🦋جعلوني زوجة له 🦋 (طور التنزيل )

part92

💎جعلوني زوجة له💎
جزء 92
شدات جيهان طريق من بعد ما ركبات فطونوبيلتها سكودا اسود كلاس..... من بعد مسافة حبسات قدام مطعم راقي...... سطاسيونات طونوبيل ولاحت المونطو على كتافها بطريقة كلاس ودخلات...... كان شاب يكون ف 30 من عمرو انيق كتافو عرااض وبشرتو سمراء ومحسن شعرو بطريقة عادية مع لحية عاطيه لوك رجولي وانيق.... كان لابس قميجة بلومارين مع سروال زرق وصبادري بيضة..... شااف جيهان شير ليها جات عندو وسلم عليها بكل لباقة وجلسوو
فريد:شرف كبيير لينا حتي شرفتينا
جيهان:( كتقاد فلجلسة)شرف لياا
فريد:تبغي نتغذاو دابا ولا بلاتي
جيهان(تبسمات) نتغداو
فردي:اك( هز يدو وفرق صبعانو بطريقة كلاس حتى وقف عليه سرباي) نشووفو الآنسة شنو بغات
جيهان:بغيت سلاد سيزر وكاس ديال ليمون
فريد:حتى انا نفس شئ
جيهان:امممممم
فريد:ماشي بغيت ندير ليك خاطرك ولا شي حاجة وانما حتى انا داير ريجيم
جيهان:مزياااان ايوا اموسيو الجواهري
فريد:احم صراحة من ديما متبعك فانسطا
جيهان:عارفة
فريد:ملي دخلت لمغرب،لقيت بلي لواليدة كتعرف ماماك قلت ليها عليك وقتارحات علي باش تخطبك لي ولكن ماماك ردات علينا بلي نتي ماقابلاش
جيهان:ااه مااقبلتش حيث فهداك الوقت كانت عندي غولاسيو فحياتي
فريد:قلتي غولاسيو ودابا
جيهان:برأيك كون كانت باقا دابا واش كنت هنجي نتلاقى بيك
فريد:واضح بلي شخصيتك قوية وصريحة بزاف جيهان:الوقت لخلاتني
جيهان:الوقت هي لخلات شخصيتي تكون قوية

جا سرباي حط ليهم لغدا بداو كيتغداو وفنفس الوقت كيدويو
فريد:لمهم انا قريت طب فصين،ومن بعد رجعت المغرب فتحت كلينيك
جيهان:مزيان
فريد:ونتي
جيهان:انا شديت لباك درت لفاك ايكونومي زعما بغيت نقرا هداكشي لعندو علاقة بخدمة لعائلة بركت فلفاك عامين ومابقيتش مشيت
فريد:وعلاش
جيهان:حيث مافاليديت والو وحيث صراحة ماعنديش مع لقرايا بزاف
فريد:ههههههه اصلا وحدة من عائلة ارسلان ماتحتاجش تقرا وتضرب تمارة،لمهم خلينا ندخلو نيشان فعلاش طلبت منك نتلاقاو لمهم انا كنتي كتعجبيني من تصاورك ودابا ملي تلاقيت معاك زدتي عجبتيني كثر هادشي علاش الى كنتي باغا نتي طبعا انا باغي نطلب يديك لزواج على سنة لله ورسوله
جيهان:(مصدومة)وااش دااوي بصح
فريد:ااه بصح انا بغيت نجي نيشان من لباب،ماعنديش مع هادشي ديال دوران ولخروج ودخول عجبتيني وفيك كاع هداكشي لكنت كنتمنى اذا علاش لمانطلبش يديك طبعا هادشي الى حتى نتي عجبتك وشفتي في كاع هداكشي لكنتي كتمناي
جيهان؛(حطات يديها تحت دقنها)صراحة ماعرفت مانقوليك لمهم خلي لي لوقت فين نفكر ونرد عليك
فريد:وااخا لبغيتي غير هو ماتعطليش علي
جيهان:انشاءلله
#عند_فدوى
من بعد ماخرجات جيهان فدوى تبعاتها حتى هي حيث ماعندها مايدااار شوية وهي يتوقف فوسط طريق
فدوى:اجي واحد زهيرو نسيتها شحال هادي مبااانت
قلباااات دوورة ومشات لعندها لقاتها جالسة كتغدى
زهرة:(قلبات وجهها) صبحنا على الله
فدوى:زهيرو لاباس عليك توحشتك
زهرة:اشنووو ساليتي من ضرتك وجيتي لي انا
فدوي:( تقرصات مبغاتش تبين)مابغيتيش تمشي تسلمي عليها دابا نصيفطها ليك مبروك عليك غادي يجيك حفيد ازهيرو
زهرة:(كتاكل) الله يبارك فيك جات من موراك َطيراتو ليك
فدوى:لا كبيدة انا للحتو ليها وزيد راني مزالة مانسيت لبلان ديال(غمزاتها) راك مزال فلبال
زهرة:(وحلات ليها) كح كح كح
فدوى:كولي كولي غير بلاتي نتبالا بمرت ولدك جديدة وغادي نسالي ليك والله ما نخليها فواحد فيكم كاع لماكيحملنيش غادي نفديها فيه ونتي لستحمرتيني تسناي نوبتك اشطاحة