🦋جعلوني زوجة له 🦋 (مكتملة )

part52

💎جعلوني زوجة له💎
جزء 52
بقا كيشوفيه كارد كور وقال
****:سمحلي مهانقدرش ندخلك حتى نقولها لمالين لقصر،هادو هوما تعليمات
يونس:اناا
قبل مايكمل يونس هضرتو تسمع لكلاكصون وراه دار تلفت وهي تبان ليه جيهان جالسة فطوموبيل وهي غير شافتو نزلات من طوموبيل كتجري تلاحت عليه عنقاتو
جيهان:هههه يونس هذا نتا ،(رجعات لور حاطة يديها على فمها)مامتيقاش هادشي صافي رجعتي
يونس:كبرتي تباركلاه خليتك باقا صغيرة
جيهان:هههه نفس لهضرة لقالها لي لقمان ملي رجع،عرفتي عمتي ملي هتشوفك هتفرح بيك بزاف  اجي خلينا ندخلو
طلع معاها يونس فطوموبيل ودخلو لقصر نزلو وقف شاف فالقصر وتنهد
جيهان:هتبقى واقف يالاه خليينا ندخلو
دفعات جيهان لباب تمات داخلة وهو وراها 

لكبيرة: اوددي لله يهدييهم وخلااص ،زعما فدوى هتكون
جيهان:(قاطعتها)سلااام
دورو وجوههم شافو فجهتها ووقفو كاملين كيشوفو فيونس بصدمة
مسعود:هذااا اشش كيدييير هناااا
جيهان:😟 تلاقييت معاه قدام لباب جا باغي يشوفنا ويشوف عمتي
لكبيرة:ياالاه تفكرني 6 سنين هادي هز صاكو وغبر لاش راجع ثاني
يونس:راجع باش نشوف ونطمأن على لمرا لرباتني ولرداتني من ولد دايع فزناقي لولد مربي وقاري وواصل
لكبيرة:ماعندك ماتشوفيا سير من هنا ايونس فهاد القصر مابقا ليك حد، حتى واحد هنا ماباغي يشوفك
مسعود:درنا فيك الخير ولكبيرة حطاتك وسطنا وعاملناك فحال ولدنا ونتا اش درتي عصيتي كلامنا وهزيتي صاكك وخرجتي
يونس:نتاا درتيني ولدك قول درتيني عبدك من صغري ونتا كدير لفرزيات بيني وبين ولادك وملي كبرت كنت باغي نحقق حلمي ونولي بوليسي ولكن نتا كان عندك رأي اخر كنتي باغي تدخلني نخدم فشركتك باش تديرني جفاف تحت رجلين ولادك
رجاء:ولاايني راك واحد نكار ديال الخير منك ماكان
يونس:انا ماجايش نتنااقش فهادشي انا جاي نشوف لمرا لرباتني وهنمشي
لكبيرة:من بعدما مشيتي وخليتيني بوحدي كرهتك ايونس كرهتك ،وخرجتك من قلبي فحال الى عمرك ماكنتي (نزلات دمعة من عينيها ومسحاتها)
يونس:عمر اﻷم ماتقدر تكره ولادها
مسعود:لكبيرة ماشي مك هي غير دارت فيك الخير وجابتك من زنقة اما نتا علم لله ولد من ومنين جاي ،نهار لول قلت لختي بلي ولاد زنقة لملقطين مامنهم خير ولكن هي عاندتني وجابتك وهاهي دابا كتدفع ثمن ديال انها ماسمعاتش لي نهار لول
يونس:بصح ولد زنقة وملقط ولكن مربي وعارف صح من الغلط عكس ولادك لولاد عائلة وولاد دار لكبيرة
رجاء:نتاا شنوو كتقصد
يونس:كنقصد ولدكم لقمان،ولدكم خارجة فحقو مذكرة دولية بتهمة تجارة فأسلحة فالعراق وسوريا وبتهمة تجارة فذهب في سوق سوداء وزاد كملها بتجارة فالحشيش ودابا كنتسناو غير دليل باش ندخلوه لحبس ،ياالاه هاهو واحد من ولادكم مربي وكبر تحت جناحكم ممكن تشرحو لي علاش خارج لطريق ،من لخر بغيت نوصليكم بلي سوا لواحد كان ولد زنقة ولا ولد عائلة اﻷفكار ديالو والمستقبل ديالو ماكتحكمش فيهم تربية ولا منين جا واكبر دليل انا ولقمان،انا رجل قانون ولقمان رجل مافيا
مسعود:(غوت)خرررج علللي من داااري
يونس:واخا اسي مسعود هاهو خارج، غير هو حدر ولدك وقوليه يبعد على طريق لغادي فيها قبل مايطيح فيدي
رجاء؛برااا خررج عليينا انكااار لخييير برااا
بتاسم يونس وخرج وخلا مسعود ورجاء على اعصابهم
مسعود:كنت عااارفها ،كنت عاارف بلي هذا ماافيه خير ،ولد لحراام كيبقى غيير ولد لحراام نتي الكبيرة لدخلتيه لحيااتنا نهار لول نتي