🦋جعلوني زوجة له 🦋 (طور التنزيل )

part74

💎جعلوني زوجة له💎
جزء 74
خرج لقمان عند رجالو كيغوت عليهم ماكاملاش حتى دقيقة تستفو كاع هدوك روؤساء ديال امن عندو لكانو خمسة.... وقف عليهم وهوما حانيين ريوسهم.... حط يدو من ورا ظهرو كيشوف فيهم معصب وعاقد غوباشتو

لقمان:(الحوار بالانجليزية) جبتكم معايا من كوريا حتى داريجة دينمك مكاتفهوماش داخلين وخارجين علي كيف لقحبات بغيت غير نفهم فييين كنتوو حتى  مراتي هربات
...... شاف سمحلينا عفااااك
لقمان:(غوت)حتى كلمة دابا نبغي رجال كولهم يتنشرو فنواحي ديال القصر يقلبو راها مشات فطريق الغابة مانبغيش يرجعو لاماجابوهاش معاهم ولا غنفركع زام***بوكم كاملين

ضرب فيهم وزاد جهة طونوبيل ديالو كسيرا غادي فطريق كيسوط ويدفل من شرجم
لقمان:هنوري مك افدوى وصلات فيك الجرأة تهربي راك مزال ماعرفتيش معامن طحتي وشكون مزوجة دخلي لكرش مك نجبدك منها ابنتي افدوى باغية طيري واااخا اناا هنطيرك ولكن هاد المرة هنطيرك فوق سماا

كمل طريقو كينكر وكيسب جاعر فحال شي مسطي ، وصل الدرب فين كانت ساكنة فدوى وقف قبالت الباب حاط يدو على جنبو وكيزدح فيه بجهد حتى خرجات رقية كتغوت
رقية؛لااا هرسوووه حسن بلااتي هااني جاي
حلات رقية لباب هزات راسها بان ليها قدو قد الباب مامخلي الهوى منين يدوز بديك الجثة ديالو
رقية:ياك لاباس اش باغي عندي سير فحالك من داري
لقمان:(كيحاول يتهدن) غدي نقوليك جوج كلمات فين فدوى؟؟
رقية:وااقلة اناا لخاصني نسولك عليها اخير مرة خليتها فدارك
لقمان:واخا بما انه نتي مكلخة ولا كتحاولي تكلخي، نمشي معاك بلخشيبات بنتك هربات من عندي حيث نتي لششجعتيها راني مامكلخش ماكاينش لزعمها قدك ،مرتي وانا كنعرفها
رقية:(بتسمات) دارتها واخيرا هتهنى منك ومن هبالك
زدح لقمان لباب حتى تزعزعات الدار  وغوت
لقمان:رقية فين هي مراتي فين صيفطتيها كنقسم ليك فمي بالله حتى نحرقك لا نتي لاتريكتك فهاد دار وتيقيني مهانرحمكش
رقية:ماعرفتش انا حرشتها تهرب ولكن مبغيتش نعرف فين باش مياكلنيش قلبي عليها
لقمان:وخا ارقية ها حنا هنشوفو،نتي وبنتك هتدفعوو ثمن غاالي الى ماندمها على نهار لفكرات فيه تهرب مني راني مااشي رااجل
رقية:أعلى مافخيلك سرجوو ،جربت مااكثر منك فتسطية مهااتخلعنيش
شافيها لقمان بشووفات ديال نشدك نقتاك زدح الباب ودار شاف فجيران لكانو مجوقين عليه كيبان ليهم بداك الوشام والقلدة بحال شي مافيوزي وخا هو نيت مفيوزي، ماتسوقش ليهم رجع الطونوبيل ونار فيه تاني كيسب ففدوى ويعرق غير بوحدو
اكيد كتسائلو على فدوى فين مشات وشنوو وااقع معااها فالوقت للقمان كان كيقلب
#فلاش_باغ
فالوقت لكانت فدوى خارجة من البيت باين عليها التوتر والخوف من طريقة مشيتها وكتشوف ياكما جاي شي حد، جنان حتى هي كانت خارجة من بيتها ولفت انتابها تصرف ديال لبنت لقدامها ماجاتش على بالها فدوى ضناتها شي خدامة سارقة شي حاجة وكتسلت، تبعاتها حيت بطبعها بركاكة عزيز عليها تعرف شادة ولفادو تبعاتها كتحقق فيها وهي مصغرة عينيها
جنان:هاد لكمارة مغريباش عليا
طلات عليها من لفوق وهي هابطة فدروج حيت كولوار ديال الفوق جاي على شكل دائرة يمكن ليك تشوف كاع لطالع ولهابط فدروج
جنان:ويلي ويلي والله حتى فدوى بالله هي ههههه ومالها على ديك الحالة هادي باينة باغية تهرب خاصني نستاغل لفرصة ونبين لزروال علاش قادة(جبدات تيليفون بزربة) سر سر
زروال:تش كاااين
جنان:جبت ليك خبار بميكتها
زرال(بلهفة) اش كاين
جنان(كضحك) فدوى مرات لقمان هربانة من القصر
زروال:ايمتى واش دابا دابا
جنان:اه (كتدلي راسها) هاهي هابطة دابا قدامي لابسة حوايج لخدامة وبحال الى  بانت لي غادي تمشي من الباب لوراني لجاي لجهة الغابة على الله تلاقا فيها مع شي شمكار ويقتلها ويهنيني منها
زروال:قطعي قطعي
قطع زروال وناااض بزربة غادي البيت عند ولدو الياس لمدوخ بنعاس.... وقف عند رااسو كيدفع فيييه
الياس:(كيغوت) نعم الواليد حشومة عليك راه ماناعسش
زروال:فيق العزري فييييق فرصتنا جاات ،مرات لقمان هربات من عندو خاصنا نشدوها قبل منو
الياس
غير سمع الياس مرات لقمان جمع نوضو كيخرج عينيه فباه
الياس:نعام شنو قلتي هربات وكيفاش وفين هي
زروال:عيط على دوك لحتارف ديال رجالك قوليهم راها فطريق الغابة من باب لورانب يدوزو ليها قبل ماتهرب ولا يشدوها رجال ديال لقمان