فدوى:(بعدات عليه كترمش فعينيها)كيعيطو لينا لعشا
لقمان:هااد راجل مك مالقا امتى يعيط
فدوى:هههه فكني
تمات فدوى هابطة بزربة وهو من وراها دخلو لقاو رقية حاطة برمة ديال لبيصارة وجبابن ولخبز ولهريسة وزيت لعود
كريم:ههههه نهارك مزووهر انسيبنا نهار جيتي لعندنا لقيتينا دايرين لبيصارة
لقمان:(جلس)مااشي مشكل
جعفر:تلقااك مولف هاابالمحمر والمجمر ولبساطل ولحومات (كيمص فقنانفو)
رقية:(كتشوف فجعفر)جامع علي قنانفك شوهتينا هيصحاابك عمرك كليتي لحم ودجاج
لقمان:لااا غير خلييه عادي
كريم:طووموبيل لحدا لباب بشحال شاريها
لقمان:ماغالياش بزاف ب 120 مليون
كريم:(كب عليه لبيصارة)مااغالياش بزاف واش من نيتك
رقية:(ضرباتو بمغرفة لراس)ماال مك شووف اش درتي لحوايجك غدا لمك مع نبوري تصبح تصبن فيهم
جعفر:اوودي شوهوتونا قدام نسيب،قوليا اسي لقمان
لقمان:نعاام
جعفر:واااش هداكشي لسمعنا عليك بصح
لقمان:اشش سمعتي
جعفر:كتبيع وتشري فلحشيش داابا نتا بزناز ياك
رقية:اوووويلي حشم واش هاد لهضرة كتقال
لقمان:علااش نتا كتسول
جعفر:قلنا زعما نسيبنا بزناز كبير كيبيع لحشيش علاش ماتبداش تسيفط لي طراف ديال لحشيش فحال لباكور راه نسيبتك قهراتني بنكير قالت ليك انا كنخسر لفلوس فلحشيش
رقية:(شيرات عليه بصندالة)شوهتينا الحشايشي لله يشوهك (مدات للقمان جبانية)هاكا اولدي شرب وماتديش على جعفر راه فان فان
كريم:(قرب حدا لقمان)داابا نتااا كيموتو عليك ساطات ياك
لقمان:ههه شوية
كريم:علاش تزوجتي بختي ديك ساعة خود ليك شي كاورية بلقة دخلها لاسلام تدي اجر مع لله هتاخود دنيا ودين
فدوى:(خنزرات فكريم)نووض تكعد من حداه
كريم:ياااه على مسمومة ،ماالك بقا فيك الحال حيث قلت ليه الحقيقة
فدوى:نووض من حداه ولا هنجي نوريك الحقيقة فين كاينة،لبجغوط لاخور كبرتي ووليتي حتى نتا دوي وتنصح كنعقل عليك غير هداك نهار كتجري فزنقة حفيان مصبغ شعرك بديكاباج نمرة 9 ودابا جاي كتنصح فراجلي ،نوض تكعد
بقاو عائلة فدوى منوضينها بنكير بيناتهم ولقمان غير كيشوفيهم قارن بين هاد العائلة لبسيطة وبين عائلتو لقا فرق كبير،فالقصر ملي كيبركو يتعشاو كتكون لهضرة قليلة وفاغلب لوقت لعشا عندهم كيتحول لشي مصيبة كبيرة وماكيكملوهش شاف ففدوى وتاسف عاد فهم هي علاش شحال هادي هربات من القصر ورجعات عند مها حيث العائلة لكاينة هنا ماشي هي لكاينة لهيه
كملو لعشا ولقمان بات مع فدوى فبيتها فوق ناموسيتها صغيرة مخشيين فبعضياتهم معنكشين
يوم_غد_صباحا
كان لقمان واقف قدام باب رقية كيدوي مع فدوى
لقمان:باراكا عليك يومين هنا خاصك ترجعي لقصر
فدوى:وااخا حتى لغدا ونرجع
لقمان:لاا اليوم بليل انا هنجي نديك والى ماجيتش انا هيجي شيفور
فدوى:صافي واخا (شافت رجال واقفين)هذا راه حي شعبي ناس مهايفهموش علاش حاط هاد رجال هنا راه جاتهم عجب
لقمان:ماكيهمونيش ناس (باسها ففمها)
فدوى:(بعدات)وااش تسطيتي ناس كيشوفو فينا شوهتيني
لقمان:(بتاسم)بسلاامة
فدوى:بااي بااي
مشا لقمان وفدوى سدات لباب ودخلات كتضحك
رقية:نسخن لييك مقراج ديال لما
فدوى:علااش
رقية:لباارح بايتة توشوشي نتي وصفر جلدة زعما مادرتوو واالو
فدوى:(الصمت)
رقية:اتتي ماالك سكتي زعما حشمتي مني احياني عليك
فدوى:😏 نحشم منك هههه ،كون انا وياه درنا شي حاجة لبارح كون راه صوتنا سمعو درب كامل وكون راك نضتي سلختي جعفر للوا ليه ت*و قبل لوقت ارقية
رقية:دااابا شنوو وليتي كتسبيني، اناا هداكشي رااه طلع لي فراسي من زمااان عفتووو
فدوى:هههه هي كنتي دايرة شلااضة
رقية:(الصمت)
فدوى:هههههه هي بصح ايواا ،اش هنقوليك ليمسخك
VOUS LISEZ
🦋جعلوني زوجة له 🦋 (مكتملة )
Action⚠️احلل النشر مع احتفاض بنفس الصورة وذكر الاسماء ⚠️ حصريااااااااا اوا يا المشاهدين اوا يا المشاهديين اش غدي نقوليكم هاني رجعت ليكم من جديد وماشي بوحدي انا وؤمي جينا وبعجاجتنا وكيف كتعرفو على اميمة شكري الدراما والرومنسية واكييد انا الكمودية وتفرشيخ...
