🦋جعلوني زوجة له 🦋 (طور التنزيل )

parr8

💎جعلوني زوجة له💎
جزء 8
فدوى:ماعندي حتى شي شروط من غير انه بغيتك تطلع معايا راجل باش حتى انا نطلع معاك مرا وتيقني الى لقيتك ولد ناس ماغاديش نقصر معاك، من جهتي كنواعدك  عمري نخونك ولا نخليك تفقد ثقتك فيا
بقيت كنشوف فسعيد كيدوي وكيعاود على لعيشة فميريكان صراحة هو راجل مزيان ولكن ماشي ستيل ديالي انا ملي كنت صغيرة كنت مصاحبة معاه وعارفاه مزيان اش كيسوا غير هو كان كيجيني ممل وصراحة باقي ممل وثقيل على لقلب ولكن ماعندي ماندير هادشي لهزات لي مغرفتي وخاصني نرضى بالمكتوب ،واصلا الا رفضتو حتى واحد مهايرجع يطلبني لزواج واخا يكون هاد لواحد براني اينفوا هيجي يسول علي فالحومة غادي يعرف بلي سمعتي زيرو واخا مادرتش علاش باش تكون زيرو
يوم_غد
كان اليوم يوم خطبتي وقفت قدام لمرايا كنرجع شعري جنب ومعندي خاطر وانا كنشوف داك القفطان للابسة كان فشيبي هابط بلعقادي من جهة الصدر حتى لتحت والكمام ومدواه بخيط  كتفيت بماكياج خفيف زاد لمعة خفيفة
رقية:جاك لقميص كيحمق
فدوي:هااد القميص خيطتو بشهوة وشحال تخيلت راسي لابساه فنهار خطبتي من منير (تنهدت)
رقية:😒 باقا مزال تجبدي لي هداك وجه نحس ديال ولد رشيدة ندمك ولاهيلا قالت ليك منير (جراتني بجهد وحطات عينيها بعيني)من اليوم كااين غير سعيد سمعتي غير سعيد ممنوع تجبدي سمية هداك شماتة على فمك
فذوى:(شداتني لبكية)ماما كنحس براسي مخنوقة انا راني مامرتاحاش لهاد زوااج 😢
رقية:اوويلي على مامرتاحاش، شووفي لمك سعيد ومو من هنا لشوية غادي يجييو تصرفي عادي وولله وديري شي حاجة ماشي حتى لهيه حتى نمحيك من حياتي وما انا مك ماانتي بنتي ،باراكا غير شوهة لدار لينا هداك شماتة
خرجات رقية سدات لباب وانا جلست فجنب نموسية شداني لبكية شديتها حتى عييت وفاﻷخير بكييت ،بكييت على زهري وعلى حياتي وعلى شبابي وحتى على منير لماصدقش معايا راجل شوية تسمع صوت دقان وهاسعيد ومو جاو ستاضفتهم رقية فصالون هي وجعفر بديت كنسمع صوت ضحكهم شوية جاو عيطو علي خرجت وعينيا فلارض جلست بداو كيدويو وكيقولو ديك لهضرة ديال طالبين يديك وداك تخربيق وانا ودني كيسوطو فحال الى طلع لي طونسيو هزو يديهم قراو لفاتحة ومن بعد وقفنا ركبنا لخواتم وتعشينا وتفرقات جقلة دخلت لبيتي سديت علي وهي تبدا رقية كتزغرت باش تسمع لجيران
فدوى:(كنغوت)رقيية
رقية:نعااام
فدوى:نسمعع تزغرريييتة اخرى نووض نريب عليك دنيا
جعفر:واااخيرا غادي نتهناو من كماارتك هنزوجوك ونتهناوو
فدوي:تهننى على عمررك فالقبر اشااارف قااليك تهنى مني ماالي عاايشة بفلووسك رااه انا لكنصرف هنا انا
كريم:(من سطح)مييي وااش بااقي حقي فدجاج
رقية:نززل اولدد لحراام من تماا ريحة شيشة عااطية شوهتيناا مع ناس يصحابو عندنا غير قهوة شيشة فدار
#عند_منير
كان منير جالس فدار كيتفرج فتلفزة حتى دخلات مو كتنكر
رشيدة"بنت لحراام لفعة دايرة رجاالة كيف لخواتم فيديها(جلسات)تاا شفتتي هاديك لخامجة ديال فدوى شنو دارت
منير:(قفز)شنوو دارت
رشيدة:الييوم جااتها لخطبة
منير:ايينا خطبة
رشيدة:اينا خطبة، ولد حليمة خطبها
منير:شكوون هذا
رشيدة:اووويلي على شكون هذا سعيد ولد حليمة طيابة
منير:هههه شكوون كدبها علييك
رشيدة:نااس شافو سعيد ومو خارجين من دار رقية ومن بعد سمعو زغاريت
منير:هيكون غيير جابليهم لله ،شفتي فدوى واخا يبقى غير سعيد فدنيا ولله لا شافت فيه(جر عليه لمانطا)
رشيدة:ايييه ناس غير جابليهم لله ونتا لعندك الحق
يوم غد
كان تنين وصلت لقصر يالاه حطني شيفور تميت داخلة وانا نسمع
سليم:قللت لييك هااد صفقة خااصها دار
سوسن:وانااا قلت ليييك لااا لبارح دواا معايا لقمان وقاليا بلي كيعرف هادوك ناس وبلي هوما نصابين
سليم:قلتي لقمان،لقمان الى كان هو نصاب ورجل ديال لمافيات فراه ماشي كاع ناس فحالهم
مسعود:(غوت)سكااات هنييوني
سليم:شووف ابابا حناا هاد لمرة الى ضيعنا هاد لفرصة غادي نوليو ضحكة وسط شركات لاخرين وااش كااين شي واحد كيضيع صفقة فحال هادي ساوية 20 مليون دولار
سوسن:لفلوس مامهيمينش قدما كتهم سمعة
سليم:انا مابقيتش هنزيد معااك كلمة اخرى حيث لقرار اﻷول واﻷخير كيبقى ديال بابا ،بابا حنا شهور هادي وحنا كندرسو فهاد صفقة وكان كلشي هو هداك حتى عيط سي لقمان قلب كلشي بابا واش هادشي معقول واش معقول بسباب كلمة قالها لقمان لشحال وهو بعيد علينا نضيعو صفقة عمرنا
مسعود:سلييم عندوو الحق صفقة هتم واليوم غادي نوقعو العقد مع هاديك شركة
سوسن:وااخا ديرو لبغيتو انا كلام لقمان وصلتو ليكم ونتوما تحملو مسؤوليتكم(ناضت باغا تخرج وهي تلقاني واقفة)نتي شنوو كديري هناا
فدوى:ااا اناا جيت باش
سوسن:(قاطعتني)وااش كنتي كتسنطي علينا
فدوى:لا امدام اناا راه يالاه جيت
سوسن(قشعات الخاتم) :بلاااتي بلااتي 😲😲😲 شنوو هداكشي لفيديك
فدوى:شنووو
سوسن:لخاتم
فدوي:ااه خاتم
سوسن:وااش مزوجة ولاا شنوو
قدوى:لااا اناا مخطووبة
سوسن:ك ك كيفاش وامتى
قدوى:لباارح علااش
لخدامة:اا سمحولي موسيو ادم طالب تجي عندو
فدوى:واخا مدام سوسن سمحيلي
خليتها ومشيت دخلت لعندو سلمت عليه وعطيتو دوا وجلسنا كنفطرو
#عند_سوسن
رجعات سوسن لطبلة ديال لفطور وجهها صفر
لكبيرة:بنتي مالك رجعتي
رجاء:وجهك صفر ماللك ياكما كاين باس
سوسن:لفرملية جاات
جيهان:وشنوو لغريب
سوسن:داايرة خااتم لخطوبة فيديها
رجاء:😱😱😱 شنووو
سوسن:(غمضات عينيها وحطات يدها على راسها)ياااربي مايشوفوش ادم
سليم:كنتت عاارف هادشي لهيوقع ملي جيت وسمعت بقصة حب ادم الخيالية وعشقو لهاد لفرملية عرفت بلي لقضية هتحماض
مسعود:تهدننو ،سوسن هتمشي لبيت ادم وهتجري لبنت وهتشرحي لييها شنوو كاين باش تحيد لخاتم مايبانش ﻵدم
رجاء:لااا وااياك هي الى عرفات بحب ادم ليها هتمشي من هنا ومهاتبقاش تجي
#عند_فدوى
كنت كنقاد ليه فالمخدة حيث عيا من الجلسة فوق لكرسي واخا ماكاملاش 10 دقايق باش جلس،وانا كنقااد ليه شد لي يدي
ادم: ف دوى
فدوي(مستغربة) :ويي ماالك!!
ادم:شنوو هذا (شار لخاتم)
فدوى:اه لخاتم صراحة كنت ناوية نعاود ليك اليوم عليه (جلست)
ادم:وااش هاد الخاتم دياال زواج ولا جاب لي لله
فدوى:دياال لخطوبة
ادم:(وجهو حماار)احمم احمم و و ا ا م متى تخطبتي
نجوى:لباارح
ادم:وااش من هداك لعااودتي لي عليه
فدوى:لاا هذااا وااحد اخر
سكت ادم وعينيه فيكسااهم علي ومارمشهمش علي وصدرو بدا كيطلع وينزل
فدوى:😱😱 مااالك ا ادم
ادم:(اللصمت)😖😖
نضت كنجري كبيت لما قربت لعندو بااغا نشربو ليه وهو يضرب يدي طوع لكاس وتفرشخ مع الحيط
فدوى:😨😨😨😨
ادم:خررجيي علي
فدوى:م ماالك واااش بييك شيي حاجة
ادم:قلللللللت لييييك خووورجي
فدوى:تهدن فاﻷول (قربت ليه)تهدددن عفااك
ادم:(شدني من درااعي وورك علي وبدا كيغوت علي بجهد) مكاااتبغييهش كيفااش قبلتي تزوجي بيييه شررحي لي وعلاااش انااا هاادشي مافراسيش انااا شنووو هناااا
فدوي:😨😨😨 (سرطت رييقي)
ادم:(غوت)جاااوبييي مااتبقاايش سااكتة
تحل لباب وتما كلشي دااخل وانا ترونات علي لقضية ماافهمت وااالو
ادم:عللاااش درتتي فييااا هاااكا جاااوبي علااش
فدوى:ماافهمتش شنوو درت لييك
ادم:انااا كنبغيييك
فدوى:😨😨😨😨😨
مسعود:ولدي طلقهاا شنوو كديير
بقا كيشووفيا ادم طلقني وانا نرجع بلور كنشوف فيه
ادم:(عينيه عمرو دموع)سمحييلي فدوي سمحيلي
بقيت كنشوفيه وخرجت من تما بزربة مصدومة وصوت ادم بدا كيعلى
ادم:فدووووى رجعععي فدووووى فدووووى
لا
وانا غادة خارجة شداتني سوسن وماماها وقفوني
سوسن:وقففي فيين غاادة
فدوي:غاادة فحاالي
سوسن:لااا مايمكنش لييك تمشي خويا لوضع ديالو صعيب مايمكنش لييك تمشي وتخليه
فدوى:لااا هنمشي حيث فهاد لحظة لوضع الى كاان صعيب على شي حد فهوو انا
رجاء:ماديريش هاكا ولدي راه كيبغيك
فذوى:واناا مكانبغيهش ولدك كنعتابرو فحال اي مريض انا كنتعامل معاه مايمكنش لي نشوفو شي حاجة كثر من هاكا
سوسن:شحاال بغييتي
فدوى:نعااام كيفااش شحاال بغييت
سوسن:كيفماا سمعتي شحاال بغييتي من مليون باش تبقاي مع خويا
فدوى(خرجو عيني) :وااش نتي كتشرريني
سوسن:ان مستعدة نعطيك لبغيتي مليون عشرة لبغيتي
فدوى:لا مليون ولا عشرة كون كنت كنصحاب بلي نتي جايباني لهنا حيث خوك كيبغيني ولله مانعتبها فهاد دار
سوسن:شوفي نتي بز منك غادي ديري هادشي لبغيت ولا
فدوى:ولااا شنووو؟ وااش نتي كتهدديني سمعي اناا رااني ماشي ديال تهديد الالاهم سوسن ،بلااتي بلااتي نتي هي ورا انهم جراو علي من لكلينيك ياك ،نااري انا شحال مكلخة من طبيعة الحال تسببتي لي فخروجي من لكلينيك باش تجيبيني هنا لخوك وملي تلاقيت معاك قدام لكلينيك ماتلاقيتش معاك بصدفة كلشي كنتي مخططة ليه،لله ياخود فيك الحق كنت فخدمتي مرسمة وهانية حتى تسلطتي علي حرمتي علي رزقي غير على قبل خوك
رجاء:شوفي ابنتي حنا مستعدين نرجعوك لخدمتك ومستعدين نعوضوك على كلشي غير هو ماتخليش ولدي بوحدو فهاد اﻷزمة
فدوى:انا مابغيتكم لاترجعوني لخدمة ولا تعوضوني على شي حاجة بغيت منكم غير تيساع اما بخصوص ولدك فالله يشافيه ويشوفيه (زدت وخليتهم)
سليم"(جاي كيجري)واااش مشاات
رجاء:اااه
سليم:ادم وضعو صعيبب عيطو ليه على طبيب (شاف فسوسن)مااكانش عليك تجيبيها نهار لول شوفي شنو وقع دابا
بقات سوسن كتشوفيه ومشات دخلات لعند خوها لكان كيبكي بحرقة المنظر ديال رجليه مقطعين وحالتو لمنهارة تقطع ليك لقلب وتخليك تعذب بلا هواك
#عند_فدوى
خرجت من عند هادوك ناس وانا كلي كنترعد اوويلي خرجات لي على خدمتي باش تجيبني لعند خوها قالت ليك كيبغيني كيفاش كيبغيني وامتى بغاني وكيفاش دار ليها لاا لاا هادشي لناقصني هو مريض ماعليه واالو العيب من هادوك عائلتو لتابعينو فهبالو اوويلي على غدايدي وعلى زهري لمكوز واش انا هنبقى هاكا هنبقى فينما حطيت رجلي كتكفس علي ،طااااكسسي
شديت طاكسي طلعت وقلت ليه يديني لدارنا
#عند_رقية
جعفر:داابا حنا شنوو هنستافدو من هاد تزويجة ديال بنتك همم بنتك الى تزوجات حنا شكون هيبقى يصرف علينا
رقية:صرف على مخكك بنتي راه صرفات عليك كثر من قياسها نوض توكظ وسير قلب على خدمة
لباب:دق دق
رقية:نووض حل لباب
جعفر:حلييه نتي نييت
رقية:نووض تكعد راني كنرضع فالبرهوش بركت حتى بركت وزفطت هاد لبرهوش
ناض جعفر حل لباب وهو يلقى قدامو منير سلام وعليكم سلام اش جاابك ،كلم لي فدوي
رقية:(خرجات)ولاش بااغي فدوى
منير:كلميييها لي وهي هتعرف شنوو باغي منها
رقية:فدوى ماكايناش فخدمتها وزيدون هي مابقاتش مزال باغا تشوفك راها تخطبات وقريب هتزوج
منير:يعني هداكشي لكيدور فدرب بصح فدوى تخطبات لسعيد
جعفر"ايييه ولبارح كانت خطبتهم ودابا سير فحالك
منير:نتي اش درتي ليهاا حتى خليتيها تقبل تزوج بهداك لمكلخ ديال سعيد
رقية:مااشي انا لدرت نتاا لدرتي بينتي ليها بلي نتا ماتستاهلهاش وبلي ماشي راجل
#عند فدوى
حطني طاكسي تميت داخلة مع درب وهو يبان لي منير واقف قدام دار وباينة فيه كيتخاصم مع رقية تميت غادة بزربة حتى وصلت لعندهم
فدوى:شنوو وااقع هناا
رقية:مزياان ملي جيتي باش تشوفي هاد خاينة اش جااي كيقول
فدوى(مكنشوفش فيه)اشش كيقول
رقية:قااليك علاش قبلتي تزوجي بسعيد
فدوى(درت لعندو):ونتاا سوقك نتزوج نطلق نقحب نتا اش دخلك في مانتاا با مانتا خويا مانتا صاحبي شكون نتا
منير:فدوى مااديريش في هااكا انا عارفك مقلقة علي ولكن ماتقسحيش قلبك علي وتعاقبيني بزواجك من سعيد
فدوى:ملي تلاقينا اخير مرة قلتي لي بلي حتى واحد مهايديها فق*بة فحالي ايوا دابا شنو هاهو سعيد داها في وهو حسن منك بالف درجة بخدمتو بطونوبيلتو بدارو ماتوصلو نتا حتى فصبع رجليه صغييور
منير:دغياا وليتي كتدافعي عليه وكتقارنيني بيه
فدوى:كندافع عليه حيث خطيبي اما نقارنك بيه فهادي شي حاجة مستحيلة حيث نتاا فين وهو فيين وداابا بسلامة
دخلت لدار جريت رقية وجعفر وسديت لباب على وجه منير ودخلت وهو بدا كيغوت وكيعاير وكيسب
منير:تزوججي بيه نقتتلك ونقتلوو سمعتي قتلو
مديتهاش فهدروتو ودخلت.... دازت ثلثيام بلحساب ماخرجتش من دار ،رقية مشات كتجري وتجاري باش تجمع وراق زواج جمعاتهم وعطاتهم لسعيد واليوم عندنا لاكط صراحة مافرحاناش ومامقلقاش حيث هادي هي سنة الحياة ماشي كاع لتزوجات فدنيا تزوجات براجل كتبغيه ،شحال من وحدة كتكون كتبفي شي حد وملي كيجيها ماحسن منو مكاتعقلش عليه واخا انا ماخليتش منير حيث سعيد حسن منو خليتو حيث تأكدت بلي ماشي راجل وعمرو مهايكون راجل ،منير هادي تلتيام وهو كيعيط لي وانا مكانجاوبوش وهادي ماشي حاجة غريبة ولكن لغريب هو اتصال ديال ادم لتاصل بقا كيعتادر وكيطلب في نرجع قبلت عتدارو وقلت ليه بلي مهانقدرش نرجع لعندو حيث هنتزوج وقطع علي صراحة بقا في وقطع لي فقلبي وفلحظة حسيت بنغزة فقلبي من جهتو فحال تأنيب ضمير لمهم شي حاجة فحال هادي
رقية:لبستي ويالاه نمشيو راه سعيد جا كيتسنى قدام لباب
فدوى:وااخا هنلبس غير جلابتي
لبست جلابتي فشيبي جاية بلعقادي من جيهت الصدر ومن جيهت الكتاف مطرزة بالعقيق وكمامة مدورين بسفيفة وسندالة فرجلي وطلاقت شعري مادرت لا ماكياج لاوالو وخرجت لقيت سعيد واقف مكسطر شافني ضحك وشد فيدي تمينا غادين ورقية حدانا كتفرنس وكتشوف فجيران فحال الى كتقوليهم دويتو على بنتي ايوا هاهي داتو ومو واقفة من جنب لاخور ماحاملانيش
سعيد:فدوى ماالك كتباني مقلقة
فدوى:لا غيير (سكت)
سكت حيث شفت منير جاي من زنقة لاخرة لجهتنا مهانكدبش عليكم قلبي تهز من بلاصتو ماشي بسباب هداكشي لكان بيناتنا لا بسباب لخوف ومن هداكشي لممكن يوقع
منير؛(جاي قاصدني)شنوو صاافي غادة تزوجي
سعيد:فدوى وقفي ورايا
فذوي:واخا (وقفت وراه)
منير:(حط جبهتو على جبهة سعيد)شنوو زعما داير فيها راجل
سعيد:منير سيير من هنا انا راه ماباغيش صداع معاك
منير:لا نتاا باغي صداع معاايا ملي مشيتي قربتي لدرية ديالي بغيتي صداع معايا
سعيد:منير درية لنتا دابا كتدوي عليها راها دابا ولات مراتي
منير:مراتك؟؟ههه باقي ماولاتش مرااتك وعمرها مهاتولي
فدوى:من نيتك هنولي مراتو بغيتي ولا كرهتي
منير:لا مهانخليكش ابنت رقية
فدوى:شنوو هدير مثلا باش تمنعني
منير:هنقتلووو
هز منير تريكو للابسو جبد موس خشااه فكرش منير نيشان قلبي وقف فديك ساعة ماما غوتات وام سعيد غوتات ومنير لاح جنوي وهرب وانا بقييت واقفة مصدومة كنشوف فسعيد لطايح اﻷرض غارق فدم
نزلت لعند سعيد كلي كنترعد كنحاول ندير شي حاجة باش نعتقو عقلي وقف على لخدمة فحال الى عمري كنت فرملية كنورك على لبلاصة لفيها جرح باش نحبس دم ووالو دم عاد مازاد ولغوات فوق راسي ولزاد كمل علي هو ام سعيد بركات كتضرب في وكتغوت
حليمة:نتتي سباابوو لله يااخود فييك الحق المنحوسة غصبتي ولدي فشبابو
دنيا تقربلات وانا فشلت وليت غير كنبكي بلا صوت جات لومبيلونس وجاو لبوليس حليمة قالت ليهم انا سباب هزوني ورقية بدات كتجدب وتغوت فزنقة
رقية:اوويلي بنتي بنتي وعتقوو بنتي اعباد لله ؛وااطلقو بنتي مادارت والو
غوتات وجدبات وماتسوقوش ليها ،وصلنا لكوميسارية وجلابيتي عامرة دم دخلوني فلول لطواليط غسلت يدي ووجهي عاد داوني لبيرو ديال لكوميسير بداو كيسولو في
لكوميسير:شنوو كيجيك سعيد
فدوى:(كنترعد)خ خ خطيبي
لكوميسير:خطيبك مزيان ولحاول يقتلو اشش كيجيك
فدوى:(الصمت)
لكوميسير:(ضرب يديه مع لبيرو بجهد)دووي هنسكنو هنا
فدوى:(قفزت)كان صاحبي
لكوميسير:هي خشاا فيه جنوي على قبلك
فدوى:هئ هئ مااعرفتش اناا ماعندي حتى شي ذنب فهادشي تيقني 😭😭
لكوميسير:جمعي علي خناينك ،كلكم كتقولو هاكا كتخلطوها وترونوها رجالة وملي كطيح روح كتقولو ماليكم دنب
فدوى:هئ هئ اناا ماشي ديال هادشي لله يرحم ليكم لواليدين طلقووني خليوني نمشي فحالي
لكوميسير:تمشي فحالك، جلسي لمك هنا حتى نشوفو هاد القضية فين هتوصل
بقيت تما نهار كامل كيديوني من بيرو لبيرو وعلى حساب مافهمت باغين تدويرة باش يطلقوني نمشي فحالي.
جات رقية وجابت لفلوس دورات معاهم عاد خرجوني حالتي حالة منهارة ونفسيتي زيرو غير كنبكي ،شعري مشنتف وجلابة واخا خويت عليها لما دم سعيد مامشاش منها
خرجت برا لقيت ماما وخويا كيتسناوني شدينا طاكسي تكيت على ماما وغمضت عيني وبديت كنفكر فمنير فكيفاش كنا فرحانين مع بعضياتنا وكيفاش كنا مفاهمين مافهمتش شنوو وقع فجأة حتى تقلب كلشي واش انا ملعونة لهاد درجة راجل لكنت كنبغيه عايرني وملي قررت ننساه ونبدا حياة جديدة مع واحد اخر حتى هو ضاع مني وهاهو دابا بين لحياة ولموت ماعارفة عليه والو فهاد لحظة بغيت غير نفهم انا شنوو درت حتى نستاهل هادشي كامل كلشي كيخبط في فهاد دنيا مي ناس منير كلشي كيقسى علي بطريقة خايبة بزاف كيعدبوني وماحاسينش بي
رقية:بنتي وصلنا نوضي
خرج خويا كريم حل لباب وشدني من يدي نزلت شفت فناس لفدرب لقيت كلشي واقف كيشوفيا من نضراتهم شفت عتب كبير اكيد دابا كيقولو هاهي جات لتسببات فدمار حياة زوج ديال رجال باقين صغار تمنيت فديك لحظة نغوت نقوليهم بلي راهم غالطين في وبلي لا منير ولا سعيد ماكنت كنضحك عليهم بزوجهم مشيت معاهم بنيتي
رقية"ياالاه خليينا ندخلوو
دخلنا لدار دوشت وبركت فوق ناموسية ورقية بركات كتمشط لي فشعري
رقية:كلشي هيفوت ابنتي وهادشي هيبقى غير تعاويد
فدوى:(نزلو دموع من عيني)ماما وااش انا منحوسة
رقية:اشش كتقوولي ابنتي نتي مامنحوساش بالعكس مزهارة
فدوى:قلتي مزهارة هداكشي علاش بابا هرب علي وخلاني وهادشي علاش منير عايرني وهادشي علاش سعيد دابا كيموت بسباب من هادشي واقع ،بسبابي انا اماما، بسبابي 😭 اناا منحووسة ومكانستاهل حتى حاجة زوينة فهاد دنيا
رقية:مااديريش هااكا، راك كتحرقي قلبي عليك
فدوى:هئ هئ ياربي تاخود روحي وتهنيني من هاد العذاب ﻷنا فيه يااربي انا راه مابقيتش قادة على لمشاكل وصداع يااربي دير لي شي تاويل ديال لخيير من عندك 😭😭
#عند_آدم
آدم لوضع صحي ديالو زاد دهور فضطرو يديوه لكلينيك ولﻷسف لقاو بلي لكونسير مشا
ليه لعمود لفقري
لباب؛دقق دق
ادم:دخل
رجل:سلاام سي ادم
ادم: ماالك تعطلتي
رجل:بقييت كنستنى حتى مشا موسيو مسعود حيث قلتي لي بلي ماخاص حتى شي حد يشوفني 
ادم:اه بصح ،شنو واش تزوجات
رجل:لا ماتزوجاتش
ادم:شنوو وقع ياكما تراجعات
رجل:لا اسيدي لوقع هو انها ملي كانت غادة دير لاكط تلقى ليها صاحبها لقديم وخشا جنوي فخطيبها
ادم:(عينيه خرجو)وهي ياكما وقعات ليها شي حاجة
رجل:لاا ماوقع ليها والو داوها لبوليس وخرجوها وراها دابا فدارهم
ادم:صاافي تقدر تخرج
خرج رجل وبقا ادم متكي كيشوف فسقف
ادم:(بتاسم)الحمد لله ماتزوجاتش الحمد لله
يوم_غد
#عند_فدوى
كنت ناعسة حتى سمعت صوت لغوات ولمعيار نضت مفزوعة من بلاصتي خرجت لقيت جقلة ديال عباد لله ولعيالات كيجرو فماما وفمامات منير
رشيدة:نتوووما سبااب ولدي لله ياخود فييكم الحق
رقية:ولدك داارها بيديه سييري انا بغيت ليه شي 20 عام ديال الحبس وقف فسعد بنتي ورد فرح بنتي عزو
فدوى:مااما اشش كدييري دخللي
رشيدة:هاااهي جاات المنحوسة شايطة ديال بنتك تكمل مابدات
رقية:شايطة هي نتي العوجة اما اناا بنتي بزاف عليك وبزاف على اي واحد هنا كيحل عليها فمو
فدوى:(كنجر فيها)ميي زيدي دخلي
رشيدة:جرريها جريها حيث راه شوهاتك كثر مانتي مشوهة خرجتي على عزارا باقي ماقالوش حتى بسم لله فدنيا لله ياخوود فيك الحق،لله يجعل ياامك كحلة كييف لبوومة لعرجة ابنت رقية، لله ينتاقم منك سيري اناا بفيتك فينما حطيتي رجلك تغرفي فضاية ديال لغيس ماتعرفي كيف تخرجي منها انا بغييت نحس يبقى لاصق فجلايلك
سمعت دعاويها وجريت ماما دخلتها وسديت لباب ورقية بقات مضاربة معايا باغا تخرج تضارب
فدوى:(كنغوت)حبسسسي باراكا حراام عليك هادشي لكديري فيه معايا واش مكاتشوفيش هادشي لانا فيه علاش كتعطي فرصة لناس فين يزيدو علي
رقية:مالك كتغوتي علي، اناا غير داافعت عليك
#يتبع