🦋جعلوني زوجة له 🦋 (طور التنزيل )

part16

💎جعلوني زوجة له💎
جزء16
#فبيت_سليم
كان سليم غادي جااي وسط بييتو وجهو حمر وباينة فيه معصب اما لمسمومة ديال مراتو فكانت جالسة فجنب ناموسيتها كتعض فضفارها
سليم:علااااش رجججع علااش ،(هز قرعة شير بيها)
جنان:(يديها كيترعدو)كوون غير مارجعش كون غير بقا غارق فيين كان شنوو فكروو فينا
سليم:صاافي هداكشي لكان ناقصني هيكملو هو دابا ،عرفتي داابا شنوو هيوقع هيبقى يمرض في وهيستفز في حيث واخا مشا مادرت فغيابو حتى زفتة
جنان:(وقفات)أول حاجة تهدن خوك برأيك علاش رجع امم رجع على قبل ادم حيث طلب يشوفو ،(هزات كتافها)وانا متأكدة بمجرد مهايموت ادم هيرجع فحالو
سليم:كيفااش هيمووت ادم واش نتي باغا خويا يموت
جنان:بلا مادير لي فيها لعاطفة وهداكشي كولشي عارف بلي ادم هيموت وحتى نتا راك عارف هادشي لدرجة قلتيها ليه فوجهو
سليم:(مورك على سنانو)جناان
جنان:صاافي صاافي هاني ساكتة
سليم:قوولي لي داابا انا شنوو هاندير
جنان:اول حاجة خاصك تهدن راسك يااك ،وتااخود نفس عميق
سليم:(تنفس)واااخا
جنان:خووك لقمان حنا عارفينو واحد بسيكو همجي وتصرفاتو مكانتوقعوهمش هادشي علاش اول حاجة خاص نتهدنو قدامو وماشي اي حاجة جات على بالنا وعلى فمنا هنقولوها قدامو،ثاني حاجة خوك ماراجعش على قبل شركة والقصر ولفلوس خوك راه دابا عندو ثروة دير تريبل من ثروة باباك يعني ماعندنا علاش نتشوشو ونخافو
سليم:كنتمنى هادشي ليوقع الى لقمان رجع لشركة انا هندمر
جنان:مانضنش بلي هادشي لهيوقع غير تهنى ،داابا شنوو هاادير
سليم:تلفت ه هن هنمشي لشركة
جنان:وااخا سير وتهدن ودير فحال الى ماوقع والو
سليم:صعيب صعيب ،يالاه انا هنمشي بسلامة
جنان:(باستو فحنكو)بسلامة
هبط سليم فدروج نزل داز عليهم وكمل طريقو
فدوى:(كتشوف فادم)حيااتي واش نتاا بيخير
ادم:في دووخة (صدرو كيطلع وكينزل)
سوسن:(شافت ففدوى)علاااش نزلتيه 😠😠 ماالك ماعارفاهش مريض
فدوى:اناا م
لقمان:(قاطعها)انااا هنطلعك لبييتك
فدوى:ماكاين لاش تعذب انا هنطلعو
ماجاوبهاش لقمان حدو خنزر فيها دفع لكرسي وناض جر بادم لكروسة وتما غادي بيه طلعو فاسانسور
فدوى:هذاا ماالو
سوسن:ماشي سووقك فمالو،نتي ديهاا غير فراسك وفآدم وشي لاخور بقاي بعيدة عليه
فدوى:داابا اش وصلنا لهاد لهضرة كاملة انا راه ماقلت حتى شي كلمة ديال العيب
مسعود:بنتي فدوى ماتديش على سوسن، صافي تقدري طلعي هيكون ادم كيتسنى فيك
فدوى:وااخا
زدت وخليتهم وطلعت لفوق تفوو على صبااح شي يخنزر فيك وشي ينكر عليك فحال الى كيتسالوني شي حااجة
كملت طريقي دخلت لبيت وانا نلقى لقمان كيقاد ادم فبلاصتو
لقمان:مرتااح هاكا (جلس حداه)
ادم:مرتاح شكرا
قربت حدا ادم هزيت سيروم علقتو وشديت يد ادم هنركبو ليه وهو ينصل لقمان يد ادم من يدي
لقمان:(بعصبية)اششش كديييري
فدوى:😱 شنووو درت
لقمان:مااالك طبيييب حتى بااغا تركبي ليه سيروم
ادم:خوويا غير بشوية ،فدوى رااها فرملية
لقمان:(خنزر في)ومن بعد وااش غيير لجاا هيدير يدوو فيك
فدوى:(هزيت حجباني بزوج)هادي لقداامك راها ماشي لجاا ،هادي لقدامك راها مراات خوك اسي
ادم:😐 فدووى
فدوى:شنوو !! وااش ماسمعتيهش شنوو قال،يالاه طفات عليه شمعة وجااي باغي يشوف شكون مؤهل يحط عليك يدو وشكون لا فين كان مدة هااادي
لقمان:(شاف فادم)هنخلييك ترتاح هنرجع عندك من بعد
وقف لقمان شاف ففدوى بنضرات مامفهومينش وخرج
#بصوت_فدوى
غير خرج وانا نمشي ردخت من وراه لباب ودرت شفت فادم
ادم:مااكانش علييك ديري هااكا
فدوى:واااش ماشفتيهش شنوو قال هذا شنوو كيصحاب لييه راسو حتى يدوي معايا بهاد طريقة
ادم:نتي مكاتعرفيش لقمان،طبعو هاكا واعدى حاجة عندو شي واحد يخالف كلامو ،غير شافيك ولقاك مراتي كون كانت شي وحدة اخرى كان هيشدها يلوحها من شرجم
فدوى:اوووه داابا شنوو من المفروض نخاف (كنركب ليه فسيروم)الى كان داير عليكم صعصع وحتى واحد ماكيقدر عليه انا مهايديرهاش علي ،دابا جا وقت لبرا
جلست كندك ليه فلبرا
ادم:خوويا راه خدام مع لمااافيا
فدوى:(نقزت من بلاصتي)شنووو
ادم:ايييي قصحتيني فيدي
فدوى:😱😱😱😱 وييلي ويييلي كنت هنهرس فيك لبرا (سرطت ريقي)ك ك كيفاش خدام مع لمافيا
ادم:كيفماا سمعتي
فدوى:تيقني باقي مافهمتش واش زعما مافيا مافيا عادية ولا هادوك لمافيات لفتلفزة
ادم:ههه ثانية
فدوى:اووويلي ،بلاتي دابا هو كيقتل وكيدير هداكشي ديال لمجرمين عادي زعما
ادم:قاللو كيقتل واخا انا جامي شفتوو دارها قدامي
فدوى:ونتا برأيك يقتل ولا لا
ادم:لقمان لكنعرف يديرها ويفوتها لهيه عندو هداكشي فدم ،ملي كنا صغار كانت ماما مربية قطة وكانت كتغوت بزاف وكتصدعو هزها دارها فكونجيلاتور باتت ليلة كاملة تما وفصباح لقاتها لخدامة مجمدة وميتة
فدوى:😨 شحال فعمرو ملي دار هادشي