🦋جعلوني زوجة له 🦋 (مكتملة )

part131

💎جعلوني زوجة له💎
جزء 131

فالقصر
دخلات فدوى عند مسعود لكان بوحدو فلبيت بدلات ليها سيروم وعطاتو دوا وجلسات حداه شدات ليه فيديه

فدوى:طبيب قاليا بلي حالتك بدات كتراجع بعدما كنتي كتحسن اعمي ،(ردات شعرها لور)موت سوسن ماكيعدبكش غير نتا كيعدبنا حنا كاملين ولكن ماعندنا مانديرو خاصنا نصبرو على قبل جاد ،جاد دابا ولا بوحدو ماماه مشات وحنا خااصنا نكونو معاه خاصة جدو ،(ضحكات) وماشي غير جاد لمحتاجاك كاين واحد حفيدك اخر حتى هو جاي ههه انا حاملة اعمي قريب غادي نجيب ليك حفيد وحتى جنان حاملة يعني القصر هيعمر بدراري صغار ونتا خاصك تصح باش تلعب مع حفايدك

رجاء:(دخلات)اهااه فدوى نتتي هنااا

فدوى:اه بدلت لعمي سيروم وعطيتو لبرا

رجاء:شكراا لله يرضي عليك،لقمان امتى خرج ماشفتوش

فدوى:صباح خرج

رجاء:اشش دار مزال مع دااك يونس

فدوى:مااعرفتش ومااباغاش نعرف

رجاء:هيكوون قتلوو ياك

فدوى: راااه قلت لييك ماباااغاش نعرف

خرجات فدوى من لبيت لفيه مسعود ودازت من حدا بيت جيهان وهي تسمع

فريد:اليووم غاادي تمشي معاايا لداار

جيهان:ولكن

فريد:مااكاين ما ولكن ،صافي عييت كنضن بلي سيمانة ونتي هنا حاضرة لعزوو كافية دابا جا الوقت فين خاصك تمشي لدارك،ماما اصلا مقلقة وكتخاصم العرس تفرتك و

جيهان:(قاطعاتو)ماماك الى ماعجبهاش الحال سوقها هداك وزيدون شفتك من نهار العرس ونتا بارك علي ماما مقلقة ماما تعصبات ماما فعلات ماما قالت لي بلي خاص نديك من هنا ماما ماما ماما واش مك هتبقى دخل فكلشي بيني وبينك

فريد:عارفك معصبة هادشي علاش مهانديش عليك ،هنجي بليل لقاك واجدة باش نمشيو من هنا

حل فريد لباب وهو يلقى فدوى وااقفة ،ماقال ليها حتى كلمة حدر راسو ومشا وهي دخلات عند جيهان

فدوى:ماالكم

جيهان:هذاا راه واقلة ولد مووو غادي غير يمرضني فحياتي

فدوى:اشش كتقولي كيفاش ولد مو

جيهان:من نهار العرس،ماما ماما صدع لي راسي بموو اوو ماكيتقاااداش

فدوى:بففف عولنا عليك ديري دار ودراري بكري مالك مقلقة وكتسوطي غير بوحدك ،صبري بعدا حتى تمشي عندو وشوفي هاد مو وتعايشي مع الوضع عاد بداي تنفخي زواج راه صبر ماشي كلمة زوج نشعل معاه

جيهان:شووف شكون كيدوي ليسمعك مايقولش بلي نتي لشحال هادي كنتي كتغاوتي مع خويا حتى صوتكم كيتسمع برا القصر