🦋جعلوني زوجة له 🦋 (مكتملة )

part132

💎جعلوني زوجة له💎
جزء 132

بقا كيشوف فيها زروال ودنيه كيسوطو طلع ليه طونسيو والعروق ديال عينيه بداو كيضربو

زروال:وااش متأكدة

جيوفانا:متأكدة مشيت اليوم لقصر ارسلان بغيت ندوي مع فدوى على قبل بنتنا صوفيا وتما بصدفة شفت رقية هي غير شافتني طاحت سخفات وفدوى بقات كتعيط ليها ماما،وقلت قبل مانقوليك شي حاجة نعرف معلومات على رقية شنو كانت كدير فيين كانت الى آخره سيفطت شيفور ديالي وهو لقاليا بلي فدوى بنت رقية من راجل مامعروفش وفعمرها 24 سنة

زروال:(وقف مصدوم)لااا ماايمكنش

جيوفانا:داابا شنوو هدير فدوى رااها بنتك وفهاد الحالة نتا هتكون مضطر تصالح وتقاد وضعيتك مع لقمان

زروال:شنوو زعما ندير يدي فيديه

جيوفانا:ااه هدير يديك فيديه باش يرجع لينا بنتنا سالمة وباش نحميو عائلتنا

زروال:هااادشي عمرو مهايكون ،وواخا انا نبغي هو مهايبغيش واش ناسية ولدك شنو دار فختو

جيوفانا:تسبب فموت ختو ايوا راه لقمان حتى هو من قبل قتل لي ولدي حمزة يعني هوما دابا متساويين ،فدوى بنتك واجهها وحاول تاكل ليها دماغها باش تقنع راجلها يرجع لينا صوفيا

زروال:(خرج فيها عينيه)الى كاانت بصح بنتي فرااه مهانخليهاش دقيقة وحدة فيد هداك لقمان سمعتي يعني الفكرة ديال تقنعو يرد لينا صوفيا حيديها من باالك

جيوفانا:يااك اسيدي هي انا بنتي صوفيا ماشي مشكل تمووت

زروال؛مهاتموتش ولكن فدوى مهانستاغلهاش على قبل هادشي

جيوفانا:شفتك غير عرفتيها بنتك دغيا تقلبتي انا كنت كنقول ملي هتعرفها بنتك هتخدم هادشي لصالحك ولصالح عائلتنا ماشي هتبدا تخربق

زروال:(غوت)تخربيييق هو لفراسك دااابا،واااش عارفة شنو معنى تكووون هااديك لبنت بنتتي ولااا لااا ،يعني انا دمي ولحمي فيد داك المريض

جيوفانا:(الصمت)

زروال:(شرب لما)هااادشي مانبغي حد يعرفو

جيوفانا:وااش حتى الياس

زروال:اه حتى الياس،يالاه خرجي علي من هنا بغيت نبقى بوحدي

ناضت جيوفانا خرجات وزروال حل شرجم كيشم فلهول بنرفزة

زروال:وااخا الالا رقية والدة لي بنتي وسط دوك دروبة المسخين وكملتيها وجملتيها زوجتيها لهداك لمريض ديال لقمان،هاني هنوريك شكوون هو زروال هتدفعي القديم وجديد (خبط شرجم بجهد)

#فالقصر

تما داخل سليم لقصر دنيا خاوية طلع نيشان لبيتو حل لباب لقاا جنان متكية فوق نااموسية ناعسة وهو يحيد عليها لغطا وجرها