🦋جعلوني زوجة له 🦋 (مكتملة )

part49

💎جعلوني دوجة له💎
جزء 49
يوم_غد_صباحا 🌞🌞
كانت فدوى ناعسة عريانة فاقت على صداع ديال لقمان حلات عينيها وهي تشوف فلقمان واقف كيلبس فلخواتم
فدوى:صبااح الخير
لقمان:اناا هنمشي لخدمة
فدوى:بلااتي ندير لييك لفطوور
لقمان:لااا بلاش
فدوى:درتي فيي خير ماافي لينوض (دارت مخدة على راسها)
لقمان:انا لدرت خير فرااسي طياابك ولا بلاش
فدوى:الى ماعجبكش طيابي جيب لي خدامة

ماجاوبهاش لقمان خرج من دار طلع لطوموبيل وهز تيليفون
لقمان:لحااج لبارح ضال معيط لي (عيط ليه)الوو لحاج
لحاج:فيينك
لقمان:ياالاه خرجت من داار
لحاج:داابا جي لعندي
لقمان:وااخا
قطع لقمان وعفطة وحدة حتى لعند لحاج دخل لقاه جالس هو ولينا قالبين وجههم
لقمان:سلام
لحاج:وعلييكم سلاام
لقمان:قلتي لي جي هانني جيت شنوو واقع
لحاج:لبارح لكاميو ديال لحشيش وصل نتاا فين كنتي
لقمان:كنت فداري كنرتاح وراني وصيت لبيرو على سلعة لهتوصل
لحاج:اهمم وواش عارف بلي غدا هداك لحشيش هيمشي فلباطو وخاصك نتاا توقف على شغلك بيديك باش مايوقعوش لمشاكيل
لقمان:اناا وااقف على شغلي
لحاج:(غوت)ماااوااقفش (وقف)هااد لقماان لقداامي مااشي هو لقمان لكنعرف ،لقمان لكنعرف مكايغمض عينيه حتى كيغيز شغل ويكملو
لقمان:لحااج ا
لحاج:(قاطعو)ماااكااين لا لحااج لاا زمر لبارح ضليت نصووني ليك وبت نصوني عليك وماجاوبتينيش علااش حييث كنت عايش رومانسية مع مراتك لخرجات لينا من جنب
لقمان:اااه قول نتا لينا عاودات ليك شنوو وقع
لحاج:ااااه عاوداات لي ،خساارة ولله حتى خسارة على قبل وحدة عرفتيها ولبارح كسرتي خاطر لينا
لقمان:هااديك لعرفتهاا ولبارح رااها مراتي ومهاانسمح لييك لانتااا لا بنتك لمربيها
لحاج:شفتك كترفع علي صوتك
لقمان:اااه كنرفعوو حيث نتا وهاادي لحداك تجااوزتو حدكم معايا،مؤخرا ولييتي كتصرف معايا فحال الى خدام عندك ماتنساش اناا راني شريكك وكيفماا انا مكانتحاسبش معاك على داخلة ولخرجة حتى نتا ماتحاسبش معايا (شاف فلينا)ونتي عرفتك مزياان اش كتسوااي كنت كنصحابك بنت بعقلك عارفة شنو باغا وشنو لا ساعة صدقتي وحدة سادجة من اليوم لبيني وبينك لخدمة وهنا حبسنا هداكشي لكان بيناتنا نسااايه (ضرب فييهم وخرج)
لحاج:(كيغوت)رجججع لهنااا رجععع
لينا:بلا ماتبقى تغوت الحاج راه مشا ،شفتي شنو قلتليك راها بدات كتبدلو لقمان عمرو مارفع صوتو عليك ولكن ليوم رفعو
لحاج:هاد مراتو منين خرجااات ليناا منين
لينا:خااص نتفكوو منها الحاج
لحاج:كيفاش نتفكوو منها
لينا:نقتلووها باش لقمان يرجع لينا ويحط عقلو فراسو
لحاج:هاادي عندك؛خاص نتهناو منها وانسب وقت غدا،لقمان هيكون غدا فلبوور واقف على لحشيش فليل وحنا هنسيفطو شي حد يصفيها ليها وهاكا هنتهناو

#عند_زروال
كان زروال جالس كيشوف فشي تصاور قدام وكيتنهد شوية قرب حداه الياس وهو يضركهم
الياس:لواليد
زروال:نعاام
الياس:عندي لييك شي خباار
زروال:شنوو
الياس:فلول تحكم فاعصابك
زروال:هي خباار خاايبة
الياس:ااه ،سيزار لكليان اسباني لكنتعاملو معاه
زروال:ماالو
الياس:هاد شهر ماطلبش منا لحشيش
زروال:هيطلبو شهر جاااي
الياس:مانضنش حيث مشا شراه من عند لقمان
زروال:(نقز من بلاصتو)😨😨😨 شنووو.
الياس:كيفماا سمعتي لقمان نزل لحشيش لنص ثمن باش حنا كنبيعوه وسيزار مشا شرا من عندو حيث رخيص وسمعت بلي هادشي دار عند ناس لفاوروبا وكلهم دابا بااغين يشريو من عندو
زروال:(شنق عليه)ملي هاادشي كاامل وااقع نتاا فين كنتي اقلييل نفع
الياس:انا راه يالاه سقت لخبارر
زروال:(دفعوو)ماافييك فاايدة ماافيك فايدة (تما غاادي جاي)انا زروااال حفييت سناني فلبيع وشرا ديال لحشيش يجي برهووش ديال لخلااا يزاحمني فسوق
الياس:غدا فليل هيسيفط لحشيش لسيزار
زروال:قلتي غداا
الياس:ااه
زروال:مزيااان انا غدااا غادي ننهي ليه لبيعة وشرية قبل كاع مااتبدا دوي مع صحابنا فلبوليس خبرهم بلي غدا فليل لقمان هيهرب لحشيش فلباطوات ديالو و هوما هيتكلفو بيه
#فالعشية
بلسان فدوى
كنت جالسة فدار ماعلي مابي كنفكر فحب قلبي وفلوقع لبارح حتى سمعت صونيط فلباب نضت حليت وانا نلقى رجاء وعمتي لكبيرة
لكبيرة:شنووو واش هتخلينا واقفين فلباب
فدوى:لااا لاا دخلوو مرحباا بيكم
سلمو علي ودخلو هازين فيديهم طباسل اناا مافهمت واالو
رجاء:هادوو شي شهيوات خليت لبنات فالقصر يوجدوهم
فدوى:شكرا ،ولكن ماكان لاش تعذبي راسك
رجاء:عذاابك راحة
لكبيرة:تباركلااه داار زوينة وحتى ديكوورها زوين شكوون ختارو واش نتي
فدوى:اه انا، ماتبقاوش واقفين جلسو
جلسو وحطو طباسل فوق طبلة وانا جلست اونفاس معاهم كنشوفيهم
رجاء:دار واخا زوينة صغيرة
فدوى:غيرر كتبان ليك قادانا
لكبيرة:لقماان مااكاينش
فدوى:لاا مشاا بكري لخدمة
رجاء:مزيان،شفناا شنو وقع فالحفلة وخفنا عليك قلنا لقمان هيكون دار ليك شي حاجة ولا اداك
فدوى:(بتاسمات)لااا لاا مادار لي والو
لكبيرة:تباركلاه عينيك كيبريو ومنورة،واضح بلي نتي ولقمان ملي خرجتو من القصر تفاهمتو
فدوى:صراحة اه ولينا عايشين كيف كاع ناس
رجاء:علاش مالكم واش فالقصر ماكنتوش عايشين
فدوى:لاا ماقصدتش هادشي انا قصدت بلي من بعدما تحولنا لهنا ولينا عايشين فحال كاع ناس لمزوجين
رجاء:ااه ايوا لله يسهل عليكم
فدوى:اللهم امين
لكبيرة:حناا جينا اليوم نشووفوك وندويو معاك على لوضع ديال لقمان مع لعائلة نتي وياه دابا صافي راكم ولييتو واحد دوي معاه ابنتي يحنن قلبوو على والديه وعائلتو ويرجع وسطهم
فدوى:اشش هنقوليك لقمان نتووما عارفينو راسو قاصح ومكانضنش هيسمع مني
رجاء:غيير حاولي معاه عفاك؛نتي دابا هي اكثر وحدة قريبة ليه يقدر يسمع منك
فدوى:وااخا هنحاول ؛انا هنوض نعمر اتاي
لكبيرة:وااخا ابنتي
نضت مشيت لكوزينة كنعمر اتاي وكنشوفيهم صراحة انا مابقيتش مزال بااغا نرجع القصر تما كاين غير صداع والمشاكل وتنافيق ها جنان ها سوسن اففف اافف يالاه قلت تهنيت جاو عندي ،ولكن واخا هكاك انا ماشي بنت لحرام باغا لقمان يتصالح مع عائلتو ولكن كل واحد يبقى ساكن بوحدو بلا جميع فداك لقصر لمنحوس،حطيت ليهم اتاي شربوه وجلسو شوية وناضو مشاو وانا بقيت بوحدي دوزت نهار حتى وصل ليل وجدت لعشا وجلست كنتسنى فلقمان وصلات 12 ماجاش ل 1 باقي وانا نوض صونيت عليه من بعد مدة عاد جاوب
لقمان:وي
فدوى:فيينك راني كنتسناك
لقمان:مهانجيش هاد ليلة نعسي (قطع)
قطع علي وانا تفقصت وجدت لعشا وكلشي وفاخير ماجايش فين هيبات؟؟معامن هيكون؟؟اش كيدير؟هادو كلهم اسئلة ضروني فراسي فاخير ستغفرت لله وطلعت لبيتي نعس

يوم_غد
تما لقمان داخل لدار باين فيه لعيا وعينيه حمرين ،صونا تيلي وجاوب
لقمان:وي /وااش انا هنبقى نعااود فلهضرة قلت لييك نص لكرااطن ديال لحشيش هيمشيو بليل هي نص
قطع ودار وهو يلقى فدوى واقفة كيف عزرائيل مخرجة فيه عينيه
فدوى:كتبييع وتشري فلحشيش
لقمان:رااسي هيتفركع مامساليش ليك باغي هننعس
فدوى:(قربات حداه)عفااك مرة اخرى جيب لي معااك شي طريفة تكون كتامية فري نتكيف بيها يالاه نقادو لمزاج
لقمان:(جرها دارها تحت دراعو)نتي ماعرفت منين نشدك مكاتقادايش
فدوى:(كتشم فيه)اممم مافيكش ريحة لعيالات فيك غير ريحة لكارو ولحشيش دابا رتاحيت باينة كنتي غير مع رجال
لقمان:😕 كنت كنصحابك بعقلك (حيد يديه عليها)سااعة كتباني لي مكاتكسابيهش ،انا هنطلع ننعس مانسمعش لحس باغي نرتاح
فدوى:وااخا
طلع لقمان لبيتو نعس وفدوى كملات شغال فصقيل

#عند_لينا
كانت لينا واقفة هي ولحاج قدامهم واحد رجل
لينا:هتدخل لدار هتقتلها وملي تخرج وااياك تخلي شي دليل ورااك
رجل:كووني هانية
لحاج:وفحاالة الى ماحصلتي وسولك لقمان على شكون سيفطك اش هتقول ليه
رجل:هنقووليه زروال
لحاج:مزيان،شووف يوقع ليوقع دير فبالك بلي انا هنتهلى فيك وهنهز ليك ولادك حتى اﻷخير عمرهم
رجل:(باس لحاج يديه)لله يكثر من مثالك الحاج
لحاج:يالاه دابا سير
خرح رجل ولحاج دار لعند لينا لقاها كتضحك
لينا:ليلة هنتهناو منها
لحاج:ماتفرحيش بزاف مع لقمان ماتقدريش توقعي شنو يقدر يوقع

فليل ☀☀
كانت 9 ديال ليل لقمان خرح من دار وفدوى سدات لباب ومشات شعلات تلفزة جلسات كتفرج فواحد لفيلم اما لقمان فشد طريق مشا لبور
لقمان:لبيررو كيف غادة لخدمة
لبيرو:كلشي هو هداك اسي لقمان حطينا لكراطن ديال لحشيش مع صنادق ديال ليمون
لقمان:لكراطن مجموعين ياك عندااك نلقى شي كارطونة محلولة من شي قنت
لبيرو:لاا ماتخاافش كلشي هو هداك اسي لقمان
لقمان:مزيان
مشاا لقمان وقف اونفاس مع البحر جبد كارو كيكمي وفنفس لوقت سارح فلبحر كيفكر شوية وهو يصوني تيلي ديالو جاوب
لقمان:ويي الووو
زروال:معااك زروال القمان ارسلان
لقمان:(لاح لكارو)نهاار كبير هذاا ملي تواضعتي وتاصلتي بي عرفتي شحال وانا كنتسنى هاد نهار
زروال:هااهو جا،تاصلت باش نبارك ليك لخدمة جديدة من تجارة فذهب وسلاح لتجارة فلحشيش راك غادي فتقدم
لقمان:رااك عارف حنا رجاء اعمال كنبغيو نوعو فتجارة ديالنا باش الى ماصدقات هادي تصدق هادي
زروال:بصح عندك الحق،غير هو تجارة ديال لحشيش نتا ماشي قدها ومهاتصدقش ليك هنصحك نصيحة بعد عليها وشوف ليك حاجة اخرى
لقمان:شكرا على نصيحة غير هو هاد نصيحة خشيها فكرك حيث ما عندها فاش تفيدني
زروال:هههه واخا نشووفوك من بعد شوية واش هتبقى تقول نفس لكلام و
قبل مايكمل زروال كلامو تسمع صوت طونوبيلات ديال لبوليس دار لقمان يشوف وهي تبان صدمة على وجهو ورجال لمعاه كل واحد فين هرب بقا غير لبيرو
زروال:هههه كنتمنى المفجآة ديالي تكون خفيفة على قلبك(قطع)

#عند_فدوى
كانت فدوى جالسة حتى سمعات لحس
فدوى:(وقفات)شكووون هنا (خافت)
بدات كتقلب فجنابها حسات بشي حد وراها يالاه باغا تغوت وهو يجرها من لور بحبل دورو على عنقها وورك كيقج فيها باغي يقتلها، بدات كتركل وكتضرب بيديها ورجليها ووالو طاحت اﻷرض وهو طاح معاها شافت موس محطوط فوق طبلة كانت كتنقي بيه تفاح مدات يديها بزز هزاتو خشاتو فيه جهة لعنق وغيبات بعدما اﻷكسجين مابقاش فصدرها

#جعلوني_زوجة_له
تصبحون على خير
يالاه البنات شنوو ظهر لييكم فشي لوقع مع لقمان وفدوى وبرأيكم شنو مصيرهم من بعد هاد أحداث