🦋جعلوني زوجة له 🦋 (مكتملة )

part45

💎جعلوني زوجة له💎
جزء45
خرج مسعود من عند لمحامي وتاجه نيشان الشركة ديال لقمان وقبل مايدخل وقف كيشوف فيها من برا..... طلق تنهيدة كبيرة عبر فيها على حزن ديالو ودخل طبعا حيت كولشي كيعرف مسعود بابات لقمان حتارموه وبلاما يسول جات عندو  سكرتيرة ديال لقمان مبتاسمة ووصلاتو المكتب عندو.... كان لقمان هو وواحد من الموضفين كيناقشو شي وراق حتى تحل الباب ودخل مسعود..... حط لقمان الوراق ورجع بلكرسي لور مربع يديه وعاقد غوباشتو... فهم لموضف راسو وخرج وسد الباب
مسعود:تبارك الله ولدي لغير لبارح كنت كنعلمو يزيد كبر ودار شركة قدها قداش
لقمان:نعم شنو جابك
مسعود:هكا ناس كيرحبو بواليديهم
لقمان:اش كاين
مسعود(جلس فوق الكرسي) بغيت نهضر معاك فواحد لموضوع كيخص ادم الله يرحمو ومرتك فدوى
لقمان:(تقاد فلجلسة) مالهم
مسعود:(شاف فيه بحزن)قبل ماندويو بغيت نعتاذر منك على صباح لحظة غضب و نتا راك عارف معزتك وعارف راسك مقطر من عيني ولكن يدي تمدات عليك وخا عمرها تحطات عليك
لقمان:ندويو فلمفيد
مسعود:احمم وخا
لقمان:كنسمعك
مسعود:نتا عارف شنو دارت سوسن مع فدوى ولقضية ديال العقد، انا مشيت عند المحامي باش نحل الوضع
لقمان:اهاه
مسعود(حط ليه الوراق) مكتوب فالوصية بلي ادم كتب جميع ممتلكاتو لفدوى ومعندنا حتى نصيب منها وزيد فدوى معندهاش الحق تبيع ولا تشري شي حاجة بلا امضاء ديالك وحتى لفلوس اقصى حاجة تخرجها هي 10دلمليون ولا بغات كثر خاصها  الموافقة ديالك
لقمان:احسن حاجة دار
مسعود:ودابا وصلت ليك الامانة
ناض مسعود بغت يمشي
لقمان:شكراا
مسعود(تنهد وبصوت منغنغ قال) شحاااااال ماسمعت هاد الكلمة
لقمان كيحاول ميشوشفش فيه ومتلف راسو فلوراق
دار  مسعود والفرحة فعينيه مامثيقش وتما  خارج من عندو ودموع الفرحة فعينيه..... الاب شحال ماقصاح معانا كتبقي محنتو كبيرة علينا حيت الواليدين عمرهم مكيحقدو وديما فاش كنغلطو كيتسناونا بقلب صافي ومفتوح نرجعو ليهم

نرجعو لعند فدوى لبلسانها هتروي لينا
تلهيت مع خدامة  كنوريهم كل حاجة فين نحطوها وقفت علي كولشي بيدي ..... داز نهار  وانا فتستاف وجميع حتى سالينا ديكور ديال دار عجبني باخص انه فلكري ولكحل كامل ستفتو على دَوقي حيت هاد لون كلاس وكيعجبني بزاف السفلي كان عبارة على صالة كبيرة نص درت فيه فوطويات مقابلين مع بعضهم وتلفازة كبيرة فالحيط وطلبة ديال زاج فالوسط ونص لاخور صالة مونجي ديال الزاج وكبيرة وحتى كوزينة ستفتها كل حاجة فبلاصتها اما بيت نعاس زدت فيه واحد فيترينا ديال الكتوبة وفوطوي صغير ديال جلد وبدلت كوفرلي بواحد كري باش يجي متناصق  وقادينا الاكسسوارات الدوش من بعد مسالاو مساكن جبت ليهم ماكلة كالو وخرجو وبقيت انا كنشوف فلفيلا عجباتني صراحة ديال الله وتا ديكور بسيط قاديت فيها كولشي بقات غير التقدية وبرودويات ديال دوش.... ضربت فلمكانة بانتلي 6 ديال العشية طلعت البيت بدلت علي ولبست جلابة ديالي وهزيت ديك فلوس فصاك بانتلي قليلة تكون ديك 2000 درهم وخرجت هزيت طونوبيل وتبعوني جوج فطونوبيل اخرى..... وصلت المرجان تقديت كاع خضرة لخاصني ولحم وذجاج وحوت كلشي تقديتو وكاع لوازم لخاصني الدوش تقديتهم انا غير كنعزل ودوك جوج جارين دكشي تالقيت راسي عمرت جوج سالالي  وزوينة هي فاش جيت نخلص لقيت راسي مقدية جوج دلمليون... وقفت كندور فعيني فاش مداتلي ديك الورقة وبالي واحد من دوك جوج مد ليها كارط بونكير
شديت السلة وخرجت لقيت تقضية كتستف عندهم ديماريت وهوما تبعوني من لور  لدااار......خليتهم كيدخلو دكشي وطلعت انا ستسفت برودويات ديال دوش وتحمحمت ولبست سوميج دونوي فاسود ودرت حد ركية وبينوار وجمع شعري كعكة وهبطت كنستف فالخضرة وطيبت ليباط بيما طابو تم داخل لقمان كيبركك فدار
فدوى:(مبتاسمة) كيف جيتك
حط سوارت والوراق فصالة مونجي ودخال الكوزينة كيشوف فيها
لقمان؛(مبتاسم) ماعندي مانتسالك فنهار واحد فرشتي قاديتي كولشي وتقديتي من لفوق
فدوى:مزال ماشفتي والو اصلا مزال مكملت مزال خاصني ديكورات وبزاف كل مرة نخرج نشري شوية مهم تعشيتي
لقمان:راني عارف اش موجدة انطلاع نبدل ونجي نتعشى
فدوى:اك
طلع لقمان البيت كيشوف فيه مندهش وهو يضحك عجبو لحال منين شاف الحداكة ديال فدوى وكيف قامت بدار فنهار واحد.... دخل دوش وهبط عندها لابس شورط واسع فلكحل ودوني فلكري وكلاكيطة دنايك فرجليه.... هبط مع دروج بان ليه ضوء خافت مشعول فلفيلا..... جلس وبدات فدوى كتمشي وتجي عليه كتحط العشى وهو حاضيلها فبزازلة وترمتها كتهز اما هي عايقة بيه عاجبها الحال.....جلسات وهو ينطق لقمان
لقمان:اليوم شفت الوصية ديال ادم
فدوى:(كتاكل) مزيان
لقمان:راه خلا ليك كاع املاكو فسميتك
فدوى(خرجو عينيها) كيفاش ولكن راه سوسن
لقمان(قاطعها) هو كتب هداكشي قبال مايموت كولشي فسميتك هادشي علاش العقد دسوسن ماعندو تاهمية حيت فاصل مبقاليه والو كولشي رجع فسميتك
فدوي:صدمتيني
لقمان:نزيد نسد ليك شهية فوق ماوليتي مليونيرة نبشرك مهاتبيعي ولا تشري ولا تخرجي فلوس زايدة الا بامضاء ديال الموافقة ديالي وحد اقصى ديال لفلوس لتقدري تخرجي 10 دلمليون فشهر
فدوى:كح كح كح واش نتا تابعني فينما مشيت
لقمان:(بستهزاء) كولي بصحتك وراحتك
فدوى:(من تحت سنانها) على زهر تفو
لقمان:اصلا لوصية ولا بلا وصية كنتي هتاخدي حقك وكنتي مهاتخرجي حتى حاجة إلا بشواري