🦋جعلوني زوجة له 🦋 (مكتملة )

part9

💎جعلوني زوجة له💎
جزء 9
فدوي:مااتداافعيش علي الالا ،انا قادرة ندافع على راسي لمرة وحدة فحياتك بعدي مني لمرة وحدة خليني ندير هداكشي لانا باغا بقيتي كتنكري لي فوق راسي حتى تفارقت مع منير وصدعتي لي راسي حتى قبلت نتزوج بسعيد ايوا هااحنا فيين وصلنا دابا واحد فالحبس ولاخور فسبيطار عجبك لحال هاا،نهاار اول كون شديتي رجليك عندك ومامشيتيش دقيتي على منير فدارهم ماكناش هنوصلو لهادشي نتي سباابي فهادشي لانا فيه نتي سباب
رقية:اييه اناا سبااب انا سباب حيث بغيت نعتقك من هاداك لبيطالي ونزوجك ونضمن ليك عيشة حسن من ديالي انا سباب (بدات كتبكي)هذا هو جزائي ياك
فدوي:نتي هي نتي ديما كيصحاب ليك راسك نتي صح فالوقت لنتي لغلط
كريم:(دخل)سمعتو لخبار جديدة
رقية:اييناا خبار
كريم:سعيد راه بيخير فاق
فدوي:بصااح ونتاا شكوون قاليك هادشي
كريم:وانا جاي شفت مو غادة بشي صاك سولوها لعيالات قالت ليهم بلي راه بيخير وبلي راه فاق
فدوي: افف الحمد لله هنمشي نشوفو
كريم:ونزييدكم منير هاد صباح شدوه لبوليس لقاوه فشي دار مهجورة
كان غيسكت لي لقلب ملي سمعت بلي شدو منير بصح هو غلط مي غلط بسبابي وانا خاصني نصحح هاد الغلط باشما كان ،دخلت لبيتي لبست جلابتي وجمعت شعري كوط شوفال وخرجت كلشي كيشوفيا وكاين كاع لبدا كيحشي لي فلهضرة ماديتهاش فيهم شديت طاكسي ومشيت لسبيطار عند سعيد
#عند_آدم
كان ادم فلكلينيك جالس كيستنى يخرج
طبيب:سي ادم وضعك صحي راه فوضع حرج لﻷسف لكونسير طلع ليك لعمود لفقري وخاصك تبقى تحت المراقبة طبية
آدم:(شاف فباه)بابا انا باغي نخرج
مسعود:سمع اولدي كلام طبيب
آدم:(شاف فطبيب)لكونسير طلع لي لعمود الفقري ياك
طبيب:اه
أدم:كاين شي امل باش نتعالج
طبيب:أمل بيد لله
ادم:يعني ماكاينش هادشي علاش انا هنمشي فحالي،بابا وجد وراق لخروج
مسعود:صافي واخا لبغيتي
#عند_فدوى
حطني طاكسي دخلت سبيطار قلبت على شومبر دياال سعيد حتى لقيتو دخلت شافتني مو كحلات بلعما
فدوي:سلاام
حليمة:نتتي شنوو جاية كديري هنا
فدوي:بالي بقا مشوش على سعيد جيت باش نشوفو
سعيد:دخلي ماتبقايش واقفة
حليمة:ولكن
سعيد:مي عفاك خرجي خلينا بوحدنا
حليمة:وااخا هاهي خارجة(خنزرات في وخرجات)
فدوي:(قربت ليه)الحمد لله على سلامتك خلعتيني عليك بزاف
سعيد:شكرا لله يسلمك
فدوي:شنو قالو ليك اطباء واش ضربة كانت خطيرة
سكت سعيد بقا كيشوفيا شوفات مامفهومينش
فدوي:مالك كتشوفيا هاكا
سعيد:قبل 7 سنين من دابا ملي مشيت امريكا كان قدامي هدف واحد هو نهار نرجع نتزوجك ونديك معايا هادشي كامل حيث كنبغيك ولكن من بعد شي لوقع لبارح عرفت بلي قدما انا بغيتك ماغاديش نبغيك فحال منير
فدوي:سعيد نتاا اش كتقول
سعيد: انا عارف بلي هادشي لهنقولو ليك هيجيك غير تخربيق ولكن هادي هي الحقيقة منير كيبغيك بزاف ونتي مستحيل تلقاي راجل يبغيك فحالو انا غلطت غلط كبير ملي خطبتك وخديتك من منير تصرفت بانانية وانا دابا كنعتارف بهادشي
فدوي:(نزلو دموعي)هذا ماشي وقت هاد لهضرة
سعيد:لاا وقتهاا انا هنتنازل على شكاية ومنير غادي يخرج فاقرب وقت من الحبس وديك ساعة الى بغيتو ترجعو رجعو ماعنديش مشكلة
فدوي:هئ هئ شكرا لييك بزاف شكرا اسعيد😭
سعيد:ماشي مشكل لمهم هو نتي تكوني فرحانة
بقيت كنشوفيه وشديت يديه بستها وخرجت من تما كنضحك وكنبكي حيث هاد الكابوس غادي يسالي وغادي يرجع كيف لول افف حمدتك ياربي وشكرتك الحمد لله
بعد_مرور اسبوع
خرج منير من الحبس بعدما تنازل ليه سعيد وهاهو دابا قدام دارهم معاه مو كتزغرت وناس كلهم كيطلو من شرجم وانا واقفة من واحد لقنت كنشوفيه فرحت بزاف بخروجو من الحبس ماكرهتش نمشي نجري لعندو نعنقو ونقوليه يسمحلي ولكن ماشي دابا غادي يجي لوقت فين هنعنقو ونطلب منو سماحة وننساو كلشي
#عند_منير
دخل منير لدار ومعاه مو وغزلان صاحبة فدوي لقديمة
رشيدة:لله يرضي عليك ابنتي لله يكثر من متالك صراحة امنير غزلان وقفات معايا فهاد تلتيام جرات وجارات وماخلاتنيش بوحدي
منير:شكرا اغزلان لله يرحم لوالدين
غزلان:مابيناتناش حنا راه صحاب وعادي نوقفو مع بعضياتنا ،يالاه انا هنمشي بسلامة والى حتاجيتو شي حاجة تاصلو بي
رشيدة:كوني هانية ابنتي، لله يرضي عليك
خرجات غزلان ورشيدة دارت لعند ولدها
رشيدة:شفتي بناات ناس كيفاش كيتصرفو ماشي فحال هاديك بنت لحرام ديال فدوى
منير:مي عفااك
رشيدة"شنوو عفاك بسبابها كنتي غادي ضيع حياتك وضيعني معاك ؛وااش عارف انا مناش دزت هاد تلتيام ولا لا
منير:(الصمت)
رشيدة:سمع اولد كرشي اش غاادي نقوليك الى مشيتي تلاقيتي مرة اخرى مع هاديك فدوي مانتا ولدي وما انا مك وهااسخط وهاا رضا ختار يا انا يا هي
منير:درتوني بيناتكم كيف حمار طاحونة ولكن غير تهناي اممي فدوي هي لمهانرجعش نشوفيها هاد تلتيام لدوزت فلكاشو دارت لي العقل بيني وبين هاديك لبنت مابقات عشرة هنعفس على قلبي وهننساها
رشيدة:هكاك لله يرضي عليك ودابا خليني ندوي معاك فالمعقول ،غزلان
منير:ماالها
رشيدة:غزلان كتبغيك
منير:شنوو شكون قالها ليك
رشيدة:هي قالت لي بلي سنين هادي وهي حاطة عليك لعين وكانت كتبغيك قبل هاديك لفعة ديال فدوى ايوا ملي فدوى لوات عليك سكتات وكمداتها فقلبها
منير:داابا اش جاب هاد لهضرة لهادشي لطايح فيه انا
رشيدة:ولدي حضر عقلك وفكر معايا غزلان باها لباس عليه وخدام عند ناس لباس عليهم نتا الى تزوجتي ببنتو غادي يضبر ليك على لخدمة وغادي تهز راسك وتهزنا وهدير وليداتك مع بنت كتستاهل
منير:لواليدة راك غير كتخربقي نوضي توضاي ليك وسيري صلي شي زوج ركعات
رشيدة:نتا لنوض توضى وصلي وحرك شوية هداك دماغ عندك ،غزلان بنت مزيانة ومعاها هتوصل لهداكشي لماوصلتيش ليه مع هاديك لخانزة فكر فهضرتي مزيان ورد علي
بعد_مرور اسبوع
رقية:اتتتي ماالك ساهية
فدوى:(الصمت)
رقية:كتغكري فيه ياك
فدوى(تنهدت):من نهار لخرج من الحبس ماتاصل بي ماسيفط لي ميساج زعما حاقد علي ☹️
رقية:يحقد على مخو بن لقتال لاخور كان غادي يقتل دري ولد لحرام انا لحد ساعة مافهمتش كيفاش سعيد تنازليه
فدوى:مي سوكتي
رقية؛اوودي يااودي قالت ليك سكتي ووااخا هاهي ساكتة
بقيت كنشوفيها نضت غادة لبيتي وانا نسمع صوت دقايقية وصلى وسلام
رقية:منين جااي هاد صوت
فدوى:وااش شي حد فدرب عندو العرس
رقية:ولله ماعرفت بلاتي نطل
مشات ماما حلات لباب طلات وهي تدخل سدات لباب وجهها صفر
فدوى:ماالك
رقية:😨😨 و واالو
فدوى:عندمن كااين لعرس
رقية:ااا عند حتى وااحد
فدوى:ومالك كترعدي فالهضرة
رقية:لاا مكانترعدش سيري دخلي لبييتك نعسي
نجوى:هنشوف منين جاي هاد صوت ونرجع نعس
رقية:لاا ولله لا خرجتييها
فدوى:نتتي شنوو مخبية عللي حيددي من قدامي خلييني نخرج
رقية:بنتي ماادييريش فباالك يجيك ماحسن منو راه جايب دفوع لغزلان
فدوى:شكون وااش سعيد
رقية:لاا منير
فدوى(ضحكت بهسترية):هههههه واش كتضحكي معايا
رقية:بنتي عفاك
فدوى:حيدي من قداامي
رقية:لاا ماتخرجيش
بقيت كنشوف فرقية وانا ندفعها وخرجت وياريتني ماخرجتش صدق بصح هو لجايب لدفوع لغزلان قلبي تهز فهاديك لحظة كان واقف لابس جابادور فلباج ومعاه عائلتو وحبابو دايرين بيه ودقة لمراكشية كتقول داتو وداتو ولله ماخلاتو فديك لحظة رجلي فشلو علي طحت اﻷرض جاب لله خويا جا شدني
فدوى(مصدومة):كرييم خوويا وااش انا كنحلم ولا هاادشي لكنشوفيه بصح
كريم:ماديريش فبالك راه شماتة
فدوى(دموع محجرين فعيني):كيفاش عطااه خاطرو
خديت نفس عميق ونضت وقفت على رجلي وتميت غادة لعندو وخويا ومي كيشدو في وانا والو مابغيتش نوقف الحرقة لفقلبي عطاتني واحد القوة غير طبيعية وقفت قدام منير وعيني فعينيه وكلي كنترعد
فدرى:نتاا شنوو كديرر هنا
رقية:بنتتي اججي خلييه
فدوى:(غوت)جاااوبني نتاا شنوو كدييير هنا
منير:كنديير هدااكشي لكيديرو ناس كنتزوج
فدوى:(حطيت يدي على صدري وشهقت)واناا
منير:ماالك نتي
فدوى:(وسعت عيني)مالي انا واناا شنوو هندير امنير وااش مافكرتيش في ملي بغيتي تزوج
منير:ونتي فكرتي في ملي بغيتي تزوجي بسعيد
فدوى:مااشي فحال فحال
رشيدة:لاا فحال فحال وداابا سيري من هنا خلي هاد نهار يدوز بيخير
فدوى:(شنقت على منير)مهاانسمحش ليك تزوج بوحدة اخرى من غيري من بعد هادشي كامل لدرتي في،انا مهانخليكش تزوج وتخليني بوحدي(كنبكي)
منير:نتي لبديتي نتي لقبلتي تزوجي بسعيد حيث حسن مني حتى انا دابا قبلت نتزوج بغزلان حيث حسن منك
فدوي:(كنبكي)انااا غلطت ولكن نتاا ماتغلطش فحالي اناا كنبغيك هئ هئ كنبغييك ماتخلاش علي ماتحرقش لي قلبي ،انا ندمت ملي قبلت نتزوج بسعيد ندمت عفاك ماتخلينيش
منير:(دفع يدي)سمحيلي لكان بيني وبينك سالا
رشيدة(شافت في باحتقار):يالاه نتوما هزو طيافر خلييونا ندخلو
هزو طيافر وبداو كيدخلو وحتى هو دخل معاهم وانا بقيت واقفة كنشوفيهم
رقية:خليينا ندخلو لدار ابنتي ناس كيشوفو فينا تشوهنا
جراتني مي دخلنا لدار بديت كنبكي عنقاتني وحاولات تصبرني وانا والو غير كنبكي وكنشهق فاﻷخير طلقت منها ودخلت لبيت وبدا صوت لعونيات وصوت زغاريت كيتعالا حطيت يدي على ودني باش مانسمعهمش ولكن هاداكشي غادي وكيتزاد وانا قلبي غادي وكتشعل فيه لعافية اخخ على ايامي وشبابي صاافي كلشي ضاع هئ هئ لله ياربي انا كيفاش هنصبر على هادشي صاحبي لعام ونص وانا كنحلم بيه بلي هيجي واحد نهار ليولي راجلي ونتزوج بيه هاهو دابا كيتزوج بلبنت لكانت صاحبتي من صغر وكنت كنعاود ليها كلشي هئ هئ انا حلمت وهي حققات لله ياربي شنوو هندير فهاد المصيبة لطاحت فوق راسي انا اينا دنب درت فحياتي حتى يوقع معايا هاكا علاش فينما حطيت يدي كنوحل علاش زهري هاكا 😭 اناا شنوو درت فحياتي .
تكيت فوق ناموسية مسحت دموعي وبركت كنفكر فشي طريقة لننتاقم بيها من منير وغزلان طريقة لنحرم عليهم هاد زواج وباش فينما يبغيو يقربو لبعضياتهم يتفكروني ونوقف شوكة فحلقهم بزوج فكرت وفكرت وفاﻵخير لقيت موتي هو الحل انا هننتاحر وهاكا هنتهنى من هاد دنيا ومن كلام ناس ومن منير وغزلان والعالم كامل
نضت حليت لباب وخرجت طليت فلبيت بان لي خويا كريم ناعس وماما فلحمام مشيت دخلت لبيت ماما حليت لمجر لقيت دوا ديال جعفر كيشرب منو نص حبة فسيمانة حيث مجهد وكياثر على لقلب والى شربتي ثلاثة لحبات فدقة كتجيك ازمة قلبية فلبلاصة وتقدر تموت هزيتو ودخلت لبيت سديتو علي وكبيتو كامل فيدي وجلست كنشوفيه وكنبكي