🦋جعلوني زوجة له 🦋 (مكتملة )

part33

💎جعلوني زوجة له 💎
جزء 33
دازت ساعة ديال المكانة دخلو بزوج فنوم عميق لقمان متكي على كرشو وعاطي وجهو الجهة اخرى وفدوى متكية على جنبها، وسط صقيل لكانو فيه وكل وحد فيهم غارق فدوى حركات رجل لفيها لخلخال وطبعا حيت لقمان نوم ديالو خفيف دار جهتها كيشوف لقاها ناعسة.... طلع حاجبو وعلامات استفهام على وجهو وهو كيحقق فلبيت مابان ليه والو رجع نعس حتى دازت تاني مدة تقريبا ديال نص ساعة تقلبات فدوى وهو ينوض تاني كيشوف هنا دخلو شك وناض كيقلب فلبيت بلا ما يدير الحس.
مشا طل فدوش وطواليط وماريو وحتى دريسينغ ماخلا حتى شي بلاصة ماقلبهاش ووالو، حار كيسول منين جا صوت وقف حاط يدو على جنبو و هو عاض على شنافتو كيدور راسو فلبيت حيث متاكد انو سمع صوت شي حاجة كتخرشش فديك اللحظة رجعات فدوى تحركات وتسمع صوت عند رجليها
لقمان:(بصوت خافت)دابا انا هاد روينة كاملة نايض كنقلب ونتي ناعسة لي بلقجاقج
هبط جهتها كيقلب منين جاي صوت من اينا بلاصة واش من يدها و لا من عنقها..... كيوسع عينيه باش يشوف وهي ضربو ريحتها لعاطية منها... ستنشقها مزيان وهو مغمض عينيه ورجع ساط بصوت مرتافع حتى تقلبات فدوى الجهة اخرى وتسمع صوت من جهة رجليهاا.....بعد عليها وهبط  لرجليها كيحيد ليها ليزار غير بشوية حتى عراها من لتحت وخشا يديه زول ليها الخلخال بلاما تحس... شدو بين يديه كيشوف فيه مزيان ومشا خشاه تحت حوايجو ورجع نعس حداها ولكن هاد المرة كان مقابل معاها
اصبحنا واصبح الملك الله🌤️
حلات فدوى عينيها وهي كتكسل وكتحك فعينيها وفنفس لوقت كتفوه بجهد لدرجة صوتها تردد فلبيت كامل..... دارت جنبها بان ليها لقمان كيشوف فيها مخنزر
لقمان:ماتخلي بنادم ينعس لابليل لابنهار
فدوى:(ببراءة) شنو درت ليك
لقمان:(تقلب لجهة اخرى)لاهتبرزطيني متتنعسيش حدايا
فدوى:(هزات كتافها) ونتا لتزوجتي بي نهار لول وشرطتي عليا نعس فبيتك اش هنديرليك
ماجاوبهاش جمع الوقفة وبدا كيتكسل
فدوى:ناس ملي كيغيقيو كيقولو صبااااح نووور
طلع حاجبو فيها ودخل دوش حك فمووو وهي دخلات عليه
لقمان:براا
فدوى:وااش اناا هنبقى نتسناك عام برا راني باغا ندوش
سكت لقمان وهي حلات لباب ديال دوش لكان زاج ديالو ماكيبينش سدات لباب و حيدات حوايجها ودلاتهم ولقمان دار شاف فلحوايج مدلين
لقمان:😏 تبرهييش
خرج لقمان وفدوى كملات دوشها غسلات شعرها وداااتها وخرجات لاوية عليها فوطة.... بان ليهو جالس كيهضر فتيليفون، ماهضراتش معاع حلات الماريو كتقلب على ما تلبس بانت ليها كسوة هابطة على ركبة شوية مزيرة وفلكري وجاية سميطات....  دازت الدريسينغ لبساتها ولبست معاها سبرديلة بيضة ولاحت بوليرو مشبك فلبيض من لفووق ودازت الكوافوز كتنشف شعرها بسوشوار ومرة مرة كتلوح عينيها على لقمان كتشوف فشنو كيدير....فجأة تما جاي جهتها وهي دير راسي مامسوقاش، وصل حداها كيقلب فلمجر وهي تحط سوشوار،وشافت فلقمان لهز مكانتو لبسها وهز ريحة كيرش فيها وحتى هي ماكانتش من لعاكزين هزات ريحتها رش ياما ترش دوشات بيها ،وايلي سي لقمان يتريح وفدوى لا هههه حتى لهادي لا
لقمان:وصاافي راه شمينا ريحة وعرفناها ديالك براكا
فدوى:انا ماقلتش ليك شمها وزيدون الى كنت كنرشها فراه كنرشها لراسي مكانرشهاش ليك
لقمان:(كيقاد فشعرو) شوفي و كااان
^^بلسان فدوى^^
ماجاوبتوش دورت وجهي وهزيت مكانة بغيت نحطها فيدي فجأة وانا نتفكر لخلخال ماسمعتش صوتو... هبطت راسي كنشوف مابانش لي نضت بزربة كنقلب فبلاصتي وكنهز فلخدادي كنقلب مالقيتوش
فدوى:افففف فين مشا دابا شريتو بشهوة
درت كنشوف فيه بغيت نسولو بان لي مامسوقش.... بقيت كنشوف فيه حتى عاق بياوجا جهة ناموسية تبعتو بعيني وهو  يجبد الخلخال من تحت خديتو ولاحو علي
لقمان:مرة جاية لابغيتي تنعسي حيديه راه كيبرزطني بليل
فدوى:وقولها لي من صباح ونتا مخليني كنقلب عليه
ماجاوبنيش تما خارج من بيت وانا لبس لخلخال وتبعتو بزربة كنفرنس، و هو غادي كيتمختر فلمشية وانا من وراه كنلعب بيدي متوترة متعرفتش علاش يمكن حيت ولينا عادي مكيغوتش عليا ولا من لقرار لخديت لمخليني متوترة يمكن زربت شوية ولكن انا صافي عييت من صداع ومشاكيل مابقيتش قادة موت ادم هدني ومشاكل لمن ورا موتو قتلوني ويمكن لله شافيا وسيفط لي لقمان باش نعيش ايام حسن هاد لفرصة لجاتني مهاتعوضش ربي عطاني هاد نعمة مخصنيش نفلتها من بين يدي
الوقت لكانو هابطين كانت اعين موراهم متبعاهم بسعادة
رجاء: شفتي اختي شحال جايين مع بعضياتهم😍
لكبيرة:اه شفتهم
رجاء:زعما هتكون هضرتك معاها نفعات
لكبيرة:وعلاش لماتنفعش اختي راه قنعتها مزيان كيف وصيتيني
لكبيرة:انا ولدي خاصو يعيش حياة طبيعية وفدوى هي املي وحيد فيه خصها تعاونو يخرج من عزلة ديالو ويولي بحالنا بحالو ولدي خاصو يرجع كيف كان وحسن وفدوى هي لهتعاونو وخا غادي تعدب شوية ولكن من بعد غيولي كولشي مزيان
لكبيرة:وزعما هو غيتقبلها
رجاء:وعلاش لمغيتقبلهاش انا غنخلي مسعود يقنعو انا لابد يكون عندي حفيد وريث لينا ونسبنا وبغيتو من لقمان لابد هاد جوج يتقبلو بعضياتهم كزوج وزوجة
وقف عليهم مروان
مروان:شكون هادو علامن كتهضرو
لكبيرة:ونتا اش مشاليك كونتي كتصنط علينا
مروان:لا يلااه وقفت وسمعتكم كتقولو هاد جوج خاصهم
رجاء:(قاطعاتو)نسا اش قلنا ووياااك تخرج هادشي لشي حد هاني كنوصيك
جرات رجاء لكبيرة وخلات مروان موراهم غيؤ كيشوف بغا يتبعهم وهو يصوني ليه نفس الرقم لشوفة فيه كتخليه كولو يترعد
مروان(بخوف)نعم
..... اشنو كاين شي جديد
مروان:مكاين حتى شي حاجة مهمة ولقمان اغلب خدمتو كتكون برا القصر شوف اخويا انا ماعندي باش نفيدك والله غاطير عفيني من هادشي
..... حتى تفاصيل التافهة وبسيطة بغيت نعرفها ماشي غير خدمة
مروان:(تنهد) وخا لقمان تزوج بمرات خوه لمات بسرطان حيت وصاه يتزوج بيها ولبارح صاحبها لقديم  جااا لعندها بغات تهرب معاه وشدو لقمان عطبو ودارليه عاهة مستديمة
...... قلتيلي مرتو باغية تهرب هادشي مزيااااان هدي خباار زويينة كتفرح
مروان:هادشي ليكاين
..... متاصلش نتا حتى نعيط انا
مروان:بسعدات عليا
قطع عليه وهبط لتحت فين كانت العائلة مجموعة وكتفطر
جنان:اليوم هتحضرو يااك(شافت فسوسن)حتى نتي الوستي هتكوني
سوسن:شي حاجة كتخص سمعة ديال عائلتي بلاما تحتاجي ضروري نراقبها ونعرف اش واقع
قلبات وجهنا جهة فدوى لكانت خاشية وجهعا فطبسيل
جنان(باستهزاء) وانت امرات لوسي العزيز(شافت فلقمان لقاتو ممسوقش) غادي تجي ياكي
هزيت راسي كنشوف فلقمان ورجعت كنشوف فيها
جنان:هيييه متقوليش لي ماخلاكش😱
جيهان:علاش اخويا مخليتيهاش راه كولنا غادين ماشي حشومة فدوى تبقى بوحدها خايبة حتى لتعاويدة
لكبيرة:اه فدوى خاصها تحضر ضروري
لقمان(هز راسو) صافي هاهي غتمشي معاكم ولاكين بشرط(شاف فجيهان) متفرقيش عليها وبلا داك لعب دلبراهش
جيهان:(نغزات فدوى) كون هاني غنديرها فعويناتي اخويا لعزيز
كمل كولشي فطورو وطلعت انا وجيهان كنتجاراو اش غلبسو بزوج..... نهار كامل وحنا كنختارو اش غلبسو ونوجدو اش غدي نديرو وعاطينها المصكات ودهين  محسيتش بالوقت معاها حتى طاح الضلام
جيهان:صافي انا واجدة
فدوى:وحتى انا
لبسات هي كسوة نصها فوقاني حمر والتحت بيض ولاصقة عليها بينات فورمتها واعرة وبأخص صدرها من فوق حيت جاية صميطات اما انا لبست كسوة بيضة لاصقة عليا ومحلولة جيهت الصدر وكتفيت بسنسلة رقيقة فوق عنقي مع مكياج خفيف وطلقت شعري يلاه انخرجو وهو يتحل لباب كان لقمان لغير شافني بدا كيخنزر فيا وكيدير فيا شي شوفات فشكل.... جيهان غير شافتو هكاك هربات وخلاتني انا كنبحلق فيه مافهمت والو فيه غير كيخنزر وتم جاي عندي كيطرطق فعنقو
لقمان:واش سحابليك مزوجة بنعجة
فدوى:شنووو🙄
لقمان:اش هادشي
فدوى:مالو لبس اش غيكون
لقمان:(غوت)تا هد نص ميترو لبس واش يسحابليك مزوجة بديوتي الاصل دمك
فدوى:ومالك راه مستور لاش كتغوت دابا من امتى كتحكم فلبسي يلاه بنتليك
لقمان :دابا هادشي لبس(جرها من لكسوى جهة صدرها) هاد صدر لمن معرياه اه توريه لشمايت تكولهم شوفو راجلي محكمنيش ديوتي لمك انا ياك
فدوى:لا راه غير
لقمان:غتزيدي كلمة وحدة غتريحي حدايا مكاين خروج راه وخا فارقين لفراش متنسايش راك مرتي وعلى رقبتي
ماجوبتوش مشيت كنشتف نشوف ملبس كسوة عاجباني لبستها بلفرحة ونكدها عليا
فدوى:(تحت سناني) خرا عاود ديما منكدها عليا😤
لقمان(متكي فوق نموسية) لا واقلة كتقلبي عليا نجي نهرسليك داك الفم
جبدت اش خنلبس ومشيت الداخل كنبدل وندب علي زهري... لبست كوستيم فلاورونج بسروال طاي اوط مع دوني بيض وسبادري بيضة اما شعري جمعتو كوط شوفال بلفقصة وخرجت كنشوف فيه بنص عين وهو كذالك مكلمنيش وماقال تا شيحاجة