🦋جعلوني زوجة له 🦋 (مكتملة )

part3

💎جعلون زوجة له💎
جزء 3
ادم:(توكض وعينيه خرجو)😰😰
فدوى:سمحولي ولكن خاص نبدل سيروم
رجاء:تفضلي ابنتي
مروان:(نغز سوسن)شووفي خوك
سوسن:وااش هادي هي لبنت
فدوى:(كتبدل فسيروم)كييف صبحتي اليوم
ادم:ملي شفتك ولييت بيخير
رجاء:ههه ولدي اش هاد لهضرة ،سمحيلينا ماتديريهاش منا قلة صواب
فدوي(مبتاسمة) :مااشي مشكل ولفتو (شافت فادم)هادي زيدها على لكلام ديال لبارح
ادم:ههه واخا لبارح رجعت طلبتك وقلت ليهم بغيت ملاك وقالو لي ماكايناش شي وحدة سميتها ملاك
فدوى"بصح ماكدبوش عليك ماكايناش شي وحدة سميتها ملاك
ادم:ايواا شنوو سميتك
فدوى:سميتي فدوى
ادم:سميتك زوينة بزااف فحالك
فدوى:شكرا وداابا سمحلي هنمشي 😊
ادم:واش ممكن نطلبك طلب
فدوى:طلب انا هنا غير باش نخدمك
ادم:واش ممكن الى طلبتك تبقاي تجي لعندي
فدوى:لﻷسف مهانقدرش حيث خدمتي
هتسالي دابا ولكن كنواعدك غير نجي غدا فصباح هنجي لعندك
ادم:وانا هنبقى نستناك
فدوى: سمحولي هنمشي بشفاء العاجل(خرجات)
سوسن:ههه اشش كديير كتغزل عين باين بلبنت قدامنا
مروان:اناا متأكد غير حشمات اما كون راه سمعاتهم ليك
ادم:حشمات وماسمعاتهمش لي حيث معاق ياك
مروان:ولله ماكان هكا قصدي تيقني
ادم:(قلب وجهو)انا فهاد ساعة ولات كتبان لي غير هاد لبنت قدام عيني ،(شاف فمو)بلا ماتشوفي في بهاد طريقة انا اكيد مهانقولش ليها كنبغيك وبلي باغي نرتابط بيها حيث عارفها غادي ترفضني انا بغيت غير نديرها صديقة حتى اﻷخير نهار لي فهاد دنيا بغيت نموت وانا كنشوف فعينيها
الكل:(الصمت)
ادم:شووفو شنو ديرو باش تخليو هاد لبنت قريبة لي
سوسن:فحالاش مثلا
ادم:ماعرفتش باغي نخرج من هنا وهي معايا
رجاء:واش فراسك بلي هادشي لكتطلب فيه ماشي معقول
ادم:عاارف ولكن انا محتاجها فاقرب وقت واش فهمتي محتاجها جنبي
سوسن:بما انها ممرضة نقدرو نطلبو منها تكون ممرضتك لخاصة
ادم:هااد الحل مزيان انا هنعول عليك اسوسن ديري كلما فجهدك باش هاد لبنت تجي معانا لدار
سوسن:واخا ا ادم هندير كلما فجهدي مي مهانواعدكش
فليل ☀
#عند_فدوى
كنت واقفة فلكوزينة كنطيب فلعشا ومي كدور جنبي
رقية:اليوم تلاقيت مع حليمة
فدوى:شكوون حليمة
رقية:حليمة لكانت شحال هادي خدامة طيابة فلحمام ومن بعد دارت لباس بسباب ولدها لمشا لميريكان واش عاقلة عليه
فدوى:ااه عاقلة عليه علاش كتعاودي لي هادشي
رقية:ليوم تلاقيت معاها فالحمام وقالت لي بلي ولدها جا من ميريكان ودار عملية على لمسرانة زايدة ومالقاو شكون يبدل ليه لفاصمة وانا قلت ليها عليك قلت ليها بلي نتي فرملية وقالت لي نقوليك باش تجي لعندها تبدلي لفاصمة لولدها وقلت ليها هتجي هتكون دابا كنتسناك
فدوى"ومعامن تشاورتي انا عيانة باغا غير ننعس
رقية:دابا شنو واش باغا تحشميني مع لمرا
فدوى"نتي لبغيتي تحاشمي معاها ديك ساعة قولي ليها حتى نتشاور مع بنتي
رقية:(بحدة)شووفي انا مهانبقاش ندي ونجيب معاك فلهضرة هتمشي تبدلي لولد حليمة لفاصمة هتمشي تبدليها
فدوى:والى مامشيتش
رقية:هنشتف على مك وراك عارفاني نديرها
فدوى:اففف منك افف
مشيت دخلت لبست جلابتي فنواغ وبانطوفة فلكري وجمعت شعري شفنجة لفوق وشديتو بالقلم وهزيت صاكي وتميت خارجة وهي توقف قدامي رقية حيدات لقلم من شعري وبدات كتقاد لي فيه
رقية:هااكا حسن شعرك مطلوق كيجيك زوين
فدوى:(خديت ليها لقلم)من امتى الالا رقية كتدخلي لي فشعري (رجعت جمعتو)انا مشيت وخليو لي من لعشا عنداك نتي وداك لبغل ديال راجلك تخليوني بلاش
رقية:غير سيري سيري مهايكون غير الخير
بقيت كنشوف فيها وخرجت وخليتها حسيت بلي شي حاجة ماشي حتى لهيه مي ماتسوقتش
بعدما خرجات نجوى رقية بقات كتضحك وهزات تيليغون
رقية:الوو حليمة
حليمة:الوو ختي رقية فين هي بنتك مالها تعطلات
رقية:هاهي جاية فطريق انشاءلله مهايكون غير الخير
حليمة:زعما بنتك يعجبها ولدي
رقية:يعجبهاا يعجبها علااش بنتي فين هتلقى حسن من ولدك سعيد انشاءلله مهايكون غير الخير ولله يواتيهم الخير
حليمة:انشاءلله
#عند_فدوى
بعدما خرجت من دار مشيت لدار خالتي حليمة لجات فزنقة ورانا دقيت وهي تحل علي
حليمة:(سلمات علي)مرحباا مرحباا نهار كبير هذا
فدوى:كيفدايرة اخالتي حليمة
حليمة:لباس الحمد لله ،نتي اش كتعاودي اش خبارك
فدوى:لباس كلشي لباس
حليمة:دخلي دخلي ماتبقايش واقفة فلباب،زعما انا مكانطيحش فبالك ماتجي طلي علي ولا تشوفيني واخا عارفاني وحدانية وولدي عايش برا
فدوى:ولله اخالتي الى غير لخدمة لشداني اما راك فلبال
حليمة:لله يكبر بيك ابنتي،هانتي دخلي لبيت لعند ولدي بدلي ليه لفاصمة بينما انا عمرت اتاي
فدوى :واخا اخالتي
مشات خالتي حليمة دخلات لكوزينة وانا تميت غادة لبيت ولدها قلبي كيضرب علاش كيضرب حيث ولدها ملي كانت عندي 17 لعام كنت مصاحبة معاه وكانت قصتي معاه كبيرة كنا كنخرجو وكندوزو نهار اونسومبل وكان كيبغيني ولكن انا ماصدقتش حيث كنت برهوشة وفريت فيه وتصاحبت مع واحد اخر عاد من بعد جا منير
فدوى:ماكاين لاش لهاد ترعيدة كنا صغار هيكون نسا،سلام
سعيد:(عينيه خرجو)وعلييكم سلام
فدوى:(مديت ليه يدي)الحمد لله على سلامتك
سعيد:لله يسلمك ماشي شي حاجة غير لمسرانة زايدة
فدوى:واخا هكاك رد بالك
سعيد:جلسي ماتبقايش واقفة
جلست وبقيت كنشوفيه بنص عين
سعيد:تبدلتي بزاف وزيانيتي مافهمتش كيفاش وحدة زوينة فحالك باقا بلا زواج
فدوى:😅 لمكتااب وصافي
سعيد:عينيك باقين كيبريو كيف شحال هادي عقلتي ملي كنا مصاحبين و
فدوى:(قاطعتو)لااا ماعقلتش وماباغاش نعقل انا جيت لهنا باش نبدل ليك لفاصمة ماشي باش نتفكر معاك الماضي
سعيد:نتي هي نتي ماتبدلتيش باقي فمك ماضي وباقا حارة
فدوى:داابا هتخليني نبدل ليك لفاصمة ولا نوض نمشي فحالي
سعيد:(عرا على كرشو)وااخا تفضلي
فدوى:😒
ناضت حيدت ليه لفاصمة عقمت ليه جرحة ودرت ليه فاصمة اخرى وهادشي كامل وهو مفيكسي عينيه علي ماحيدهاش عصبني وانا نورك عليك
سعيد:اييي غير بشوية
فدوى:سمح لي جيت فيك (نضت وقفت)صافي سالينا
حليمة:(دخلات هازة براد اتاي)امضرا ابنتي كيفدايرة جرحة
فدوى:مزيانة الحمد لله خاصو غير راحة ودغيا هتبرا
حليمة:لله يرضي،ايوا جلسي شربي معانا اتاي
فدوى:لا لاا ليل هذا من احسن نمشي راك عارفة درب فهاد الوقت كيكون خايب
حليمة:ايواا اش هنقوليك  لبغيتي
فدوي:الحمد لله على سلامتك اخويا سعيد ولله يقومك على سلامة (تميت غادة)
حليمة:(تبعاتني)بلاتي وقفي هاكي هادو
فدوى:شنوو هادو!!
حليمة:فلوس ياك جيتي بدلتي لفاصمة لولدي وهذا خلاصك
فدوى:لا اخالتي حليمة مانشدش من عندك
حليمة:لاا ولله حتى تشدي خوودي (دارتها لي فيدي)
فدوى:ومااحدك حلفتي مانردهاش فوجهك
خديت من عندها لفلوس وانا قلبي كيشطح 200 درهم شكون عطاها ليك فهاد ليل ههه من دار حليمة لعند مول لماكياج لكان فدرب شريت شي برودويات وشي ماكياج وتميت غادة وهو يبان لي منير من بعيد دارلي اشارة بيديه زعما تبعيني تبعتو حتى وصلنا لواحد زنقة خاوية جرني من لقب ديال جلابتي وردخني مع الحيط
منير:اشش كنتي كدديري فداار سعيد
فدوى:سعيد؟؟؟
منير:اااه سعيد انا شفتك ملي كنتي خارجة من دارو
فدوي:مشيت لعندو باش نبدل لييه لفاصمة
منير:(شدني من فكي وورك)وكتقوليها بوجهك حمر 😡😡
فدوى:(دفعت ليه يديه)وااش تسطيتي مال سعيد كان راسو راه كانت معاه موو وانا غير بدلت ليه لفاصمة وخرجت
منير:ااخيير مرة تحطي رجليك عندو انا رااه فراسي بلي كنتي مصاحبة معاه شحال هادي نحصل دينمك معاه نخمجك
فدوى:كنت معاه ملي كانت عندي 17 لعام يعني برهوشة اما دابا فراه عمري 23 عام ايوا حسب نتا دابا شحال من عام بيني وبينو وبلااتي وااش نتاا دابا كتغير عليي ولاا شنوو
منير:ايواا اش بانلييك ،وهو بصح انا باقي ماخطبتك وماتزوجناش ولكن راه كنعتابرك مراتي (خشا نيفو فعنقي)وكنغيير عليك من نسمة لهواا لكتدوز وتقيس وجهك
فدوى:(عنقتو)اييي يخليك لي احبييبي
ودابت لالا نجوى فيد سي منير شدها من عنقها مابقاش باغي يطلقها وهي تما فشلات شدها فديك زنقة شبع منها بوسان فمو ففمها جبد ياما تجبد ويديه تحت جلابة كتسارى حط يديه فوق سوتيان وبدا كيعبز وهي وركات على قنانفها وشدات ليه فعنقو قمشاتو
فدوى:اممم باراكا امنير حشومة
منير:(كيتنهد)امتى هيجي نهاار لهتولي فيه مراتي اخخ ديك سااعة ماكاين لا باراكا لا حشومة كاين غير لبوسان وتعباز ول (دوز لسانو على فمو)حتى يصبح صباح
فدوى:ههه ليمسخك ،انا تعطلت دابا تلقى رقية محيحة
بعدما كملت لبوسان ولبسالة هههه قاديت حالي وهزيت صاكي ولميكة لفيها ماكياج خففت رجلي مشيت لدار لقيت رقية محيحة نكرات حتى عيات وانا ماتسوقتش ليها ههه حيث داخلة ناشطة
#عند_رقية
دخلات رقية لبيتها سدات عليه وجلسات فبلاصتها وحداها جعفر
جعفر:امضراا بنتك قبلات بولد حليمة ولا لا
رقية:مادويتش معاها فهادشي ومهاندويش معاها حتى نفاجئها نهار هتجي لخطبة
جعفر:تفاجئيها هااكيلي هاكااوا نتي واقلة باغا بنتك تخرجك فالجريدة رسمية ولله العظيم حتى تريب دنيا فوق راسك راك عارفاها جلاخة وماتسواش
رقية:ماتخاافش انا عارفة كيفاش هنروديها ونخليها توافق على هاد زواج غير بسياسة قبيلة دويت مع رقية وقالت لي من هنا زوج سيمانات هتجي تخطب
جعفر:انا جيتيني ارقية غير كتخربقي بنتك هداك منير لاعب ليها بدماغها مانضنش واش تقبل على سعيد
رقية:الى لاعب ليها بدماغها انا راه نلعب بيها كاملة،شووف انا بصح قبيحة ومكانسواش ولكن راه مانزوجش بنتي لداك لبيطالي،ملي كنت حاملة بيها شفت لموت باش نخليها عايشة فكرشي وهربت من هداك شماتة ديال باها غير بزز ومن بعد هادشي كامل باغيني نخلي بنتي مع واحد ماعندو لا مستقبل لا خرا لا ولله لا كانت ليه واخا نعرف نتعرى فزنقة ومانخليهاش تزوجو بنتي خاصها واحد بفلوسو وبدارو وبخدمتو ولا بلااش ليهاا كاع من زواج تبرك حدايا هناا حتى تدفني ولا ندفنها
جعفر:نتي لتعرفي ارقية،(بدا كيقلب تحت لمخدة)
رقية:علااش كتقلب
جعفر:على واحد ميكة كانت فيها نفحة مابانتش ليك
#يتبع