🦋جعلوني زوجة له 🦋 (مكتملة )

part152

💎جعلوني زوجة له 💎
جزء 152

يوم_غد_صباحا

صبح صباح فاقت فدوى عريانة جرات عليها ليزار شافت فساعة لقات ل 10

فدوى:وييلي وييلي جااد نسيتو مشات عليه المدرسة

يالاه هتنوض وهو يحل لقمان الباب تما داخل وهاز فيديه بلاطو فيه لفطور قرب من حدا فدوى وحطو وهز وردة حمرة خشاها ليها فشعرها

فدوى:هههه اشش هاادشي

لقمان:هدا لفطور وجدتو لولدي ومراتي نتمنى يعجبك

فدوى:ومااعرفتكش اناا اسي لقمان وراك تمجهدتي

لقمان:ههه فطري وقولي لي هادشي كيف جاك

فدوى:(كتشوف فلفطور) وااهو من المنظر هادشي كيبان لي بنين (هزات بدات كتاكل) امم بنين ديما كنبغي نسولك على منين تعلمتي طياب

لقمان:سنين ديال تزوفير خلاتني نتعلم داكشي لمايطيحش على بالك

فدوى:ااا نسيت جاد تعطل على مدرستو

لقمان:فقت صباح بكري وسيفطتو لمدرستو لمهم انا هنوض نمشي لشركة ووجدي راسك اليوم بليل هنخرجو انا وياك

فدوى:فيين هنمشيو

لقمان:اليخت

فدوى:احح كنت مشهية نمشي ليه

لقمان:امم وجدي راسك نجي نلقاك واجدة ماتخلينيش عوتاني منشور كنتسناك

فدوى:لاا كون هاني،لقمان وااش نقدر نخرج اليوم راسي

لقمان:اه تقدري غير هو ماتعطليش

فدوى:لاا كون هاني

باسها فوق راسها وخرج وفدوى كملات فطورها على خاطرها وناضت دوشات و لبسات سروال جينز زرق ومن لفوق قميجة فشيبي وسبرديلة بيضة تكاودات مع المرايا جمعات شعرها كوط شوفال وحلات الماريو هزات شال وعباية وخرجات من دار طلعات لطوموبيلتها لشحال ماصاكتها

فدوى:واخييرا الحرية

بدات كتصوك طوموبيل غير بشوية عليها ماوقفات حتى لحدا روضة هزات العباية لبساتها ولاحت شال على شعرها ونزلات تمات داخلة كتشوف فناس جايين يزورو حبابهم وكاين لبارك عند القبر كيبكي وكاين لتما بارك كيسعى ،قربات حدا القبر وجلسات اكيد عارفين قبر من هدا قبر ادم
جلسات حداه وغمضات عينيها وهوما ينزلو دموعها ولكن بالخف مسحاتهم وقفو عليها زوج رجال هازين قراعي ديال لما خواو على لقبر لما وقراو عليه ماتيسر من القرآن الكريم ومشاو

فدوى:(حطات يديها على تراب) دازت عام ونص فحال الى غير لبارح كنعقل على كل لحظة دوزتها معاك عارفك كتلومني وكتݣول بلي كون بصح كنت عاقلة على لحظات لدوزت معاك كون جيت زرتك ولكن ضروف دارتها واول ماهاد ضروف زالت ومابقاتش جيت عندك نتا لول انا واخا ماكنتش كنجي عندك كنت فكل نهار كنتفكرك وكندعي معاك برحمة (نزلو دموعها) فموتك تعدبت بزاف وتقهرت وزدت تقهرت ملي عرفت بلي وصيتي لقمان يتزوجني لمتك وبكيت عليك حيث انا صنتك ولكن نتاا لا ولكن من بعد عاد فهمتي علاش درتي هاكا نتاا كنتي عارف وحاس بلي انا مع لقمان هنكون فرحانة ماشي فرحانة فرحانة 100٪ هههه لمهم فرحانة وصافي واخا كانو مشاكل ولكن الحمد لله تحلو ودابا كلشي هيتقاد وانا ولقمان هنعيشو مرتاحين وحاجة اخرة انا حاملة وعندي ولد وانشاءلله غير يتزاد بخير وعلى خير هنسميه ادم باش يطلع كيشبه ليك فطيبة قلبك وفحنانك وفكلشي بغيتو يكون نسخة منك