🦋جعلوني زوجة له 🦋 (مكتملة )

part51

💎جعلوني زوجة له💎
جزء51
#عند الحاج
من بعدما قطع عليه لقمان ولا كولو كيترعد بلخلعة حيت عارف لقمان لاضربات ليه نقشة فرااسو هيفرتك زبل ومهايعقل على حد....هز تيليفون وصونا لينا لبدورها منعسااتش بلخلعة حيت عارفة لعب مع لقمان ماشي ساهل
لينا:الو
حاج:بانلي منعستيش
لينا:تيقني مابغيت نسمع حتى حاجة فهاد ساعة من غير فدوى ماتت ولقمان قتل زروال حيت هو لقتلها
حاج:كيف القطة بسبع رواح،هداك لسيفطنا ليها تعشات بيه قبل مايتغدى بيها ضرباتو بلموس و صيفطاتو كومة
لينا:(وقفات)شنو؟؟؟ نفهم بلي لفعة ماوقع ليها والو ولا كيفاش
حاج:اه ولكن لمصيبة ماشي هنا،لمصيبة هي لاخور ماماتش باقي عايش
لينا:مصيبة هادي(كترعد) لاسلق لقمان الخبار بلي حنا من ورا شي لوقع مع مراتو غادي يقتلنا، حنا خاصنا نديرو شي حاجة
حاج:اش باقي لينا مانديرو
لينا:نقتلوه قبل مايفيق
حاج:كتهضري بحال الى ماعرفاش لقمان، دارو دابا هتلقايها بحال قشلة لاطير يطير ولا هوا يدور تما
لينا:افففف علي زهر
حاج:خلي راسك واجدة لاي حاجة والى جا عندك قولي ليه مافراسي والو
لينا:هيقتلني قبل ميسولني
خاج:طونسيو طلع لي دابا هنشرب دوا ديالي ونصوني ليك صبااح
لينا:واخا

فبلاصة اخرى
عند زروال لي حتى هو ماجاهش نعاس بايت غادي جاي بلفقصة
الياس:الواليد تهدن
زروال:بغييت نعرف كيفاش دار ليها
الياس:عادي كان ضارب حسابو مزيان
زروال:هادي بقات عندوو كنتسالها ليه
الياس:اش هنديرو دابا
زروال:خاصنا نتحركو دغيا هو كيدير هكدا بلعاني باش يخرجني باغي يضيق عليا ويخنقني وندير شي حركة غلط ونطيح فيدو
الياس:هادي لعمرها تكون ليه
زروال:هنوريك القمان غير بلاتي الى ما نجيبك  قدامي راكع على رجليك فراه ماسميتش زروال

اصبحنا واصبح اللملك الله 🌤
صبح صباااح وفدوى مخشية فلقمان وحتى هو ماطلقش منهااا..... فاقت كتحك فلقمان وجهها وكتغبن وهو غير كيشوف فيها وكيضحك
لقمان:نتي مااتخلي حد ينعس
فدوى(هزات راسها كتشوف فيه بعينيها مجبدين بنعاس وشعرها مخربق) صباح نور كبدبد
لقمان:شنو؟؟؟
فدوى:(رجعات شعرها لور) كبدبد رويجل ديالي
لقمان:(طلع حاجبو) متبقاش تقولي لي رويجل
فدوى:وعلاش
لقمان:مكانحملهاش وصافي لمهم راجلك جاه جوع
فدوى:(غوبشات) انا مافي ليطيب وماعندو منين يدوز لي
لقمان:عارفك باقا مخلوعة شوفي هادشي لوقع معاك راه عادي نتي راك غير دافعتي على راسك كون مادرتيش هكدا كون راكي ميتة ودابا غادي تنساي شي لوقع  وهتنوضي نفطرو ومن بعد نديك تشوفيه باش تهناي
فدوى:واخا هنوض ندوش ونصيب الفطور
لقمان:وخا هنتسناك
فدوي:اك
دخلات فدوي الدوش وتبعها لقمان حك سنانو وغسل وجهو وهبط فين كان طبيب كيبدل سيروم وطبعا داير سبيطار غير فلكراج بمساعدة رجال لقمان لجابو ليه كلشي لعيحتاج حيت عارفينو لامات هيتبعهم ليه
لقمان:امدرا
طبيب:خرج من مرحلة الخطر ودابا كنتسناه يفيق
لقمان:ماغاديش نتسناوه خاصو يفيق
طبيب:راه مايمكنش
لقمان(شنق عليه) دير خدمتك عارفك قاد تفيقو
طبيب:هنفيقو ولكن مانضمنش ليك نتيجة
لقمان:(رخاه)بحال هاد الكلاب عارفهم كيف القطوط بسبع رواح
مشا طبيب كيقلب وسط دوايات ديالو عمر ابرة ودكها فسيروم ووقفو كيتسناوه ولقمان مربع يديه وعاقد غوباشتو حتى بدا يفيق وهز تيليفون صونا لفدوى
لقمان:هبطي عندي كراج
فدوى:يلاه خرجت من دوش
لقمان:ودابا غير هبطي محتاجك
فدوى:اك
قطعت عليه ولبست دغيا وشعري خليت فيه فوطة وهبطت كتبان لي دنيا عامرة برجال من برا والداخل.... دخلت كارج و وانا تصدم بان لي بحال شي بيت فسبيطار كولشي مقاد
فدوى:ايمتى قديتو هدشي
لقمان:ماشي مهم هادشي (كيشير بيديه) شوفي هداك لتهجم عليك
شافت فيه تفكرت اش وقع لبارح شديت فدراع لقمان مخلوعة كنشير جهتو بصبعي وبديت كنبكي تاني
فدوى:اهئ اهئ اه هو  اهئ اهئ هو(رجعت كنضحك بهسترية)ماماتش  هههه(كنشوف فلقمان فرحانة) ماماتش ههه
لقمان(عنقها)دابا رتاحيتي منين شفتيه
فدوى:اه
جرني من يدي حتى وصلنا الباب ديال فيلا
لقمان:هتوجدي لفطور يااااك وانا نسالي شغالي ونجي
بغا يخرج وانا نشد فيه
فدوى:فين غادي عفاك بقا معايا😢
لقمان(حط يدو علي خدها كيمسح ليها دموع) ماتخافيش هاني معاك حطي فطور وخمسة دقايق هنفطرو وهنمشيو لواحد بلاصة زوينة
فدوى:(لمعو عينيها بلفرحة) فييين🤩
لقمان:صبري حتى نجي ونديك تشوفيها بعينيك
رجع لقمان لراج فين كان راجل لنقولو رجع لوعيو بالكامل.... قرب حداه وهو راسم ابتسامة جنب ومطلع حاجبو وببرودة حط يدو عند راسو وهو مقرب وجهو عندو ونفسو كضرب فيه ومركز ليه فعينيه.... اما راجل بقات ليه غير لبولة مطلقهاش حيت عارف راسو مزيان اش كيتسناه الموت
لقمان:انا هنسولك وانت هتجاوب
..... عفاك غير ماتقتلنيش عندي وليدات
لقمان:قبل ماتعدى على داري كان عليك تفكر فولادك ،انا للعب معايا نهارو مكيبانش فيه ضو نتا بان لي عندك زهر حتى صبحتي فراسك ضربة لضرباتك بيها مراتي كانت ديال لموت
..... نبرس رجليك
لقمان(خنزر فيه حتى جمد فبلاصتو) شكون صيفطك
..... (بلع ريقو) ز... ز.... زرو.... اااال
لقمان:كنت عارفها وشكون من غيرو ليقدر يلعب معايا
.... عفاَك متقتلنيش
مد  لقمان يدديه لبيرو حط ليه سلاح فيدو
..... اهئ اهئ لااااا
جر الخدية من تحت راسو وهو كيفكر باغي يحيد مينوط لكانو ملصقينو بيه مع نموسية....حطها علي وجهو وتيرا و لا كين مدارتش الحس.... مد لقمان الفردي لبيرو
لقمان:هادشي لهنا يتنضف دابا مانبغيش نقطة ديال دم تبقى هنا
خرج من عندهم لقا فدوى كتوجد فالفطور فرحانة... جلس كيشوفيها ويضحك
فدوى(كتهضر وتشير بيديها) ها نتا شووووف وجدت فطور وسربي فطر
لقمان(كياكل) مالكي خف من رزقك غير بشوية عليك تقولي عمرك خرجتي
فدوى(كلسات) وراه اول مرة هنخرج مع رجلي
لقمان:اممم بصحتك بيا الالا
فدوى:تبا لتواضعك (جلسات حداه)ممكن نعرف شكون هداك لكان باغي يقتلني
لقمان:(الصمت)
فدوى:هداكشي ديال لمافيات ياك اصلا ادم كان
لقمان:(قاطعها)فدوى حبسيي هناا
سكتات فدوى وجلسات كتفطر ،سلاو فطورهم وطلعو كيبدلو لبس لقمان كيطمة فلبيض سامبل وفوقاني ديالها نص كم مع صبادري بيضة اما فدوى هيهات بدات بمكياج خفيف وطلعات شعرها بسوشوار عاد مشات كتختار شنو تلبس ولقمان متكي فوق النموسية حاضيها وغير كيسوط
لقمان:واش هنباتو هنا طلقينا خلاص ولا بناقص كاع
فدوى:واخا بلاتي
لقمان:غير متقولي لي هتلبسي شي عرا والله تنشركو عليك اصلا باقي مانسيتش ليك لبسة ديال لحفلة
فدوى:لا صبر بلاتي
لقمان:هنعطيك خمسة دقايق هنخرج ونخلي مك هنا
فددوي:صافي هاني كنلبس يخخخخ
لقمان:وبداي تنفخي عليا تماك تنجي لصق ليك كمارتك مع لمرايا
لبسات سروال جين فشيبي وسمطة كحلة مع ديباردو حتى هو و كحل سامبل وصندالة طالون عالية ولحت فوق كتافي فيست كحلة وطلقت شعري واكيد بعض اكسسوارات فيدي وحلقات مدورين فودني
فدوى:يلاه هاني زيد
لقمان:تحركي
فدوى:بلاتي بلاتي
لقمان:اش تاني
جريت بزربة هزيت صاك كحل دارت فيه ريحة وكلينكس وعكر وشوية دلمكياج لهنحتاج وتبعتو
طلعنا فبورش كحلة كانو يلاه جابوها ليه وكسيرا وانا بدوري طلقت موسيقى ومرة مرة دنخطف بوسة ولا كنجبد ليه ودنيه وهو كيضحك..... حبس حدا مارينا وانا ندور عندو بالفرحة
فدوى:هنركبو فلباطو
لقمان(كيحيد سمطة)هبطي دغيااا
تبعتو وغير بوحدي هنطير بلفرحة كنحاول نبقى متبتة ووالو ههه كون فهاذ لحظة كانو عندي جناح كون طرت.... شدلي فيدي وتمينا غادين وانا موركة علي دراعو فداك الخشب لانطيح وفنفس الوقت كنشوف فلباطوات وفراسي بزاف ديال اسئلة اينا واحد فيهم هيكون ديالنا كيف هيكون شكلو بقينا غادين حتى وصلنا ليخت ديال لقمان لكان كبير فيه زوط طوابق سفلي ولفوقي... هزني لقمان حتى طلعت وتبعني هو وانا كنحقق بعيني فرحانة
فدوى:لقمان مكاين لهيسوكو
لقمان(غادي جيهت المقود) انا لهنسوكو
فدوى:(تابعاه) بصح نتا علمني عفاك😍
لقمان:بلاتي نخرج من وسط زحام ونعطيك
فدوى:وخا صااافي
نخليو هاد جوج عايشين رومانسية ونمشيو لبلاصة اخرى قدام باب قصر ارسلان فين كان يونس واقف كيشوف فلباب وعلامات سخرية مرسومين على وجهو
يونس:ايييييه ليام دغيا كطير(قرب جهة الباب) بغيت ندخل
... وخا تقدر تعطيني سميتك
يونس:(وراه بطاقة دلبوليس ديالو) كنضن بلاما نحتاج
.... لابدو نعلمو للداخل
يونس:ثيقني ماغاديش تحتاج

بنات التفاغل طاح ومبغيناش هادشي كملو ديك 1k فضلا وليس امرا َكذلك بغيت توقعاتكم

شنو مصير دسعادة فدوى ولقمان واش غدوم ولالا؟
واش غيعرف لقمان شنو دارت لينا وحاج؟
ويونس شكون هو وشنو علاقتو بالعائلة بغيت توقعاتكم