🦋جعلوني زوجة له 🦋 (مكتملة )

part78

💎جعلوني زوجة له💎
جزء 78
فالقصر
داز نص نهار وكلشي بقا كيفما هو ،سوسن من بعد تصرفيقة لكلات صباح حبسات راسها فبيت ولدها من بعدما رتاحت شوية مشات لبيتها دخلات لدوش دوشات،كانت لاوية عليها فوطة وشعرها فازك طايح  على كتافها  وواقفة قدام المرايا ودموعها شلال هابطين على وجههاااا.. كانت مسندة بيديها على لافايو.... دق الباب وتسمع صوت بشوية كيقول
مروان:سوسن
سوسن(بزعفة) شنوو
مروان:واش نتي لاباس تعطلتي فدوش
ماجوباتوش غسلات وجهها من دموووع وخرجات لقاتو واقف حدا لباب ضربات فيه وزادت
مروان:(تابعها) واش نتي صافا لاباس عليييك
نخلاتو ودازت الدريسينغ واقفة قدام بلاكار كتشوف اش هتلبس بسيف عليها خاصها تقاد قدام مهااا وتبان انيقة واها نفسها كتقول ليها لبسي عادي ورتاحي... للحظة سهات وقفات كتفكر لحظاتها مع يونس وهو يوقف مروان من وراها بعد ليها شعر من ورا عنقها وطبع قلبة فيه حتى قفزات سوسن ودفعاتو
مروان:؟؟؟
هزات سوسن صبعها فوجهو كتهديد
سوسن:عمرك تولي تقرب لي مزال👆
مروان:مافهمتش ياك حنا مزوجين من شحال هادي اولا
سوسن:اه مزوجين كنا شحال دابا زواجنا هيبقى غير فلوراق على قبل ولدي وعلى قبل عائلتي اما نتا فراك مكاتعني لي والو امروان كلشي سالا داااك نهااار ودابا خرج عليا حيت باغية نبدل
مروان:لهاذ درجة اسوسن
سوسن:اه وكثر كاااع
يونس:اهاه وخا مزيااااان عقلي عقلي على هادشي لكديري فيه
____________________________
كانت فدوى جالسة كتغدى والياس كيشوفيها
الياس:احم اش بان ليك تمشي تشوفي تاونات
فدوى:اهمم وااخا نمشيو
الياس:طعلي لبسي شي حاجة عليك راه بارد الجو هنا
فدوى:واخا
طلعات فدوى بلخف لبسات جاكيط كوييير فاسود وهبطات عندو كتقاد فيها هو يوقف الياس قبالتها قرب ليها يلاه بغات تبعد عليه خشا يدو من لورر
فدوى(كتحاول تبعدو) وااش حمق بعد عليا
الياس كيجبد ليها القب من تحت الكويرة
الياس:رساي راه بغيت نجبد ليك غير قب من تحت جاكيط(بعد عليها) مال نيتك ناقصة
فدوى:ايوا نتوما ارجال لمافيكمش نية وزيدون هادي اخر مرة تقرب لي بحال هكدا
الياس(كيضحك) ههههههه ياك الالا(دار ليها اشارة بيديها زعما انت لولة) تفضلي
دازت قبالتو غادية جهة الباب وهي توقف بان ليها حمار(حشاكم) مربوط حدا باب
فدوى:(كضحك) ماتقولش لي بلي هنركب عليه
الياس:تركبي عليه ههههههه
فدوى:احم بغيت نقول واش غادي نمشيو فيه
الياس:انت غادي طلعي انا غدي نجرو
فدوى:ههههه ضحكتيني مهم فين غنمشيو🤣
الياس :هانتي هتشوفي
طلعات فدوى فوق ااحمار(حشاكم) وهي كتفرنس عاجباها ركبة وفنفس الوقت شاداها ضحكة على ركبة والياس جارها غادي بيها ،ساد واحد صمت وهوما كيتفرجو فطبيعة
الياس:خاصكي تعرفي افدوى بلي فهاد دنيا لاماكنتيش ذيب هياكلوك ذياب ولا وليتي عظم كيلعبو بيك الكلاب كيف بغاااو
فدوى:شنو بغيتي تقصد بهدشي؟
الياس:فهاد الحياة افدوى كنتلاقاو مع بزااف ديال ناس كاين ليباغينا ديال بصح من قلبو وماطالب منا والو و من ناحية اخرى كاين لدايرنا غير طريق باش يوصل لهداكشي لباغيه أغلبية كديرونا وسيلة لتحقيق اهدافهم امممم قولي لي نتي بعدا  واش عمر شي حد ستغلك
فدوى:(حنات راسها)امم ستغلوتي وبزاااااف(تفكرات فاش لقمان قاليها انا باغيك باش تجيب يلي لولاد وصافي ) ماكيعرفوش بلي شي لكيديروه معانا كيجرح بزااف
الياس:( راسم ابتسامة جنب)سؤال هو علاش حنا كنخليوهم يستغلونا
فدوى:يمكن حيث كنبغيوهم بلا عقل وكيوليو يبانو لينا أخطائهم اخطاء قادرين نغفروها ليهم
الياس: فهاد الحياة ناس ظريفة ويلي قلبها بيض ديما كتعرض لاستغلال وكتعاني بزاف حيت ديما كتسمح فحقها كنقسم ليك افدوى نتي كون كنتي خبيثة ماكنتيش هتكرفصي فحياتك هاكا نتب نية ومشكلتك لكبيرة هي انه لجا قاليك شي حاجة كثيقيه فحالي انا
فدوى:نتا مالك
#تتمة
الياس:دغيا ثقتي فيا وجيتي معايا ماعرفتيني دابا واش غادي نقتلك ولا هنتعدى عليك وماسولتيش راسك حتى على نوع العداوة لبيني وبين راجلك
فدوى:كون بغيتي تقتلني كون درتيها شحال هدا
الياس:قبيلة كذبت عليك فقضية ختي،ختي ماماتت ماوالو غير بغيت نجربك ونعرف شخصيتيك كيفاش دايرة بضبط
فدوى: (خرجو عينيها)شنو كنتي كتكذب عليااا ياااااك(بغات تنزل) وقف هنمشي فحالي ودابا
الياس:(كمل طريقو كيضحك)درس الاول افدوى ماتبقايش تيقي فاي واحد جا وبين ليك الوجه الزوين وتعامل زوين ديما فهاد نوع خودي حتياطاتك معاه كثر من هداك لكيببن ليك الوجه الخايب واهم حاجة ماتبقايش تيقي اي حاجة تقالت ليك حيث كتباني فحال شي هبيلة ديما حاولي تعرفي الحقيقة وتاكدي منها  ومن هادشي كولو ماتبقايش تزربي فقراراتك جلسي مزيان َفكري وعرفي بنادم اش باغي منك عاد قرري اه وحاجة لنوصيك عليها ديما ركزي لبنادم فعينيه باش تفهمي شنو باغي منك وهاد طيرة لفيك نقصيها شوية راه مانفعاكش ابنتي
فدوى:شفتك فحال الى باغي تلعب علي دور محلل نفسي
الياس:لاحظت فيك اي واحد كيجي كيقلب ليك تفكير ديالك كيفما بغا يكون نوعو وهادي يمكن هي مشكلتك الاساسية شوفي قبيلة دغيا لعبت ليك بتفكيرك والعاطفة دياالك
وصلو قدام واحد الواد ونزلات فدوى كتسرح عينيها فطبيعة والياس كيربط البيهمة مع شجرة
فدوى:,(كتنفس) الله على هوا
وقف حداها الياس داير يدو فجيابو وحتى هو كيتامل
الياس:انقى بلاصة بنسبة ليا هي هنا
فدوى:(ربعات يديها)احم كملي شنو كنتي كتقول قبيلة
ضحك وشاف فيها ورجع شاف قدامو
الياس:اممم اش كنت كنقول اه كنت كنقول بلي ماتبقايش تيقي فاي واحد جا قاليك شي حاجة  ديما فكري مزيان واش مسلكاك ولالا ويوقع لبغا يوقع ماتقوليش اه حتى تفكري وديما مصلحتك وشنو مريحك هو لول ماتبقايش تسمحي فحقك باش ترضي ناس حيث هوما انانيين ديما هتلقايهم كيفكرو فراسهم ديما مصلحتهم اهم ماكيطيحوش براسهم على قبل شي حد كيفما بغا يكون نوعو وخا تكوني نتي
بقات كتشوفيه فدوى بعدات عليه مشات وقفات اونفاس مع لواد شعرها كيطيرو لهوا ونيفها حمر،هضرة الياس خلااها تفكر كاع هداكشي لطرا ليها بالأخص لطرا ليها مع لقماان لعمرو حسسها بلي مرتو ديما كيحاسبها  وفاش كتبغي تحاسب معاه كيقمعها وكيبين ليها بلي هي ماعندها حتى قيمة فحياتو ولا ماعندهاش الحق حتى فلهضرة حسات فديك لحظة بلي هي كانت محطوطة فداك القصر فقط باش يفرغ فيها لكبث ديالو وتجيبليه ولاد.... سهات شحااال وهي كتفكر فتعاملو معاها وكلامو لكان كيف سم ليها ولخرة هي زواجو من لينا وقضية حملها... نزلو دموعها فديك اللحظة مسحاتهم دغيا بلاما ينتابه ليها الياس لقشعها ودار راسو مشفهاش
فدوى:(هزات راسها فسما)لله يسمح ليك ا لقمان على مادرتي في ،لله يسمح ليك
🕌فقصر ارسلان🕌
جوايه المغرب كان سليم جالس فوق فوطوي كيلعب بتيليفون فيديه.... تنهد وذوز الخط عيط لجنان لغير شافت نمرتو جاوبات فلبلاصة
جنان:(جاوبات بالفرحة) الووو سليم كنت عارفاك احياتي ماتقدش تعيش بلا بيا😍
سليم,: (ككيحاول يبقى مهدن)خاصنا ضروري نهضرو
جنان:اه احياتي نتلاقاو وحتى دابا لابغيتي نجي
سليم:مزيان حتى انا مزروب نيت
جنان:كثر منك انا احياتي
سليم(تنهد) غادي نكتب ليك العنوان فميساج
جنان:وخا احبيبة
قطعات جنان بالفرحة هاطير ومشات كتجبد حوايجها تقدات وَماكات وجهها وبدات كتلبس فلاكسسوارات وهي ترسم ابتسامة شريرة على وجهها حبسات على اش كدير وبدات كتشوف فلمرايا
جنان:هانتوما هتشوفو جنان كيفاش هترجع وبقوة سليم حبو لياا عامي ليه العينين عمرو مهايسمح في
كملات لبسها وهزات تيليفون شافت لعنوان وبزربة شدات طاكسي لحطها قدام القهوة كانت كلاس فيها ناس راقيين وماعامراش بزاف..... دخلات كتقلب بعينيها حتى وقف قدامها سليم كيشير وهي تمشي عندو بالفرحة دارت عليه كتعنقو وهو ببرودة بعدها عليه خلاها غير كتشوف مافاهمة والو وهي تجمع راسها جلسااات
جنان:شوووف انا عارفة راسي غلطت وكدبت عليك ولكن ثيقني انا درت هكدا على مصلاحتنا بجوج حيت حنا الوضع ديالنا مامستقرش وفاي لحظة كانو هيرموني عائلتك برا حياتك وخفت على حياة ولدي(شدات فيدو) عارفاك كتبغيني اسليم وحتى انا يمكن كثر مكاتخيل ولكن كنواعدك بلي غادي نعوضك كنقسم ليك بالله بغيتي لولاد اووكي هنولدهم ليك
سليم:(شاف فيه برودة وجر يديه)غادي نطلقو
خرجو عينا ممثيقاش وشافت فيه
جنان:(مصدومة)كيفاش
سليم:(ربع يدو) كيف كتسمعي انا ونتي مانصلاحوش لبعضياتنا (جبد شي وراق حطهم ليها) هاهو ما وراق ديال طلاق ونفقتك هنعطيها ليك هي واي حاجة هتطلبيها، بغيتك غير تسني عليهم
هزات دوك الوراق كتشوف فيهم وهي تقطعهم ولاحتهم عليه وطوعات طبلة
جنان:(كتغوت) طلااااق هو لعمرك ما تحلم بيه اسي سليم غبر تهنى وحيدها من بالك من بعد هادشي كولو  ماخليت مادرت على قبلك
(بسخرية) ياااك حتى لدابا عاد بان ليك متنصلاحوش لبعضياتنا هههههه ولاهيلا قاليك نطلقو غيرر اجي وطلق مني(كتشير جهتها) انا راه جنان ماشي اي وحدة غادي تجي وتبغي تنهي علاقتك بيها ،دخول الحمام ماشي بحال خروجو