🦋جعلوني زوجة له 🦋 (مكتملة )

part39

💎جعلوني زوجة💎
جزء 39
عند_فدوى
تبلوكيت بغيت ندافع على راسي قدامهم ولكن تهمة تابثة عليا شنو وهندير اش هنقوليهم بلي ماشي انا مهايتيقوش سكت وخليتهم كيهضرو حيث عارفة وخا نشرح حتى نعيى مهايتيقونيش
لقمان:دوي افدوى قولي شيحاجة فهادشي
فدوى:مبقا لي مانقول من بعد هادشي لسمعت
سوسن:حيت ماعندك حتى عذر ولا من احسن نقولو كدبة تبرري بيها هاد شفرة لشفرتي
رجاء:كنتي كبيرة فعيني ودابا شوف اش درتي حشومة والله
مسعود:علاش ابنتي
لكبيرة:حنا عائلتك ومامخصينك من والو
سوسن:(شداتها من دراعها) دوي فين ذهب فين درتيه دوي اشفارة
فدوى:(تنترات منها) طلقي مني انا مامديت يدي على والو ذهب مك ماشفتوش وماقربتش ليه
لقمان؛(غوت)سوسن(جر فدوى عندو) مية مرة كنقوليكم مرتي ميدوي معاها حد
سوسن:يااك مرتك تشفر وتنكدها علينا وحنا نسكتو ياك اخويا
لقمان:شحال ساوي هاد ذهب عندكم  10 لمليون ولا 20 شحال كاع انا غنخلصو ليك
رجاء:ولدي مبقاتش فلفلوس
لقمان:اولا انا ماشي ولدك ثانيا فدوى مراتي شرفها من شرفي والى تهانت فحال الى تهانيت انا ودابا شحال مامشا انا مستعد نخلصو (شاف فيهم كاملين) واش فهمتو احترامها من احترامي مزوج بيها يعني راه انا هي وهي انا ونص كلمة الى تقالت ليها بحال الى تقالت ليا وهاد قصر مابقيتش نسمع شي حاجة مزال فيه علي هاد موضوع(شاف فرجاء) لقجاقل لمنوضين عليهم حالة غدا هيوصلوك ضوبل منهم ودابا تصبحو على خير
سوسن:ماغديش تسكتنا بهاد لهضرة، مرتك شفارة وماغاديش تغطي عليها بهاد شي
رجع عندها لقمان وقرب وجهو عندها كيشوفو فبعضياتهم بتحدي
سوسن:مراتك شفارة
لقمان:وشنو لمخليك متاكدة
سوسن:شفتها بعيني
لقمان:اش شفتي
سوسن:خارجة من لبيت
لقمان(طلاق من فدوى)اهاه زيدي كملي
سوسن:اه وحدة خارجة من تماك شنو غادي دير وهي عمرها دخلات لتما
لقمان(كيعبر بيديه) هنسولك وجاوبيني
سوسن:تفضل
لقمان:فدوى شنو كانت هازة فيديها فاش خرجات من تما
سوسن(كتفكر) والو حتى حاجة
لقمان:واش كانت لابسة
سوسن:كيطمة عادية
لقمان:مزيان وحدة ماهازة فيديها والو ولابسة كيطما لالى خشات فجيوبها شي حاجة هتبان ممكن تشرحي لي كيفاش دارت لهاد شفرة
سوسن:الصمت
لقمان:(غوت) جاوبي امدام
سوسن(كتلعتم) قلت راه
لقمان:اش قلتي امدام منين ماعندك حتى دليل متبقايش تحطي ظلم على ناس(شاف ففدوى) شفتي هاد عائلة دايرة غير بالمنافقين من اولهم لآخيرهم شفتي كيفاش دغيا تقلبو عليك على ابسط حاجة
فدوى:(كتبكي فصمت) حسبي الله ونعم الوكيل
لقمان:ودابا لهز ذهب يحطو قبل مانجبدو
رجاء:(قربات عند فدوى) سمحيلي ابنتي
قبل ماتكمل كلامها طلعت كنجري وانا كنبكي حيت صافي ماقديتش مزال نوقف تماك اصعب حاجة هي ظلم خاصة الى ماكنتيش قادة دافعي على راسك حاجة وحدة لتليق تقولها فهاد لوقت هي حسبي الله ونعم الوكيل وربي هيجبليك حقك
مسعود:حناا كنعتاذرو منك ومن فدوى
لكبيرة:صراحة هادشي لدرنا ليوم مادرنا فيه مايصلاح
سوسن:اففففففففف
لقمان:ديرو اي حاجة وماظلموش ناس حيت عمر ربي مهايسمح ليكم ظلم اصعب حاجة تقد توقع لبنادم من فوق مكاتحس بالقهر كتحس بالحكرة واهانة وباخص لاماكنتيش قادر تدافع على راسك
سوسن:انا راه
لقمان:المرة جاية خدمي عقلك ومتهضريش بلا دليل
سوسن:وخا ماعنديش دليل ولكن متاكدة هنجيبو
لقمان:وااخا هنستناك تجيبيه لي وديك ساعة هتكون هضرة اخرى
سوسن:واخا هانتا هتشوف
مسعود:صافي براكا اسوسن خليتينا كاملين نثيقوك وظلمنا البنت
رجاء:ولدي سمحلي
لقمان:الوحيد لخاصكم طلبو منو سماحة هي فدوى حيت هي لظلمات
لاح ليهم هاد الهضرة وطلع كيسوط البيت
عند فدوى
شمتة والقهرة لحسيت بيها هاد نهاار بوحدها حياتي كاملة عمر شي حد تاهمني بسرقة(تلاحت فوق النموسية) نصبر لكولشي الا ظلم اهئ اهئ بقيت شحال وانا كنبكي ..... تحل الباب بان لي لقمان داخل وانا نوض لبالكو حيت مابغيتوش يشوفني هكاك صافي لفي كافيني بلا تزيد علي هضرتو
تكيت على حديدة كنبكي فصمت ونتحصر على يامي وفلداخل كنسمعو كيمشي ويجي وسط
البيت شوية جا عندي