🦋جعلوني زوجة له 🦋 (مكتملة )

part66

جعلوني زوجة له💎
جزء 66
فليل 🌑
كانت القضية مرونة فالقصر سوسن وسليم كيتغاوتو على لمشروع لضاع ورجاء وسطهم كتفك ماسكتو حتى شافو لقمان
لقمان:ماالكم اش واقع
سليم:لوااقع هو أن ختك............
لقمان:ونتي مااعرفتيش شكوون هززو ليك
سوسن:لااا
لقمان:ايوااصافي عظم لله أجركم فلمشىروع بداو بمشروع اخر
سليم:هنبداو فمشروع اخر ولكن من بعدما نحددو شكون هو رئيس مجلس ادارة جديد،بابا مريض وخاص شي واحد يرومبلاسيه
سوسن:وشكون هاد لواحد نتاا زعما
سليم:اه انا
سوسن:وعلااش مانكونش اناا
سليم:انااا وياك بلاما نتصادعو هنديرو قضية لعائلة هتصوت على شكون هيترأس مجلس ادارة
لقمان:لعائلة؟؟؟كنضن بلي الى ماتفاهمتوش على شكون هيترأس ادارة خاص les actionnaire هوما ليرشحو
سليم:مااكاين لاش لبراني بيناتنا نفكووها يالاه اماما ختاري
رجاء:اناا مستحيل نختار بييناتكم
سوسن:وااخا ونتي اعمتي
لكبيرة:حتى اناا فحال مكم
سليم:هههه ايوا صافي بقا لقمان وبااين من من هيجي مبروك عليك الالا سوسن المنصب
لقمان:(طرطق عنقو)لااا نتاا لاهي مكاتستاهلو بلاصة مسعود ارسلان ولكن بما انه خاصني نختار فانا هنختار سليم
سليم:😯 دااوي بصح
لقمان:اه بصح
سوسن:ههههه لقماان وااش من نيتك ا خويا
لقمان:اه من نيتي ،مااعندي علاش نكدب عليك ادارة شركة خاصها واحد هادئ ومتواضع وكيعرف يتفاهم فحال سليم اما نتي فراك عصبية ومكاتفاهميش مع عباد لله عاد انه خبيثة وكدابة ولواحد مايقدرش يتيق فيك
سوسن:خبييثة وكداابة؟؟؟؟واااش نتاا عاارف رااسك اش كتقول ولااا لاا وااش من مشكل وااحد وقع لي معاك وليت خايبة ومكانسواش واخا اسيدي هااحنا هنشوفو سي سليم اش هيدير فشركة بووحدو حيث اناا هنقدم ستقالتي
رجاء:تسطيتي
سوسن:اه تسطيت هااني خليت ليكم شركة ربحوو بيها (مشات)
لكبيرة:مصيبة هاادي
رجاء:تقلقاات بزاف
لقمان:هتقلق داابا ولكن من بعد هتعرف بلي هاد لقرار فصالحها واش نتي ماشايفاش حالتها كيفدايرة ،ولات دايرة كيف راجل خليها يالاه تلقى لوقت ليها ولولدها،ونتا اسليم دير شي غلط فشركة هنجي نزاحمك فيها رد بالك سليم:(فرحان)كوون هااني
لقمان:فدوى كاين شي عشا
فدوى:تعشينا قبيلة
لقمان:تحركي صاايبي لي شي حاجة
بقات كتشوفيه فدوى حشمات تجاوبو قدام لعائلة حدرات راسها ومشات لكوزينة طيبات ليع لبيض ومطيشة وطلعاتهم ليه
لقمان:شنوو هذا
فدوى:لمااكلة
لقمان:اناا مكنااكلش هادشي
فدوى:هاادشي لكاين الى بغيتي تعشى بكري ولي تجي بكري
لقمان:(وقف)ماالك معندة معاايا رااسك علاش ملي كنقوليك كلمة كتجاوبيني بعشىرة
فدوى:حيث لفحالك هااكا كيفهمو
تمات فدوى غادة وهو يشدها من يديه وجرها لصقها معاه وهمس فودنيها
لقمان:توحشتك بزاف
ماجاوباتوش فدوى غمضات عينيها وهو خشا فموو فعنقها كيبوس فيها ،بعد من عنقها وحط شفايفو على شفايفها كيتباوسو فالأول تجاوبت معاه ولكن من بعد حبسات وهو يوقف لقمان وشافيها
لقمان:ماالك
فدوى:جسمي وقلبي متلهفين ليك ولكن كرامتي لااا
لقمان:اشش كتخربقي
فدوى:فهااديك فدار لهيه ا لقمان نتا جرحتيني وماشي اي جرح لنقدر نعفط عليه وننساه ملي سولتك واش كتبغيني كنتي تقدر تقولي لا بلا ديك لهضرة ديال انا معااك على قبل لولاد وحيث خويا موصيني عليك فديك لحظة بالضبط رخصتيني وخليتيني نحس براسي ماعندي قيمة (عينيها عمرو دموع)اناا ملي عطيتك راسي ونعست معاك فراه حيث بغيتك وحيث قلبي تعلق بيك وفالأخير نتا شنوو قلتي كنعس معاك على قبل لولاد عادي بغيتي لولاد هننعس معاك و هنقدر نعطيهم ليك ولكن هادوك لولاد هيكونو فوق نفسي وفوق كرامتي ،عمري عمري ا لقمان ماعطيت لفرصة لشي حد فين يدلني ولا يقلل مني حتى جيتي نتا ،ايام هادي كنحاول ننسى لقلتيه لي ووالو مابغاش يزوول من بالي فينما كنتفكر كلامك كنبغي نموت
لقمان:اناا اناا (سكت)
فدوى:نتاا شنوو جاوبني عاوتاني بديك لهضرة ديال ساليتي تصبحي على خير
لقمان:داابا الى بغيتك تنساي شنوو خاصني ندير واش اعتذار كافي
فدوى:هتطلب سماحة اليوم وهتغلط معايا غدا،انا مجروحة منك والى زدتيني جرح اخر على جرح لفقلبي هنقدر نموت فيها ا لقمان كلشي نتفاك معاك فيه حتى لكرامتي عرفتي كون كنت عارفة بلي من بعدما هنمشي من هنا هتخليني على راحتي كنت مهانزيدش معاد دقيقة واخا كنبغيك
بقا كيشوفيها لقمان هز تيليفونو وخرج وهي جلسات الأرض كتبكي
يوم غد صباحا
كانت جيهان وفدوى واقفين فالعيادة ديال طبيبة هازين تحاليل كيتسناو
جيهان:خاايفة بزاف 
فدوى:(ساهية كتفكر فشي لوقع لبارح)⁦😣
جيهان:فدوى ماالك راه كندوي معاك
فدوى:مااالك اش قلتي
جيهان:كتباني لي نتي خايفة واقلة كثر مني
فدوى:(شدات فيديها)لاا احبيبة ماخايفاش وحتى نتي ماتخافيش انشاءلله هيكون غير لخير
جيهان:كنتمنى
بقاو جالسين حتى خوات لعيادة وجاات نوبتهم دخلو عطاو لطبيبة تحاليل وجلسوو
طبيبة:كلشي عندك هو هداك ،مافاطراش ياك
جيهان:(سرطات ريقها)لااا مافاطراش
طبيبة:صاافي نقدرو نديرو داابا العملية
جيهان:(شدات فيد فدوى ووركات)يااك مهانتوعتش
طبيبة:لاا ماتخافيش دخلي بدلي حوايجك وانا هنمشي نسد لعيادة باش حتى حد مايدخل
فدوى:صاافي واخا
خرجات طبيبة وجيهان وقفات عنقات فدوى كتبكي
جيهان:هئ هئ يااربي تسمح لي على هاادشي لهندير
فدوى:لله يسمح لينا كاملين حنا مهانديروش هاادشي لخاطرنا ضروف بززات علينا (بعدات عليها)كوني قوية وماتخافيش العملية مهاتاخودش بزاف غير شي 20 دقيقة
جيهان:(كتبكي)ندمت افدوى ندمت هئ هئ
فدوى:عاادي هذا هو الحب كيخليك عمية مكاتشوفيش قدامك ودابا دخلي بدلي حوايجك خلينا نبداو دابا
دخلات جيهان حيدات حوايجها لبسات كسوة زرقة ديال لباش وتكات فوق لبايانس مغمضة عينيها وكتبكي بحرقة فلحظة تفكرات شي لعاشتو مع يوسف من أول نضرة حتى الأخير كلمة جارحة قالها ليها،فجأة قفزات ملي حسات بيد طبيبة  تحطات عليها هنا دنيا وقفات بالنسبة ليها ومن هنا هتهز روح جيهان ناشطة ضحوكية وهتحط فبلاصتها روح اخرى لحتى واحد ماعارفها