🦋جعلوني زوجة له 🦋 (طور التنزيل )

part129

💎جعلوني زوجة له💎
جزء 129

هبط لقماان لتحت بانت ليه رقية جاالسة كتبكي وجعفر كيواسي فيها وكريم مربع يديه كيشوف فيها ماحس غير بلقمان شدو من عنقوو هبطو الارض تانيه على ركابيه
ل
قمان:ديلمك رتاحيتي دابا قربلتيها وكدور فعينيك
كريمم:ايي ايي وميي عتقي عنقي غيتقطع
رقية(كتجنن عليه) عطيي لمووو شي دقة تسهطوو خرج عليا يعطيه مصيبة
لقمان(كيزير عليه) دوي يا جن كون ماكنتيش نسيبي كون قتلت مك دابا البرهوش لاخور
كريم:وطلااق
لقماان:(وقفو ودفعو) ودابا غبر عليا ماتبقااش تعتب لي هنا شيطان لاخوور والله يا مك لقاك جاي مزال لهنا تا نكرد ليك لعصب ديال رجليك
رقية:اهئ اهئ بنتي خسرتهااا انا صاافي مشيت فيها
لقمان:دابا كلشي نقاادو معاها نتي ماديري فبالك والو  فدوى راك عارفاها  كتصعر تا تعيا ودغيا كترجع مكاتهزش فقلبها(شااف فجعفر) خرجو برا هيوصلوكم الدراري  وديو معاكم دااك البرهووش من هنا لانصدق مفوت فيه شي دقة
جعفر:اييه وخا(كيوقف رقية) نووض يلاه نمشيو كون راه دري شبع بكااا

وقفات رقية غير بزز شادة فجعفر وغادين وكريم كيحك فلبلاصة لكان شادو منها لقمان
رقية:انا بغيتو يكرضو لييك مصاب كون كان كرضك(عطااتو دقة) كون طفاك وتهنيت منك
كريم:عاجبااه صحتو ضارب لي البروتين وهاز لي جوح كليوات وكيتبورد عليا غيير عماد مول زطلة حسن منو فصحة
رقية:مالك ماتفولها قدامو البرهوش لودلك

طلعو فطونوبيل وكملو طريقهم وهوما كيتناكرو تا وصلوو الدرب داازو عند المرا لخلاو ليها الولد
رقية(كتهز ولدها) مسكيين نعس
..... اختي يالاه لقيتيه نعس دابا مبغاش غير كيبكي تال دابا شوفي شحال دابا 12دليل

جعفر:غير سمحيلينا وصاافي اختي عدبناك معانا

خدااو دريي وطلعو الداار لقاو كرييم مخشي فبيتو ساد عليه
جعفر:( واقف عند الباب)عندك جوج حوااايج ياااا هتحل هاد الباب يا هنهرس مك انت وياه
كريم (من الداخل)واهرسووو
رقية(هاز  عصا دياال شطابة) ماتعصبنيش الكلب حل لباب

حل عليهم كريم الباب حيت اصلا الباب غير على سبة اللهم يحاال ولايصدق مرزي فيه.... يلاه خرج رااسو وهي تلاح عليه رقية بعصى ديال شطابة وجعفر كيصرفق فيه ورقية ضرب تا تهرسات العصا وجلسات تعض وتقمش فيه

رقية:يااااك الكلب يااااك عجبك الحاال دابا كحلتي قلب بنتي عليااا ودابا (كدفع فيه) خرج عليااا مانوليش نشوفك هناااا مزال

خرجااااتو الباب وجعفر من وراها جايب ليه حوايجو
كريم:ومي في غنمشي فهاد ليل
جعفر(لاحليه حوايجو) سير عند الحشايشية  ديال صحاابك هوما لينفعووك ولله يالمراجل وترجع عندي لهنا حتى نخمج لبوك لكمارة،زوج سيمانات ونتا تكرمل في انا ومك ودابا يالاه سير شوف فين تبات ،تفووو زريعة القنب
سدو الباب من بعد ماخرجوه بقتلة ديال العصى ودخلو هوما
كااان لقمااااان سااايق طونوبيييلتو غادي فين كانو رجالو شادين يوونس...... صونا ليه تيليفووون كاااان الحاج