🦋جعلوني زوجة له 🦋 (مكتملة )

pzrt134

💎جعلوني زوجة له💎
جزء 134
فوسط نهار
كانت لكبيرة واقفة فلكوزينة قدامها لخدامات لتقبلو فالخدمة ومن بين هاد الخدامات كاينة تيريزا
لكبيرة:كل وحدة فيكم باش هتكلف نتي هتكلفي ب...... ونتي هتكلفي ب.....ونتي هتكلفي بالبيوت (قصدات تيريزا)حنااا هنااا عندنا نظام والى مالتازمتوش بهاد نظام فراكم مهاطولوش هنا
فدوى؛(دخلات لكوزينة)عمتي
لكبيرة:نعااام ابنتي
فدوى:انا ولقمان هنخرجو اليوم بليل نتعشاو هادشي علاش بغيت نوصيك على جاد راك عارفة ولا ماكينعس حتى كنعسو انا
لكبيرة:صاافي غير تهناي انا هنرد ليه لبال
خرجات فدوى ولكبيرة دارت كملات هضرتها مع الخدامات لمن بعد كل وحدة فين مشات وتيريزا مشات لحمام تاصلات بمراد قالت ليه على عشا لقمان وفدوى
#عند_الياس
كان الياس جالس فدار عينيه حمرين باينة فيه شابع بكا ،نزلات جيوفانا من دروج لحالتها حالة شافها وهو يمسح عينيه من دموع
جيوفانا:(قربات حداه)مااكااين لااش تمسحهم رااني شفتهم (جلسات حداه) شفتي ختك صوفيا شنو وقع ليها
الياس؛(الصمت)
جيوفانا:باك هيكون عاود ليك على بنتو جديدة
الياس:اممم عاود لي
جيوفانا:اهمم واش ناوي دير
الياس:مااعرفتش
جيوفانا:خاصنا نمشيو من هنا ونرجعو فحاالنا
الياس:نتي الى بغيتي ترجعي رجعي اناا لاا
جيوفانا:لبنت لكنتي باقي على قبلها هنا ومحارب دنيا على قبلها راها صدقات ختك ايوا علاش باقي مزال باغي تبقى هنا
الياس:(الصمت)
جيوفانا:(شدات فيديه)عارفة بلي صعيبة عليك هاد الحقيقة لعرفتي ولكن ماعندك مادير ماتقدر تغير والو
الياس:الحقيقة لعرفت ماشي غير صعيبة علي،قلبي كيتقطع من لداخل (نزلو دموعو)عمرني فحياتي بغيت شي مرا كيفما بغيتها هي علاااش بالضبط انا علاش انا لكيوقع لي هادشي (وقف) كنت مستعد نعطي دنيا كاملة على قبل شوفة من عينيها كون بغات روحي كنت هنعطيها ليها مافهمتش واش القدر كيلعب بي ولا انا كنلعب براسي ماافهمتش كيفاش من بعد هااد الحب كاامل تصدق ختي مااايمكنش تكون ختي انا راني تخيلت راسي معاها شحال من مرة (تحنى على ركابيه شد فيد جيوفانا)اناا راني رااسم حيااتي ومستقبلي معاها كيفاش دابا هنقدر ننساها انا مايمكنش لي نشوفيها شوفة عادية مايمكنش نشوفها ختي (حط راسو على فخض جيوفانا كيبكي)كوون غير مت قبل مانعرف هادشي ،عقلي كيقوليا نطلع لسطح نلوح راسي ونتهنى
جيوفانا:برا ولباس عليك (هزات راسو من فوق فخاضو)لخلاك تبغيها هيخليك تبغي وحدة اخرى تيق في
الياس:مابقيت بغيت حتى وحدة انا صافي حياتي وقفات (وقف) وكيفما انا حياتي وقفات خاص حتى حياة هداك لقمان توقف (زاد وخلاها)
فليل 🌑🌑
كانت فدوى واقفة لابسة كسوة فلموف لاصقة وطالقة شعرها بوكلي وسباط طالون نواغ مكاودة مع لمرايا وفنفس الوقت كتدوي ابييل فيديو مع جيهان
جيهان:سعداتك هتخرجي تفوجي
فدوى:ايوا حتى نتي قولي لفريد يخرجك
جيهان:كتقصدي خاص نسول مو واش يخرجني ولا لا
فدوى:ماافهمتش
جيهان:مو افدوى كتدخل فكلشي تخيلي معايا قبيلة نزلت كنت دايرة بارفا ديال عادي كيف ديما وهي تقوليا قللي شوية من بارفا راك هتخنقي ولدي
فدوى:هههه واش بصح
جيهان:ولله العظيم وتخيلي معايا فصباح فريد نازل غادي لخدمة وهي تلقى ليه قالت ليه طلع بدل لكوستيم مع العلم هداك لكوستيم انا لختاريتو ليه على دوقي وهو طلع بدلو وملي دويت معاه قاليك مانقدرش نخسر لماما
فدوى:مافهمتش نتوما اصلا اش باقين كديرو تما ياك قلتو هتسكنو راسكم
جيهان:قاليك دار باقي ماكملاتش فاصلاحات
فدوى:متأكدة
جيهان:ماعرفتش
فدوى:هذا صوت طوموبيلة خوك كتكلاكصوني هنزل يالاه ازين تهلاي فراسك وغدا فصباح هنتاصل بيك
جيهان:وااخا
هزات فدوى لمونطو ديالها ونزلات لعند لقمان لكان كيتسناها فطونوبيل طلعات سلمات عليه وشدو طريق
فدوى:مولفة الى خرجت معاك ماكيكونوش معانا لكارد كور،شنوو واقع اليوم
لقمان:(الصمت)
فدوى:سكتي انا عارفاك ملي كتكون مطوي على شي مصيبة كتسكت
لقمان:(دار شافيها)جيتي زوينة
فدوى:لوو لوو لوولووي لاحظتي
كمل لقمان صوكان وصلو لريسطو ونزلو دخلو
فدوى:جاايبني لريسطو ديالك 😑
لقمان:علاش فيين بغيتيني نديك هنا مأمن كثر لي وليك
فدوى:(حطات يديها على كرشها)عندي ليك شي حاجة باغا نقولها ليك
.....سمحولي قاطعتكم شنو طلبو لعشا
لقمان:اناا كيف ديماا ،ونتي افدوى
فدوى:(كتشوف فلموني)اممم بغيت ballotine  (كتعوج ففمها)و primi وفتحلية بغيت pavlova
لقمان:(وسع عينيه)هاتاكلي هادشي كاامل
فدوى:اممم
لقمان:(معجب)وااخا جيب ليها لبغات
مشا سرباي وهوما بقاو كيدويو، شوية وهوما يجبدو بصدفة لبلان ديال رقية
فدوى:ممكن تبدل الموضوع
لقمان:الى بدلتو داابا غادي ندويو فيه ندويو ولاهوما ندويو فيه داابا
فدوى:(الصمت)
لقمان:كيفما كتعرفي انا عارف شكون هوما هادوك رجال لممكن واحد منهم يصدق بااك
فدوى:مافهمتش نتا علاش كتقوليا هاادشي ونتا عارف مزيان بلي مهاتقولش لي شكون هوما
لقمان:غالطة هنقوليك ولكن ماشي دابا صبري من هنا سيمانة وشي ايام هنقوليك شكون هو باك غير هو عولي بلي الى كان باك واحد راجل لانا ماعنديش معاه فراه ماعمرك تحلمي تشوفيه ولا يشوفك
فدوى:(تقادات فالجلسة)احم احم ماافهمتكش كيفاش واحد راجل ماعندكش معاه
لقمان:واحد من دوك رجال لمك شاكة فيهم بلي هو باك انا وياه بيناتنا عداوة والى صدق هو باك فراك مهانخليكش تشوفيه ولا حتى هو يشوفك ولا يلمحك
فدوى:(وجهها ولا حمر)غير تهنى راك مهاتحتاجش تخبيني عليه باش مايشوفنيش حيث انا اصلاا مااباغاش نشوفو و
...... (قاطعها) لقماان
هز لقمان فيه راسو وهو يتصدم ولكن مابينش بقا كيرمقو بنضرات غراب شافيه لمدة 5 ثواني وشاف فلحداه كانت لينا شادة ليه فدراعو ومبتاسمة
لقمان:(صغر عينيه)مراااد
مراد:ههه اه مراد ،وسنين هاادي ماشفنا ولا تلاقينا بعضياتنا
لقمان:(دار ضحكة استهزاء)من نهار سيفطتك لامريكا تعالج من دقة لعطيتك لظهر
مراد:اه من نهار ضربتيني
لينا:(كتضحك)فدوى صاافا ،شفت وجهك تخطف منوو لون ملي شفتيني ههه مراد كنعرفك على فدوى مرات لقمان
مراد:(مد يديه لفدوى)تشررفت بمعرفتك
فدوى:(ماسلماتش عليه حيث لقمان شافيها)سمحلي مكانسلمش
مراد:هههه تباركلاه عليك اسي لقمان راك مقري مراتك مزيان (شاف فلينا)شنوو ظهر لييك الينا نجلسو نتعشااو معاهم
لينا:اههم علااش لاا
جرات لينا لكرسي لحدا فدوى وجلسات ومراد جر لكرسي لحد لقمان وجلس
مراد:شنوو واش هتبقاو ساكتين،مهاتسولنيش القمان امتى رجعت
لقمان:رااه باين امتى رجعتي وعلاش رجعتي،انا كيفاش ماطاحتش لي فبالي ملي انسة لينا غبرات كان علي نتوقع بلي لكلب ديالها المطيع رجع وبدات كتخطط هي وياه
لينا:انا ومراد ماعندنا علاش نخططو ضد شي حد بكل بساطة قتانعت بلي خسرت صديق قريب لي على قبل شي حد ماكيستاهلش ودابا كنحاول نرجع علاقتي بيه كيف كانت
مراد:(شاف ففدوى)غيير لبارح لقمان كان كيدور فكوريا كيف شي متشرد وكان كيلعب تما فكومبات غير شرعية وكانو هاد لكومبات كيساليو بلموت وكان ديما هو لكيقتل لخصم ديالو وانا بصدفة شفتو وديتو لعند الحاج عبد سلام اكيد كتعرفيه
لينا:امم كتعرفو
مراد:ملي ديتو ليه تما تبدلات حياتو كاملة وولا لقمان لكتشوفي دابا،يعني راجلك الى كان دابا فهاد نيفو وفهاد المستوى فراه الفضل كولو كيرجع لي
الجو مكهرب ولقماان على اعصاابو ماباغيش يدير شي حاجة يندم عليها ومراد كيهضر بلا فراناات لقا الفرصة فااش يطلق سمو ويشفي غليلو من جهة لقمان
مراد:(كيهضر بطريقة استفزازية)لشاااف لقمان ارسلااان كيفاش كان كيدير لدرياات وكيفاش ولا دابا مزوج ومثبت الأرض مهايعرفوش (شاف ففدوى)راجلك كان كيدوز ليالي مع البنات  الدرجة كاينة لما كيعقلش عليها كاع واش جابهااا كتبات ماتصبح صباح كتخرج بنت فشكل والعشية كدخل وحدة فشكل كانو عندو البناااات ادماااان جميع الجنسيات والاعمار داز عليهم حتى من  الميمات ماخلاهمش، لدرجة(ضحك)  ههه هادي بزااف واحد المرة خرجات من عندو وحدة قااصر مسكينة مخلووعة  منو هرباات كتبكي (شااف فلينا) تعقلي الدرية مسكينة ماكانتش قادرة حتى تزيييد
لينا:وانا نساا البنت خارجة كتقطر بدم فنص الليل غير انا لعتقتها  صيفطتها الطبيب جاتها ايموغااجي وهو نعس ماداهاش حتى فيهاااا
مراد:صراحة ماعرفتش كييفاااش ردعتييه كنحييك امدام فدوى برافوا
لينا:اااه كنحييوك ماعرفتش شنو هو هاد السر لخلاك تبعديه على عاداتو سيئة حتى مني اناااا
فدوى:(حطاات لفورشيط من يديهااا و تبسماات ليهم وبدات دوي بطريقة كلاس)لقماان بصح بعد على كااع عاداتو سيئة واولهم نتي لكنتي من اوسخهم (شدات فيد لقمان وشافت فيه بفخر) حاجة وحدة لكتهمني هي حب لقمان بي وانا ثايقة فييه(شافت فمراد باستفزاز) وانت اموسيو منين كنتي معاشر مع راجلي تال هاد درجة  كيبان لي ماتعلمتي واالو باقي كتدي (طلعات وهبطات فلينا) شيااطة ديالو او بلاحرى نقولو نفايات ديالو (لينا طلعات معاها السخانة) فحاالك نوووع عزيز عليهم يتحناو بين رجلين لعيالات وياكلو تحت رجليهم عليها بان لي راك مسير و راجلي عمرو حنا راس ولا خلا شي مرا تسيرو
مراد:بنتي لي كتفهمي فسادية منين كتدوي عليها ياكما نتي منهم 😉
لقمااان ماتحملش هادشي صبر حتى عيا وضرب فوق طبلة حتى تزعزعو كاع طباسل وكيسان لفوقها  وناس دارو كيشوفو فيهم ويوشوشو ..... وقف كيخنزر فمرااد ولينااا وقلب عليهم طبلة حتى طااحت علييهم
فدوى :(وقفااات)لقمااااااااان😱
وقف مرااد كيعاون لينا توقف وهو يجيه لقماااان ودورو عندو وجمع معاااه بكروشي لنييف  تا هبط ليه دم ورجعها ليه مرااادد
مراد(شانق علييه) مزاال انت هو هو همجي ومريض
لقمااااان:(عاود ليه دقة اخرى)ونتا مزااال كلب ديااال ليناااا
مراد(ضربو برااس) يااااكما جاتك الغيرة
ماجوبووش حدو لاح و فالارض كيضرب ويقولل ماضربت وفدوى ولينااااا كيفكو وهو حراام مبغا يحبس  حتى طااحت فدوى فالارض قبااالتوو كتغوت وتبكييي
فدوى:وصااااااااااافييي بااااااااركة هتقتلو وتمشي الحبس اهئ اهئ صاااااااااااااااافي😭😭
وعا عليها لقماااان وهو يرخي منو ومشا عندها هزها وهي كتبكي وكتعكل لفكسوة لي لابسة تماو خارجين من ريسطوو
فدوى:اهئ اهئ (رخات منو) هادشي كولو نوضتيه على قبلهاا يااااك
لقمان:(دار عندها كيحاول يفهم اش كتقول)كيفاش؟؟؟
فدوى: نتا الداخل(كتشهق) ضاااربتي الدااخل معااه  يااااك اهئ اهئ على قبلها جاتك الغييرة سيير عندها لا مزال باغييها علااش جااي لعندي
لقماااان شعلات معاااه العافية معصب وكملات عليه جرهااا من شعرها وبدا كيغوت
لقمان:بقااا لي غيير الغوااات دياالك ،اجي ونتي اش داااااك ترادي معاه فلهضرة واش انا عطيتك لورد تهضري مخلياني جالس وباركة تبلابلي رجعتيني دمدومة حداااهم
فدوى كتشوف فيه بترجي وعينيها عامرين دمووع
فدوى:نتا عمرك مهاتبدل هتبقى هو هو لقمااان الهمجي لعندو كلشي بالعنف
قربها لعندو وزاد زير على شعرهاااا
فدوى: اييي شعري
لقمان:ااااه انا هو هو وعمري مهانتبدل و بسيف ولا بالخااطر خااصكي تقبلي هادشييي وتعايشي معاااه
فدوى:كنكرهك
لقمان(كيشوف ليها فعينيها) مزيااان هكدا حسن
جرها من شعرها حتى طلعو الطونوبيل وسربااي تم جاي جايب لفدوى البوشيط ديالها ومونطو عطاهم ليه وهو لاحهم فطونوبيل وطلع حدا فدوى كيشوف فيها كتبكي حاطة راسها على الزاجة ويرجع يشوف فطريق كيسوق حتى وصلو الباب ديال القصر حبس وهي تنزل من بعد ماهزات قلوعها وهو ديمارا خرج
صبح صباااااح وفدوى جالسة فووق الكورسي كتمشط وسااهية فالمراايا وفنفس الوقت كتشوف فتيلي لا لقمان يعيط ليعل شاافت حتى عيااات لواات عليها بينوار وخرجات من البيت ومع سدة دياال الباب تلاقات مع هدى وجنان خارجين وجنان بااين عليها المرض والعيا فوجههااا..... وقفات قبالتها كتشوف فيها مصدوومة
فدوى:جنان ماالك واش صاافا
جنان:عياااانة شوية وكرشي كتعطيني الحرييق
فدوى:هادوك غير الاعصااب اجنان رخفي على راسك راك حاملة
جنان:(تنهدات) انشاء الله،نتي هتكوني اليوم فدار
فدوى:فدوى اه راك عارفة ماعندي فين نمشي
جنان:حييث محتاجاك باغا ندوي معاك فشي حاجة
فدوى:واخا، مايكون عندك باااس
تبسماات ليها ومشات البيت ديال مسعوود لكان نااعس... شافت فيه وهي كتبتاسم وجبدات سيروم كتبدلو ليه حتى دخلات عليها رجاء
رجاء:صباح النور
فدوى:صبااح الخير
رجاء:(كتشوف فالساعة) 10 هادي وقت دوا، بنتي عفاك سيري المجر ديالي فلبيت جيبيه راه تماك يلاه جابوه لي حيت تسالا ونسيت ماجبتووش معايا
فدوى:واخا هنمشي
رجاء:شكرااا
كيف دارت فبالها مشات البيت و هزات دوا من المجر وفطريقها تعكلات فطبلة ولكن لمكانش فلبال هي انها رجعاات دارت بحال الى تفكرااات شي حااجة..... شافت فوق ناموسية  وبين عينيها لقطة فااش دخلات ولقطة فاش يدات كتغاوت مع رجاء ولكن علاش كيتغاوتو اش كيقولو ماتفكراتش وتفكرات حتى فاش بدات تدفع فيها رجاء وملي طاحت على طبلة ديال زاج... طلعات معاهل السخاانة وجهها ولا حمر ومشات  عندها كتجري وقفات قبالتها كتنهج
رجاء:بنتي فدوى يااك لابااس
فدوى :(ضربات بدوا فالارض وبدات كتغوت)دااااك نهاار انا ماطاحتش بووحدي نتي لدفعتيني بلعاااني
رجاء:(تصدمات)ش شنوو
فدوى:بغييت غيير نعرف نتي واش ماحشمتيش من راسك عيني فعينك وقلتي لي زلقات لي رجلي وطحت على راسي ماحشمتيش
رجاء:ش ش شووفي انا ك كنت ،ما ماشي بقصدي انا (كتدخل وتخرج فلهضرة)
فدوى:انا هنعاود للقمان كلشي وهو لهيعرف كيفاش يتفاهم معاك
رجاء:( عند باالها بلي فدوى تفكرات كولشي)هئ اهئ سمحيلي انا مادااارتهااش بلعاني  اهئ اهئ ماكانتش فنيتي ندفعك والله (كتبكي وترعد) اهئ اهئ انا كنت بغيت غير نسكتك باااش ماتفضحيناش على دكشي لدرنا فزهرة
فدوى:(بشك)علاش انتوما شنو درتو فزهرة واش
سكتات فدوى شحاال تفكرات نهار كانت راااجعة من عند لقمان فالحبس وتعرضات ليها زهرة فالباب كتعااود ليهااا على مادارا فيها رجاء وفاش من بعد كانت جالسة فبيتها وقررات تقلب على شي حاجة باش تاكد
فدوى:(هزات راسها فييها)انا كنت كنقلب على شي دليل لنتأكد بيه من هضرة زهرة،بااينة هنكون لقيتو ونتي خديتيه مني يااك بااش مانفرشكش يااااك فينا هو
رجاء:لاااا كنحلف ليك بلي ماديت ليك واالووو وماعرفتكش علاياش كتهضري
فدوى:نتوووما تعديتو على زهرة كااع دااكشي لقالتو لي عليكم كان بصح وانا ملي لقيت دليل خديتيه لي بغيت غير نتفكر شنوو هو هاد دليل ماعقلتش
رجاء:لااا عفاااااك افدوى خليني نشرح ليك زهرة راها
فهاد اثناء وصل لقمان حدا باب لبيت وهو يسمع سمية زهرة اصلا ملي كان طالع فدروج سمع لغوات وحرك رجليه جا عندهم دغيا
لقمان:(دفع لباب ودخل)ماال زهرة؟؟؟
فدوى كتشوف فلقمان مخنزرة وورجاء كتشوف فيه خايفة شوية تلاقاو عينيهم... فدوى كتهدد رجاء بعينيها ورجاء كترجاها
لقمان:رااه وااقلة سولتكم ماال زهرة وزيدون علاش كان صوت غواتكم واصل حتى لتحت اش وااقع هنا
فدوى:(ربعات يديها )تقوولي لييه نتي ولا نقووليه اناا امدام رجاء
نخليو رجاء فالوضع صعيب لهي فيه ونمشيو لعند رقية لكانت فسوق
رقية:ابشحاال لبطااطا
......تمانين ريال لكيلو
رقية:لاوااه لاوااه غيير ربعيين
......وراها ديال لبلاد والى بعتها ليك بربعين اينا رباح عندي انا
جارة:(جات من وراها)ياااو هاادي رقية
رقية:(سلمات عليها)اتتي كيفدايرة اختي
جارة:لبااس لبااس شفتك كتواي على بطاطا زعما راك درتي لباس ونسيبك منيونير قد دنياا
رقية:هههه عاوديها
جارة:منيونير
رقية:ميليوونير ماشي منيونير
جارة:فحاال فحاال لله يعطينا غير صحة وسلامة،ايوا فدوى كيفدايرة لباس عليها
بقات رقية كتدوي مع لمرا ومن بعد كملات تقديتها وشدات طريق غادة هاازة القفة وتبدلها  من يد ليد اخرى منين كتعيااا حتى الواحد اللقطة تسمع صوت الفران وقف حدا رقية..... دارت رقية بزربة تشوف شكون ماجات فين تغوت حتى تحطات يد على فمها  وطاحت ليها التقدية وهزوها شي رجال طلعوها فطونوبيل وهي كتفركل وتغوت وهوما شادينهاااا.......
دازت ساعة ديال المكانة ورقية غوتات وبكات وضربات حتى عيااات وسكتات كتسنى اش هيوقع وخا عارفة راسها فين غادة وعند من ولكن كتكدب على راسهااا
تحبسات طونوبيل قداام واحد الفيلا صغييرة دايرين بيها الرجال ،هبطوها غادين بيها وهي كل شوية كتبغي تهرب منهم...... تحل الباب ودخلاات كان زرواال عااطيها بظهر داير رجل على رجل وسيجار فيدوو...... دوروها عندووو وباان ليها زرواااال........
رقية فمها نشف ووجهها تخطف منو لوون مابقااش فيه نقطة دياال الدم حتى من رجليها مبقاوش هازينهااا تفكرات الماضي ومادوز عليها فلحظة تفكرات كاع لدوز عليها زروال من عداب وضلام وطغيان..... طاحت فالارض كتبكي بدموعها شلال وكتشوف فييه كترعد وتشهق ماقداش تهضر وهو كيضحك قدامهاااا
زروال:مرحبا بلالا رقية مرحباااا اهلااا برجووعك

#يتبع