🦋جعلوني زوجة له 🦋 (مكتملة )

part158

💎جعلوني زوجة له 💎
جزاء 158

طاااح ضلام وفدوى هبطات من طونوبيل ديال لقمان هازة ولدها فيدبها لاوياه فمانطة ولقمان جنبها غادين تاوصلو حدا الباب ولقاو الخدامات مستفين ليها حدا الباب لغير شافوها بداو بزغاريت  وكيرشو فالوارد والحاج واقف شاد عكازو فيديه وفرحااان بنتو وحفيدووو جاو عندوو ...... وقفات قبالتو ساكتة كتشوف فيه   وهو عينيه غيدمعو بالفرحة

الحاج:نهار كبير بنتي جات عندي وهي نافسة وهازة حفيدي معاها

لقمااان:اوا هاانت شكون فحالك اول دار غدي يدخل ليها والدي هي دارك شكون فحالك

الحاج:هدا شرف ليااا

شاف الحاج فدوى بمعنيىواش نقد نهزوو وهي كتشوف فيه مترددة ونظرات الحاج الحنينة غلباتها ومداتو ليه

الحاج(باس ادم فراسو) تبارك الله على حفيدي رااااااجل الله يحفضك ويحمييك وينجيك من الشر الانس والجن

فدوى خدات ادم من يد الحاج وهو كيشوف فيها ماتصدمش حيت موالف منها تعاملها الخايب معاه

فدوى موجها كلامها لقمان:فينووو بيتناااا باغا نعس اصلا انا جاية هنا فوق نفسي

الحاج:(شير الوحدة من الخدامات) اجي ابنتي ديهم البيت ديالهم

تبعو الخداامة داتهم البيت تحل وكانت هنا الصدمة..... البيت مجهزة على اتمم وجه واهم حاااجة هو ستايل ديال ابيض هادئ  ووسطو نموسية مدورة وجنبها الكونة ديال البيب وحداه فوتوي  بيض والعاب فوقووو مستفين

فدوي  تفادات داكشي وتصرفات عادي وخا كان عاجبها الحال منين شافت ديكوور..... حطات ولدها فوق النموسية ونعسات

لقمان:رتاحي انت انا هنهبط لتحت ندوي شوية مع الحاااج

اصبحنا واصبح الملك الله⛅⛅

كانت فدوى جالسة كترضع ولدها تادخال عليها لقمان

لقمان:كنضن بلي خاصنا ندبحو على سمية

فدوى:علاش مارجعتيش البارح

لقمان؛ :تلهيت بالهضرة مع الحاج تانعست حداه  ودابا  راه غادي ندبحو

فدوى:مشات من باالي  هاد القضية

لقماان:ولكن الحاج الا راه جاب الحولي وكلشي واجد كيتسناوك تهبطي

خنزرات فيه زعما لاش خليتيه يجيبو

لقمان: طلقي رااسك مغنساليوش المناكرة

حطاات ولدها ومشات الديرسنغ لبسات قميس جوهارة فالغوز باارد. كمامو قصار حد الكوعين وخلات شعرها على راحتو ومشات لوات والدها فمانطة وهبطااات فين كان الحاااج واقف كيتسناها مجمع مع رقية غير شافوها وهوما يتجمعو وهي دايزة  عليهم كتخنزر ووقفات شادة ولدها ولقمان واقف مربع يديه