🦋جعلوني زوجة له 🦋 (طور التنزيل )

part96

💎جعلوني زوجة له💎
جزء 96
لقمان:(طول فيها شوفة)من نيتك ماعارفاش شكون هو بات بنتك
رقية:(حدرات راسها كتلعب بصباعها)هادشي لكتب علي لله
لقمان:واش كاينة شي وحدة فدنيا مكاتعرفش بات بنتها
رقية:(مسحات دموعها)ااه كاينة انا ماعارفاش،انا دابا ماعاودتش ليك هادشي باش تعاتبني ولا تقوليا علاش وكيفاش ،انا عاودت ليك هادشي باش تبعد بنتي على لحاج وزروال حيث الى زروال عرفها بنتي غادي يقتلها
لقمان:غالطة مهايقتلهاش خاصة الى كانت بنتو ولكن  هيقتلك نتي وراجلك وولادك لاخرين
رقية:(سرطات ريقها)عااوني عفاك انا هربت من زروال شحال هادي وتهنيت مابغيتش نرجع نطيح فيديه حيث هاد المرة مهايرحمنيش
لقمان:هنعاونك ولكن فالأول حتى نعرف شكون هو بات فدوى
رقية:وكيفااش هتعرف
لقمان:كاينة شي حاجة سميتها تحليلة انا هناخود دم ديال لحاج وديال فدوى وهنشوفو واش بنتو ولا لا
رقية:مااكاين لاش لهاد تحليلة اصلا فدوى ماباغاش تعرف شكون باها وحتى انا ماباغاش نعرف لمهم عندي هو زروال ولا لحاج مايعرفوش فدوى بنتي مابغيتش يرجعو لحياتي بعدما خرجتهم منها شحال هادي
لقمان:الى نتي ماباغاش تعرفي انا باغي نعرف،الى كانت فدوى بنت لحاج فراه خاصو يعرف اما الى كانت بنت زروال (سكت)
رقية:كمل الى كانت بنت زروال ,شنو؟؟
لقمان:الى كانت بنت زروال غادي نقتلو قبل مايعرف بلي بنتو (وقف)
رقية:فين غادي
لقمان:عندي لخدمة مامساليش ليك
رقية:بلااتي هادشي لقلتو ليك يبقى بيناتنا واياك تقولو لفدوى
لقمان:اصلا هادشي مافيه مايتقال وبنتك على نقشة تسمع هادشي تصدع لي راسي بتهرنين ولبكا اش جاا مايسكتها
رقية:(الصمت)
لقمان:(حط لفلوس فوق طبلة)خلييت ليك راحة
خرج لقمان من لقهوة راسو هيتفركع،المشاكل تلاحو عليه كيف شتا ماحيلتو لحاج لوحل بسباب دوك لوراق ماحيلتو لخبار لقالت ليه رقية راسو هيتفركع عاد زاد كمل عليه دوا لماواخدوش
لقمان:(طلع لطوموبيل)زعما تكون فدوى بنت زروال شنو دابا انا مزوج بلبنت لانا وباها منوضين قربالة وباغين نقتلو بعضياتنا

#فالقصر
كانت فدوى جالسة مع لكبيرة شادة ليها فيديها
فدوى:عمتي كييف بقيتي
لكبيرة:الحمد لله حسن من قبل طبيب قاليا شي ايام وهنولي بيخير
فدوى:انشاءلله
تحل لباب كانت جيهان لابسة سروال جينز لاصق عليها وليبوط طالون ومونطو من لفوق فلموطارد
جيهان:فدوى عفاك واحد دقيقة بغيت ندوي معاك
فدوى:وي هاني جاية،عمتي دقيقة وهاني معاك
خرجات فدوى لعند جيهان وسدات لباب
فدوى:وي مالك
جيهان:غادة نتلاقى مع فريد
فدوى:ايواا مزيان ومالك مقلقة
جيهان:انا هنعاود لييه كلشي
فدوى:(ملامحها ولاو جديين)ومالك على هاد زربة خلي على اقل حتى تولفو على بعضياتكم
جيهان:ماكاين لاش لتطوال فهادشي من اول نعاود ليه الحقيقة،بغا يتقبلها مرحبا مابغاهاش يعطيني تيساع
فدوى:وااخا لبان ليك
مشات جيهان وفدوى طلات على لكبيرة لقاتها ناعسة،مشات وقفات جهة دروج كتشوف فالقصر
فدوى:تفووو قتلني لملل هنااا ،اجي وااحد زهرة فين شاداها نمشي نطل عليها نشوفها
هبطات فدوى فدروج مشات لعند زهرة دفعات لباب مالقاتهاش،طلات فالحمام وهي تبان ليها زهرة كتحسن فشعر راسها بتاسمت وربعات يديها
فدوى:بصحة تحسينة
زهرة:(قفزات)فدوى
فدوى:شفتك كتحسني هي ناوية مزال طولي فهاد تمثيلية
زهرة:اناا ويااك خاص ندويو
فدوى:اهااه ندويو
خرجات فدوى وقفات وسط لبيت واونفاس معاها وقفات زهرة
زهرة:اناا ندمت على هادشي لدرت
فدوى:ومن بعد
زهرة:اناا كان كل همي هو انني نبقى قريبة من ولدي
فدوى:وامضرا قربتي ليه،على حساب علمي وعلى حساب هداكشي لكنشوف من نهار حطيتي رجليك هنا لقمان ما جا طل عليك ما جا شافك حتى تسوال ماكيسولش عليك
زهرة:عارفة هادشي
فدوى:شووفي انا عطيتك وقت كثر من القياس،فكل مرة كنت كنجي عندك كنهددك كنقول صافي هتكون فهمات راسها ياهتعاود الحقيقة لولدها يا هتهز حوايجها وتمشي فحالها ولكن نتي مادرتي حتى حاجة،انا اليوم بليل هنعاود الحقيقة للقمان اصلا ملي هيعرف بلي كنت عارفة وخبيت عليه غادي يحاسبني كيفما هيحاسبك
زهرة:ماتقوولي ليه والو،اناا هنقوليه كلشي
فدوى:وامتى
زهرة:اليوم بليل
فدوى:وااخا ها حنا هنشوفو (خرجات)
#عند_لقمان
من بعدما لقمان خرج من لكافي لتلاقى فيها رقية مشا لشركة جلس فلكرسي ديالو كيفكر فلبلان ديال بات فدوى
لقمان:ليشوفك الالا رقية،يحكرك صدقتي لاعبة على زوج جوايه ومكملاها ومجملاها ماعارفاش شكوون هو بات فدوى
لباب؛دقق دقق
لقمان:دخل
تحل لباب ودخلات لينا
لقمان:اشش واقع
لينا:جيت ندوي معاك على قبل لخدمة
لقمان:الأسهم واش طلعو اليوم
لينا:اه طلعو واخا خسرنا لبارح بزاف فلبورصة (جلسات)لقمان الحاج شنو وضعو
لقمان:المؤبد
لينا:اش كتقول!!! حناا ضروري ماخاصنا ندخلو نشريو لقاضي لمهم نديرو شي حاجة باش نعتقوه
لقمان:هادشي مامنوش لقضية كبيرة حتى قاضي مهايغامر براسو حيث القضية مفروشة ولكن ماتخافيش انا عارف شنو هندير
لينا:اشش هدير
لقمان:اشش هندير هدااك سوقي ماشي سوقك،اصلا اناا درت غلطة مرة وحدة امنتك على لوراق وعطيتيهم لبوليس
لينا:كيفااش عطيتهم لبوليس
لقمان:كيف سمعتي ممكن تشرحي لي كيفاش لوراق كانو عندك حتى ولاو بين يدين لبوليس
لينا:(وقفات)وااش نتاا دابا كتشك في بلي غدرت بيك وبلحاج ولا شنو.
لقمان:كللشي ممكن
لينا:(غوتات)لقماااان فيييق هاادي اناا لينا،وقبل مانفكر نغدر بيك وبلحاج نقتل رااسي
لقمان:(وقف ودفع لكرسي لكان جالس عليه حتى تخبط مع الحيط)وااااش غوتتي علي
لينا:(تخلعات من سيفتو)ا اناا
قبل ماتكمل كلامها دار لعندها وشدها من شعرها وخبط ليها جبهتها مع الحيط
لقمان:بااقا مزاال تغوتي علي هااا بااقا تغوتي علي
لينا:هئ هئ لقمااان اش كديير وقف رااك هتقتلني ماتنسااش راني حاملة
بقا كيشوف فيها لقمان وهو يفيق من الحالة لهو فيها وطلقها وهي هزات راسها وخرجات كتجري من تما كتبكي
لقمان:اشش هاادشي كندير فييه اناا ،هادشي زعما راني واخد دوا ،خاص واقلة نرجع عند طبيبة