🦋جعلوني زوجة له 🦋 (مكتملة )

part128

فالعشية

كان ستة ديال العشية وصل لقمان القصر دخل لقا شوية ديال ناس لكاينين ،ناس مشاو يوجدو باش يجيو لعشا ،دخل لقمان لداخل لقا فدوى واقفة ومن وجهها كتبان عيانة نهار كامل وهي واقفة شافتو وهي تسوط كانت خايفة عليه من صباح لا يشدوه لبوليس عندهم

فدوى:الحمد لله على سلامتك
لقمان:شفت دنيا خوات
فدوى:غير دابا يالاه خوات،شوية عوتاني هتعمر راك عارف لعشا اليوم
لقمان:اناا هنطلع ندوش ونرتاح
فدوى:واخا
طلع لقمان دوش وملي خرج لقا فدوى واقفة كتبقشش فتيلي ديالو
لقمان:اشش كدييري
فدوى:(قفزات من بلاصتها)هاااا
لقمان:(خاد ليها تيلي)شفتي زعاامة تااع والو
فدوى:وصلك ميساج من لبيرو على يونس بلي دارو معاه لطلبتي منهم اشنوو دارو
لقمان:(خنزر فيها)ونتتي ماالك فشنوو دارو
فدوى:كون غير بقيتي بعيد عليه،خلي لبوليس هوما يديرو خدمتهم معاه
لقمان:كضحكي علي
فدوى:لااا
لقمان:لااا لاا كضحكي علي
فدوى:لاا اناا غير قلت بلي بلا ماتوسخ فيه يديك مايستاهلش
لقمان:(الصمت)
فدوى:هو فالأول والأخير كيبقى بات جاد و
لقمان:(شدها من دراعها بزوج بقوة وجرها لعندو حاط عينيه فعينيها كيغوت)اناااا هووو بااات جاااد ويوونس زا*ل ماعندوو وااالو فييه
فدوى:(تخلعات)تهدن اناا ماقلت واالو
لقمان:(عينيه كيخرج منهم نار)اي وااحد كاان ليه علااقة بموت ختي من قريب ولا بعييد غادي يموت أبشع مووتة سمعتي انا مهانرتااح حتى كااع لكانو سباب فهادشي لكنعيشو اناا وعائلتي يدفعو ثمن
فدوى:وااخا تقتل كااع ناس لتسببو فموت سوسن راك مهاترتاحش حيث شي لكتحس بيه لا الإنتقام ولا لقتيل مهايخفف عليك الم ديالو نتاا خاصك تبكي وتدوي و تخوي قلبك
لقمان:(دفعها)اخيير مرة تدوي معايا فهااد الموضوع بقاي بعيدة
فدوى:راني مراتك القمان(نزلو دموعها)علااش ماندويش معاك فهاد الموضوع
لقمان:(الصمت)
فدوى:نتاا خاصك تصبر وتصبر عائلتك وتواسيو بعضياتكم باش تقدر تنساو
بقا كيشوفيها لقمان طرطق عنقو وجرها من شعرها وحط شفايفو على ودنها
لقمان:نهار لتجي شي بنت لقحبة ضحك ليك على خوك كريم وتخليه يبغيها ويتيق فيها ويجي وتولي عندو الجرأة ويقوليك ختي انا كنبغي فلانة واخا نتي ديك فلانة ماعندكش معاها وتبداي تقولي فخاطرك ماشي مشكل سعادة خويا هي لول ومن بعد تلقاي هاديك لقحبة مصورة خوك عريان لايحاه لعباد لله يتفرجو فيه وهو ماقدرش يتحمل ويمشي يقتل راسو قدامك اجي عندي ديك ساعة نقوليك صبري وصبري مك وراجلها
طلق منها ومشا لدريسنيغ دخل وخبط لباب وفدوى جلساات فوق لفوطوي كتبكي من بعد 5 دقايق خرج لقمان لابس حوايجو هبط وفدوى دخلات بغات دوش وهي تشدها دوخة جلسات فالأرض شي ربع ساعة كتحاول تسترجع راسها بقات هكات حتى توكضات وناضت دوشات وخرجات لبسات جلابة فلموف سامبل وزيف نواغ لاحتو عليها وصندالة وهبطات لقات ناس بداو كيجيو ومن بعد نزلات جيهان ولات شوية على قبل ومعاها رجاء لكانت لابسة جلابة واعرة وفوجهها كتبان القوة وصبر هادو هوما ناس للباس عليهم ضعفهم ماكيبغيوش يبينوه قدام ناس واخا يوقع ليوقع