا بما انه كلكم كاينين هنا عندي ليكم شي خبار
سوسن:الى كانت خبار خايبة بلاش منها حيث لفينا كافينا
رجاء:لاا هادي خبار زوينة،ختكم جيهان هتخطب
سليم:(بتاسم)وشكوون هذا
رجاء:فريد لجواهري طبيب عندو كلينيك
لقمان:(هز حاجبو)واش ولد تاجر ثواب لحاج لجواهري
رجاء:اه هو هداك
لقمان:(شاف فجيهان)نتي فيين كتعرفيه
جيهان:ا ا ا مكانعرفوش اخويا هو ديجا سيفط مو دوات مع ماما وماقبلتش فداك الوقت ومن بعد سيفط لي فانستاغرام دوينا وصافي
لقمان:(شبك يديه)21 عام اش عندك مااديري بشي زواج قراي بعدا وسيري برا بلاد خودي لماستر ديالك عاد شوفي زواج
سليم:هي بااغا تزوج داابا نتاا مالك
لقمان:(خنزر فيه)ماداويش معاك داوي معاها (رجع شافيها)اشش قلتي
جيهان:لقرايا ماعندها فاش تنفعني وماعنديش معاها ،لاهوما زواج
لقمان:وااخا هاحنا هانشوفو هنمشي نسول عليه ونشوف واش مناسب عاد نقوليك واش موافق ولا لا (هز لكاس كيشرب)
سوسن:كيفاش توافق ولا لا هي راها باغاه باينة من عينيها يعني نتا ماعندك دخل فهادشي
لقمان؛(بدون شعور هرس لكاس فيديه)عااودي شنوو قلتي
فدوى؛لقمان تهدن
لقمان:نتي اصلااا هاد ايامات لفاتو ماعاجبانيش شنووو واقع معاك
سوسن:(الصمت)
لقمان:جااوبني نتاا مراتك مالها
مروان:ماعرفتش
لقمان:ولااش مزوج بيها ملي ماعاارفش
رجاء؛ولدي تهدن شووف يديك كيفاش كتقطر بدم
لقمان:(وقف ضرب بسربيتة)ليجلس معاكم فطبلة وحدة مهايقطرش بدم هيقطر بماا كثر (زاد وخلاهم)
لكبيرة؛لله يستر ولا عصبي بلا قياس ،فدوى واش كياخود دواه ولا لا
فدوى:ك ك كيااخدو
شافت جيهان فيها زعما هادشي لكديري فيه راه غلط كبير اما لقمان فمن بعدما ناض تما غادي لبيتو حتى صوناو ليه من الخدمة على قبل لينا ماسيناتش على شي وراق مشا لعندها دخل لبيت لقاها كتشهق بلبكا
لقمان:(قرب ليها)نتتي بيخيير
لينا:(الصمت)
لقمان:الى ماكنتيش مرتاحة هنا تقدري ترجعي لفيلا ديال لحاج
لينا:شنوو صافي مهمتي سالات مابقيتيش محتاجني باش تخلي مراتك تغير عليك،سمحات ليك ياك
لقمان:(ورك على سنانو)لينا ماطلعيش لي دم كثر ماهو طالع
لينا:واخا اسيدي هاهي ساكتة
لقمان:انا ماتبقاايش معمرة بي رااسك ديها فراسك وفولدك وهنينا