🦋جعلوني زوجة له 🦋 (مكتملة )

part99

خرج لقمان لبرا وشعل كارو وتكا على على طونبيل كيفكر عاد طلع ليها ويلاه غادي يديماري  صونا ليه تيليفون كانت نمرة غريبة.... حقق فيها مزيان عاد جاوب َهو كيدير امارش
الياس:سيد لقمان ارسلاان
لقمان شاد تيليفون بيد اخرى كيقلب بيها فولو دطونبيل باش يخرج
لقمان:اهلااااااا وغبورات هادي
الياس:هههههههههههه توحشتيني
لقمان:هي غير توحشتك وصاافي  راه هنموت ونشوفك
الياااس:حتى انا لدرجة انني ماقديتش نصبر وصيفطت ليكم واحد كادو صغير لمرتك راه شوية ويوصلها ولا قول كااع راه وصل دابا

سمع لقمااااان كلام الياس عرف القضية حامضة وقف طونوبيل وبدا كيصوني لفدوى بحال شي حمق كيلقى تيليفونها طاافي وكذلك كاع العائلة تيليفوناتهم طافيين حتى من الامن ديال القصر ماشدش ليه الخط، بغا يحمااق
طرن طرن طرن📳📳
لقمان (بزربة) :الووووو
اليااااس:شششش بشوية
لقماان(كيترعد) كنقسم ليك بالله وتكون وقعات لفدوى شي حاجة هنخليك تمنى
الياس:(قاطعو) ماتخافش فدوى لا مشات هتمشي حتى انتا معاها مستحيل نخليك من وراها من غير لا صيفطتك وخليتها لياااا
لقمان(رجع ديمارا طونوبيل وكسيرا) غير صبر عليا انا هنوريك
الياس:هههههههههههه فدوى مهاتقدش توصل ليها انا لقطعت ريزو على لقصر  باش متفسدش ليها المفاجئة لهتكون دابا وصلات(قطع) طيط طيط طيط
لقمان :مكانش خاصني نخلي ديلمك عايش هنجلسك على القرعة بلاتي نلقاااك

نمشيو لعند فدوى لكانت جالسة كتصبغ فضفرانها
فدوى:من بعد لوقع لباارح صافي هيولي لاصق في كيف المسكة ييخ تفوو
دق دق دق ✊✊
فدوى:(كتشوف فضفارها)دخااال
خدامة:مدام جاك واحد كادو
فدوى:كادو؟؟ من عند من
خدامة:من موسيو لقمان واكدو علينا بلي نتي بيدك تنزلي حتى تاخديييه
فدوى:(ضحكات)قلتي لقمان
خدامة:اااه امداام
سدات فدوى صباغة بشوية وهي محاولة على يديها باش ماتجلخش ليها وقفات
فدوى:زيدي وريني هاد كادو نشوف ولاهيلا مسيفطو لقمان مامولفاش ليه 😍
هبطات تابعة الخدامة وهي كتنفخ على ضفارها باش ينشفو حتى وصلو حدا باب ووقفات قدااام واحد كارطوونة كبيرة مغلفة بلبابيي كادووو..... تبسماااات وحنات هزاتها بشوية وطلعات بيها وهي كتضحك وتفرنس بوحدها حتى وصلات البيت سدات لباب برجليها وحطاتها فوق النموسية

  فنفس الوقت كان لقمان  جاي فطريق كيصوك بواحد طريقة جنونية ماوقف لحتى سطووب وكيضوبل فطونوبيلات وحدة مورا وحدة فطريييق باش يوصل بزربة
     
وقفات فدوى كتشوف فضفارها لنشفو وتحنات كتحل فلبابي بشوية حتى حيداتو وهي تحل كارطونة لقات وحدة اخرى صغر منها بشوية  حلاتها تاهي ولقات وحدة صغر منها وهي تغوبش
فدوى:واش كيحماق عليا ولا شنو اش هاد لفعايل ديال دراري صغاااار
كملات لحلان ديال كرطونة رابعة وهي تلقا علبة من لبلاستيك مدورة وكبيرة مشدودة..... تبسماااات وبدات كتحاول تحل فيها
فدوى:عندي احساس شي حاجة مبرهشة هادي😆
بدات كتعاااافر معاااااها حتى تحلات بجهد وطااااحت هناااا كاانت صدمة حطااات يدها على فمهاااا وغوتات باعلى صوتها شي لخلاه يتسمع فلقصر وتصادفات مع لقمان لكان طالع فذروج سمعها غوتات وهو يوقف مصدوووم ماعرف واش يطلع ولا اش يدير الغوات دفدوى شوكاه وخلاتو تاالف فبلاصتو
رجع لقمان لوعيو بعد ثوااني،جا فبالو اي حاجة تقدر وقعات لفدوى ملي سمع الغوتة...... طلع كيجري كل خطوة عندو ب4 درجات حتى وصل الباب دفعو بااانت لييه فدوى جالسة على الارض وحاطة يديها على فمهااااااا كترعد وكلها صفرة وفمها كيرجف..... اول حاجة جاااات على عينو هي فدوى لغير شافتو هزااات صبعها كتشير ليه..... تبع صبعها كيشوف حتى بانليه راااس عيشة ااه عيشة لعاوناتهم يهربوو ومعاااها سنسلة ومكانة ديال لقماااان....... بزربة مشا رجع راااس لبلاصتو هز كارطونة حطها فجنب لبالكو وغطاه ببابي كادو  ومشا لبالكو كيغوت
لقماان:(كيغوت) هيييييييه افييييينكم طلعوو عندي بزربة
يلاه ايدور عند فدوى وهو يضرب ديك كرطونة طاح راس وهاد لمرة تكركرب جا قبالت فدوى وكانو عينين عيشة محلولين..... فدوى شافت داك المنظر للمرة الثانية بدات كترجع بلووور وتغووت وضرب فجنابها......... رجع لقمان هز راس بزربة ردو لبلاصتو وغطاه وهبط عندها بغا يهزها وهي الحالة الهستيرية لفيها مامستوعباش اش كدير غير كتضرب وتفركل...... ماخلاتوش يهزها
بضرب ضربات ليه عينو بجهد حمراتها ليه وهو يصعر وجمع ليها يديها بيد وهزها عندو وهي كتشهق وتغوت حتى سخفااات