🦋جعلوني زوجة له 🦋 (مكتملة )

part6

💎جعلوني زوجة له 💎
جزء 6
فدوى:انا راه مكاانمشيش نضرب تماارة وكنوقف من 8 صباح ل 6 العشية على قبلك سمعتي انا راه كنضرب فتمارة على قبل هاديك لدفعتيها اشماتة كنضرب على قبلها تمارة باش ماينقصها والو و باش ما يجيش مسخ من لخلا فحالك يحط يديه عليها
منير:دابا انا وليت مسخ
فدوى:ملي حطيتي يديك على مي وليتي كتبان لي مسخ وبلي مكاتسوى والو
منير:(هز يديه بغا يضربني)هتسكتي ولا هنخبط مك نهرسك
فدوى:هاادشي علااش قدرك لله باغي تضربني انا ويااك سااالينا سمعتتي ساالينا مابقيتش مزال باغا نشوفك قدامي
ضربت فيه وتميت غادة وانا نسمع صوت شي حاجة ديال زاج تغرشخات ضرت بزربة وانا نتصدم لقيت خويا كريم فرشخ قرعة زاج على راس منير وتشادو من يدين ودعوة تخربقات جقلة عباد لله تجمعات وحتى واحد مكايفك مشيت انا كنجري جيت بيناتهم ايوا اش هنقوليكم شبعت بونيات لوسط
كريم:انااا تضررب ليي مي اولد لقحببة (كيضرب فيه)
منير:جاي البرهوش دير علي فيها راجل انا هنوريك
بديت كنغوت عاد تحركو ناس جاو فكوهم وكل واحد شاادينو فجهة وسبان والمعيار على جهد
كريم"ليووم نخرج ل**مل لحطو مسارنو من بلاصتو
منير:نشد ز**ل بوووك نعفس لييك على قلا**ك
رقية:سييير يالخاانز يالبيطالي يالشماتة فوتنا عليك
منير:هااد لخاانز ولبييطالي وشماتة رااه ناعس مع بنتك من لور والقدام اترييكة لق**ب
فديك لحظة دنيا دارت بي بلاتي بلاتي واش هو لقال هاد لهضرة واش خرجات من فمو وكيفاش طاوعو قلبو يقول علي هاد لهضرة وهي اصلا ماكايناش درت بزربة شفت فيه كانو كشاكشو خارجين ووجهو مسيف شنوو وقع دابا واش هذا هو راجل لكنبغي لاا مايمكنش صافي ولات كتبان لي غير ضبابة وقلبي بدا كيضرب بجهد وانا نطيح اﻷرض سخفت
رقية:وييلي وييلي سخفات
سعيد:بلااتي بلااتي انا هنهزها
هز سعيد فدوى فيديه داوها لدار وبداو كيفيقو فيها
جعفر:صاافي راه ماعندناش سينما هنا لعندها شي دار تمشي ليها
خرجو جارات وجعفر سد لباب بقا غير سعيد فاقت فدوى وبدات كتغوت وكتبكي
فدوى:هئ هئ علاااش دااار في هااكا اناا شنوو درت لييه
رقية:تهددني ابنتتتي رااه حتى حاجة ماتستااهل
فدوى:(كتغوت)شوهننني هئ هئ كييفاش قدرر يديير في هاااكا (شافت فخوها)كرييم خويا تيقني هوو عمروو قاسني هئ هئ عمرووو (كتضرب ففخاضها)لله ياااربي انا شنو درت هئ هئ صبرت معاااه وبغييتو كثر من كلشي وفاﻷخير يدير كلشي ،اوويلي رفضت اطباء على قبلو رفضت رجال بخدااميهم وديورهم على قبلو وفاﻵخيير يشوهني بشي حااجة مااكايناش،اووويلي اش هيقوولو علي نااس اوويلي تشووهت امااما تشوهت
رقية:ماتقووليش هااكا ابنتي صاافي لوقع راه وقع 
يوم غد صباحا 🌝
#بصوت فدوى
اش غادي نقوليكم مانعست ماشفتو ليل كولو وانا كنبكي تصدمت وتقهرت من هداكشي لقالو مادار لا بحساب عشرة ولا بحساب لعام ونص لانا معاه فيه صبرت معاه وكنت ناوية نصبر معاه وكنت مستعدة نعطيه روحي الى بغا ولكن لبارح ملي قال هاديك لهضرة خرج من قلبي فحال الى عمرو ماكان لبارح تأكدت بلي هو ماكانش كيبغيني حيث كون كان كيبفيني ماغاديش يقول هاديك لهضرة قدام عباد لله واصلا هاديك لهضرة ماكايناش ،حاولت نعطيه شي عذر على لكلام لقالو لبارح ولكن حتى حاجة ماغفرات ليه عندي
رقية:كيف بقيتي نزلات ليك سخانة ولا باقي
فدوى:شوية ،صاكي فينهوا
رقية:فبيتي مخبياه ليك هادوك لغلوس منين جاوك
فدوى:قلبتيه ارقية
رقية:ماقلبتوش غير طاح لي من يدي بغيت نجمعو لقيت فيه هادوك لفلوس جاوبيني منين جاوك
فدوى:هادوك فلوس حسابي ديال لخدمة
رقية:كيفاش فلوس حسابك
فدوى:(تنهدات)كيفما سمعتي فلوس حسابي جراو علي من الخدمة
رقية:اوويلي اش كتقولي شنو درتي حتى جراو عليك
فدوى:(بقلة صبر)مادرت والو هوما بغاو ينقصو لفرمليات وجات في ولكن ماتخافيش دغيا لقيت خدمة واحد لبنت خوها كانو باغين ليه فرملية وملي كنت خارجة من لكلينيك تلاقيت معاها وعاودت ليها مشكلتي ودارتني فرملية لخوها
رقية:ايوا مزيان بعدا لله ماخلاكش بلاش
فدوى:ماتفرحيش بزاف هاني اليوم جالسة مامشيتش يعني تقدر تعيط لي تقوليا مابقيتش باغاك
رقية:وييلي ويلي ايواا اش كتسناي نوضي سيري
فدوى:ماما شوفي حالتي راني مريضة
رقية:حتى نتي فيك غير شوية سخانة نوضي تحركي شوية هتفوتك
فدوى:ماشي سخانة لمرضاني قلبي ولجرح لفقلبي هو لمرضني
رقية:ايواا هاهي هتبداا علي بهداك لمسلسل لمكسيكي ديالها
فدوى:فيلم ميكسيكي من طبيعة الحال هيبان ليك فيلم ميكسيكي،حيث عمرك عشتي هادشي لعشتو مهاتحسيش بي انا راني تصدمت فيه و
رقية:(قاطعتها)وانا ماصدمنيش حيث كون كان كيبغيك ياهاد لبنت كون راه كيجري ويجاري باش يخدم ويتزوج بيك ولكن هو شنو كيدير كيصبح ناعس وفالعشية كيمشي يعس عليك قدام لخدمة رجلة ديال اخير زمان نتي تستاهلي شي واحد حسن منو
فدوى:حسن منو ههه علاش باقي مزال شي واحد هيشوفيا وانا تشوهت ووليت على لسان ليسوى وليمايسواش
رقية:ماتقوليش هاكا سيد رجال تجيبيه
فدوى:ههه كضحكي علي ولا على راسك شكون هاد سيد رجال لهيشوفيا مزال
رقية:شوفي هنجيك من لخر سعيد ولد حليمة غارق فيك حتى لودنين وباغيك لزواج وراه جاا طلبك مني
فدوى:😲 شنوو
رقية:كيفما سمعتي هو باغيك لزواج وهادي تقريبا سيمانة باش جا دوا معايا عليك
فدوى:وهادشي علاش مافراسيش
رقية:مافراسكش حيث كنت عارفاك هتقولي لا ودابا ملي تفارقتي مع منير قلت نقولها ليك
فدوى:وااخا نتفارق مع منير انا مستحيل نتزوج بيه (غطيت راسي بلمانطا)
رقية:(تسيفات)كيفاش مهااتزوجيش بيه ولاا بلااتي يااكما (جرات علي لمانطا)ياكما هداكشي لقالو منير صحيح
فدوى:كوون ماحشمت نهز ليك رجلي داابا تقلبيني وتأكدي واش هداكشي لقالو صحيج ولا لا 😑
رقية:ايووا ملي هااكا علااش ماباغاش سعيد مالو اش ناقصو زوين خدام وعايش فميريكان بنات لحومة كاملين كيتمناو شوفة منوو ونتي دافعة عليه كبير
فدوى:(رجعت غطيت راسي)بعدي مني اماما راني مريضة وباغا غير ننعس،اه وقبل ماننسى ملي نفيق نلقى فلوسي فوق طبلة ومانبغي حتى ريال ناقص منهم واش مفهوم
رقية:مفهوم مفهوم
#عند_ادم
كان آدم جالس وسط بيتو فوق لكرسي معصب
لباب:دقق دقق
رجاء:وللدي كيفصبحتي
ادم:فيين كنتي من صبااح وانا كنسول عليكم حتى واحد ماكاين
رجاء:تهدن اولدي مشيت انا وعمتك زرنا قبر جدك لله يرحمو شنو واقع
ادم:لواقع هو ان فدوى باقي ماجاتش
رجاء:دابا تجي مالك معصب
ادم:12 داابا وبااقي ماجاتش فيناهيا شنوو وقع ليها
رجاء:صباح سيفطت شيفور يمشي يجيبها
ادم:ايواا فينهو هااد شيفور عيطي ليه نشووفو شنو وقع معاه
لكبيرة:(دخلات)شيفور راه جا
ادم:وجااب معاه فدوى ولا لا
لكبيرة:لا مااجابهاش بقا كيتسناها حتى عيا ماجاتش
ادم:كيفاش ماجااتش وااش مشا لدار فين كتسكن واش سول علاش ماجاتش
لكبيرة:هو ماعارفش دارها لبارح حطها فجنب شي طريق وقالت ليه بلي غدا هتجي لهنا فصباح ولكن ماجاتش
ادم:علاش ماجاتش لبارح كانت عادي معايا ولا بلاتي يااكما شي حد منكم دار ولا قاليها شي حاجة قلقاتها حتى مابقاتش جات
رجاء:لله يهديك اولدي حنا مادرنا ليها والو بالعكس تعاملنا معاها عادي
ادم"اذا علاش مااجااتش شي وااحد فيكم يشرح لي (هز لفاز ضربو مع الحيط فرشخو)
رجاء:ولددي مااديرش هااكا راك كتخلعني عليك وزيدون هي راها غير فرملية ماشي شي حاجة حتى دير عليها هاد الحالة
ادم:فرملية بالنسبة لييك نتي اما بالنسبة لي انا فراها اكثر حاجة زوينة باانت فحيااتي ،ودابا خرجو علي مابغيت نشوف حتى واحد اليوم
كبيرة:ولدي ادم
ادم:(غوت)قلت لييكم خرجوو
بقاو كيشوفو فيه وخرجو من تما مخلوعين سيغتو رجاء
رجاء:هداكشي لخفت منوو هاهو وقع هاد لبنت غادي غير تزيد دهور حالة ولدي كثر ماهي مدهورة
لكبيرة:حتى انا متافقة معاك ،شوفي من اﻷحسن تدوي مع سوسن ياك هي لجابتها اذا هي تحمل مسؤوليتها
#عند_سوسن
سوسن:(كتدوي فتيلي)وي مااما فهمتك صافي انا هنشوف علاش ماجاتش (قطعات)
مروان:مالهم
سوسن:هاديك لفرملية ماجاتش
مروان:علااش
سوسن:(تعصبات)مااعرفتش علااش ماجاتش خويا تعصب ونخاف غير ليتزاد عليه الحال
مروان:اصلا من اول غلطتي ماكانش عليك تجيبيها
سوسن:كتدوي فحال الى ماشفتيش خويا كيف كان متلهف باش يرجع يشوفها
مروان:خوك كان غادي يدوز يومين ولا سيمانة وغادي ينساها ولكن من بعد مارجع شافها مانضنش وااش غادي ينساها ودابا هاهي مشات ومحال واش ترجع
سوسن: 😡 هترجع هترجع
مروان:وبااش عرفتيها
سوسن:حيث بكل بساطة طلبات ولاد ارسلان اوامر،وهاد لفرملية ديال زوج ريال الى ماجاتش لعند ادم بخاطرها هتجي بزز منها
مروان:امم حتى هذا نظر
سوسن:(هزات تيليفون)وي الوو ،عفاكم بغيتكم تجيبو لي عنوان واحد لبنت سميتها فدوى لمرضي /امتى بغيتو،اليووم قبل غدا ماتعطلوش علي (قطعات)
فليل ☀☀
مع 9 ديال ليل
دخلات سوسن لقصر مشات نيشان لبيت ادم كان متكي فوق ناموسيات وضواو ديال لبيت كاع طافيين وهي تشعل ضو
ادم:(غوت)قلت لييكم طفييو ضو
سوسن:هاادي انا (قربات حداه جرات عليه ليزار)اش كاادير واش كنتي كتبكي
ادم:سوسن خرجي من هنا بغيت نبقى بوحدي
سوسن"هاادشي كامل على قبل هاديك لبنت
ادم:ماشي على قبلها على قبلي ختي فهميني انا راني وليت كنتنفس بوجود هاديك لبنت واليوم ملي ماشفتهاش حسيت بشي حاجة ناقصاني
سوسن:اناا فاهماك وكون ماكنتش فاهماك ماكنتش غادي نمشي نجيبها ليك
ادم:عفاك خليني بوحدي
سوسن:وااخا مي على اقل غير تعشى شرب دوا
ادم:سوسن خرجي
سوسن:وااخا لبغيتي
خرجات سوسن من تما وجهها حمر دخلات لصالون لقات كلشي جالس
مسعود:امضرا واش بغا ياكول
سوسن:لااا ماابغاش ،فييينكم جيببو ليي صااكي
مروان:فيين غادة
سوسن:عند فدوى
رجاء:فهاد الوقت
سوسن؛(خادت صاكها)يالاه 9 غادي نجي دغيا ماتخافوش
خرجات سوسن من دار وهي تلقى خوها ومرت خوها نازلين من طوموبيل يالاه رجعو من سفر
سليم:سلام
سوسن:سلاام واخيرا جيتي
جنان:امم جينا،شفتك غادة خارجة واش غادة لشي بلاصة
سوسن:اه عندي شي خدمة خاص نقضيها
سليم:خدمة فهاد الوقت
سوسن:اه فهاد الوقت عندك شي مشكل
جنان:لاا احبيبة اينا مشكل هيكون خودي راحتك
سوسن:بسلامة(طلعات لطونوبيل وزادت)
جنان:شفتي سلاامها كيف كان ناقص
سليم:سوسن من ديما هاكا يالاه خلينا ندخلو
شدو فيدين بعضياتهم ودخلو على لعائلة لغير شافوهم قلبو وجههم
سليم:كيفداايرين لبااس
لكبيرة:لبااس لبااس كيف كانت تسافيرتكم لمالديف
جنان:من هداكشي تشهيتكم تكونو معايا تما
رجاء:حناا مامسالينش لمالديف وتسافيرة حيث عندنا ولدنا مريض كان كل مرة كيواجه لموت وكان خاصنا نوقفو جنبو بصفتنا عائلتو
سليم:اه على سيرة ادم كييف بقاا
مسعود:كتدوي فحال الى كيهمك خوك ماهزيتي حتى تيلي تاصل بيه ونعم اﻷخوة
سليم:اناا ابابا
جنان:(قاطعاتو)حيااتي شنوو ظهر لييك نطلعو لبيتنا نرتاحو حنا يالاه جينا من سفر عيانين
سليم:صافي واخا
كبيرة:(من تحت فمها)داايراه كيف شي كلب
جنان:عمتي قلتي شي حاجة
كبيرة:لاا غيير سيرو طلعوو ترتاحو
#عند_فدوى
كنت باركة فدار لابسة بيجامتي وعاكدة راسي بزيف حياتي حتى تسمع صوت دقان فلباب مشات ماما تحل وانا نسمع
رقية:نعاام ابنتي
سوسن:وااش هنا فين كتسكن فدوى لمرضي
رقية:اييه انا مها
سوسن:عفااك واش ممكن تكلميها لي
انا غير سمعت صوت عرفتها سوسن حيدت زيف حياتي قاديت حالتي ونضت مشيت لعندها
فدوى:مداام سوسن
سوسن:سلاام كيفدايرة لباس
فدوى:لبااس لبااس ،دخلي ماتبقايش واقفة
دخلات سوسن لصالون ورقية جلسات اونفاس معاها كتبركك فيها
فدوى:مااما وااش ممكن ديري لينا شي كاس ديال اتاي
رقية:اييه وااخا
سوسن:لاا لاا ماكاين لااش تعذبي راسك انا هنمشي دابا،صراحة اليوم ملي ماجيتيش لدار تشوشت عليك مالكي شنو وااقع ليك
فدوى:صراحة وقعو معايا شي مشاكل لمرضوني هداكشي علاش ماقدرتش نجي غير سمحيلي
سوسن:ماشي مشكل غير هو ملي ماجيتيش تشوشت عليك وخاصة ملي ماجاوبتيش على تيلي
فدوى:اه تيليفوني كان طافي شوفي امدام سوسن انا عارفة بلي غيابي اليوم زعجك فحال الى خويت بيك هداكشي علاش الى كنتي ماباغانيش نخدم انا راه ماعندي حتى شي مشكل
سوسن:اش كتقولي انا غير تخلعت عليك ملي ماجيتيش اما راه مرحبا بيك فاي وقت
فدوى:شكرا فرحتيني بزاف
سوسن:غدا هتجي لخدمة ياك
رقية:😕😕
سوسن:طبعا الى ماكنتيش مريضة
فدوى:اه اه غادي نجي كوني هانية
سوسن:فرحتيني بزاف (ناضت وقفات)اناا هنمشي دابا ،خليت ليكم راحة
فدوى:بلاتي نوصلك
نضت مشيت معاها لقيتها حاطة طوموبيل قدام لباب سلمات علي وطلعات فطوموبيلتها
رقية:(كتشوف فسوسن)ماعرفتش علاش مادخلاتش لي لخاطري
فدوى:نتي اصلا حتى واحد مكايدخل ليك لخاطرك
رقية:ردي بالك منها، كون غير درتي بناقص من لخدمة عندها
فدوى:خليينا ندخلو
وانا هندخل لدار بان لي منير واقف من بعيد كيشوفيا بدون شعور خنزرت فيه ودخلت فحالي
#فالقصر
فبيت سليم
سليم:شفتييهم كيففاش شاافو في ملي دخلت
جنان:هوما اصلا ديما كيشوفو فيك هكاك
سليم:لا ولكن هاد لمرة صراحة غلطت مشيت سافرت وخليت خويا مريض كيدير لعملية
جنان:حنا هاد تسافيرة كنا مخططين ليها قبل كاع ماتحدد عملية خوك
سليم:كاان علينا نأجلو هاد تسافيرة حتى تستقر اﻷمور
جنان:اﻷمور فداركم عمرها مهاتستقر 😑 ديما لمشاكل وصداع ماكيتقاداوش
سليم:(الصمت)
جنان:داركم ماخاصش يبقاو يعيطو ليهم بعائلة ارسلان خاصهم يعيطو عليهم عائلة لمشاكل
سليم:جنان عفاك سكتي هادو لكتدوي عليهم راهم عائلتي
جنان:عائلتك لمادايرين ليك حتى قيمة عقلتي ملي كان لقمان هو الكل فالكل ونتا كنتي جالس فجنب فحال شي كرسي
سليم:(الصمت)
جنان:انا هي عائلتك اسليم خاصك دير هادي فبالك كون ما انا عمر خوك لقمان ماكان هيخوي ليك طريق كان ديما هيبقى هو لول ونتا ديما ثاني وااش فهمتي
يوم_غد_صباحا 🌝🌝
#عند_فدوى
كانت 9 ديال صباح فقت لبست حوايجي لكانو عبارة على كسوة فنواغ حد ركبة لاصقة علي سبور وسبرديلة بيضة وجلست كنتسنى فشيفور غير سمعت دقان وانا نخرج لقيت شيفور تميت غادة معاه حل لي باب طوموبيل وقبل مانطلع شفت منير واقف فنفس لبلاصة لكان واقف فيها لبارح شنو زعما بايت هنا شفت فيه وطلعت فطوموبيل كسيرا شيفور وهو يبدا تيلي كيصوني كان منير
فدوى:حتى لداابا عاد معيط اشماتة(قطعت عليه)
ملي قطعت سيفط ميساج فيه ديالمن هاديك طوموبيل
فدوى:هاادشي لهامك خسارة ولله حتى خسارة
شيفور:واش دويتي معايا اختي
فدوى:لا اخوويا داوية غير راسي
#عند_رقية
كانت رقية خارجة من دار غادة تشري لخبز ولحليب وهو يتلقى ليها منير
منير:سلاام
رقية:لاا ولله من نيتك جاي كتسلم
منير:شووفي ارقية انا عارف راسي غلطت فحقك وفحق بنتك وتيقيني راني ندمت وهادشي علاش جاي نطلب سماحة تيقيني كلشي غادي نصلحو ومهايكون غير الخير

#بونوي