🦋جعلوني زوجة له 🦋 (مكتملة )

part127

💎جعلوني زوجة له💎
جزء 127
من بعد ماخرجو  لقمان داوه لكوميسارية غير بشورط وكلاكيطة فرجلو عريان من لفوق جلس فوق كرسي ناشر رجليه وصدر مبندر كولو وشامات وبلويس غار كيشوفوفيه

...... موسيو لقمان مرحبا برجوعك ولفنااااك معانا
لقمان:الصمت
...... ودابا عندي ليك اسئلة وانت عليك تجاوب
لقمان:انت لعندي ليك اسئلة لاش جايبني هنا وعلى صباح
....... ماسحابليش كون تسنيتك تا تفطر
لقمان(خرج فيه عينيه) دابا غتجاوب وانا نجاوب
...... ماتنساش رااسك
لقمان:وحتى نتا ماتنساش😉(غمزو بمعنى بلاصتك تقدر طير)
...... احم احم  كنضن فرااسك الحاج هرب
لقمان(تكى على الكرسي) لا مافراسيش امتى هرب
..... هرب لبارح بليل وانت لهربتيه حيث عندك علاقة قوية بيه ماتستحمرنااش
لقمااان:اممم بصح عندي علاقة بيه ،اجي نتوما لبوليس ياك ديرو خدمتكم وقلبو عليه حيث انا ماهربتوش وماعندي حتى شي علم ولا شي يد فالموضوع
.... فين كنتي البارح
لقمان:عندنا العزو كنت فداااار اجي انت لجبتيني عندك شي دليل بعدا جاوبني هي لولا على هادي عاد نكملو

بوليسي سكت كيدوار فعينيه

لقمان:وجايبيني غير هكداك واش فراسك نقدر نصيفطك على هاد اتهام نقد نتابعك عليه اموسيو كوميسير
.... انا
مزال ماكمل هضرتو صونا تيلفون لكوميسير
...:وي.... (كيشوف فلقمان) هاهو قبالتي سمحلي اسيدي غنطلقو دابا
لقمان:طلقنا سربي عندي مايدار
......... حسان اجي فكلو مينوط

دخل البوليسي فك المينوط للقمان وهو يخرج ماقال تا كلمة لقا طونوبيلتو فالباب هي وحوايجو ديمارا  وزاااد
_______________________
🕌قصر ارسلان🕌

فدوى كانت لابسة جلابة فسومو باارد ولايحة عليها شااال بيض على شعرها ونص فيه بااين وجهها حمر ونيفها منفوخ وكلينيكس فيديهاا وقبالتها رجاء لابسة كلااس كتقااد فشعرها
قدام المريا واخا كاع لوقع قدرات تحكم فراسها حيث الحياة كتستمر عاد خاصها تشمر على دراعها باش تسكت لناس فمهم على سوسن 

رجاء:والحياة كتستمر ،المرحومة كانت متولة كتبغي كولشي مضبوط وكولشي يكون راقي وانيق داكشي علاش راااه دويت مع طريطور بناني على قبل العشا نتي افدوى فديك الورقة هتعيطي على دوك الارقام تاكدي عليهم  يجيو حيت انت عروستي واتنوبي عليا بغيتك تستقبلي نااس بكل لباقة ورقي
فدوى:واخا
رجاء:تاحاجة ماتكون ناقصة وخا، عزو بنتي الكبيرة بغيتو يكون كامل مكمول ماناقصو واالوو(طلعات وهبطات فيها) حتى نتي لبسي شي حاجة مقادة وحيدي عليا هاد جلابة وزيف ماتنسايش راكي عروسة ارسلان مرات ولدنا الكبيير مابغيت حد يقلل منك ولا يشوف فيك بشي طريقة ماشي هي هاديك
فدوى: (غير كتشوف)صافي غير هادشي
رجاء:خليك حدا جنان مابغيتهاش دير لي شي كارثة ولا شي شوهة

خرجات فدوى من عندها نيشان لبيتهااا خلات جلابتهااا نيت للابسة غير قدات  شاال مزيان

فدوى:مافهمتش انا شنوو وقع يالاه صباح كانت كتبكي ومنهارة كيفاش دابا قادة تدوي هاكا،
قالت ليك لبسي شي حاجة انيقة داكشي ليناقصني