🦋جعلوني زوجة له 🦋 (مكتملة )

part70

💎جعلوني زوجة له💎
جزء 163
#عند_لينا
كانت لينا واقفة وسط لغابة واونفاس معاها رجال
لينا:جبد سمطة وضربني بيها ونتا خدم يديك عطيني بونيات لوجهي هااه ولكن ردو لبال واياكم تقربو جهة كرشي
.... لباليك
حتى هوما لقاو مرادهم وفاش يبردو غدايدهم بداو عليها بصمطة جهة دراعها وفخاضها ومن بعد ملي سالاو من سمطة نزل واحد كيدخل ليها فلكروشيات لوجهها هنا فقدات الوعي ديالها وغيبات
وقفو دوك رجال بعدما سالاو شافو فبعضياتهم كيضحكو وفرحانين
جبد واحد فيهم ورقة فيها علامة انذار⚠️ وكتبو حداها z تبعو خطة كيف تقالت ليهم ورجعو لطونوبيل وعيطو البوليس
.... الو شاف عفاك بغيت نبلغ على واحد الحادثة
....تفضل اش عندك
..... واحد سيدة هنا دخلوها شي رجال الغابة  ودابا كيضربو فيها
.... تقدر تقولي لبلاصة فين
.... غابة بوسكرة حدا لوزين ديال زليج دخلة لولة

قطعو وفرتكو تيليفون هرسو لبيس ورجعو فحالهم مخلين لينا طااايحة كولها دم

بعد تقريبا مدة نصف ساعة فاقت على صوت البوليس كيتغاتو وهي ترسم ضحكة شرشرة فوجهها
وقفو لبوليس فوق راسها وتحنى واحد عندها كيقلب ليها نبض
بوليس.1:مزالة حية
بوليسي2:شكون عيط الصحافة(كيشير) متخليوهمش يجيو
بوليسي1:خليهم يصورو نبانو حتى حنا نتشهرو
بوليس1:سير على الله اودي
قرباااات صحافة كتصور ودارت ربورطاج مع بوليس لكانو كيحاولو يديرو اسعافات اولية بيما جات اسعاف اما هي كتحاول ما امكن تبقى فلوعي ديالها باش الخطة ديالها تكمل
جات لومبيلونس هزوو لينا ومن وراا لينا كانت واحد طوموبيل صغيرة بيضة تابعاها كانت فيها واحد لبنت سمرة مازوينة ماخايبة

......هاادي هي فرصتك اهبة ،هالله جاب ليك موضوع علاش تكتبي ،الفتاة التي تعرضت لضرب في غابة بوسكورة داابا خااص غيير نعرف شكوون هي واش كدير واشنوو قصتها (كسيرات)
وصلات اومبيلونس لسبيطار دخلو لينا وصحفية هبة بقات كتلبط حتى دخلات وعرفات شومبر فين كتعالج

#عند_لقمان
كان لقمان جالس فشركة حتى صونا تيلي ديالو جاوب كان لحاج
لقمان:وي لحااج
لحاج:لقماان وااش لينا معااك
لقمان:لا علاش
لحاج:خرجات هي ولكارد كور لمول وتوضرات ليهم مالقاوهاش ودابا كنصوني ليها تيليفونها طافي
لقمان:حركاتها مفروشين بغاتني نتخلع عليها ونمشي نقلب عليها
لحاج:والى مااكانش هااكا،الى كان زروال هو لخطفها
لقمان:لحااج تهدن
لحاج:لقمان سير قلب عليها ومااترجع لعندي حتى تلقاها (قطع)
لقمان:هاادشي لناقصني
ناض لقمان هز طوموبيلتو خرج كيقلب علييها

فسبيطار
كانت لينا يالاه فاقت غير حلات عينيها لقات لبوليس
لبوليس:لاالا واش كتسمعينا
لينا:اامم
لبوليس:شنو سميتك
لينا:ل ل ليينا العراقي
لبوليس:وااش عارفة شكون ضربك
لينا:لااا
لبوليس:وااخا ،واش عندك عائلة نعيطوو ليهم
لينا: ا اااه رااجلي
لبوليس:سميتوو وكنيتو
لينا:لقمان ارسلان
مع قالت لقمان ارسلان وهي تجي سمية نيشان فودن صحفية هبة لكانت حدا لباب كتسنط
هبة:وااش هاادشي لسمعت بصح ولاا غيير تخاايل لي 🙁 ،ياااك هو مزوج (حطات يديها على فمها)مراااتو ثانية
بقات واحد دقيقة ساكتة كتفكر وهي توسع عينيها
هبة:هااادي رااها خباارر دايرة خاصني انا لولا ننشرها قبل مايسبقوني لاخرين