🦋جعلوني زوجة له 🦋 (مكتملة )

part113

💎جعلوني زوجة له💎
جزء 113

اكبر صدمة تقدر تكون وقعات الحاج فحياتو هي هادي اخير حاجة توقعها ،وسيدهم لقمان ماخلاش ليه لفرصة فين يستوعب اش كيقول سرسرب ليه كلشي فدقة وحدة خلاه غيير كيشوف وتخالطو عليه العرارم ماحيلتو لرقية لمزالة عايشة وخايف عليها من زروال حيث كيبغيها وواخا دازت كثر من 25 عام باقي كيبغيها كيفما كان كيبغيها شحال هادي وعمرها زالت من بالو ولا من قلبو و ماحيلتو لفدوى لتقدر تكون بنتوو وهادي لعمرها كانت طيح ليه على البال تفكر لبلان لدار هو ولينا ملي كانو باغين يقتلوها وهي تقدر تكون بنتو قلبو تهز من بلاصتو..... سكت شحال كيفكر  وكيشوف فلقمان مصدوم وحال فمو فيه

لحاج : (بلع ريقو) رقية فهمناها اااه كااع لقلتي عليها كاين ولكن ف فدوى ت تكوون بنتي هاادي هي لمااطيحش فبالي
لقمان : (ببرود)بصح ماطيحش فلبال
لحاج : مستتتحيل تكوون بنتي (غوت)مستحييل
لقمان : (كيدور فعينيه) لحاج شششش تهدن شوف رااه كلشي كيشوف فينا غادي غير تشوهنا على والو
لحاج:كيفااش على وااالو ،وااش نتاا كتقوليا بلي هاديك لبنت تقدر تكون بنتي وكتقوليا والو
لقمان:و تقدر تكوون بنت زروال حنا مامتأكدينش
حاج:(كيحك فصدرو) عقلي حبس القمان (كينهج) الى كانت بنتي القمان فانا رتكبت فحقها اكبر غلط
لقمان : (بشك) شنو كتقصد
حاج :(ترخى) كح كح مايمكنش هاادشيي
لقمان(شدو) لحااج ماالك اش وااقع

طاااح الحاج كينهج وعينيه مقلوبيييين ولقمان شادو كيعيط ويغوت

لقمان:افينكم الخرا عتقووو الحااج طاااح هنا

سمعوه لحراس جاو كيجريو مساكن تفافاو ماعرفو ميديرو غار كيقيصو فيه واش ميت ولا عايش

لقمان(صااعر) دينمك كتعبر فيه فينو طبيب نديه ليه
..... طبيب اه اه يلاه تبعني

هز لقمان الحاج بين يديه تابع الحراس ديال الحبس حتى داه المستوصف ديال الحبس ووقف كيتسناه برا على اعصابو غادي جااي

🕌قصر ارسلان🕌
فدوى كانت جاية وطريق كلها كتفكر فلقمان وفهضرتو  وفين وصلات معاه فعلاقتهم حتى وصلات الباب ديال القصر بغات ادخل وهي توقف قبالتها زهرة كتشير
فدوى:هاادي شنوو كدير هنا (كتهضر مع شيفور) وقف وقف

وقفات طونوبيل  فدوى حطات نضاضرها ونزلات كتشوف فزهرة حالتها حالة وجها منفوخ بلبكا وتا من حوايجها باينة عليها تبهديلة

فدوى:نتتي اشش كديري هنا واش هاد الحالة نتي فيها ،مالك شنو وقع ليك
زهرة:ماماليش افدوى (بلهفة) قولي لي ابنتي لقمان فينو اش طرا ليه واش هو لاباس
فدوى(هزات حاجبها) دخلنا عليك بالله هداك وجهك ولا كفاك
زهرة:🙄
فدوى: وجهك قاصح ولاهيلا بلا حشمة بلا حية جاية بوجهك كتسولي واش ناسية شنو درتي اخير مرة ،ماكفاكش سمحتي فيه وهو مزال كيرضع حليبك لا زدتيها و مشيتي درتي ييدك فيد العدو ديالو وتحاميتو عليه ،هو لاكان فالحبس دابا فراه بسبابك قبل زروال و ولدو مكانش عندهم منين يدوزو ليه ودابا هاهوما دخلوه الحبس،نتي سباب فهادشي سيري تموتي حسن ليك فحالك حاشا تكون ام (طلعات فيها) صراحة ماعرفتش علاش واقفة دابا كنضيع معاك الحجرة على والو