🦋جعلوني زوجة له 🦋 (مكتملة )

part20

فدوى:(بانكسار)انا راه ماميتش لي مش لمات راه راجلي،وكاع لعيالات لكيموتو ليهم رجالهم كيلبسوه ايوا حتى انا هنلبسو
رقية:هئ هئ نتي باقا صفيرة ماشي ديال لبيض
فدوى:هذا مكتاب ربي ماعندي ماندير،عمتي شنو خاصني ندير دابا
لكبيرة:دخلي دوشي ولبسي هاد لحوايج وجمعي راسك فهاد زيف وديري من لفوق هاد شال ولبسي تقاشر
ناضت فدوى من بلاصتها رجليها هازينها بزز دخلات لدوش حطات لحوايج من يديها وحيدات حوايجها وتخشات تحت رشاشة كتعوم بلما بارد  وكتبكي عيات حطات يديها على الحيط وقالت
فدوى:خاصني نصبر خاصني نصبر ،ربي بغاه انا ماعندي ماندير
نشفات فدوى راسها ولبسات لبيض جمعات شعرها دارت زيف حياتي وهزات شال تكاودات مع لمرايا غير شافت راسها بالبيض تخلعات وقلبها تهز من بلاصتو جاتها فحال صدمة بقات غير حالا فمها كتشوف مافاقت من صدمتها حتى تسمع دقان فلباب بجهد
رقية:فدوى فدوى بنتي ماالك تعطلتي وااش تبغيني نعاونك
فدوى:ه ه هااني خارجة
لاحت فدوى شال على راسها وحلات لباب وخرجات غير شافوها وهوما يشهقو وهي بدات كتبكي
لكبيرة:(كطبطب عليها)صبري صبري لله معاك
مشات فدوى جلسات جنب ناموسية ولكبيرة وقفات فوق راسها كتدوي ليها على لبيض وكيفاش خاصها تصرف وهي لابساه
لكبيرة:لبيض لفوق لحمك ولا دابا هو صوابك وهو معدنك ابنت ناس ،الى ماكنتيش قادة بيه حطيه ماكاين شكون هيلومك
فدوى:(مزيرة)قادة بيه قادة
لكبيرة:دنوب لبيض صعاب ،هتلبسيه لمدة ربع شهور وعشريام وفهاد ربع شهور وعشريام حرام عليك تشوفي ولا تفكري فشي راجل ،حرام عليك تعري شعرك وحرام عليك ترفعي صوتك ولا تباتي برا دار لمات فيها راجلك و
رقية:(قاطعتها)باراكا الالا لكبيرة راك دويتي بزاف واش ماشايفاش حالة بنتي كيفدايرة هذا ماشي وقت هاد لهضرة
لكبيرة:شايفة غير هو خفت عليها لا ماتكونش قدو ودابا كنعطيها فرصة فين تحيدو ماحد باقي حتى شي واحد ماشافها لابساه
فدوى:خرجوو علي بغيت نبقى بوحدي
سوسن:ماايمكنش تبقاي هنا خاصك تنزلي ناس كلهم كيسولو على مرات ادم باغين يعزيوك خاصك تنزلي
شافت فيها فدوى وطولات فيها شوفة فخاطرها هضرة بغات تقولها ليها ولكن هذا ماشي وقتها
جنان:(دخلات)جيت باش نقوليكم بلي تريتور راه جاب كسكسو نزلو تاكلو (شافت ففدوى)تباركلاه لبيض شحال نورك (تنهدات) بسيف ماتنوري ونتي درتي خير كبير مع لله تزوجتي بمعاق وحسنتي بيه حتى اﻷخير نهار فحياتو
سوسن:😡😡 خررجي براا
جنان:ماالي اش قلت
سوسن:(غوتات)قلللت ليك خرجي،☝☝ اليووم بالضبط وااياك توريني كمارتك غبري
جنان:😠 وااخا هاهي خارجة (خرجات)
سوسن:عمتي بقاي مع فدوى حتى تنزلو لتحت
#فالمقبرة
دفنوا ادم ووقفو كيقراو لفاتحة عليه سالاو ورجعو رجالة كيسلمو على مسعود ولقمان وسليم كيعزيو فيه ،جا لبيرو يد ليمنى ديال لقمان لغير شافو مسعود وجهو تقلب
لبيرو:سي لقمان لباراكا فراسك (سلم عليه)
لقمان:صونيت عليك ماجاوبتيش واقعة شي حاجة
لبيرو:حتى لمن بعد اسي لقمان ،(شاف فأب لقمان)لباراكا فراسك اسيدي
مسعود:لقمان شكوون هذا
لقمان:تقدر تمشي
مشا لبيرو ولقمان جبد كارو كيكمي
مسعود:حتارم لجنازة ديال خوك على أقل
شافيه لقمان وشد لكارو دارو وسط يديه وطفاه
سليم:خلينا نمشيو عيطات لي سوسن قالت لي بلي شي ناس جاو من طنجة بغاو يعزيوك
مسعود:وااخا
#فالقصر
كان صوت لقران مطلوق وفدوى جالسة وسط صالة حالتها كيجيو ناس يسلمو عليها ويعزيوها وهي ماكايناش هنا غير دموع شلال من عينيها
وفجاة تمات داخلة لينا لابسة جلابة فلحمر وطالون كحل ولايحة شال على كتافها
لينا:عفاك فيناهيا مامات لقمان
لخدامة:هي لجالسة تما الالا
قربات لينا حدا رجاء تحنات وشدات ليها فيديها
لينا:لباراكا فراسك امدام من جهة ولدك ادم
رجاء:(ماشافتش فيها)مامشا معاك باس
لينا:انا خدامة مع لقمان
هنا هزات رجاء راسها شافت فيها
رجاء:خدامة مع لقمان
لينا:اه وقريبة ليه
رجاء:مزيان تفضلي
مشات لينا عزات فدوى وجلسات ورجاء ناضت مشات عند سوسن
رجاء:كتعرفييها
سوسن:شكوون
رجاء:لبنت للاابسة جلابة حمرة جات عزاتني وقالت لي بلي هي خدامة مع لقمان وقريبة ليه
سوسن:اه هادي واقلة لينا سمعت عليها بزاف كنت ملي مكانقدرش نوصل للقمان كنتاصل بيها هنمشي نسلم عليها
رجاء:بلاتي،وااش بينها وبين خووك شي حاجة
سوسن:😕 ماعرفتش
تماو داخلين رجال ايوا نوضي يا لينا نقزي من بلاصتك وسيري تلاحي على لقمان عنقيه
لينا:لباراكا فراسك
لقمان:(بعد عليها ودوا بحدة)بلاصتك ماشي هنا،شكون قاليك جي
لينا:انا جيت ندوي معاك صواب ولحاج لسيفطني نعاونك لا تكون ناقصاك شي حاجة
لقمان:هنطلع ننزل مانلقاكش
ضرب فيها لقمان وطلع وخلاها دارليها هاكا حيث لقمان مابغاش يدخل لخدمة وناس ديال لخدمة وسط لعائلة
#عند_رقية
رقية:ستغفرت لله العظيم شفتي كيف ناضت عنقاتو
فدوى:(الصمت)
رقية:هاادا لوسك ياك مالو فديك الحالة كولو وشام وغير مغوبش
فدوى:رقية
رقية:نعاام
فدوى:هااديري حاجة من زوج ياتسكتي يانوضي سيري فحالك
شافت فيها رقية وضرباتها بصقلة