🦋جعلوني زوجة له 🦋 (مكتملة )

part59

💎جعلوني زوجة له💎
جزء 59
نزل لقمان من اليخت طلع فطوموبيلتو وكسيرا ماوقف حتى لقدام سبيطار بن رشد ،سطاسيونا طوموبيل ودخل مشا لجهة 40
لقمان:ختي عفاك واحد لمرا زهرة فين نقدر نلقاها
لفرملية:(حلات فيه فمها)هااا
لقمان:سولتك على واحد لمرا سميتها زهرة
لفرملية:اه مك زهرة نتا لقمان ارسلان (تلفات فلهضرة)هتمشي على ليسر لا لا على ليمن سير طول ودور على ليمن
ماجاوبهاش لقمان كمل طريقو ومشا فين نعتات ليه لفرملية ،وقف قدام واحد لباب دفعو ودخل
كانت زهرة ناعسة ماكايناش هنا وقف قدامها لقمان كيشوفيها وداير يديه ورا ضهرو
لقمان:هيييي هيييي فااتن نوضي
زهرة:😴😴😴
لقمان:(رفع صوتو)لحاااجة نووضي تكعدي راه هداكشي لبغيتي وصلتي ليه
حلات زهرة عينيها وتفزعات
زهرة:😮😮 لقمان ولدي
لقمان:(قرب ليها)ولدك؟؟؟
زهرة:اه ولدي (مدات ليه يديها)توحشتك بزاف مامتيقاش بلي جيتي لعندي
لقمان:(هز حاجبو)لاا غير تيقي،برأيك من بعد شوهة لدرتي لي زعما مانجيش وايلي حتى لهادي لا
زهرة:(الصمت)
لقمان:(قرب حداها)ماقلتيش ولدي لسمحت فيه كيعرف ناس خدام مع ناس هنشوهو معاهم ولكن هادشي لمتوقع من وحدة فحالك
زهرة:(نزلو دموعها)نتاا ماعارف والو نهار هتولي أب هتحس بي
لقمان:عندك 10 دقايق هتنوضي هتجمعي حوايجك الى مريضة هنديك لشي كلينيك باش تبقاي تحت عيني والى كنتي كتموتي هنديك تموتي فداري حيث ماقادش على شي شوهة كثر من شوهة لحطيتيني فيها
سكتات زهرة وهو يدخل طبيب
طبيب:مدام زهرة كيف بقيتي شوية
زهرة:شوية الحمد لله
لقمان:(شافيه)بغيت نديها لشي كلينيك اخر واش ممكن
طبيب:ااا تفضل معايا عفاك برا
خرج طبيب ومشا معاه لقمان
طبيب:صراحة ماعندي مانخبي عليك،سيدة زهرة حاليا فمرحلة متأخرة من المرض وواخا تحاول تعالجها لعلاج مهايفيدها فوالو
لقمان:اهمم والحل
طبيب:الحل هو تديها لدار تعيش اخر ايامها معاك
لقمان:واش ممكن تقوليا عفاك شحال مزال تقدر تعيش
طبيب:ماشي بزاف ماكسيموم ست شهور
لقمان:(كيحك فلحيتو)صاافي واخا
مشا لقمان دخل لعند زهرة وطبيب عيط لزروال
زروال:امدرا
طبيب:كلشي هو هداك دويت مع ولد زهرة وقنعتو بلي مو مابقاش ليها بزاف فالحياة وكنضن هيديها معاه لدارو
زروال:هههه مزيان (قطع)

#عند_زروال
الياس:هااهو هيديهاا معاه حناا شنوو هنستافدو
زروال:هنستافدو بزاف،زهرة هتخدمنا هنردوها كيف لعبة فيدينا،من بعدما هتولف ولدها وهتولف لعيشة معاه هنولي نهددها بلي هنفضحها قدام لقمان بلي مامريضاش ههه وهي طبعا هتخاف وهتولي تبيع لي ولدها بلهلا يطريه ليها
الياس:ههههه وراك دكي الواليد
زروال:وعلى شنوو كيصحاب ليك (شافيه)اجي نتاا حتى لامتى هتبقى هاكا
الياس:ماافهمتش
زروال:وااش ماعييتيش من بنات ليل امتى هتزوج وتولد لي لحفايد
الياس:قرريب
زروال:هيي رامي لعين
الياس:ااه
زروال:ايواا اش كتسنى بالي
الياس:كنتسنى راجل هاديك لرامي عليها لعين يموت
زروال:(خرج عينيه)مزوجة؟؟؟شكوون هادي واش كنعرفها
الياس:كتعرفها ومكاتعرفهاش
زروال:شكوون
الياس:مرات لقمان ارسلان
زروال:(دار ضحكة جنب)مشييتي بعيد اولد زروال ،شنوو زعما باغي تصفيها لقمان وتاخود ليه مراتو كنصر
الياس:هههه لا ماشي هكاك،انا واحد نهار تلاقيت بمراتو بصدفة ماكنتش ديك ساعة عارفها مراتو لمهم ملي مشات بقاو تفاصيل وجهها راسخين فبالي من بعد نسيتها ولكن ملي رجعت شفت صورتها فجورنال هههه فحال هداك اعجاب رجع حيا وخاصة ملي عرفتها مرات لقمان لهفتي باش نحصل عليها ضوبلات
زروال:(بتاسم)هتكوون من نصيبك غير صبر
الياس:ماتخافش راني صابر 😉😉
عند فدوى
بلسان فدوى
كنت جالسة كنتفرج فتلفزة كنتشفى فلخبار لعلى لقمان وكناكل فلبيتزا لطلب من برا شوية تسمع صونيط فلباب؛تفوو هذا مايكون غير وجه لفتة مالو ماعندوش ساروت
فدوى:بلاااتي هاني جااية