🦋جعلوني زوجة له 🦋 (مكتملة )

part135

💎جعلوني زوجة له💎
جزء 135
رقية دم مخطوووف من وجهها وفمها كيترعد بالخلعة...... شريط حياتها كامل داااز قبالتهاا ليلة دخلة زرواال عليها لدازت كلها جحيم واغتصااب ودمايات.... وكاع الليالي ديال زروال لفاش ماكانتش كتبغي طيع كلامو ولا تخضع ليه كتكمل معاه بالعصى والضرب...... زروااال عينو عليها و كيلوي مسطاجو بيدووو وشوفاتو ليها فيها ابتزاز  والخبث
زروال:( طلق ضحكة عالية تسمع صداها فالسما) مرحبااااا مرحبااااااا بمراتي العزيزة
رقية(كترجف) ز.. ز.... ز زروااااااال
زروال:ااااااه زرواااال  الالا رقية زرواال(وقف قبالتها) لهربتي منوو شحاال هادي، زروااال لخليتي سيرتو على لساان ليسوى ولمايسوااش (خنزر فيها) بغييت غيير نعرف شنو كاان خااصك لطلبتيها كتحضر لييك كنتي امييرة وسط القصر ديالي
رقية:(وقفات كترعد ودموعها شلال)قلتي امييرة واش كضحك عليا هاد هضرة قولها لشي حد غيري ماعارفكش ، قوليا شنو هي الحيااة معااااااك وااش نسيتي تعدو دياالك عليا ولا نفكرك(كتشير بيديها وتغوت) نسيتي مراتك كانت كتسلط عليا بنهاار وتجيي عندي تكمل عليا نتا بليل شنووووو نفكرك بكل ليلة لكنتي كتغتصبني باسم انك كتبغيني وخاصني نكون ملكك
زروال:اااااااه بغيييتك  ارقية بغيييتك
رقية:كيفاش كان عندك هاد الحب عمري فحيااتي حسيت معاك اني انسانة كنتي متملكني مانكرش عطيتيني مادة وانا مكنتش محتاجة هادشيي حيث كنت مكهومة وراك عارفني بنت من، انا كنت بغيت ليحن عليا وماكنتيش نتا هو هاد الشخص لانا كنقلب علييه
خطا لعندها بخطوة وشدها من الفك ديالها مزير عليها
زروال:تحل لييك الفمم ووليتي تهضريي نسيتي كيفاش كنتي كتمنعيني  وماتخلينيش ناخد حقي منك
رقية:كنت كنمنعك،حيت نتا حيواااان
زروال جمع معاها بتصرفيقة حتى طاحت الارض
زروال:انا غادي ندمك هنوريك حيوان ديال بصح كيفااش كيكووون لا نتي لا عائلتك مهاتبقاوش تشوفو مزاال نهاار البيض وبنتي لخبيتها علياااا هندفعك الثمن غاالي علييهااا خبيتيها عليااا بااش مانلقاهاش ولكن غير صبري و هتشووفي
رقية شدات لييه رجلييه
رقيىدة:ولادي لاا الاا ولااديي لاا(كتبوس ليه رجليه) زرواال انا مستعدة نبقى عبدة حيااتي كااااملة تحت رجليك هى هئ  ولادي وجعفر الااا متاديهمش وخلي عليك فدوى فتيسااع اهئ اهئ
زروال هبط لمستواها
زروال:كتبغيييه خاايفة علييه مزياااان هادشي هههههههه هنوريييك(غوووت) فييييييينكم ديوها حطوها فلاكاب لتحت
خرج زرواال ورقية من وراه كتغوت وطلب فييه حتى شدووها الرجال ديالو ربطوها وسدو ليها فمهاااا..... اما زرواال حس براسو حقق شي انجاز عظيم رقية لكان باغيها شدها واخيرا غادي يبرد دمو فيها .......
خرج لجردة كيشم فلهوا وهي توقف قدامو جيوفانا مربعة يديها
زروال:(عقد غوباشتو) مالنا اش كااين
جيوفانا: (مخسرة سيفتها)جبتييهاا ياااااك
زروال:(ضرب فيها وزاد)رجعنا تاني لياماتنا
جيوفانا:(تبعااتو)علاش جايبها كون قتلتيهاا حسن ولا اااااه(طلقات ضحكة) توحشتيها هههههه ماقديتيش تصبر ياااااك
زرواال :(وهو غادي) دايرة عليا العساس بقاي تابعاني
جيوفانا:اكيييد فموضوع ديال رقية ماكيخفى عليا والو(قطعات طريقو) كون كنت عارفاك غادي ترجعها ماكنتش نوريها لييك ولا نقوليك فدوى بنتك كون قتلتها
زروال:ربي خدا مني بنت وعوضني باخرى هداكشي علاش ماغاديش نفلتها ونتي وياااك تحاولي دخلي فهاد الموضووع ولا ننورييك وجهي لاخور لبان لي توحشتيه
نرجعو عند لقمان لكان واقف على فدوى ورجاء باغي يفهم شنو واقع بيناتهم
لقماااان:(واقف كيشوووف فيييهم)وااقلة راني سولت اش واقع هناااا
فدوى:(كتهدد رجاء بعينيها)تقولي تتي اش واقع ولا نقول انا
رجاء عينيها عامرين دمووع كترجاا فدوى ولقمان كيشوف فييهم بششك  وعلى اعصاابو حيت حس بشي حاجة كاينة
لقمان(غوت) طلقونا خلااص غنباتو هناا
فدوى:غادي نقووليك انا
رجاء:(كترجا فدوى ودموع نزلو شلال)فدوى
لقمان:(خنزر فرجاء وشااف ففدوى) شووفي لكااين قوليه وويااك تكدبي حيث ديك ساعة ماتلومي غير رااسك
فدوى:عقلتي فاش كنتي فالحبس
لقمان:اااه عقلت كملي
رجاء:فكري عفاااك فنتائج كنترجاااااك افدوى
فدوى:(مدتهاااش فيهاا)ايوا اناا داااااك نهاااار تلاقيت زهرة يااااك
لقمان (كيحك لحيتو)مالهااا
فدوى:اوا هي قالت لي اسيدي بلي شحاال هادي قبل مات
مزالين كيهضروو  مسعووود بدا كيكح بجهد ويترعد وجهو ولا حمر حتى غييب
رجاء(كتغووت) مسعووووووود مسعوووود مسعوووود اووويلي مسعوود ماالك، لقمان ديريشي حااااااجة
فدوى:(كتقلبو)هادي ازمة قلبية مافيهااش
لقمان: ( كيهضر فتيليفون)فييينكم خااااصنا هنا اسعاااف
رجاء:صااافي اهئ اهئ هادشي لبغيتي اهئ اهئ مسعوود
لكبيرة:(وقفات عليهم )مااالكم اش وااقع
رجاء:مسعوود جااتو ازمة هئ هئ
لكبيرة:شنوووووو(جلساات حدااه) خويااااااا 
دازت 15 الدقيقة بالحساب ولقمان متكي على الحيط كيشوف وخا مكيبينش الا هو مخلووع بحالهم ويمكن كثر وفدوى كتمشي وتجي حدااه وتشد فكرشها وهو مقاابل معاها حاضيها شكدير وتصرفااتها وهي عقلها طاااير....... دخلو صحاب اسعاااف هزو مسعوود  وتبعااتو رجاء ولكبيرة ولقمان تاااهو وفدوى من وراهم لنتابه ليها لقمان وهو يحبسهااا
لقمان :فين غادة نتي
فدوى:هنمشي معاااكم
لقمان:امعندك فين تمشي تكمشي تانجيي
فدوى:ولكن رااااه
لقمان:(تما خاااارج)مانعاودش الهضرة
رجعات فدوى كتخبط فالارض وتشتف وطلعات البيت وسداات الباب وجبداات تيليفون عيطااات الزهرة لغير شافت نمرتهااا جاوباات فلبلاصة
زهرة:( بلهفة)فدوى قولي لي لقمااان لابااس اش وااقع
فدوى (من بعد ماخدات نفس عمييق)زهرة انا ثاايقة فكل كلمة قولتيهااا ولا جيتيني الصراحة غاديي نعاونك حتى يسمح ليك لقمان اش قلتي مستعدة ندير كل ما فجهدي
زهرة:(دموعهاا سبقوها)اهئ اهئ اااااااااه يا فدوى ااااااااااه انت شنووو درتي دابا اهئ اهئ فرحتي قلب ام ممشوي هدي 30 عام على والدها
فدوى: شوفي تهدني وبلا ماتسبقي لفرح بليلة ،انا ماعنديش معاك وراك علاش ولكن هندير لقاليا ضميري ولهنرتاح فيه
زهرة:شكرا بزاف
فدوى:انا كنت لقيت شي حاجة لهتبت برائتك قدام لقمان ولكن ........
زهرة:اححح على رجاء انا لكتعرفها لفعة تحت التبن هاديك
فدوى:وانااااا غادي نحطها بوجههااا قداااااامك وَقداام لقمااااان وغتشووفي غنفرش هدشي كولو ديااالهم ونشوفو مدام رجاء اش غدير ديك ساعات
كانت رقية جالسة فواحد لبيت فلكاب فوق واحد لكرسي مامربوطة ماوالو مرة تبكي مرة تسكت مرة تفكر ولادها ليقدر يآديهم زروال كل مرة واش كدير فجأة حتى تحل عليها لباب وتمات داخلة جيوفانا
جيوفانا:(جاية لجهتها) 25 عاام واخييرا رجعنا تلااقينا
رقية؛(مسحات دموعها)جيوفانا (وقفات)
جيوفانا:(طلعاتها وهبطاتها)اش هاد الحالة وليتي فيها ارقية ،كنت كنضن بلي من بعدما هربتي من زروال هتحسن حالتك وهتولي مرا اخرى ساعة خيبتي ضني فيك ووليتي هاكا زينك دبل وستيل ديال لبسك تغير وحتى طريقة كلامك كنضن تبدلات وليتي فحال دوك لعيالات ديال زناقي شعبيين
رقية:اييه زيني دبل وستيل ديال لبس ديالي تبدل وحتى من طريقة كلامي تبدلات ولكن تيقيني انا داابا هاكا فرحانة حسن من كيف كنت قبل
جيوفانا:لاا وااضحة عليك الفرحة
رقية:عشت احسن سنين حياتي ربيت ولادي وانا ضاحكة وناشطة تعلمت نفرح على ابسط لحوايج ايوا ونتي شنوو كنتي كديري فهاد سنين واش كنتي فرحانة لا ،تسنيتي زروال حتى خرج من الحبس وعشتي فخوف من أن دوك المافيات لداخل فيهم زروال يآديو ولادك وآخير حاجة كنضن جابت  ليك تمام هي موت ولدك صغير وكنضن بلي حتى بنتك صغيرة تبعاتو مافهمتش انا وحدة واقعين معاها كاع هاد المشاكل مزال باقا عندها القدرة تجي تواجه مع ضرتها القديمة وتستهزء بوضعها وبلبسها وبزينها لمشا
جيوفانا:باقي لسانك ماضي ارقية ولكن قريب غادي يحفى ليك ملي زروال هيفسخ جلدك على عضمك
رقية:(بتاسمات)متأكدة هيفسخ جسمي على عضمي حيث انا على حساب ماشفت صباح فعينيه هو باقي كيبغيني كيف قبل وكثر
جيوفانا:قليلة لحياا (بغاات تصرفقها)
رقية؛(شدات ليها يديها)ملي كنت صغيرة طرشتيني بزاف وداابا انا مستحيل نخليك تعاوديها
جيوفانا:(جرات يديها)وااااخا الالا هااني هنوريك شكون هي جيوفانا (خرجات)
#فلكلينيك
لقمان:سلييم
سليم:نعاام
لقمان:ديك مك وعمتي القصر
لكبيرة:لااا غير خليينا ،نخاف نمشي لقصر وتوقع شي حاجة
سليم:مهايوقع والو،ها لقمان هيبقى هنا
لكبيرة:وااخا رجاء وااش هتمشي
رجاء:(عينيها حمرين)ماعرفتش هئ هئ لقماان ولدي بااك هيبرا ياك هئ هئ الى وقعات ليه شي حاجة انا راه هنموت فيها
لقمان:مهايوقع والو،سليم يالاه ديهم
خرجو من لكلينيك سليم ولكبيرة ورقية وبقا لقمان بوحدو يالاه جلس فوق لكرسي وهو يتمي جعفر داخل كيجري وقف قدام لقمان
جعفر:سي لقمان
لقمان؛(وقف)جعفر اشش كديير هنا
جعفر:رقية غابرة ملي خرجات فصباح ماجاتش
لقمان:واش قلبتي عليها مزيان
جعفر:قلبت واحد صاحبتها كانت راجعة من سوق وهي تلقى لقفة لكانت هازاها رقية مليوحة انا خايف لا يكون هداك راجل خطفها
لقمان:(كيحك فلحيتو)صاافي فهمت
جعفر:خطفها هداك خاينة يااك عنداك يقتلها
لقمان:شووف نتا تهدن واخا وماتخافش ماغاديش يقدر يقتلها حيث حاجتو فيها
جعفر:داابا انا اش ندير
لقمان:ماادير والو غير سير لدار وتسنى خبار مني
جعفر:صاافي واخا نعول عليك
مشا جعفر ولقمان جبد تيليفون عيط لحاج
لقمان:الحاج لقضية حامضة رقية تخطفات
الحاج:(تصدم)كييفاش تخطفات فيناهوما رجاالك ياك كانو حاضين رقية من بعيد
لقمان:ماعرفتش فين هوما،على اغلب قبل ماتخطف رقية خطفوهم ولا دارو ليهم شي بلان
الحاج:داابا شنوو هندوزو الخطة ثانية ياك
لقمان:اه
الحاج:صوفيا مقابل رقية
لقمان:بلا مانزربو الحاج
الحاج:(كيغوت)كيفااش بلااا مانزربو والى قتل رقية
لقمان:مهايقتلهاش حيث الى قتلها عمرو مهايربح فدوى لكيصحاب ليه دابا بلي هي بنتو
الحاج:وديك صووفيا علاش مخلييها عايشة ملي مهاتستعملهاش فهادشي
لقمان:خليتها باش نلعب بيها لعبة كبيرة،لمهم عندنا دابا هو فدوى زروال غادي يحاول يوصل ليها بأي طريقة وانا خاصني نمنع هادشي
الحاج:لكرة عندك ونتا عرف كيفاش دورها،فراسك مراد رجع
لقمان:فراسي ،تلاقيت معاه سمع الحاج انا عارف معزة مراد عندك كتعتابرو فحالو فحال لينا ولكن انا لا لينا ولا مراد مكايهموني دوي معاهم وقوليهم يبعدو من طريقي قبل مانقتلهم بزوج وراك عارف انا ملي كنقول شي حاجة كنكون ناوي نديرها ليلة لبارح دازت بيخير ولكن مرة اخرى راه مهانعقلش لا عليه ولا عليها (قطع)