🦋جعلوني زوجة له 🦋 (طور التنزيل )

part108

💎جعلوني زوجة له💎
جزء 108

طلق منها ومشا لعند فدوى شدها من شعرها وتما طالع بيها

جيهان:هئ هئ فدوى (بغات تبعها)
سوسن:(شداتها)وقفي الى مشيتي لعندو مهايعقلش عليك
جيهان:هئ هئ كلشي بسبابي

#عند_لقمان
حل لقمان باب لبيت ولاح فدوى فالأرض وسد لباب ودار عندها داير يديه على جنابو

لقمان:اناا اشش قلت لييك صباح
فدوى:هئ هئ لقماان عفاك
لقمان:قلت ليك دوزت ليك لولا وثانية ولكن ثالتة لااا (صدرو كيطلع وينزل)
فدوى:(كتبكي)هئ هئ عفااك فالأول سمعني
لقمان:اشش هنسمع نتي شكوون عطاك الحق باش دخلي فحياة ختي
فدوى:(وقفات)دخلت حيث كنت خايفة عليها منك،البنت فديك لفترة كانت هتموت بلبكا ولقهرة وكانت خايفة منك بزاف خاصة ملي عرفتي بلي هي مصاحبة هئ هئ جيتي ضربتيها وبقيتي كتغوت عليها ،تصرفاتك ا لقمان هوما لخلاونا نسكتو ومانقولو ليك والو 
لقمان:داابا شنوو لقيتي تخريجة لهادشي لدرتي نتي وديك لحمارة
فدوى:مااشي تخريجة ،اناا غير
لقمان:(قاطعها)وااخا تقولي لقلتي حتى حاجة مهاتتشفع ليك عندي (قرب ليها وشدها من شعرها)فحياتي تقت فتلاتة ديال ناس لول مسعود ثانية رجاء وداابا نتي وكلكم غدرتوني
فدوى:هئ هئ ماغدرتكش ا لقمان انا غير كنت باغا نحل المشكل قبل مايكبر ماكانتش نيتي خايبة
لقمان:(كيشوف فعينيها)كلشي تخيلتك ديريه حتى لهادي ماتوقعتهاش منك نتي راك لعبتي بشرفي ونزلتي من قيمتي ،انا وياااك صاافي ساالينا
فدوى:(تصدمات)ك كيفااش ساالينا وااش هتطلقني
لقمان:ماكرهتش نديرها ولكن راك عارفة وصية خويا فوق كلشي
فدوى:(بحرقة)يعنني كون ماكانتش وصية خوك كنتي هتسخى بي
لقمان:عمرني نسامحك على هادشي لدرتي في،كنت ناوي نطلع نعطيك شي قتلة ديال لعصا لجامي تنسايها فحياتك ساعة لقيتك ماتستاهليش نوسخ فيك يدي
فدوى:هئ هئ مااديرش في هاكا راك كتجرحني
لقمان:(غوت)ونتتتي راك ماشي جرحتيني درتي فيي مااا كثر ،من اليوم مابقاش عندي كلام معاك نتي هتبقاي هنا طول حياتك وسط هاد القصر على اساس مراتي فلوراق شي حاجة اخرى لااا صافي شي حاجة سميتها فدوى ولقمان مابقاتش
فدوى:وااش لغلط ديالي كبير لدرجة انك تهجرني وماتبقاش تعتابرني مراتك
لقمان:وكثر
فدوى:شي لدرتو ماكانش قصدي نآديك بيه (حطات يديه على صدرو)ااه غلطت فحقك كنعتارف بهادشي ولكن حتى نتا راك غلطتي فحقي مامرة مازوج هئ هئ حتى نتاا راك غدرتيني وجرحتيني ودوزت ليك وسمحت ليك اذا علاش حتى نتاا مادوزش لي وتسمح لي
لقمان:انااا ماشي هو نتي ،(دفع يديها)فهاد الفترة ماتبانيش قدامي حيث مهانقدرش نتوقع شنو هنقدر ندير فيك اصلا اناا دابا متحكم فراسي غير بزز (دفعها وتما خارج)
فدوى:هئ هئ فييين غاادي (غوتات)لقمااان لقمااان رجع هئ هئ لقمااان رجع باااقي مااكملتش كلاامي ،لقمااااان

ماجاوبهاش لقمان خرج وخلاها تما كتغوت وكتضرب فجنابها غير بوحدها،عرف كيفااش يعاقبها فلحظة لكان ناوي يضرب فدوى ستوعب بلي ضرب ماعندو فاش يفيدو معاها،مشا لنقطة ضعفها هو يحرمها منو عارفها كتبغيه وبلي أي كلمة خايبة كانت كتقولها ليه من قبل ماكانتش كتعنيها كانت كتقولها من الغضب ديالها عليه،ولكن هو عكسها كل كلمة كيقولها كيعنيها كل حرف كينطق بيه كيكون خارج من صميم رجولتو وملي الأمر كيكون متعلق برجولة فهو مستحيل يتراجع عليه واخا تنطابق سمااا مع الأرض