🦋جعلوني زوجة له 🦋 (مكتملة )

part38

💎جعلوني زوجة له💎
جزء 38
وسط نقاشهم قاطعهم طبيب وقف عليهم على غفلة
طبيب:موسيو سليم نقدر نشوف المريضة
سليم:(بلهفة)اه مرحبا يلاه تبعني
تما غادي سليم بطبيب عند جنان وتبعوه كاملين .... علامات شك وحيرة من جهة جنان  على وجوههم وحتى هوما كانو متلهفين يشوفوها.... وقفو كاملين فدقة وحدة وملامح صدمة على وجوههم ، شوية ملامحهم تحولو من صدمة لشفقة المنظر ليشافو كان كيقطع فلقلب خاصة جنان كانت فايقة وكتصدر صوت انين مدموج بلبكاء فصمت.... حطات فدوى يديها على فمها وشهقات بجهد
فدوى:هيييييييه شكون داار فيها هكدا 😱
سليم:(شد في جنان) حبيبتي شكون دار فيك هكدا جاوبي
لقمان:(شاف فيها مطلع حاجبو) قولي لينا اجنان اش وقع ليك كنتسناوك
سليم:لقمان ياااك هو لدار فيك هكدا دوي اجنان ماتخافيش
هزات جنان راسها شافت فلقمان شحاال ودورات وجهها وهي كتبكي فصمت وبصوت مبحوح وخاافت قالت
جنان:ا ا ا ا الااااا
سليم:كيفااااش لاا مللي ماشي لقمان شكون دار فيك هاكا
جنان:ماعرفتش شكون شي حد جا من ورايا غمض لي عيني ولاحني على وجهي وبقا كيضرب في
سوسن:شفتي ماشي لقمان لضربها مرة اخرى قبل ماتاهم شي حد سير شوف مراتك معامن عندها الحسابات
جيهان:خويا ماتقلقش مني على لكلام لهنقولو ليك ولكن مرتك ماخلات حد فتيقار بقات كتدور حتى جابتها فعضامها و دابا نتمناو تجمع شوية مور امتحكو عضيماتها
سليم:شوفو حالتها كيف دايرة ومزالين زايدين فيه مافقلبكم لارحمة لاشفقة
لكبيرة:ماتخافش مراتك كيف قطة بسبع رواح

^^بلسان فدوى^^
صراحة ديال الله واخا هكاك بقات في وفنفس لوقت عجبني لحاال فيها باخص فاش عرفت لقمان هو سبابها.... مقديتش نصبر يلاه انطلق ضحكة حيت حابسها غير بزز وهو يجرني لقمان حاط يدو على فمي خرجني على برا
فدوى:ههههههه هداكشي علاش قلتي لي  لا سولك شي حد نقوليه كنتي فلبيت معايا
ماجاوبنيش جرني من يدي حتى وصلنا البيت دخلني وسد باب
فدوى:هههه جاوب حشومة عليك علاش درتي البنت هكدا
لقمان:شفتيها كيفاش دايرة
فدوى:اه 🙁
لقمان:ونتي بان لي كياكلك جلدك وباغية تولي فحالها
جمعت فمي حيت عارفاه يديرها ويفوتها لهيه
فدوى:علاش درتي ليها هكدا
لقمان:قلبات عليها ولقاتها فحالك نتي تماما
فدوى:ناري نتا بزااف
حيد سبادري وتيشورت بقا غير بسروال ديال كيطما وتقلب على جنبو وانا بقيت غيير كنشوف فيه حيت عوتاني جاني تردد بحال حشمة باخص هضرتو ديال ديك نوبة افففف شفت حتى عييت ومشيت تكيت حداااه

يوم_غد_صباحا 🌞🌞
فقت فصباح اول حاجة طاحت فبالي هي جنان..... شفت فلقمان بان لي باقي ناعس
تسلت من حداه بشوية وخرجت غادية عند جنان يالاه هندخل سمعت سليم كيهضر
سليم: سمحيلي احبيية مابفيتش نخليك ولكن راك عارفة خدمة ضروري نمشي ونقابل كولشي بيدي
جنان:مااشي مشكل
حضيتو حتى باس راسها وتخبعت بينما داز عاد دخلت وانا حاضية جنابي لايشوفني شي حد ونصدق فماهي ومالونها،دخلت بانت لي كيف لبارح صراحة عزات عليا مقديتش نشوفها فديك لحالة
جنان:اش كديري هنايا خرجي جيتي تشفاي في
فدوى:انا ماجيتش نتشفى جيت غير نسولك ونمشي
جنان:(الصمت)
فدوى:قولي لي علاش خبيتي بلي لقمان لدار فيك هاد الحالة
جنان:مافهمتكش
. فدوى:شنو بينك وبينو علاش دار ليك هكا بغيت نعرف
جنان:خرجي
فدوى:لا مهانخرجش حتى تجاوبيني
جنان:(بغات تغوت ومقداتش)قلت ليك خرجي
فدوى:هاهي غادية ولكن غادي نرجع وديري فبالك بلي مهانتهنى حتى نعرف شنو بينك وبين لقمان وعلاش دار فيك هاكا وانشاءلاه فاش هتبراي هتكون هضرة اخرى
خرجت من عند جنان ورجعت لبيتي لقيت لقمان واقف لابس حوايجو
فدوى:هتخرج
لقمان:بسلامة
خرج لقمان ونزل لتحت لقا رجاء واقفة
رجاء:ولدي صباح الخير
ماجاوبهاش لقمان خرج هز طوموبيلتو ومشا لعند لحاج لكان جالس فاوطيل لتحت
لقمان:سلاام
لحاج:صباح الخير
لقمان:شفتك جاالس هنا،فينااهيا لينا
لحاج:لقاات لي واحد دار هنمشي نسكن فيها
لقمان:امم مزيان
لحاج:هتمشي معايا نشوفو دار
لقمان:وااخا
خرجوو من اوطيل طلعو فطوموبيل ومشاو لواحد لفيلا كانت كبيرة وزوينة نزلو من طوموبيل لقاو لينا واقفة مبتاسمة
لينا:مرحبا بيكم
لحاج:ترحب بيك جنة ابنتي
لينا:ماتبقاوش واقفين هنا خلينا دخلو
دخلو لداخل كيشوفو فلفيلا
لينا:كيف جااكم دوقي
لحاج:من ديما راقية (شاف فلقمان)ياك القمان
لقمان:اممم
لينا:لقمان من بعد ساعتين عندنا اجتماع مع صحاب شركة لبغيتي غادي نوقعو العقد ديال شرا وهاكا هتولي لمالك رسمي ديال شركة
لقمان:صاافي واخا
جلس لقمان كيدوي مع لحاج على لخدمة ومن بعد ناض مشا مع لينا شراو شركة وكملو اجراءات ودخلو لواحد ريسطو كيتغداو
لينا:ايواا كااين شي جديد
لقمان:مااكاين حتى جديد
لينا:لحاج دوا لي على مك الحقيقية صراحة تصدمت
لقمان:لحاج هاد ليام ولا فمو بلا فرانات فينما كنقوليه شي حاجة كنلقاها عندك
لينا:انا ولحاج واحد راك عارف
لقمان:(الصمت)
لينا:صراحة الموقف لتعرضتي ليه بزاف،اناا كون كنت فبلاصتك ماكنتش هنسمح ليها ولا هنشوفيها
لقمان:بدلي لموضوع
لينا:وااخا (ردات شعرها لور)اخبار مراتك كيف
لقمان:هاد ايام شفتك مهتمة بيها كثر من لقياس مالك
لينا:ما ماليش غير هو نتا واحد شخص كتعني لي بزاف كنعتابرك صديق ديالي هادشي علاش من ديما كنبغي نشوفك لفوق مع ناس لمن مستواك وديك لبنت مالايقاش بيك
لقمان:فدوى مراتي ا لينا كتليق بي ولا مكاتليقش كيبقى شغلي نتي ديها فشغلك وبقاي بعيدة على هاد لموضوع
لينا:وااخا انا هندير بكلامك ومهانبقاش ندخل فهاد الموضوع غير هو نهار تعيى من ديك لبنت وتمل انا هنا من اجل راحتك وراحتي 😉
لقمان:(ميك عليها)شركة هنبدا فيها لخدمة هاد سيمانة ،نبغي هاد لخبار يتنشر بين رجال اعمال
لينا:كون هاني غدا جورنالات كاملين هيصبحو كاتبين على هادشي
لقمان:من بعدما شريت هاد شركة لحرب مع زروال عاد هتبدا نبغيك تكوني واجدة