🦋جعلوني زوجة له 🦋 (مكتملة )

part146

💎جعلوني زوجة له💎
جزء 146

فلكلينيك

سليم:جنان كيف بقيتي

جنان:لباس لبااس بغيت غير امتى طبيب يقوليا سيري فحالك من هنا حيث تقهرت

سليم:ماابقاا واالو غير صبري هاد الأيام هتخرجي،لمهم ماما وعمتي شوية وهيجيو بغاو يشوفوك

جنان:(حطات يديها فوق راسها)هااي هااي هااي على مدام رجاء تواضعات معاانا وبغاات تجي تشوفنا

سليم:جناااان

جنان:امم هااهي ساكتة

خرج سليم وجنان جبدات باروكة حطاتها على راسها وشافت فمها

جنان:كييف جااتني

مينة:زوينة غير هو مااكاين لااش لييها

جنان:قدام ديك رجاء ضروري منها،بنت لحرام هاتبدا ضحك علي

مينة:من ناحية بنت لحررام رااها نيت بنت لحرام

جنان:علاش اماما نتي فيين كتعرفيها

مينة:(الصمت)

جنان:ماما وااقلة سولتك

مينة:وااخا نهار ثاني لمابنتيش فيه مشيت لداك القصر وستقبلاتني ديك عدوزتك وقالت لي لماكانش خاصني نسمعو

جنان:(بلعات ريقها)اشش قالت ليك

مينة:قالت لي بلي ماربيت فيك والو وبلي نتي وحدة خارجة لطريق وبلي كون كنتي بنت مأصلة كعما تلعبي بين لخوت قولي لي واش هادشي بصح نتي لعبتي بين لخوت واش كنتي مع راجلك ومع خوه فنفس الوقت

جنان:رجااء بنت لحرام الى خليتها فيك هاد المرة رااني مااشي جنان

لاحت جنان لباروكة وحيدات سيروم من يديها وجلسات كتطلع فنفس وتنزلها فجأة تحل لباب تما داخل سليم ومن وراه لكبيرة ورجاء هازة بوكي دفلوغ

لكبيرة:سلاام وعليكم

مينة:وعلييكم سلاام

رجاء:(قربات مدات لجنان لبوكي) الحمد لله على سلامتك

شدات جنان لبوكي وبقات كتشوفيها

رجاء:كرشك تباركلاه كبرات حفيد ارسلان قريب يجي لدنيا

جنان:اه قريب يجي لدنيا ولكن جداتو هتودع دابا من دنيا (نزلات عليها بلبوكي على وجهها)

سليم:(تصدم)جنااان اشش كدييري

جنان:هنديير هداكشي لكان خاصني نديرو شحاال هادي،ست سنين هاادي وانا سناني لوبيا علييك خمس سنين فكل نهار كنت كنتمنى يجي نهار لنتف دينمك فيه والحمد لله هاد نهار جااا

تلاحت جنان على رجاء شداتها من شعرها وسليم ومينة الوسط كيفكو فيها سليم ماقدش يقرب لجنان حيث كرشها لفمها حدو كيحاول يحيد ليها يديها من شعر رجاء وهي والو لوات شعر فيديها وتنتف وتجر وتقول ماجريتش ماطلقاتها حتى سخفات