🦋جعلوني زوجة له 🦋 (مكتملة )

part87

💎جعلوني زوجة له💎
جزء 87
تحل باب دوش وتمات خارجة فدوى لاوية عليها فوطة وشعرها فازك
فدوى:(مكاتشوفش فيه)عفااك سد شرجم هيضربني لبرد
ماجاوبهاش لقمان حدو كيشوفيها وعينيه حمرين،هزات فدوى راسها شافت فيه لقاتو كيشوفيها وعينيه حمرين صدرو كيطلع وينزل
فدوى:ماالك اشش كاين
لقمان:(قرب حداها الأعصاب كيحرقو فيه)عااودي لي على كيفاش خطفوك (مورك على يدي)
فدوى:عياانة داابا حتى لمن بعد ونعاود ليك
لقمان:(غوت)عااااودي لي دابا
فدوى:(قفزات)مالك كتغوت،صاافي وااخا هاني هنعاود ليك (قلبها كيضرب بجهد)ملي خرجت من القصر تميت غادة وسط الغابة تلقاو لي رجال هداك خاينة خطفوني من بعد داوني لواحد لبلاصة ربطوني فالأول ومن بعد هزوني لاحوني فشي قبر كانو هيقتلوني ولكن فالآخير هداك خاينة تراجع وجبدني من القبر داني لتاونات
لقمان:هاادشي لكاين واش متأكد
فدوى:ااه هادشي لكااين
لقمان:(كيشوف فعينيها)وااش كتكدبي علي دينمك
فدوى:م م مكاانكدبش هاادشي لكاين
لقمان:(بصوت قوي)ياالاه دويت معاه قاليا بلي خيرك بين ترجعي لعندي ولا تمشي معاه ونتي ختاريتيه هو
فدوى:ش شوف لقمان اناا
لقمان:(غوت)ماااتبقااايش ترعدي علي فالهضرة،هاادشي لقال كاين اه لااا
فدوى:(شداها لبكية)ااه كاين انا
قبل ماتكمل فدوى كلامها جمعها معاها بتسرفيقة وهي تطيح واقفة فوق ناموسية ،وهو دغيا طلع فوقها حط يدو على وجهها مورك عليها فحال الى كيحاول يخنقها
لقمان:(كيغوت على حر جهدو)مشيييتي معااه القح** بخاااطرك،مللي ياابنت لقح** ماشية لتما بخااطرك علاش معيطة لدييينمي علاااش
فدوى:هئ هئ ايييي وجهي،بعد مني
لقمان:فليييت دنيا على قبللك تلت ايام مااشفت نعاس عقلي كوولو كان عندك ونتي شنوو درتي مشيتي لعند هدااك زاامل بخاطرك (بعد يدو على وجهها وقرب وجهو لوجهها)فااش دويييتو نتي وهو اش درتو
فدوى:اش درنا (دموعها نازلين)يااكما تغالطت ليك اسي لقمان مع راسك انا ماشي قح** باش نكون مزوجة بيك ونمشي ندير شي حاجة مع شي حد انا ماتربيتش على هادشي،غيير تهنى وااخا تخوني نتا 600 ألف مرة مستحيل ندير شي حاجة خايبة من ورا ضهرك
لقمان:(جرها من شعرها)لااا غير ديري باش نقتل ديينمك حية
فدوى:(مقصحة)على قبل هادشي هربت منك وعلى قبل هادشي مشيت مع واحد مكانعرفو مكايعرفني ،دنيا بسبابك ولات كحلة فعيني
لقمان:(طلقها)هندمك على هادشي
فدوى:هتندمني رااك ندمتيني شحال هادي ملي تزوجتي بلينا وهي حاملة بولدك شنوو باقي عندك مزال مادير باش تندمني
لقمان:هنوريك شنوو مزال عندي ماندير (وقف)
فدوى:(جلسات)هادشي لوقع نتاا لوصلتيني ليه (كتبكي)نتا سباب خلييتيني بلا عقل ،وليت كندير شي حوايج بلا مانضرب ليهم لحساب سطيتيني وخرجتي لي العقل (وقفات) فينما كنقول صافي هننسى شنوو دار معاايا صاافي ا فدوى عطيه فرصة كترجع تغلط معايا والغلط كيكون كبر من الغلط لقبل منوو (غوتات)قوليااا اناا حتى لامتى هنبقى متحملة هادشي حتى لامتى
لقمان:هاد المرة نتي لغلطتي فحق راسك اذا تحملي ،كنت ناوي نبدا معاك صفحة جديدة معاك كنت باغي نعااملك فحال ناس كنت ناوي نبدل راسي على قبلك ولكن دابا صاافي نساي 
فدوى:ماتخاافش نااسية ،اصلا ماكانش عندي امل تعاملني مزيان ولا تبدل راسك على قبلي حيث عارفة ومتأكدة بلي ناس لفحالك عمرهم مايتبدلو ولا يوليو بنادم
لقمان:هندمك هنخليك تبكي فبلاصة دموع دم
فدوى:دييجا بكيت دم ،غيير سيير ومااتخليش من جهدك
دار لقمان خرج ردخ لباب وفدوى جلسات فوق ناموسية عريانة بعدما لفوطة تحيدات عليها،كلها كترجف وخايفة بزاف من ليقدر يوقع
فدوى:يديير لبغاا يدير مابقااش كيهمني (تفكرات كلام الياس)راحتي هي لولا خاص نفكر بعقلي قبل قلبي ولبغا يوقع يوقع
ناضت فدوى سدات شرجم ديال لبالكو جبدات بيجامة قطنية لبساتها ومشات تخشات فلفراش بغات تنعس ولكن ماقدراتش دموع كينزلو من عينيها بدون شعور