🦋جعلوني زوجة له 🦋 (مكتملة )

part147

💎جعلوني زوجة له💎
ج 147

#عند_فدوى
وصلات 12 ديال نهار وهدى باقا جالسة عند فدوى مابغاتش تزعزع من عندها

هدى:امم هي نتي داابا وليتي ام لولد خت لقمان

فدوى:ااه

هدى:وعاادي عندك تربي ولد ماشي ولدك

فدوى:(حطات شي لكانت كدير من يديها) شووفي ا هدى (جلسات قدامها) انا مفهمة بلي نتيا خت لقمان وبلي باغا تبني معاه واحد العلاقة وهادشي من حقك ولكن بيني وبينك من الأحسن يكون تيساع

هدى:(تقادات فالجلسة)بلااتي وااش انا قلت شي حاجة ديال لعيب لقلقاتك

فدوى:وجوودك هنا بحد داتو بلا خبار لقمان هو لمقلقني

هدى:كتقصدي بلي لقمان الى عرفني هنا هيتقلق

فدوى:تيقيني ماعارفاش واش هيتقلق ولا لا لمهم عندي هو يبقاو حدود بيني وبينك باش مانضررش انا ،لقمان الى كان باغيك نتي ومك هو لهيجي يقلب عليك ماشي نتي

هدى:(وقفات) لميساج ديالك وصلني وفهمتو ،انا جيت عندك زعما حيث فدوك ايام لكنت فالقصر بنتي لي بنت ضريفة ومتفهمة وقلت هتعاونيني

فدوى:نعاونك فحالة وحدة ملي لقمان يكون هو باغي يتقرب منك،او داابا سمحيلي حيث هنݣوليك بلي خاصك تمشي بلا خبار لقمان مايمكنش ليك تجي عندي من راسك ونتمنى تفهميني

هدى:(وقفات)لاا فهمتك اكيد واكلة لهم لردة فعل لقمان ومن حقك كان علي قبل مانجي نعلمك ولا نعلم لقمان سمحيلي

فدوى:ماشي مشكل ،ملي تصلحي امورك مع لقمان ديك ساعة مرحبا بيك

خرجات هدى وفدوى جلسات طالع ليها دم تفكرات مها هزات تيليفون كتعيط ليها

فدوى:الوو رقية

رقية:(صوتها كيترعد) الوو بنتي كيفدايرة لبااس

فدوى:لباس لباس حداك صداع واش نتي خارجة من دار

رقية:ااه خارجة

فدوى:ونتي اشش خرجك يااك كلشي عندك فدار ولا عوتاني كتقلبي على هداك لمريض ديال ولد زروال يخطفك

رقية:شوفي انااا هنقطع ،زربانة عندي مايدارر

قطعات رقية وكملات طريقها لابسة لبيض وكتبان  خايفة وقفاات حدا واحد طوموبيل بيضة وهو يحل ليها شيفور لباب وطلعات

رقية:نتااا علاش طلبتي تشووفني شنوو باغي

الحاج:(مبتاسم)جييت باش نعزيك فموت راجلك ونسولك على واش محتاجة شي حاجة

رقية:(مكاتشوفش فيه)عزاك خليه عندك اعبد سلام،وانا الى حتاجيت شي حاجة مهانجيش نطلبها منك يعني بلاما تصدع راسك

الحاج:كلامك ولا كيف العافية ماكنتيش هاكا ارقية

رقية؛زمان كيبدل وكنضن بلي عادي لداز فوق راسي ماساهلش

الحاج:زروال مات ،انا خديت ليك حقك منو