🦋جعلوني زوجة له 🦋 (مكتملة )

part88

💎جعلوني زوجة له💎
جزء 88
#عند_سوسن
كانت سوسن مخبية فدوش كتهضر فتيليفون
سوسن:علااش معيط لي وااش تسطيتي
يونس:اناا ضروري مااخاص نشووفك
سوسن:مامسالياش اليوم
يونس:كنقسم ليك بالله العلي العظيم وماتجي لعندي حتى نجي عندك انا حتى لوسط شركة
سوسن:لاا نتا صاافي خرج لييك العقل
يونس:داابا شنوو هتجي ولا لاا
سوسن:صافي واخا هنجي
يونس:انا هنستناك فدار
سوسن:صاافي واخا (قطعات)مصيبة هادي
حلات سوسن الباب وخرجات لقات مروان واقف كيتسناها
مروان:تعطلتي
سوسن:اناا اليوم ماغاداش لشركة
مروان:علااش
سوسن:هنمشي نشوف صاحبتي ريم لبارح جات من امريكا
مروان:وااخا صافي ماشي مشكل،يالاه خلينا نزلو نفطرو
نزلو لتحت لقاو كلشي جالس كيفطر الا لقمان ولينا ماكاينينش
فدوى:(كتاكل)شفت لعروسة ديالنا ماجاتش تفطر
لكبيرة:لعروسة؟؟؟وااش داوية من نيتك شفتك جاية لابسة مقادة كتاكلي ماخاصك خير فحال الى ماشي نتي ليالاه راجلك لبارح جاب ليك ضرة لقلب دارك وباش كملتيها وجملتيها نضتي حرقتي لبيت
فدوى:ماافهمتش نتي شنوو باغاني ندير،ياكما باغاني نبدا نبكي وننحط على قبل هداك دفتر لوساخ ديال خوك،صافي بكيت عليه بما فيه لكفاية دابا جا الوقت فين خاص نخدم عقلي باش نربيه هو وديك لكلبة لمعاه
سوسن:امم متافقة معاك فهادي
رجاء:سكتي نتي،هادشي لكديرو فيه لا نتي لا هو راه مكايديروهش ناس ،كملتو حياتكم مع بعضياتكم ودرتو لولاد بكري
فدوى:بقااو لي غير لولاد مع ولدك ،لولاد مني هوما لعمرك مهاتشوفيهم مني
لقمان:(من وراه)فحال الى انا واكل راسي باش نولد معاك ،ليناا جلسي لهيه
جلسات لينا وهي تنوض رجاء خنزرات فلينا ومشات وهي تبعها لكبيرة
فدوى:(ردات شعرها ورا ودنها)نتمنى اول ليلة ليك هنا كنتي مرتاحة فيها
لينا:امم رتاحيت وبزاف،خاصة ان راجلي حبيبي كان حدايا
فدوى:مزيان،فراسكم وااحد الحاجة تواتيتو مع بعضياتكم لله يحجبكم من العين وخلاص
لقمان:ممكن تسكتي
فدوى:علااش هنسكت انا كنقول غير لكاين نتا وياها جيتو مع بعضياتكم اصلا قريب هيكون عندكم ولد وهاكا هتكملو عائلتكم
لينا:انشاءلله
فدوى:شحال عندك من شهر
لينا:تلت شهوور
فدوى:مزيان بنت ولا ولد
لينا:باقي ماعرفتش ولكن على الأغلب هيكون ولد وانا مقررة نسميه آدم
فدوى:(شافت فلقمان)سمعتي اسي لقمان قالت ليك هتسميه ادم،تباركلاه على مراتك ماخلات حتى شي حاجة كتخصني ماقرباتش ليها
لينا:حراام عليك تقولي هاكا انا ماقلتش سمية ادم باش نقلقك واصلا انا مانويتش نقيس ذكرى راجلك اول بشي حاجة خايبة
فدوى:واصلا مهاتجرإيش تقيسيها حيث ديك ساعة هنحرقك كيفما حرقت لبيت ديال لبارح 
لينا:هههه واش نتي داابا كتهدديني
فدوى:(هزات حاجبها)عتابريها كيفما بغيتي ،ونتا اسي لقمان برافو عليك ماكنتش كنصحاب ذكرى خوك رخيصة عندك حتى باغي تعطي سميتو لولدك لجايبو من زنا

يالاه هيجاوبها لقمان وهي تدور لعند جيهان
فدوى:الحلقات ديالك غزالين منين شريتيهم
جيهان:ااااا شريتهم من واحد سيت
فدوى:حتى توريه لي
بقا كيشوفيها لقمان عرف بلي واخا هيدوي معاها مهايصور منها والو فقرر يمشي ويخليها وهي تنوض لينا تبعاتو
سوسن؛(وقفات)انا هنوض تابعيني شلا شغالات