🦋جعلوني زوجة له 🦋 (مكتملة )

part109

💎جعلوني زوجة له💎
جزء 109

لم نكن سييئين ولكن ساءت....بنا الأيام 🖤

يوم_غد_صباحا
صبح صباح جديد كيعلن على أحداث ومشاعر جديدة وعلى صدمات  مفجآت جديدة،نبداو بلقمان لكان واقف فاليخت ضرب لبراوات ديالو وتلفت كيشوف فالبحر

لبيرو : (من وراه)سيي لقماان صبااح الخير
لقمان : اش كااين
لبيرو : جيت نقوليك بلي كلشي تحت سيطرة،زروال ماخلا فين قلب على مراتو والو ماطاحش عليها
لقمان : هاديك لمرا ستاضفتها عندي كثر من القياس كنضن جا الوقت فين خاص ترجع لولادها

خشا يديه فجيبو دوز لخط لعند زروال لجاوب فلبلاصة اصلا كان كيتسنى فلقمان يتاصل بيه 

زروال : الووو
لقمان : زروال
زروال : كنسمعك ا لقمان،فينااهيا مراتي
لقمان : مراتك هترجع
زروال : وشنو المقابل
لقمان : خاص ولدك يجي بااش مراتك ترجع
زروال : اش بااغي بولدي مشكلتك معايا ماتدخلش مراتي وولدي فهادشي لبيني وبينك
لقمان : غالط مشكلتي ماشي معاك مشكلتي مع ولدك وداابا اشش قلنا ولدك هيجي ولا لا
الياس:(خاد لباه تيليفون) ااه هنجي
لقمان : (بتاسم)هكاااك كون راجل لمرة وحدة فحياتك، انا فليل هنسيفط ليك لعنوان فين خاصك تجي (قطع)
لبيرو : سي لقمان واش نوجدو راسنا لليلة
لقمان:مااعندك ماتوجد (تلفت لعندو) ليوم بليل مهايكون معانا حد من غيري اناا ونتا
لبيرو:وااخا اسي لقمان

#عند_زروال

كان زروال هيخرج ليه العقل من بعد اتصال ديال لقمان

زروال:(غاادي جاي)واااش تسطييتي علااش قلتي ليه بلي هتمشي لعندو
الياس:علااش وااش عندك شي حل اخر،هادي يومين وماما غابرة شادها عندو ماخلينا فين قلبنا عليها ووالو مالقيناهاش
زروال:وااش نتا كيصحاب ليك بلي الى مشيتي لعند لقمان غادي يعطيك مك وهيخليك ترجع سالم غانم
الياس:عاارف هادشي ماتحتاجش تقولو لي
زروال:ملي عارفو علاش قلتي ليه بلي هتمشي لعندو
الياس:(وقف)اناا عارف راسي اش كندير ماتااكلش لهم (زاد وخلاه)
زروال:(كيغوت)الياااس اليااس رجع لهنااا كندوي معاااك اليااس

#فالقصر

كانت فدوى جاالسة فجنب ناموسية باقا لابسة لقفطان ديال لبارح عينيها منفوخين بلبكا ووجهها صفر حالتو وكلها كترجف،تحل عليها لباب ودخلات عندها سوسن

سوسن:فدوى حبيبة صاافا
فدوى:(شافت فيها)مااصافا ماوالو
سوسن:مااديريش هاد الحالة فراسك،لبارح فليل ياكما خويا ضربك
فدوى:هئ هئ كوون غير ضربني هو راه دار في ماكثر
سوسن:اشش كتقصدي
فدوى:هئ هئ قاااليا ساالينا
سوسن:وااش هيطلقك
فدوى:(حطات يديها على وجهها)هئ هئ لااا ولكن راه مهايرجعش يشوفيا
سوسن:خوويا راه غير داوي راك عارفاه ديما كيهدد ومكايدير والو
فدوى:ولكن هاد المرة هيديرها هئ هئ اناا كيفاش هنتحمل هادشي ،خوك داابا هيحطني سطل بلا تقرقيب هئ هئ مهايرجعش لا يشوفيا ولاا يقرب مني هئ هئ
سوسن:ماتقوليش هاكا غير صبري دابا ينسى مع الوقت وترجعو كيف كنتو
فدوى:انا ماكانتش فنيتي ندير شي حاجة من وراه غير هو خوفي على جيهان خلاني نسكت ومانقول والو هئ هئ اناا درت غيير الخير وشوفي باش رجع علي (كتشهق بلبكا)
سوسن:(كنززات على سنانها)كلشي من هاديك بنت لحرام ديال لينا،معارت منين تسلطات علينا
فدوى:(وقفات)ااه كلشي بسبابها هئ هئ اليووم نقتلها على هاادشي لدارت في